Skip to content

Lajmet e ditës

Çeki: Fillon dëgjimi për hakerin rus i kërkuar në SHBA

Radio Evropaelire-Lajme - 4 orë 35 min më parë
Shtetasi rus, Yevgeny Nikulin, i cili ballafaqohet me akuza në Shtetet e Bashkuara se ka kryer sulme kibernetike kundër kompanive amerikane, do të dëgjohet sot lidhur me ekstradim. Ekstradim të këtij personi, i cili në muajin tetor ishte arrestuar nga autoritetet çeke sipas fletarrestit të Interpolit me kërkesë të Shteteve të Bashkuara, po ashtu kërkon edhe Rusia. Dëgjimi i sotëm mbahet në burgun Pankrac në Pragë, që është një masë e rrallë, e cila e thekson ndjeshmërinë e këtij rasti. Fillimisht dëgjimi ishte paraparë për 11 maj, por ishte shtyrë me kërkesë të avokatëve të Nikulinit. Autoritetet e Çekisë e kanë arrestuar këtë person më 5 tetor të vitit të kaluar, në bashkëpunim me agjencinë amerikane FBI, pas fletarrestit të Interpolit. Yevgeny Nikulin është i akuzuar se ka kryer sulme kibernetike dhe ka vjedhur informacione në LinkedIn, Dropbox dhe kompani të tjera. Avokati i tij pretendon se agjentët e FBI-së janë përpjekur që ai të pranonte se ka kryer sulme kibernetike kundër Partisë Demokratike amerikane, para zgjedhjeve presidenciale të vitit të kaluar. Rusia, po ashtu, e kërkon atë për akuza të ndara për vjedhje në Internet në vitin 2009. Zyrtarët rusë më herët kanë thënë se ata po punojnë për ta parandaluar ekstradimin e tij në Shtetet e Bashkuara.
Kategoritë: Lajmet e ditës

Lista përfundimtare e Partisë Demokratike, dorëzon në KQZ 194 kandidatë (Emra)

BalkanWeb - Lajme - 4 orë 51 min më parë
TIRANË- Partia Demokratike ka dorëzuar sot në KQZ listën përfundimtare me 194 kandidatë për deputetë për zgjedhjet e 25 qershorit. Në lista duket qartë numri i rritur i kandidatëve. Në Tiranë tek lista e mëparshme ishin dorëzuar vetëm 18 emra, ndërsa në listën përfundimtare janë 50. Në Fier janë 21 kandidatë, nga 10 që ishin […]
Kategoritë: Lajmet e ditës

"Pikaso i vogël" pikturon dhe ëndërron në kampin e refugjatëve

Radio Evropaelire-Lajme - 4 orë 51 min më parë
Ai është emëruar "Pikaso i vogël" nga mediet serbe. Dhjetë vjeçari Farhad nga Afganistani, e kalon kohën në kampin e refugjatëve në Serbi duke pikturuar portrete të bukura dhe duke ëndërruar për studimet në art.
Kategoritë: Lajmet e ditës

FOTO/ Pippa Middleton dhe bashkëshorti muaj mjalti në Polinezi

BalkanWeb - Lajme - 4 orë 58 min më parë
Momente intime dhe shëtitje romantike në plazh për Pippa Middleton dhe bashkëshorti i saj, James Mattheews në parajsën e Polinezisë Franceze. Revista italiane “Chi” ka publikuar disa foto ekskluzive të motrës së dukeshës, Katë në resorin përrrallor, ku një natë kushton 3 mijë paund. Pippa kishte veshur bikini të bardha, që i nxirrnin në pah […]
Kategoritë: Lajmet e ditës

PD dorëzon listat përfundimtare të kandidatëve për deputetë në KQZ

BalkanWeb - Lajme - 5 orë 11 min më parë
TIRANË- Pas shumë debatesh e tërheqjesh, Partia Demokratike ka dorëzuar sot në Komisionin Qendror të Zgjedhjeve listën përfundimtare të kandidatëve për deputetë. KQZ u mblodh të dielën për të diskutuar listën e PD-së por për shkak se ishin vetëm 95 kandidatë i dha afat PD-së 24 orë për ta plotësuar. E njëjta gjë ndodhi edhe […]
Kategoritë: Lajmet e ditës

