Kritika Letërsi

Prozë e Poezi

Grua nė errėsirė - Tregim nga Suzana Kuqi


Zbrazėtia e gjysmės sė shtratit i kujtoi se i shoqi nuk ishte kthyer nė shtėpi mbrėmjen e shkuar.Tashmė ishte mėsuar, ishte grua artisti, tė njohur madje. Tė gjithė e adhuronin. Dikur e kish adhuruar edhe ajo dhe e kish dashur. Shumė. Kushedi me kė ka qenė mbrėmė, mendoi tek po lante dhėmbėt. Hamendėsimet shkumėzuan sė bashku me pastėn e dhėmbėve e pastaj sė bashku me tė u shpėlanė e rrėshkitėn bashkė me ujin. Nuk ka rėndėsi, do tė kthehet prapė. Do tė mundohet ta harrojė edhe atė ashtu siē ka bėrė me tė tjerat.

- o -

Shtyu derėn e hyri nė dhomėn e hotelit. E kishin lajmėruar se i shoqi e kish lėnė qė nė mėngjes e kish paguar edhe llogarinė. Shikoi me kėrshėri pėrreth. Dhoma ishte pastruar e rregulluar, asnjė shenjė qė tė mund tė dėshmonte pėr sa kish ndodhur ato ditė tė mungesės sė tij nė shtėpi. Shkoi tek dritarja dhe e hapi. Koha ishte e bukur dhe e kthjellėt, me atė kthjelltėsi pafajėsie pas njė nate me shi. Poshtė dritares pa bishta cigareje tė lagur, tė shėmtuara, si njė ēast pasioni tė gabuar tė konsumuar e tė djegur shpejt. Tė shkoi keq edhe kėtė rradhė, njė tjetėr grua pėr t'u harruar... sepse... nuk e ke lidhur me fillin e mbiemrit tėnd qė ta tėrheqėsh nga cepi i harresės...

- o -

E gjeti tė shoqin nė studio tek po punonte mbi njė telė. Qėndroi tek dera dhe admiroi lėvizjen e shkathėt tė penelit. Abstraksion, nuk e dinte se ē'kish ndėrmend tė shprehte ai me tė, por asaj ju duk si njė varr i pėrmbysur. E pėrshėndeti duke i buzeqeshur. Mendimi se ai ishte sėrish aty, dhe... ēuditėrisht ndjesia se fundja nuk i bėhej mė vonė se ku kishte qenė, e bėri tė vinte buzėn nė gaz pėrsėri. Ai kishte qenė me shėrbim dhe aq. Kurrė nuk do ta pranonte se e kish tradhėtuar dhe kurrė nuk do tė pranonte qė ajo t'a tradhėtonte. Mendjemadh, mendoi ajo dhe i buzėqeshi pėr herė tė tretė. Jo, ajo nuk mund ta bėnte, jo sepse nuk donte por... sepse nuk ja vlente... Ai e kish mbajtur me kujdes nėn hijen e tij duke ja zbehur tė gjitha vlerat, e vetmja gjė qė i kish mbetur ishte ajo e ndershmėrisė. Ajo ishte gruaja e atij artisti tė madh, dhe... ishte e ndershme. Ja pėrse e vlerėsonin, sepse ishte e ndershme, asnjė meritė tjetėr. Endrrat e saj pėr artin kishin perėnduar me talentin e saj tė shtypur nga madhėshtia e talentit tė tij. Shkoi herėt pėr tė fjetur e mori tė lexonte njė libėr. Ai erdhi, si gjithnjė u zhvesh e u shtri bri saj. Nė fillim larg, pastaj filloi tė afrohej. Ndjeu duart e tij tek e preknin, tė shkathėta si me penelin. Ajo ishte tela e tij, ai po pikturonte ...mbi tė... varrin e kujtimit tė gruas sė fundit qė kish pasur ndėr duar... gruaja e tij pėr tė harruar gratė e botės...trupi, tempulli i shpirtit tė saj ku ai lutej pėr pak harrim tė zhgėnjimit tė makutėrisė sė tij. A mė ka dashur vallė ndonjėherė, mendoi tek ndjente kėmishėn t'i rrėshqiste pėrgjatė trupit, apo kam qenė vetėm stacioni i ndėrrimit nga njėra grua tek tjetra, stacioni i harrimit... ndjeu duart ta preknin e ta hapnin, kėrkonin thellė sa mė thellė... Sa i thellė duhet tė jetė njė varr ..? Nuk kundėrshtoi, e fundja pėrse? Njė varr mė shumė a njė mė pak ... nė njė varrezė dashurie, ē'punė i prishte asaj... Ajo do ta bėnte tė harronte, edhe emrin, edhe aromėn, edhe flokėt e asaj tjetrės, e kish bėrė gjithnjė...Frymemarrjet u vėshtirėsuan, ofshama, kėnaqėsi qė rritej, rėnkime, pastaj mė tė forta derisa...ai thirri emrin e saj. Atė tjetrėn e kish harruar...

- o -

Burrin e zuri gjumi shpejt. Ajo ngriti me kujdes nė errėsirė telėn e saj. Mjaft mė dėshira pėr burra pa fytyrė. Me lėvizje tė lehta e delikate, njė fytyrė, sa i ngjante asaj tė burrit tė saj. Ishte veē pak ndryshe, ishte vetėm i saj. Njė burrė qė tė vinte aty kėtė moment, qė tė ishte i zoti tė shkatėrronte atė varrezė, pėr t'a shndėrruar nė njė tempull. Tempujt ndėrtohen pėr Zotat, mendoi, po bie nė mėkat. Por a nuk kishin bėrė mėkate tė gjithė ata qė kishin ngritur tempuj? Le ta fillojmė, deri sa mban mend historia. Ishin vetėm mashtrim, me kohėn ranė njė e nga njė me zotat e tyre.Tani kish arritur tek duart. Tė zakonshme por delikate nė prekje. Tė kthehem pėrsėri tek fytyra. Sytė, mė hyjnė nė shpirt, por buzėt... duhet tė jenė mė premtuese, prej andej del fryma, zėri, fjalėt , ato dhurojnė puthjen. Po ngjyrėn e syve? Tė blertė janė mė tė bukur, por janė tė pabesė. Ndoshta Zoti i ka nė ngjyrėn e qiellit, por nuk janė tė qėndrueshėm. Mė mirė nė ngjyrė tė tokės, ėshtė mė e qėndrueshme, mė e ngrohtė e mė besnike. Nuk kish dėgjuar ndonjėherė se toka i braktis njerėzit, pėrkundrazi. Kjo duhej tė ishte fytyra qė duhej t'i ngjante Zotit, ēuditėrisht shumė e ngjashme me atė tė tė shoqit. Sepse dikur e kam dashur, shumė. Zoti merr tiparet e njeriut qė duam. Ose tė asaj pjese mashkullore tė tij, pjesa femėrore jam unė e sė bashku do tė ndėrtojmė kėtė tempull. Portreti ishte mbaruar, fytyra e pikturuar i buzėqeshi. “Eja”,- i tha ajo,- “zbrit nga tela”. Me njė vėshtrim ēapkėn burri zbriti nga tela. Ajo i bėri vend mes saj dhe tė shoqit. Filloi ta prekte me gishtėrinj tė dridhur...