Marrëveshja PD-PS, Nishani: Vlerësoj mbi të gjitha frymën e përgjegjësisë

BalkanWeb - Lajme - 5 orë 14 min më parë
TIRANE- Në një intervistë për Zërin e Amerikës, presidenti ende në detyrë, Bujar Nishani ka komentuar marrëveshjes e arritur mes Partisë Socialiste dhe Partisë Demokratike. Kreu i shtetit theksoi se vlerëson frymën e përgjegjësisë, ndërsa pohoi se ka asistuar për arritjen e dialogut. Nishani tha se marrëveshja e arritur mes dy udhëheqësve kryesore politikë në […]
Kategoritë: Lajmet e ditës

Prishtinë, koalicionet parazgjedhore mund të prishen pas 11 qershorit!

BalkanWeb - Lajme - 5 orë 24 min më parë
Koalicionet e krijuara para zgjedhjeve nuk garantojnë se Kosova nuk do të futet në bllokadë rreth formimit të Qeverisë së re pas zgjedhjeve, parashikojnë njohësit e zhvillimeve politike. Sipas tyre, është e pritshme që pas zgjedhjeve, koalicionet aktuale të ri-definohen. Koalicioni i Partisë Demokratike të Kosovës me Aleancën për Ardhmërinë e Kosovës dhe partinë Nisma, […]
Kategoritë: Lajmet e ditës

Greqi, 24-vjeçari shqiptar qëllohet për vdekje me thikë, gjendet në rrugë nga kalimtarët

BalkanWeb - Lajme - 5 orë 25 min më parë
GREQI– Një shqiptar është gjetur i vdekur në një lagje të Athinës në Greqi. Sipas mediave vendase viktima i gjetur nga kalimtarët gjatë ditës së hënë i përket një shqiptari 24-vjeçar, por identiteti i tij ende nuk bëhet i ditur. Viktima u gjet nga kalimtarët në lagjen ‘Kypseli’ në kryqëzimin e rrugëve “Ipolitu” me “Patision”, […]
Kategoritë: Lajmet e ditës

McCain: Rusia dhe Putini - kërcënim më i madh sesa IS-i

Zeri Amerikes - 5 orë 26 min më parë
Senatori amerikan, John McCain, bëri thirrje për zgjerim të sanksioneve kundër Moskës, për shkak të dyshimeve për ndërhyrje në zgjedhjet presidenciale të Shteteve të Bashkuara.
Kategoritë: Lajmet e ditës

Moskë: Numri i të vdekurve nga stuhia arriti në 11 vetë

Radio Evropaelire-Lajme - 5 orë 33 min më parë
Një stuhi e dhunshme e ka përfshirë dje Moskën, me ç’rast kanë humbur jetën 11 vetë dhe janë lënduar afro 70 të tjerë. “Vetë tragjedia është e paprecedente, pasi stuhia ka ndodhur gjatë ditës dhe shumë njerëz janë prekur”, tha kryetari i qytetit të Moskës, Sergei Sobyanin. Kjo ishte stuhia më vdekjeprurëse për një ditë në Moskë për afro dy dekada. Ministria e energjisë ka njoftuar se nga stuhia janë shkatërruar përçuesit elektrikë në Moskë, kështu që afro 7,300 vetë kanë mbetur pa rrymë elektrike. Sipas tij, nga erërat e fuqishme që arrinin shpejtësinë deri në 110 kilometra në orë, janë çrrënjosur 3,500 drunjë në territorin e qytetit. Po ashtu, është dëmtuar edhe sistemi transportues i qytetit, ndërsa shumë lidhje të trenave janë shtyrë ose anuluar.
Kategoritë: Lajmet e ditës