- o -

Ajo i buzėqeshi errėsirės qė la pas imazhi i bukur i tempullit tė saj. Dėgjoi gėrhimėn e lehtė tė tė shoqit dhe u mundua tė shquante tiparet e tij mbi nėnkresėn e bardhė. Atė natė ishte aty, e ndoshta edhe shumė netė tė tjera nė vazhdim, derisa instinkti i gjahut pas grave tė bukura t'i zgjohej sėrish. Dikur kish qenė zot i tempullit tė saj, dikur, tani ishte njė monument, njė pėrmendore sė cilės i falej pėrpara ēdo tradhėtie qė i bėnte. Tradhėtie? Ajo vuri buzėn nė gaz tek dritat e njė makine tė vetmuar nė shkretėtirėn e errėt tė rrugės depėrtuan nė dhomė e ndriēuan njė ēast fytyrėn e tij tė qetė e tė vetėknaqur. I shkreti ti, mendoi, nuk e ke menduar kurrė se unė jam grua, e kam aq forcė nė shpirt sa pėr tu hakmarrė...jo me burra hoteleve, nuk i shkon natyrės sime. Kam aq forcė e magji nė shpirt, sa tė tradhėtoj edhe me ajrin qė ti thith dhe e nxjerr prej mushkėrive...

Nga Suzana Kuqi




Komentet


12/02/2009, 23:13:27 Pėrparim Hysi shkruan:

Suzana!
Sa mė shumė qė lexoj (dhe i lexoj tė gjitha prurjet e tua, edhe nė poezi) aq mė shumė dashurohem me mėnyrėn tuaj tė tė treguarit. Natyrshėm, tė mbushet mėndja qė je njė zhbiruese e shpirtėrave pėr tė cilėt shkruan. Botėn shpirtėrore, sidomos tė gruas, e njeh aq mirė, sa tė turbullon. Urime! up up -

13/02/2009, 17:01:01 Kritika shkruan:

Suzana, ti ke force ne mendim. Pjesa e mesiperme nuk ka vetem kthjellesi ne pershkrim, gjuhe te pasur etj, por mbi te gjitha ka force ne mendim. Eshte nje kualitet qe u perket penave te medha. Uroj qe te konstatohesh nga kritika letrare dhe tregu. -

13/02/2009, 19:09:00 Vangjush Ziko shkruan:

Tregimi juaj eshte nje monolog sa lirik, po aq edhe dramatik. Dramacitetin e tij e mbush me drite forca e karakterit, thellesia e ndjenjes, pastertia e shpirtit te kesaj gruaje, kaq lirike dhe kaq "heroike" ne vetbesimin e vet, qe e ngrene mbi meskinitetin pervers dhe te cartur, e bejne nje "heroine" te virtutit dhe te moralit te paster dhe, mbi te gjitha, kontrolli i ndjenjes se ligjshme te hakmarrjes, ne raste te tilla, te bejne te besosh se dashuria e saj do te triumfoje ne jete.
Urime, zonja Suzane.
Sinqerisht, Vangjush Ziko -

14/02/2009, 11:19:29 Suzana shkruan:

Ju faleminderit e dashur Kritika, Z.Perparim dhe Z. Vangjush per komentet e bukura per shkrimin. Jam munduar ta shkruaj si "grua".
Me respekt Suzana -

14/02/2009, 13:35:38 Gent shkruan:

Subjekti qe trajtohet, mendoj se eshte jo i lehte per tu prononcuar.Gruaja e piktorit te shquar duhet te ish e vetedijeshme, qe piktori do te ishte gjithmone nen presionin e seksit te bukur, dhe te artit te roberimit te tyre, qe sic thote vete Suzane, qe vete eshte femer, e njohin vetem ato.
Ndjenje e vertete, mendoj qe do te ish ajo qe gruaja te vazhdonte ta donte pa e tradhetuar, pasi dhe ai deri sa kthehet e do dhe mund ta doje shume sipas menyres se vet.
Vepra e Tolstoi pershkrohet e tera nga konfrontimi i pasioneve te thella te individit me normat morale te shoqerise, ne anen e te cilave ish rrjeshtuar dhe autori, por qe fatkeqesisht vdiq ne moshe te thyer, ne nje stacion hekurudhe per tu arratisur nga pushteti i gruas vete.
Edhe sot e kesaj dite qendron pezull para moralit shoqeror dilema Tolstoliane : Duhet denuar veprimi i Ana Karenines, qe per hir te ndjenjes se madhe braktisi familjen?
Me ke jeni ju Suzana me Ana Karenin apo me opinionin shoqeror kunder saj.
Duke ju njohur nga shkrimet shpresoj ne nje pergjigje te sinqerte. -

14/02/2009, 16:20:16 Suzana shkruan:

Genti, kur kerkohen pergjigje te sinqerta, njerezit vihen ne pozite. Ke te drejte, subjekti nuk eshte i lehte, gruaja eshte ne kalim te nje krize depresive e cila e ka zhytur ne erresire.
Per Ana Kareninen? Pa patur nevoje te shoh normat e moralit. Nese do ta trajtoja si grua, si individ, jam me te, eshte e drejta e saj te ndjeke ndjenjen e madhe.
Nese do ta trajtoja si nene... jam kunder saj edhe sikur te mos binte ndesh me moralin e shoqerise. -

14/02/2009, 20:31:34 Kozeta shkruan:

Urime Suzi, nje subjekt qe hap diskutim.
Nje pyetje interesante kjo e Gentit!
Ana Karenina, eshte e veshur e tera me nje sinqeritet, qe fatkeqesisht shumica nuk e ka! Ajo u ngrit mbi hipokrizine e moralit te ngurte, nje moral qe duhet te jetosh pikerisht per hir te tij, nese nuk e ndjen ashtu.
Eshte e vertete qe hap plage dhe dhimbje te medha, por ne vetevete Ana pa se si shkermoqej dashuria fallco brenda shpirtit te saj. Po Ana nuk eshte qenie humane, nuk i veterrjedh plaga brenda gjoksit te saj nga fallciteti qe duhej te shtirej ne syte e botes?
Megjithate ka aq shume kritike ne bote per Ana Kareninen, sa Genti dhe Suzi, ne shqipot e kemi te pamundur te flasim aq sinqerisht se c'ka shpirti i cdonjerit!
Dhe ketu qendron hipokrizia, morali fallco, thashethemet, sepse nuk e respektojme sinqeritetin e ndjenjes se Anes!
Ndersa kur diskutojme per femijet, sigurisht prape une si shqipe, mbeshtes detyren e shenjte te nenes.
Ne fakt po e mbyll, se qenkam shume kontradiktore, duhet ta leme tjerin te lire, te lire, prane asaj qe e ka emrin dashuri, asaj ndjenje hyjnore, dhe jo urrejtje! Perndryshe nga keto kontradikta perfundon, ne rrota treni! -

15/02/2009, 06:16:52 Gent shkruan:

Forca e fjalise se fundit,e ketij tregimi mendoj se shkon dhe ze vend lart,ne artin dhe filozofine, per te depertuar,ne enigmat femerore.
Per kete Frojdi e quante femren nje <<kontinent i erret>>. -

15/02/2009, 09:47:05 Suzana shkruan:

Frojdi nuk ishte grua, nuk kish se si ta kuptonte.
Gruaja eshte nje kompleksitet i cili shtrihet nga engjellorja deri tek "shtriga",jo ne kuptimin e keq te fjales. Nje formule me teper mikluese se qortuese qe te ēon ne ate qe nje grua mund te jete nje "shtrige". Nuk e dime nese ēdo grua ka arritur te magjepse te pakten nje burre ne jeten e vet, por ama eshte e sigurte se ēdo burre eshte magjepsur te pakten nje here ne jeten e tij nga nje grua.
Ne deshiren e nje burri per te dominuar gruan jane ne loje te kater elementet.
gruaja toke - substance e qendrueshme, e punueshme, jo e pakapshme
Gruaja- uje , rreshqet e lire dhe eshte e pakapshme.
Gruaja - ajer ,shnderrohet ne zane ose fantazme.
Gruaja - zjarr , shembellese farfuritese e elementit te ferrit :shtrige.
Burri e don gruan ne shembelltyren e tokes.