Presidenti Nishani: Marrëveshja i shërbeu zbutjes së polarizimit në vend

Radio Evropaelire-Lajme - 5 orë 37 min më parë
Në një intervistë për “Zërin e Amerikës” presidenti Bujar Nishani thotë se marrëveshja e arritur mes dy udhëheqësve kryesor politikë në Shqipëri, tregoi përgjegjshmëri nga ana e tyre përballë një vendimi aspak të lehtë. Sipas tij pavarësisht ndonjë kostoje personale, që mund të ketë marrë secili në krahun e tij politik, marrëveshja i ka shërbyer me mençuri një perspektive më të mirë si dhe garës së pritshme zgjedhore. Zëri i Amerikës: Zoti President, cili është komenti juaj lidhur me lëndimin e një numri të madh qytetarësh përfshirë edhe liderin e opozitës Lulzim Basha, gjatë tubimit që çeli fushatën elektorale në Bulevardin “Dëshmorët e Kombit”? Presidenti Bujar Nishani: Unë do të kërkoja mirëkuptimin tuaj që përpara se të nisja përgjigjen, të shfrytëzoja këtë mundësi që më keni dhënë me ftesën në studion tuaj nga Nju Jorku, për të shprehur nderimin e popullit shqiptar për ditën e kujtesës. Ajo është nga ditët e veçanta që nderohet këtu në SHBA nga populli amerikan. Sot, populli amerikan përkujton sakrificat e panumërta, historinë, bijtë dhe bijat e rënë në përpjekjet për të mbërritur në atë ku sot Amerika e Madhe është. Nderojnë heronjtë e tyre, dhe unë besoj se ky është një shembull që na inspiron edhe ne shqiptarët. Ndaj unë përfitoj nga rasti që të bashkoj nderimin tim, nderimin e popullit shqiptar dhe të gjithë shqiptarëve me nderimin që populli shqiptar u bën heronjve të tij dhe gjithë kësaj historie të madhe. Ne jemi krenarë që në faza të caktuara dhe në momente të caktuara dhe shumë të rëndësishme, Shqipëria dhe bijtë e Shqipërisë kanë bashkuar përpjekjet e tyre me përpjekjet e djemve dhe vajzave të popullit amerikan në interes të lirisë dhe të paqes, si ka ndodhur në Afganistan, në Irak e më tej. Ne shqiptarët kemi edhe ne heronjtë tanë, kemi martirët tanë, së bashku me bijtë e SHBA-ve dhe të popullit amerikan në arritjen dhe ruajtjen e paqes dhe të lirisë. Ndaj desha ta bëja këtë mesazh sot pikërisht në këtë ditë veçantë për Amerikën dhe për popullin amerikan. Në lidhje me pyetjen tuaj: është një situatë shqetësuese, është një ngjarje e rëndë. Unë kam patur kontakte qysh ditën e djeshme, menjëherë sapo jam informuar, me autoritetet dhe përfaqësues të institucioneve ligjzbatuese në Shqipëri, të inteligjencës, të prokurorisë, të policisë së shtetit. Vazhdoj të kem kontake me ta, stafi im në Tiranë vazhdon të ketë kontakte me këto institucione, ku kam dërguar së pari urimet e mia më të sinqerta dhe solidaritetin tim me gjithë ata qytetarë të lënduar, përfshirë liderin e opozitës, zotin Basha. Kërkova tejkalimin e kësaj situate pa pasoja. Mesa kam marrë informacion, nuk ka rreziqe iminente tek jeta dhe shëndeti i të prekurve dhe i të lënduarve. Mendoj se autoritetet e shërbimit mjekësor duhet të vijojnë ndjekjen dhe ofrimin e të gjithë ndihmës për të mos patur asnjë pasojë nga gjithë të prekurit dhe të lënduarit. Nga ana tjetër, vazhdoj të ndjek dhe të pres me shumë interes dhe angazhim hetimin dhe zbulimin e plotë të arsyeve, shkaqeve të kësaj ngjarjeje, në mënyrë që fushata elektorale që tashmë ka nisur në Shqipëri të karakterizohet nga elementët e sigurisë së plotë. Zëri i Amerikës: Zoti Nishani, Shqipëria sapo doli nga një krizë e cila rrezikonte që vendi të shkonte në zgjedhje pa pozitën. Ju e përshëndetët marrëveshjen e arritur mes dy udhëheqësve kryesorë, kryeministrit Edi Rama dhe kryetarit të opozitës Lulzim Basha, e cila për hir të së vërtetës erdhi pas një trysnie të fortë ndërkombëtare. Në vlerësimin tuaj, a ishte kjo një zgjidhje e momentit, apo shkon dhe përtej problemit të këtyre zgjedhjeve? Presidenti Bujar Nishani: Unë vlerësoj mbi të gjitha frymën e përgjegjshmërisë të shfaqur nga të dy protagonistët kryesorë, nga dy liderët e partive polittikë, të maxhorancës dhe të opozitës. Personalisht kam qenë i përfshirë për aq sa kam mundur të jem i përfshirë si president i republikës për të përcjellë sa më afër të ishte frymën e kompromisit midis dy liderëve politikë. Procesi i nisur i kontakteve të tyre, edhe asistenca, (nuk do të thoja presioni), ka patur një asistencë miqësore, edhe një ndikim miqësor nga partnerët dhe aleatët tanë SHBA dhe BE, për të nënvizuar se sa e rëndësishme është për Shqipërinë përfshirja në një proces normal, të drejtë, të barabartë zgjedhor në Shqipëri, ku të gjitha palët të përfshihen në të, por të përfshihen me kushte dhe kritere të barbarta. Unë besoj që edhe marrëveshja e arritur tregoi jo vetëm një përgjegjshmëri të dy liderëve të maxhorancës dhe të opozitës, zotit Rama dhe zotit Basha, por besoj që edhe vendimi që ata morën jam i bindur që nuk kanë qenë vendime të lehta, sepse në fund të fundit, të dy liderët lëshuan diçka nga qëndrimet e tyre për t'iu afruar kompromisit dhe në fund të fundit, ky është edhe sensi i kompromisit dhe i negociatës. Jam i bindur që nuk kanë qenë vendime të lehta për të dy, por liderët prandaj janë; për të marrë vendime të forta dhe të qarta, dhe jam i bindur që kjo frymë duhet të vijojë padyshim në sensin e ruajtjes dhe respektimit të interesave reciproke të secilit krah të politikës, të majtës dhe të djathtës, por kur vjen puna për çështje madhore që i shërbejnë interesave kombëtare dhe atyre të vendit, besoj se këto përgjegjësi duhen pasqyruar dhe reflektuar në sensin e kompromisit. Zëri i Amerikës: Megjithatë zoti Nishani, a është normale që me vendim të partive kryesore, shtyhet data e zgjedhjeve, që po me vendim të dy partive kryesore përjashtohet mundësia e koalicioneve, duke kapërcyer afate dhe parashikime ligjore? Presidenti Bujar Nishani: Marrëveshja dhe propozimi i tyre kanë qenë në fakt në kufijtë e respektimit të Kushtetutës dhe të ligjit, dhe e kam vlerësuar këtë. Data vërtet u ndryshua dhe u shty, por ishte një datë e përcaktuar brenda atyre afateve kushtetuese dhe ligjore. Presidenti i Republikës vuri në dispozicion diskrecionin e tij për të bërë ndryshimin e dekretit dhe referoi datën e dytë, sepse presidenti ka patur në dispozicion dy data për të zgjedhur për zgjedhjet e ardhshme; datën 18 dhe 25 qershor. Paraprakisht kisha menduar që të ishte 18 qershori si një datë e cila jepte mundësinë që partitë të futeshin edhe në një situatë që vjen për shkak të klimës, edhe për shkak të verës, që sjell angazhime të tjera të qytetarëve, por edhe data 25 qershor ishte një datë e parashikuar në Kushtetutë, në kodin zgjedhor, dhe nuk ka patur një shtyrje në shkelje as të Kushtetutës dhe as të ligjit. Kjo marrëveshje, krahas frymës së përgjegjshmërisë për kompromis, edhe për të krijuar një ambjent më të mirë dhe më të qetë nga ai që ishte para marrëveshjes, ekstremisht të polarizuar, i cili mund të shkonte edhe në përplasje civile, nëse nuk do të kishte një relaksim të gjendjes. Zëri i Amerikës: Pra ju mendoni se nuk do të ketë polarizim të politikës pas kësaj? Ka patur jo pak interpretime në mediat shqiptare që kjo marrëveshje ishte një përpjekje për të eliminuar partitë e vogla. Ju si mendoni? Presidenti Bujar Nishani: Interpretimet dhe analizat do të jenë gjithmonë të pranishme. Por unë besoj që fryma e kompromisit për të krijuar një çtensionim të atij polarizimi ekstrem edhe që vinte gjithmonë e në rritje në prag të fushatës elektorale, besoj që do të ishte i dëmshëm jo vetëm për shumicën dërrmuese të qytetarëve shqiptarë dhe të votuesve, por do të ishte një shqetësim edhe për perspektivën europiane të Shqipërisë. Aq më tepër për imazhin e Shqipërisë anëtare e NATO-s. Ndaj mendoj që përgjegjësia, pavarësisht ndonjë kostoje personale, që mund të ketë marrë secili në krahun e tij politik, besoj se zoti Rama dhe zoti Basha i kanë shërbyer me mençuri një perspektive më të mirë, jam i bindur edhe të garës. Pastaj do të jetë gara ajo që do të tregojë se cili nga forcat dhe krahët politikë, në respektim të plotë të marrëveshjes, angazhimeve dhe standarteve, do të fitojë shumicën dhe mbështetjen e qytetarëve të Shqipërisë. Zëri i Amerikës: Zoti