Ne traditen e panderprere te maskilizmit , gruaja duhet te jete mishi, vazoja e kenaqesise se tij dhe dhuruese e femijeve. Lidhja e ngushte e mishit me token thkson idene e ushtrimit te zoterimit te burrerise mbi feminilitetin.
Po e le ketu komentin sepse po ti hysh ketyre diskutimeve, nuk mbarojne.
Sa per Ana Kareninen, e shoh se edhe Kozeta eshte kontradiktore. -

15/02/2009, 10:08:05 Kritika shkruan:

Mendoj se tregimi paraqet tjeter fizionomi.
Koncepti i tradhetise qe pasqyrohet aty eshte mese filozofik dhe i trajtuar nga nje kendveshtrim teper interesant.

Te dy palet e tradhetojne njeri tjetrin, edhe burri edhe gruaja. Karakteri mashkull i tregimit e ben ate biologjikisht, duke shkuar me femra te tjera. Ndersa karakteri femer e ben ate idealisht, duke supozuar meshkuj te tjere.

Ne kete pjese nderthuret edhe teoria e Froidit (sic thote Gent), per instikt vs. ndergjegje. Dhe pyetja eshte: a quhet tradheti kur partnerja (si karakteri femer i tregimit) ben seks ideal (vetem nepermjet mendimit) me nje mashkull tjeter?

Interesant eshte fakti se gjate marredhenies seksuale burri nuk e tradheton gruan menderisht, dhe permend emrin e saj gjate seksit. Ndersa gruaja megjithese nuk e tradheton ate biologjikisht, gjate seksit imagjionon nje burre tjeter, dhe kete ajo e konsideron hakmarrje. Ajo hakmerret nepermjet ndergjegjes. E megjithate ne shoqeri ajo quhet e ndershme, ndersa ai i pandershem. Pra shoqeria e gjykon njeriun vetem nga aspekti biologjik, jo ai i ndergjegjes.

Raporti mes anes biologjike dhe ndergjegjes eshte nje ceshtje shume e rrahur nga psikologet. Sipas Frojdit eshte ana biologjike (instikti seksual) qe triumfon mbi ndergjegjen tek njeriu, duke na e paraqitur njeriun si nje qenie me prirje biologjike.

Edhe ketu ne SHBA diskutohet tradhetia ideale gjate marredhenies. Pra nese kemi te bejme me tradheti kur partneri gjate seksit mendon nje tjeter! -

15/02/2009, 11:30:29 Vangjush Ziko shkruan:

I quaj te mireqena mendimet e Gentit dhe te Kritikes,si per planin moral dhe per ate filozofik.Une do ta shikoja problemin edhe ne planin teknik,letrar,se tregimi i Suzanes,perpara se te jete nje material filozofik ose moralist,eshte nje veper letrare(filozofia dhe morali misherohen artistikisht).
Ne karakterin e heroines te tregimit une gjej tre momente kyce psikologjike:ajo e dashuron(ose e dashuroi)burrin e saj piktor gjer ne ate shkalle sa i ka lejuar vetes te neperkembe talentin e saj("erresiren" ajo e ka toleruar vete};e dyta,ajo perpiqet te toleroje edhe ne aspektin moral te te shoqit;e treta,ne vetedijen e saj lind ndjenja e protestes qe i ysht asaj ndjenjen e hakmarrjes.
E pare me kete sy,nuk me duket aq me vend qe te heqim nje paralele mes heroines dhe Ana Karenines(e cila nue ka dashuruar dhe nuk e ka respektuar per asnje cast te shoqin e saj,Karenin,lidhja e vetme njerezore midis tyre mbetet femija).
Nga ana tjeter,ne qofte se Anas i duhet te perballet me moralin shoqeror(te cilin e sfidon me vdekjen e saj tragjike),heroina e tregimit te Suzanes i ka problemet me veten e vet(me moralin e saj),me dobesine e karakterit te vet(qe permenda me lart dhe me admirimin e talentit te te shoqit).Ne planin psikologjik,ajo nuk eshte as me shume dhe as me pak se sa nje grua e edukuar me mentalitetin e nje shtepijakeje,qe ka pranuar superioritetin e burrit ne familje.Ajo e ka falur deri tashi te shoqin,e ka pranuar ne shtratin martesor e mjaftuar me mendimin se sado qe te bredhe,prape do te kthehet si "djali plangprishes",do kerkoje ne heshtje te falur per mekatet e veta,do permende dhe emrin e saj ne momente intime,por mekatet do t'i perserite.
Keshtu qe,sipas logjikes sime krijuese,debati do te ishte me i dobishem per Suzanen(dhe per cdo krijues),po te sugjeronim mendimet tona konkrete ne planin e mjeshterise krijuese,te teknikes se tregimit apo noveles.
Mendimi im eshte se Suzana,do te ishte mire,qe ta thellonte me tej,t'i jepte me shume inisiative karakterit te heroines,ta bente edhe me bindese,me vetvepruese,me te skalitur si karakter njerezor.Duke vazhduar ne kete linje,une do te guxoja t'i sugjeroja Suzanes qe te synonte drejt noveles,apo tregimit te gjate,per te patur hapesire dhe mundesi krijimi.
Kam mendimin se tregimi mbaron ne nje moment kulminant,pikerisht,kur zgjohet vetedija e nje gruaje me karakterin e saj te deritanishem;do te deshiroja te rritej potenca e saj e kunderveprimit human,si grua dhe si artiste,qe e ka lene veten ne erresire.Me ket nuk kuptoj aspak "hakmarrjen bashkeshortore" virtuale apo fizike,biologjike..Kjo do te ishte nje hakmarrje shume meskine dhe poshteruese per karakterin e saj.
Rizgjimi i vetedijes se talentit te saj,lufta per afirmimin e tij;qendrimi konseguent ndaj marredhenieve bashkeshortore,do te ishin disa mundesi te supozuara dhe,ne te njejten kohe,nje sfide qe do te provonte se sa e qendrueshme ka per te qene kjo lidhje martesore.Kur them keto(i lutem Suzanes qe te m'i pranoje me rezerva),kam para sysh(me qe ne diskutim u permend Tolstoi)shprehjen e tij klasike:"Ana time u hodh vete ne rrotat e trenit".
Suzana le te meditoje vete si krijuese.Jam i bindur se ajo nuk i ka thene te tera qe ka ne mendjen dhe vetedijen e saj krijuese per kete subjekt.Ajo i ka ngritur,i ka formesuar karakteret dhe krijimit ka arritur t'i jape mjaft force emocionuese dhe caste artistike te verteta.
Suzan,kini ne dore nje bocet shume interesant.Kini mundesi te realizoni nje tablo te plote artistike dhe estetike.
Sinqerisht,Vangjush Ziko -

15/02/2009, 13:11:33 Vladimir shkruan:

Jam dakord me Kritika me lart. Po, konsiderohet tradheti edhe tradhetia menderisht, dhe me tej akoma edhe flirti. Ne kete konkluzion eshte arritur pas shume studimesh. Por nuk ka nevoje per studime. Llogjikisht, kur i ndodh njeriut qe te jete i/e hapur ndaj mendimeve te reja, pra ndaj nje emocioni te ri, dmth se emocioni i vjeter ka vdekur. Nga ky cast, vet femra ose mashkulli, e dine qe po tradhetojne (nuk eshte akti seksual tradheti sepse deri aty jane dashur shume mendime, dyshime, perjetime) dhe ne keto raste keta dy njerez nuk kane se perse e jetojne jeten bashke. Nese ka rrethana qe nuk ndahen dot, atehere shtrengoi kembet fort. Asnjehere nuk me ka pelqyer justifikimi "nje cast ishte ai", "nuk e mendova" ... jo, qe nga casti qe je mendjehapur ndaj seksit tjeter, ka mbaruar dashuria, nese ka qene ndonjehere. Tani do me thone, "ti i shikon bardh e zi". -

15/02/2009, 13:28:09 Vladimir shkruan:

Suzana, po e le anen artistike te tregimit se nuk ka nevoje te them gje. Eshte ne stilin tim, qe domethene me pelqen. Por dua te them dicka per personazhin tend grua. Vendimi i saj, hakmarrja e saj ... ka ne vetvete nje tragjedi, nje fatalitet. Dhe kam frike se kjo eshte me cdo femer. Ajo nuk ishte e ndershme dhe ajo e dinte kete, pra edhe varesja e fundit e dinjitetit te saj nuk ishte reale. Ngarkuar me kete energji negative, hipokrizi ne buzeqeshjen e saj, mungesen e lumturise dhe seksin me njeriun qe nuk do ... kjo eshte tragjedi. Ne emer te cfare? Te te qenit gruaja e dikujt? Po jeta eshte e saj. Jeta nuk falet. Ajo e fal por jo ne emer te nje ndjenje lartesuese sic eshte dashuria. Asnjehere nuk e kam kuptuar se si mund te besh seks me nje njeri qe nuk e do. Na vure ne pune, Suzana. -

15/02/2009, 13:57:20 Gent shkruan:

Se pari nje maredhenie, fillon me terheqien, qe shkakton pamja e jashtme, vecanerisht fytyra(frenologjija) dhe qe shkenca se fundi thote, qe shikimi, ne te njejten kohe shoqerohet dhe me nje zhvillim procesi kimik ku komunikohet ndjenja. Dhe kur dy persona ndjejne afrimitet te tille te pa shprehur me fjale, ne kete rast thuhet se kemi te bejme me kimi individuale.
Liria njerzore ne vendet e zhvilluara, ka bere qe keto ndjenja te jene te pa penguara dhe me inisiative afrimi te barabarte. Dhe fillimisht, ndodh normalisht qe te duash si i semure partnerin. Ne vazhdim koha shkon dhe don apo nuk don cifti, maredhenia fiton disa shprehi rutine dhe qe atakohet, per me tej nga prezenca e personave te tjere atraktive qe ndodhen ne nje shoqeri te emancipuar shume afer ciftit. Keshtu mund te vazhdosh ta duash partnerin dhe te duash te rish me te, kur ne te njejten kohe ti mund te zoterohesh keq nga nje apo disa komponent qe nuk e ke gjetur tek partneri tend, por i gjen tek dikush tjeter. Dhe ne nje shoqeri te emancipuar kjo mund te jete e dyaneshme.Nuk eshte fjala per ****rim, perkundrazi.Meqese jeta e artisteve eshte me e ekspozuar, atje shihet me qarte ky fenomen. Nje shoqeri e tille e hapur e ben qenien njerzore,qe ne pergjithesi mbart kontradita qe jane brenda natyres se saj, qe te mos fshihet por te dale ashtu sic eshte.
Nje problem mendoj eshte raporti midis ndjenjes dhe seksit.Keshtu dashuria, per njerez normale egziston midis, dy gjinive te ndryshme. Del qe ana seksuale ne nje maredhenie ka rolin e vet.Por ne cfare niveli dhe si jane te nderthurura.Duhet te jete i madh ndikimi seksual, besoj, pasi po mos te ish i tille do te kishim dashuri te marra dhe midis pleqesh -

15/02/2009, 14:29:30 Vladimir shkruan:

Keshtu tradhetia duket fatale. Bukuria dhe dashuria jane cilesi te brendshme qe reflektojne tek njeriu se jashtmi. Lidhjet, dashurite, familjet me solide jane ato kur dy njerez njihen ne pune e siper, diku ku rrine gjate per arsye te ndryshme, pa terheqje seksuale apo bukuri te dukshme dhe dalengadale, duke njohur mendimet, karakterin, personalitetin, shijet etj te njeri tjetrit, ata fillojne te shikojne se secili prej tyre ka tipare te bukura dhe bien ne dashuri. Lidhjet e sotme nuk kane te bejne me dashurine, jane seksuale. Jane shume materiale. Ka shume klishe sot mbi jeten dhe qejfin. -

15/02/2009, 18:35:03 Kritika shkruan:

Ai e kish mbajtur me kujdes nėn hijen e tij duke ja zbehur tė gjitha vlerat, e vetmja gjė qė i kish mbetur ishte ajo e ndershmėrisė. - e pershkruan veten e saj karakteri femeror i tregimit.
E vetmja vlere... Pyetja eshte: A eshte me te vertete ndershemria nje vlere ne rrethanat ne te cilat ajo jeton (me nje burre te pabese)... apo eshte nje mekat? Dhe a eshte ajo akoma e ndershme pas kryerjes se seksit "virtual"?

A eshte e rende per mashkullin tradhetia virtuale qe i ben gruaja? Cila tradheti eshte me e rende, biologjikja apo virtualja? Me fjale te tjera, a do e konsideronte burri tradheti, nese gruaja e tij gjate maredhenies me te imagjinon nje mashkull tjeter, imagjinate e cila i sjell asaj orgazmen (me falni per kete pershkrim banal), orgazem e cila nuk do te prodhohej nga akti i burrit te saj, pa imagjinuar nje mashkull tjeter? [Keto pyetja ishin subjekt i nje emisioni radiofonik, qe e kam degjuar para ca kohesh. Ne emsion flitej per nje rast konkret, dhe ceshtja kishte shkuar ne gjykate per divorc, megjithse gruaja kurre nuk kishte kryer seks fizik me ndonje burre tjeter]. exclaim question -

16/02/2009, 06:30:37 tom sojer shkruan:

Qe burri tradheton, kjo eshte e pamoralshme. Qe gruaja e di dhe zgjedh te qendroj e te "hakmerret" cilido stili i saj, qofte edhe virtualisht, kjo eshte po aq e pamoralshme. Amoraliteti i kesaj gruaje qendron e shtohet edhe nga fakti se argumenti per te qendruar eshte se "eshte gruaja e nje njeriu te famshem", pra kariera e saj eshte ky burr. Nese do te ishte nje grua njeri pa njeri e me nja gjashte kalamaj, zgjedhjen e saj do ta kuptoja dhe do te kishte imoralitet te barabarte. Duhet urgjent te krijohen shoqata per mbrojtjen e meshkujve (por jo te kallepit te tregimit). Me nje doze te hidhur humori. -

16/02/2009, 09:41:49 Suzana shkruan:

Gkritika Grua ne erresire
Pershendes te gjithe komentuesit e ketij tregimi, shpresoj se kush ka dashur te komentoje tashme e ka bere. Pashe se nuk ishte me vend ti pergjigjesha ēdo komenti ne veēanti, do te sillte diskutime pa fund, pasi tema eshte e tille. Se pari dua ti falenderoj, komentet jane te nje niveli te admirueshem dhe aspak banale, siē edhe mund edhe te ishin.
E di, kam guxuar shume ne kete tregim. Ka pak nga te gjitha ato qe keni shkruar, ndaj dhe diskutimet nuk ishin jashte vendit.
Dy fjale per tregimin. Ishte nje lloj impulsi pergjigjes i leximit te rastesishem te nje tregimi tjeter.
Personazhi im, imagjinar sigurisht, eshte nje grua e martuar, pamvaresisht me ke, piktorin e zgjodha pa dashje, mund ta kisha vene shkrimtar, dentist apo kushedi se ēfare. Fundja, letra eshte e bardhe, personazhet e fatet e tyre i percakton ai qe shkruan. Eshte ne nje krize depresioni shkaktuar nga tradhetia e te shoqit. E kush nuk do te ishte. Nje vajze para se te martohet ka dhuntite dhe endrrat e saja, te cila kalojne ne plan te dyte e me kohe harrohen ose mbeten ne hije, sepse primarja eshte dashuria per te shoqin dhe familja. Perderisa gjerat ecin mire, nuk ka asnje pendese. Per hir te dashurise sakrifikon, eshte nje person ne funksion te lidhjes se saj, familjes. Pastaj nje dite te bukur... tradhetia e te shoqit.
Nuk eshte se ndjehet vetem e tradhetuar e aq dhe e vuan. Kaq eshte vetem kur e degjon se u ka ndodhur te tjereve, e jo ty. Pas goditjes se pare mpirese,vjen ajo diēkaja qe eshte me e ngadalte por me e pameshireshme, humbja e besimit tek vetja, tek vlerat e tua si person dhe si grua, humbja e besimit tek dashuria, i duket se nuk do te jete me e afte per te dashur. Zhytet ne erresire. Erresira... ēdokush e mendon te tmerrshme, por... e erret eshte dhe mitra e gruas, ne erresire lindin e krijohen qeniet e farave qe hedhim. Gruaja eshte duke kaluar nje semundje, nuk eshte vdekjeprurese, askush nuk ka vdekur nga tradhetia. Ka kulmin e saj e pastaj nis sherimi. Shenjat e para te sherimit ne kesi rastesh jane endrrat sikur ben dashuri me burra te panjohur, nuk ua njeh fytyren. Por gruaja ne fjale bashke me sherimin ndergjegjesohet per forcen e shpirtit te saj, ajo eshte komplekse duke filluar nga e shenjta e deri tek “shtriga”. Mund te hidhte aty faren e urrejtjes per te shoqin, e te gjitha veprimet e mepasme te saj nuk do te ishin tjeter veēse si e si t'ja nxinte jeten atij, madje duke e tradhetuar dhe fizikisht. Por kjo nuk do ta shpetonte, do te ndihmonte ne shkaterrimin perfundimtar te saj duke e bere vertet nje shtrige ne plot kuptimin e fjales. Si ēdo grua, ajo ka nevoje te jete e dashuruar dhe te dashuroje. Atehere, ne erresire ajo kerkon te hedhe serish ate fare. Tek i shoqi nuk mund te mbeshtetet, ai nuk di te dashuroje, e ka kthyer ne nje prone te veten duke i vene mbiemrin e tij, ai e kerkon dashurine tek grate e tjera, e kthehet tek ajo siē mund te kthehesh ne shtepi pas nje kerkimi e udhetimi me... duar bosh. Atehere gruaja guxon dhe i jep nje fytyre atij te panjohuri, ashtu siē e mendon ajo, ngren nje tempull dashurie dhe arrin te krijoje nga hiēi ate per te cilen ka nevoje... Ne kete moment kupton se sa e forte eshte, te krijoje nga hiēi e te gjeje ate qe i shoqi nuk e gjeti as ne dashurine e saj e as tek ajo e grave te tjera, sepse... nuk eshte i afte te dashuroje.
Sigurisht, gruaja ne erresire nuk eshte engjell, ben dhe ajo mekatin e saj. Per kete nuk me vjen keq aspak, ai eshte aq mendjemadh sa nuk e kupton se sa gje e mrekullueshme eshte te kesh miresine e nje gruaje qe te don me gjithe zemer.
Fjalia e fundit edhe pse tingellon hakmarrese, tregon force. Gruaja tashme eshte e vetedijshme per forcen qe ka ne shpirt, eshte shume me e forte se i shoqi. Ajo ka kuptuar se nga e dominuar mund te kthehet ne dominuese. Mund te perpiqet ta rifitoje te shoqin, mund ta lere e te filloje nje jete te re, por kurre me e dobet dhe e nenshtruar.
Ne kete impuls, te hedhur shpejt, e nuk i kam bere asnje korrigjim, sepse ajo qe u shkrua me habiti dhe mua... keto gjera kurre nuk jam ndalur ti mendoj veē e veē, ishte sikur pavetedije u hodhen gjera qe i kam degjuar nga shoqe e kolege te miat, si psh endrrat me te panjohur qe i pata lexuar ne nje liber te nje psikanalisti, dhe ajo subkoshience e erret dhe e mrekullueshme e gruas.
Nje sqarim per Kritiken. Tradhetia virtuale ekziston,e kam degjuar. Por personazhi im nuk perdor te shoqin, ajo e tradheton pasi ate e ka zene gjumi.
Nuk e di sa kam sqaruar, me duket se e ngaterrova me keq, di vetem se im shoq me tha vetem dy fjale pasi e lexoi tregimin : Nuk me pelqen.
Sigurisht, i jap te drejte, e kujt burri do ti pelqente nje tregim i tille i shkruar nga e shoqja...
Me respekt Suzana. -

16/02/2009, 14:58:29 Gent shkruan:

Suzi,ne shkrimet e tua ka ndjenje dhe sinqeritet, por duke ndjere dhe nje forme opozicioni tek fjalia e fundit karshi burrit tuaj, them se kjo eshte vazhdim i nje lloj racizmi karshi burrave, qe ndihet ne pergjithesi nga seksi i dobet(?)apo i forte, qe shkruajne tek Kritika.Me duket ca banal, dhe pa shume intelekt qendrimi teper i hidhur dhe hakmarres, qe marrin grate tek krimet e tyre tek Kritika, kur trajtojne flirtin e burrave. Nje grua me bote dhe intelekte, do te ndalesh se pari, per te pyetur vehten: Cilat jane mangesite e mija, ne kete ndodhi? Dhe ka te ngjare qe shkaku mund te kete qene vete ajo.
Ne shqiptaret mosecurine e nje jete bashkeshortore e permbledhim vetem tek flirti, kur ka nje gjera te tjera me keq se flirti,qe rrethanat dhe mund ta falin kete te fundit. Tjetra eshte ajo, qe ne nje bote te emancipuar femrat flirtojne jo me pak se burrat. Dhe flirti i gruas mund te jete shume me i hidhur dhe me pasoje se ai i burrit, pasi i le ne preher atij per tere jeten femijen e nje tjetri.
Jam habitur nga nje sondazh,qe ruante anonimatin, i bere ne ShBA, qe nxorri nje perqindje tronditse te familjeve me femije laramane.
Tregimi tend Suzane ish vetem nje spunto, diskutimi ish shume me teper se kaq. Prandaj nuk ke arsye pse mund te ndihesh jo mire. -

16/02/2009, 16:05:33 Suzana shkruan:

Ate fjaline e fundit e kisha per humor.Nuk kam asnje lloj paragjykimi apo mendimi te keq per burrat, jemi produkt i shoqerise dhe kohes, keto kushte kemi gjetur dhe nuk eshte se do te kene ndryshuar shume kur ti leme.Pastaj kam patur fatin qe kam patur nje baba qe me ka konsideruar si shok dhe jo si shoqe, e nje burre qe me don e respekton e te cilin e kam patur me perpara shok, si ai rasti qe permend Vladimiri.Por duhet te pranojme se gruaja ka qene e diskriminuar dhe e shtypur qe ne kohe qe nuk mbahen mend.Po te mos ishte kjo, ndoshta nuk do te ishte kaq e nderlikuar.
Vertet, tregimi im eshte vetem nje spunto, jeta jep shembuj te tille qe ja kalojne edhe fantazise, sepse keshtu eshte dhe natyra njerezore.Eshte veshtire te gjesh njerez qe mendojne njesoj, mund te bashkohen ne nje ose disa pika por ndryshojne ne te tjerat, ndryshe thote nje autor, bota do te ishte shume e vogel.Pastaj tek flirti dhe tradhetia, opinioni denon gruan, burrin jo. Ketu lind dhe kontradikta, ajo qe quhet krim per njerin,... tjetri ndoshta mund te krenohet... Sa per tregimin, kisha nje lloj parandjenje se kish dale diēka pikante, por diskutimet ishin akoma me shume. Me e bukura dhe qe nuk e prisja ishte se nuk ndesha ne asnje lloj mendimi diskriminues per grate... dhe kjo me pelqeu.
Me respekt Suzana -

16/02/2009, 16:23:27 Vladimir shkruan:

Me fal Suzana, thua qe jemi produkt i shoqerise dhe kohes ..., personalisht nuk jam dakord me kete klishe. Kjo klishe tenton te krijoje nje alibi ndaj cdo gjeje te gabuar dhe amorale dhe imorale njerezore, sikur shoqeria te ishte nje organizem alien dhe jo i perbere pikerisht nga ne.