President, përse nuk kanë ende një shef shtabi të përgjithshëm forcat e armatosura në Shqipëri? Kaq e vështirë është të gjendet gjuha e përbashkët me qeverinë? Presidenti Bujar Nishani: Jo, nuk kam një propozim ende konkret nga qeveria për një emër. Është e thjeshtë përgjigja. Zëri i Amerikës: Zoti President, pjesa më e madhe dërrmuese e mandatit tuaj ka përkuar me qeverisjen socialiste dhe ju si do përkufizonit të gjithën? Keni patur akuza nga qeverisja e majtë se jeni ndikuar shumë nga Partia Demokratike, se ju vini nga një background i djathtë. Cila është përgjigja ndaj këtyre akuzave? Presidenti Bujar Nishani: Në fakt ishte hera e parë që ndodhte në Shqipëri që një president i së djathtës ishte në pushtet dhe ushtronte detyrën e presidentit me një qeveri dhe një maxhorancë parlamentare të së majtës. Ka pasur akuza politike, por mund t’ju them që saga e akuzave ndaj së djathtës në Shqipëri, për fatin e keq është një sagë shumë e gjatë që ende nuk ka përfunduar. Dhe që duket që vazhdon të bëhet gjithmonë e më shumë e sofistikuar, edhe gjithmonë e instrumentalizuar. Por, gjithsesi unë mendoj që nuk ka patur, përtej akuzave, as edhe një fakt konkret që të mbështesë nga pikëpamja logjike, nga pikëpamja e fakteve dhe e provave që unë e kam ushtruar detyrën e presidentit të republikës në interes të opozitës, apo në interes të së djathtës në Shqipëri. Përkundrazi, unë jam përpjekur dhe besoj dhe shpresoj që t’ja kem arritur që të ruaj tre dimensione: dinjitetin, integritetin edhe thjeshtësinë. Thjeshtësinë e ushtrimit të detyrës, veçanërisht në raportin komunikativ me qytetarët shqiptarë. Do të isha i lumtur shumë nëse shumica e qytetarëve shqiptarë do të besonin vërtet që unë kam mundur t’i realizoj këto tre dimensione gjatë periudhës time në zyrën e presidentit të republikës. Zëri i Amerikës: Zoti President, unë do të doja edhe një pyetje të shkurtër, pasi koha televizive nuk na lejon shumë. Cilat janë planet tuaja pasi të përfundojë mandati juaj si president i republikës? Do t’i riktheheni politikës? Presidenti Bujar Nishani: Deri në 24 korrik, Menada, do të qëndroj në zyrën e presidentit të republikës në respekt të plotë të atij betimi që kam bërë. Pas 24 korrikut, unë do të kem kohë, shumë kohë, për të bërë analistin, për të bërë opinionistin, për të bërë aktivistin... Por, ajo që mund të them sot, ka të bëjë me faktin që situata politike në Shqipëri kërkon mendje të kthjellta, kërkon zemër dhe shpirt të fortë, përballim me dinjitet të sfidave të shumta, mund të them nga të dyja aspektet, qoftë si President i Republikës, qoftë edhe si qytetar. Si President i Republikës, më vjen keq të shoh se shpesh herë, deri deri dhe në situata qesharake, kalohet kur gati 90% e establishmentit politik, 90% e medias, janë tërësisht në akuza ndaj opozitës. Jo se opozita duhet të marrë mbështetjen e gjithkujt, por besoj që Shqipëria në këtë rast përbën rastin unikal në vendet demokratike, në vendet pluraliste, ku i gjithë ky angazhim i përmasave të mëdha adresohet për të sulmuar opozitën. Në një kohë unë mendoj që në përgjithësi energjitë për opozicion duhen drejtuar ndaj fenomeneve, ndaj problematikave që kanë qytetarët shqiptarë, shqetësimeve të tyre, jetës së tyre ekonomike. Ndaj ky angazhim shumë i sofistikuar, edhe ditët e fundit, ndaj opozitës, kryesisht ndaj liderit të opozitës, zotit Basha, duket që, dhe krijon perceptimin, gati gati bindjen, që gjithçka është e instrumentalizuar politikisht ndaj opozitës dhe ndaj liderit të opozitës. Por, gjithsesi ajo që unë do të thoja ka të bëjë me faktin që për ne është shumë e rëndësishme që të ruajmë standartet dhe të kemi gjithmonë kurajon dhe gjithsecili në postin dhe në pozicionin që ka, ta kuptojë dhe ta ushtrojë mundësinë e tij si shërbyes. Si shërbëtor, jo si përfitues. Zëri i Amerikës: Ju faleminderit. Presidenti Bujar Nishani: Faleminderit edhe juve dhe ju uroj suksese juve dhe të gjithë stafit tuaj. Përshëndetje. *Ky material fillimisht u publikua në VOA shqip. 
Kategoritë: Lajmet e ditës

Policia e Korçës gjen në pyll 13 thasë me kanabis, në kërkim trafikantët (Foto)

BalkanWeb - Lajme - 5 orë 42 min më parë
KORCE- Policia e Korçës ka sekuestruar 13 thasë me kanabis me peshë rreth 90 kilogram, ndërsa ka shpallur në kërkim poseduesit e lëndës narkotike. Droga është gjetur në vendin e quajtur “Pylli i fshatit Lekas”. Njoftimi i policisë: Më datë 29.05.2017, në bazë të informacioneve të siguruara në rrugë policore si edhe gjatë kontrollit që […]
Kategoritë: Lajmet e ditës

FOTO/ Pas fejesës, zbulohet kur do të martohet ҫifti i njohur i showbiz-it shqiptar

BalkanWeb - Lajme - 5 orë 42 min më parë
TIRANE – Zërat që modelja e njohur shqiptare Heidi Lushtaku dhe boksieri Robin Krasniqi do të martohen, tashmë janë vërtetuar. Mediat e Kosovës kanë publikuar lajmin pak javë më parë se ҫifti janë në përgatitje që të marrin një hap tjetër në marrëdhënien e tyre, por nga sa është mësuar së fundi, nuk bëhet fjalë […]
Kategoritë: Lajmet e ditës