Mbroj pikpamjen se nese ka fajtor, ky fajtor eshte FAMILJA qe fillon qe nga mitra ku foshnja akoma pa lindur edukohet me sherre, mungese respekti, mungese dashurie, brutalitet dhe injorance midis njerezish ne familje sidomos midis burrit dhe gruas, dhe deri kur ky femi del ne jete i pavarur. A nuk ndodh ne familje qe burri i thote gruas k..., apo gruaja burrit debil, teveqel, kafshe etj, ne sy te femijeve? -

16/02/2009, 16:38:33 Suzana shkruan:

Kur thashe produkt e kisha fjalen per psikozen dhe menyren e te menduarit te nje gruaje e te nje burri, dhe aspak per gjerat amorale dhe imorale, jeta per fat te mire nk eshte e mbushur m keto, ka shume e shume gjera te bukura.Kur flet per familjen keni te drejte, aty merren dhe bazat e para te edukates dhe mendimit.Le ta leme rastin ekstrem e brutal te familjes qe merrni si shembull. Grindje ne familje mund e sigurisht qe ka, por nuk jane te asaj natyrte qe te percaktojne edukimin e ushqimin e tij me sherre. Flas per nje familje normale. E ne nje familje normale, po e marr si shembull, e me vjen inat qe duhet te marr timen, por ne fund te fundit per ate mund te flas me siguri, me dy femije, nje vajze e nje djale. Jam po une qe jam kunder diskriminimit te gruas... e ndihmen ne punet e shtepise e kerkoj nga vajza, e jo vetem kaq, por zemerohem kur ajo nuk i ben ndonje sherbim te vellait... pra une dashje pa dashje bej ate qe gjyshja ime do te bente me vajzen e saj, apo nena ime me mua, dhe vajza ime... ketu me duket se ndryshon diēka, ne kete pike ajo rebelohet dhe me thote se e kam gabim... -

16/02/2009, 16:57:31 Vladimir shkruan:

Suzana, nuk duhet te nisesh nga familja jote qe duket e perkryer. Rati qe jap une ne familje nuk eshte ekstrem se ka edhe dhune ..., por po marre te pergjithshmen ...:

Gruaja:

1. Nuk gatuan me qe te mbledh familjen rrotull tavolines, pra edhe femijet sepse do te dali, do te bej llogje me komshinjte, do te shikoje soap operat ... apo jo?
2. Genjen burrin ne syte e femijeve dhe perpiqet t'i beje ata aleate kunder babait, apo jo?
3. Ben pas kozmetikes, shopping etj ne prani te cupes duke e edukuar gabimisht qe bukuria na qenkerka kryesorja ne jeten e saj, apo jo?
4. Justifikon femijet dhe behet ortake me ta lidhur me problemet e tyre, apo jo?
5. Perdorin babain si gogol ...
6. Eshte liberale ...i fut vajzes idera te cmendura si "mos dashuro", "lidhu, por mos dashuro se ...."
7. Nuk lexon, e shmang vajzen nga punet e shtepise: "gjynah!"

etj

Burrat:

Pėr barazpeshim, dua tė pėrgjithėsoj burrin tipik shqiptar tė martuar. Ngrihet nė mėngjes, vjen rrotull, sepse kėrkon gjėra qė nuk i di ku i ka. Pasi bėn ca sherr me gruan se nuk do qė tė ndrrojė kėmishėn, ikėn nė punė. Kthehet nga puna. Hyn nė shtėpi me kėpucė se pėrton t’i heqė. Do tė hajė drekė ku duhet tė ketė mish, ha llokmėn mė tė madhe tė mishit, tenton tė marri edhe pjesėn e gruas, ha si i babėzitur duke pirė birrė, verė ose raki, pyet gruan se ēfarė ka bėrė gjithė ditėn, filozofon, kruan dhėmbėt, gogėsin, ulet nė kolltuk pėr tė lexuar gazetėn, e ēon televizorin nė ndonjė sport ose i bėn zbor kanaleve pa e mbajtur diku, pi duhan duke i rezistuar pretendimeve tė gruas dhe fėmijėve se duhani u shkakton dhembje koke, shkon t’i fusė njė gjumė, pasi i ka dhėnė gruas porosi pėr darkėn, ngrihet nga gjumi, vishet dhe del, takon shokėt, i fut njė bilardo, bingo ose kafe e raki deri vonė, nėse nuk i del ndonjė kukurec gjėkundi, kthehet dhe kėrkon bėrxollė pėr darkė, gjellėn e drekės nuk e ha duke pretenduar se punon e lodhet gjithė ditėn, tymos shtėpinė, bėn ca sherre, nuk interesohet pėr shkollimin e fėmijėve, nuk pyet se pėr ēfarė kanė nevojė, nuk mbanė mend data, nuk rregullon telin e rrobave, shkon tė flejė dhe i thėrret gruas nga dhoma e gjumit. Gruaja shikon tavanin dhe vendos tė bėjė njėrėn qė “pėr hir tė sė ardhmes sė fėmijėve” tė provojnė emigrimin nė Amerikė ose Kanada duke menduar se do tė shpėtojė nga “mashkulli shqiptar”, duke harruar se mashkullin shqiptar do ta marri me vete dhe duke harruar se ai ėshtė mashkull shqiptar, sepse ėshtė ajo njė femėr shqiptare. -

16/02/2009, 21:35:09 Kritika shkruan:

Para rreth 2 vjetesh, ne kulmin e fushates anti-Kadare, beri nje shkrim edhe Eduard Zaloshnja, ku i thoshte Kadarese, se ne filan liber (nuk me kujtohet titulli tani), nuk keni shkruar te verteten per filan ngjarje. biggrin

Letersia nuk supozohet te tregoje te verteten, apo te shpjegoje ndonje ngjarje reale. Ajo nuk eshte liber historie. Madje ngjarja mund te jete teresisht trill e fantazi e autorit.

Dua te them, se duke kerkuar te zbulojme histori te ngjashme ne jeten reale, ne akordance me tregimin e Suzanes, po kalojme ne komente disi aluduese (si i Gent psh), qe e "shtrengojne" autoren te justifikohet e te thote indirekt, se historia e tregimit nuk ka lidhje me familjen e saj. -

17/02/2009, 04:20:10 Suzana shkruan:

Ato qe thua Vladimir, qendrojne e nuk qendrojne. Ta fillojme nga grate.Nje grua qe din te organizoje kohen e saj, gatuan, del, ben llogje, lexon e kujdeset per femijet.Nje grua qe ka pak mend ne koke, nuk e genjen te shoqin para femijeve, dhe mund te perdore genjeshtra te vogla te pademshme vetem per te shmangur sherre te panevojeshme. Eshte detyre e saj te kujdeset per bukurine, fundja Zoti e ka krijuar femren te bukur dhe e tille duhet te jete deri ne fund. Nuk ka asgje te keqe qe kete t'ja trasmetoje se bijes,e nga ana tjeter ta keshilloje te mos perdore kozmetiken ne ate moshe kur nuk eshte e nevojeshme, nje vajze e re eshte gjithnje e bukur edhe kur perdor vetem uje e sapun. Nuk e keshillon te mos dashurohet, e keshillon te bej kujdes ne ate qe zgjedh qe ti kurseje vujatjet qe mund ti shkaktoje personi i gabuar.Nuk e shnderron babain e femijeve ne gogol, nese ai nuk shnderrohet vete ne nje te tille. Nuk e shmang vajzen nga punet e shtepise, vajza pretendon qe edhe djali duhet te jape nje dore ne shtepi.

Persa u perket burrave shqiptare. MUnd edhe te jene keshtu, por nuk eshte faji i tyre, ne keto kushte jane rritur , ku ēdo gje pritet nga duart e nenes e te motrave e pastaj te gruas. Burrat e djemte i kemi mesuar vete keshtu. Dhe kjo mendoj se eshte e vetmja e mete qe mund te kete burri shqiptar. Pastaj nuk eshte vetem nje e mete e mashkullit shqiptar, ketej gjen mjaft keshtu edhe pse jane rritur me nje edukate tjeter familjare, kjo ndoshta i ka rrenjet ne egoizmin dhe deshiren per te dominuar mbi femren.Sido qe te jete, ndjenja e sakrifices tek gruaja eshte shume me e madhe se tek burrat, veēanerisht persa i perket familjes.
Por persa i perket mashkullit shqiptar, them dhe jam e bindur se eshte shume me i mire se te huajt. Megjithe te metat qe i permend ti, mashkulli shqiptar ka nje shpirt te madh, dhe ne menyren e vet e don, e vlereson dhe i eshte shume me besnik gruas se tij.
Persa i perket verejtjes se Kritikes, ndoshta mund te duket si justifikim. Por kushdo qe merr mundimin te hedhe dy rreshta ne leter, nuk mund te mendoje keshtu. Padashur jemi futur ne nje diskutim pa krye sepse vete jeta eshte e larmishme e te jep spunto, por asnje rast nuk mund te jete identik me tjetrin sepse personat jane te ndryshem. Te shkruarit... te vjen nganjehere si nevoje e brendeshme, te shprazesh ne menyre te kendeshme e zbavitese. Te jep mundesine te hysh ne bote te tjera, paralele, imagjinare, bote te brendeshme shpirterore, ti analizosh ato ne kendveshtrimin tend e te krijosh situata e zgjidhje ashtu si te pelqen. Eshte ta jetosh jeten qe per fat te keq eshte e shkurter edhe ne nje plan tjeter e ti japesh gjeresi asaj. Eshte te shprehesh mendimin tend pa paragjykime, pa ju trembur rregullave te shoqerise, duke i shkelur ato, e pse jo edhe ligjet e fizikes. Ajo eshte bota jote, Zoti te ka dhene dhuntine te fantazosh, e atehere perse jo.
Te shkruarit eshte nje menyre per te renditur mendimet e tua, t'i organizosh ato e te gjesh vendin tend mes tyre.Nuk ka rendesi se ēfare merr si baze, familjen, individ apo fenomene te ndryshme, ne ato rreshta ti ke hedhur mendimin dhe shpirtin.Copeza shpirti, qe i mbjellim ngado, edhe ne nje buzeqeshje, edhe ne nje fjale te mire, edhe duke kryer nje veprim te mire... edhe duke shkruar. Kjo puna e shpirtit... dhe natyra njerezore...
E di, kam qene ca e ēoroditur ne te gjitha keto diskutime, ndoshta nuk ishte periudha e pershtateshme per ta hedhur kete tregim e aq me teper per tu pergjigjur komenteve. Ne pese dite, kam lare e kam veshur tri te vdekur, te moshuar ne azilin ku punoj. Njeriu nuk mesohet kurre me vdekjen, ato fytyra qe mbulohen me ate mister ne ngjyre midis te verdhes e te bardhes,tek para disa oresh je perpjekur tu japesh per te ngrene e per te pire... Dhe ai rebelim qe te ngrihet nga shpirti... mbaron keshtu... por valle a mbaron ketu? Sepse per mua nuk jane thjesht kufoma, ishin persona te gjalle, nje i moshuar nuk eshte vetem nje thes qelizash te plakura, ka nje histori jete ne supet e tij me te mirat, te keqiat, gabimet iluzionet, deluzionet, dashurite, eshte nje bote me vete qe vdes aty.
E trishtueshme vertet, por ka nje te mire, kur del nga ajo dhome, jeta merr kuptim tjeter.
U bera perseri lemsh, me falni. -

17/02/2009, 05:38:28 Tom Sojer shkruan:

Suzana nuk e bere lemsh fare. Nese nje krijimtari nuk zgjon mendime e debate dhe refleksione, ai shkrim nuk ka vlere. Dhe shkrimi juaj e beri punen e vet dhe ju siguroj qe keshtu do te nxiste shume debate edhe ne publikun e gjere, hapur apo ne mendjen e gjithesecilit. Kjo eshte merite. Nuk ka fare rendesi se sa une ka aty, por se sa realitet edhe ne fantazi. Fundja njeriu kur shkruan dhe llogjikos niset nga e njohura tek e panjohura. Edhe ju e thoni indirekt, familja eshte vendi ku mesohen te mirat dhe jo te mirat dhe fatkeqesisht, Suzana, eshte shume me keq nga cfare e perfytyroni ju qe mund te keni ngritur nje familje te ngrohte, qete e solide. Merita apo pamerita e kesaj bote qendron ne duart e gruas. Kjo eshte e vertete, sepse de-fakto ato komandojne. Por duhet te kene dashuri te vertete brenda, pa kete dashuri te vertete, qe po behet mall i rralle, nuk ka shoqeri te paster e te bukur sepse nuk ka familje te tille. -

17/02/2009, 05:40:42 Tom Sojer shkruan:

Suzana, lidhur me pershkrimin e mashkullit, shume gra me kane thene: "Burrin tim ke pershkruar?" Kete pershkrim e mora nga libri im "Polonia, Une dhe Bjondet" - Besoj se tani do ta lexoni. Po, me mire, mos ... lol. -

17/02/2009, 12:23:00 Gent shkruan:

Kritika mundohu ti kuptosh ato qe une shkruaj. Por ate qe nuk arrin ta kuptosh ne ndonje rast ti,besoj se lehtesisht e ben Suzana. -

17/02/2009, 15:46:53 Kritika shkruan:

Gent, eshte problem interpretimi, jo kuptimi.
Citoj nga komenti juaj: "Suzi, ne shkrimet e tua ka ndjenje dhe sinqeritet, por duke ndjere dhe nje forme opozicioni tek fjalia e fundit karshi burrit tuaj, them se kjo eshte vazhdim i nje lloj racizmi karshi burrave..."

Ju pothuajse e thoni hapur, se tregimi i Suzanes eshte vazhdim i racizmit te saj kunder te shoqit.
Pas ketij komenti Suzana eshte "shtrenguar" te tregoj cdo gje rreth familjes se saj. Mendoj se nuk eshte normale te perdorim gjuhe interpretative e abuzuese, deri ne ate mase sa te lendojme.

Nuk e kuptoj perse ju beri kaq pershtypje historia e tregimit te mesiperm, deri sa hidhni edhe hije dyshimi mbi origjinen e ndodhise. Ngjarje si e mesipermja jane mese te zakonshme ketu ne Amerike. Suzana duhet pergezuar qe ka kurajon civile te sjelle nje pjese te tille, te ndertuar madje nen nje kendveshtrim disi ekstravagant. cool -

17/02/2009, 16:29:12 Vladimir shkruan:

Eshte e sakte qe interpretime te tilla duhet t'i shmangim. Psh dikush me tha, "ju duket qe keni vuajtur nga femrat", ose "femrat qe keni njohur ju", ose "ku i dini ju keto?" Nuk eshte e drejte.

Nuk besoj se Genti e ka pasur me te keq. Thjesht ka dashur te lidhi realitetin me nje krijimtari, kjo e ben tregimin e Suzanes vertet jetesore dhe treguar ne nje forme te tipit "Kathrine Mensfield." Keni tek Mysafiri i Drakules tregimin e saj "Psikologjia." -

18/02/2009, 14:22:53 Gent shkruan:

Kritika, vazhdoni te cfaqni nje handikap, per te mos kuptuar mendimet shprehur teper qarta dhe per me tej te spekulloni dhe aludoni ne menyre te ulet.Duket qe mund te vuani reminishenca te se kaluares.
Fjaline time qe keni cituar, e keni pergjysmuar duke ja gjymtuar permbajtjen.
Dhe ja si eshte ajo e plote:
<Suzi, ne shkrimet e tua ka ndjenje dhe sinqeritet, por duke ndjere dhe nje forme opozicioni tek fjalia e fundit(qe eshte ne komentin e Suzanes kritikaaa dhe jo ne tekst shen.Gent), them se kjo eshte nje lloj racizmi karshi BURRAVE(eshte shumes kritika nuk eshte njejes shen, Gent), QE NDIHET NE PERGJITHESI NGA SEKSI I DOBET(?) APO I FORTE QE SHKRUAJNE TEK KRITIKA>.
Shkrimi me shkronja te medha eshte vazhdimi qe ka hequr, Kritika,vazhdim, qe e ben pergjithesimin dhe me te plote.Keshtu une nisem nga nje fjali e Suzanes dhe gjej lenden e saj tek koleget e tjera.
Dhe per me teper Kritika, Suzana, ne komentin qe ben mbas komentit tim shprehet: <Ate fjaline e fundit e kisha per humor>.
Prandaj Kritika i qendroj asaj qe ju kam thene dhe me pare, me pare se te prononcohesh, konsultohu me intelektin dhe sinqeritetin e Suzanes.
Dhe jam i sigurte qe mbas kesaj nuk do te gabosh. -

18/02/2009, 14:59:03 Kritika shkruan:

Nejse, une s'kam ndermend te insistoj ne kete debat. Sic kam thene dhe ne komentin tim te fundit, per mua eshte problem interpretimi, jo kuptimi. Une ashtu e interpretoj.

Gjithashtu, Gent, perpiqu te heqesh dore nga gjuha emocionale thjesht konkludive, qe etiketon individet pa argument, tipike e natyres ballkanike. Komunikimi modern nenkupton vetem pasqyrim pikpamjesh personale, pa opozicion te drejteperdrejte. Shprehje te tilla te tipit: Ti je keshtu; Une jam ashtu; - jane te kaluara tani. -

18/02/2009, 18:10:52 Suzana shkruan:

Me falni, por une tashme duke lexuar komentet, kam harruar se ē'kam shkruar ne tregim.E kuptoj shqetesimin e Kritikes,dhe e falenderoj per kete siē e falenderoj per inkurajimin e vazhdueshem dhe per publikimin e shkrimeve te mia. Por nga ana tjeter e siguroj qe nuk jam lenduar e as ofenduar. Zgjodha vete vijen e sinqeritetit e desha ta luaj keshtu kete loje si midis miqsh. Nuk do ta kisha te veshtire ta luaja me ndryshe, fundja fantazia nuk eshte se me mungon, por nuk desha ti mungoja ne respekt askujt. Debati ishte i kendshem me te gjithe ate material te mbledhur aty, mund te bej nje vellim me tregime,e ta titulloj, "tregime bazuar ne nje debat simpatik". Kjo per te bere pak humor.
Genti,termi "rracizem", nuk shkon aspak, sepse nuk kemi te bejme me rraca te ndryshme, mund te perdorje diskriminim, por edhe ate nuk mund ta perdoresh, sepse e kemi "pervetesuar" ne, pjesa femerore e popullsise.Ose diēka tjeter.
Vladimir, sapo te gjej kohe do ti lexoj te gjitha librat e tua, fantashkenca me ka pelqyer qe ne moshe qe kam filluar te lexoj. Nuk eshte se i pershkron keq burrat, ato huqe kane e ti i njeh me mire se je vete i tille. Por... nuk eshte se me vjen keq qe i kane, fundja duhet te bejme ndonje sherr here pas here ne shtepi, te vockel, sepse ndryshe jeta behet monotone. Une per vete ne shkrimet e ciklit te lumturise familjare e bej cope cope tim shoq dhe ai qesh.Nuk u jap shume rendesi atyre, kam vete nje tufe me te meta, fjala perfeksion trembet nga une.E fundja kujt po i rritet per perfeksion, per mendimin tim, do te ishte burim merzie.
Une shkruaj tregime pergjithesisht per grate, asaj pjese i takoj, nganjehere i titulloj me emrat e tyre,Daniela, Kristi, Liana etj.Por nuk ndryshojne vetem emrat, ne secilin mundohem te pershkruaj nje tip a karakter te ndryshem, jam shume kurioze per natyren njerezore ne pergjithesi e te gruas ne veēanti,
Ju uroj gjithe te mirat, mirupafshim ne ndonje tregim tjeter pikant nese me del i tille... -

18/02/2009, 21:59:50 Kritika shkruan:

Suzana, mos e lidh debatin me veten tende (nuk po "zihet" njeri per ju ketu biggrin ). Ne ketu po diskutojme rreth krijimit tuaj, dhe rreth parimit se deri ne c'mase duhet te interferoj nje komentues ne privacine e autorit.

Gjithashtu, fakti qe nje autor shkruan kendshem ne letersi, nuk do te thote se ai/ajo di ta komentoj letersine. Kjo pune ngjan pak a shume me ate futbollistin qe loz bukur ne fushe, por s'di te analizoje ndeshjen. Analizen gjithmone e bejne komentatoret e specialitet perkates.
Ne fakt, ne te gjitha fushat e krijimtarise analizen dhe kritiken e bejne te tjere, jo krijuesit vete (shkrimtaret, aktoret, muzikantet, piktoret etj). Madje shume krijues, per te mos demtuar imazhin ne sy te publikut (per te mos bere gafa), flasin nepermjet zedhenesve. Kjo sepse "jeta reale" eshte ndryshe nga arti, letersia, futbolli etc. Psh, e ke vene re se c'gafa ben Kadareja ne publik, sa deklarata te debatueshme thote etj, aq sa ka vene ne risk te gjithe reputacionin e tij (te shkelqyer) shume vjecar letrare. -

19/02/2009, 11:27:54 Gent shkruan:

Kritika, edhe nje here i kishje anashkaluar me paburreri Faktit dhe Argumentit, qe une sillja duke mos i permendur ato.
E dija dhe ashtu doli qe do te ish kohe e humbur te te beje ty te kuptoje se sa e keqe eshte sajesa dhe cinizmi.
Dua te falenderoj gjithmone per humorin qe me shkakton, kur tregohesh ne fakt nje ballkanas mburacak me nje mentalitet teper te vjeteruar, por qe flet anglisht.Dhe me qene se di te flasesh anglisht e mere vehten per amerikan.Dua te ndihmoj por nuk mundem. -

19/02/2009, 12:22:07 Vladimir shkruan:

Shikoni, duhet te jemi ne teme e te diskutojme per meritat letrare te tregimit. Nje tregim mund te jete nga fjala e pare e deri tek e fundit perjetim personal, por askush nuk ka te drejte te filloje spekullimet lidhur me te. Diskutojme vlerat artistike dhe filozofike dhe jo jeten personale pra nuk spekullojme. Ashtu si edhe nje tregim mund te jete teresisht nje fantazi e paster. Te mos merremi me njeri tjetrin si ne forume apo chat. -

19/02/2009, 12:48:25 Vangjush Ziko shkruan:

Kete objeksion te z.Vladimir e quaj shume me vlere.Te diskutohet,ne radhe te pare,per vlerat artistike dhe filozofike te krijimtarise letrare.Kete pret cdo autor.
Kam para sysh edhe nje diskutim,qe u be para disa javesh per poezite e poetit Baki Ymeri.Debati e teproi me diskutimin e ceshtjes arumune,kurse per vlerat e mirefillta artistike dhe estetike mjaft te spikatura te poetit,nuk u fol fare.
Kritika e vertete letrare ne shtypin e botuar mungon.Le te perpiqemi te bejme dicka ne kete Site ku mund t'i shprehim lirisht mendimet te patunduar nga "miqesia" apo "gostia" qe mund te shtroje autori ne promovimin e nje libri. -


This item is closed, it's not possible to add new comments to it or to vote on it