Panama: Vdiq ish-diktatori Manuel Noriega

Radio Evropaelire-Lajme - 5 orë 45 min më parë
Ish-diktatori i Panamasë, Manuel Noriega, ka vdekur në moshën 83 vjeçare, pas një operacioni në tru këtë vit. Presidenti aktual i Panamasë, Juan Carlos Varela, mbrëmë vonë në rrjetin Twitter ka shkruar se “vdekja e Manuel Noiregas e përfundon një kaptinë në historinë” e këtij vendi. Noriega, pas presidencës, e ka vuajtur një dënim prej 17 vitesh për drogë në Shtetet e Bashkuara. Noriega, i cili ka sunduar në Panama prej vitit 1983 e deri në vitin 1989, kishte spiunuar për agjencinë amerikane CIA, derisa Shtetet e Bashkuara e invaduan dhe e përmbysën qeverinë e tij të korruptuar, duke e mbyllur një karrierë kriminale, me ç’rast ai kishte punuar me trafikantët e drogës, sikur që ishte shefi i drogës në Kolumbi, Pablo Eskobar. Noriega fillimisht ishte dënuar në Shtetet e Bashkuara në vitin 1992, por ishte duke e vuajtur dënimin për vrasje në Pamana kur ka vdekur.
Kategoritë: Lajmet e ditës

Anëtari i KQZ mesazh demokratëve: Jeni në kulmin e kurorëzimit të rikthimit në pushtet

BalkanWeb - Lajme - 6 orë 2 min më parë
TIRANË- Listat e Partisë Demokratike janë bërë shkak për një pakënaqësi të madh mes demokratëve e sidomos për ata që kanë një kontribut në vite në këtë parti. E në kulmin e debatit është përfshirë dhe anëtari i KQZ-së Hysen Osmanaj i cili ka një mesazh për demokratët. Ai iu thotë të merren me vetveten […]
Kategoritë: Lajmet e ditës

Grabitet në mes të ditës ekonomistja e një firme private në Tiranë, tre “skifterë” i dolën para makinës

BalkanWeb - Lajme - 6 orë 5 min më parë
TIRANE- Një grabitje me dhunë ka ndodhur dje në kryeqytet. Mësohet se 3 persona ende të paidentifikuar i kanë dalë para një mjeti tip ‘Volsvagen’ dhe më pas kanë grabitur pasagjeren, e cila ishte dhe ekonomiste e një firme private. Ngjarja në fjalë ndodhi rreth orës 12:30 në rrugën ‘Memo Meto’. Burime zyrtare nga policia […]
Kategoritë: Lajmet e ditës

Vdiq ish diktatori i Panamasë, Manuel Noriega

Zeri Amerikes - 6 orë 16 min më parë
Manuel Noriega akuzohej për korrupsion dhe vrasje të kundërshtarëve gjatë regjimit të tij nga viti 1983 deri në vitin 1989.
Kategoritë: Lajmet e ditës

Maqedoni: Parlamenti debaton për përbërjen dhe programin e kabinetit Zaev

Radio Evropaelire-Lajme - 6 orë 40 min më parë
Kuvendi i Maqedonisë sot e fillon debatin për miratimin e kabinetit të ri, që është hapi final kah një transfer i vlerësuar si tejet i rëndësishëm i pushtetit në këtë vend. Mandatari për formimin e Qeverisë së re të Maqedonisë, socialdemokrati Zoran Zaev, tashmë i ka dërguar emrat e 26 anëtarëve të kabinetit të tij në Kuvend. Kjo listë e emrave përbëhet nga anëtarët e partisë së tij dhe të dy partive shqiptare. Ky koalicion, do t’i ketë gjithsej 62 deputetë në Kuvendin prej 120 ulëseve. Prej janarit të vitit 2016, Maqedonia është udhëhequr nga një qeveri teknike. Kur Zaev të konfirmohet për kryeministër, kjo do ta shënoj përfundimin e periudhës së qeverisjes 11 vjeçare të partisë nacionalsite, WMRO-DPMNE, në Maqedoni. 
Kategoritë: Lajmet e ditës

Jo më tepër se një marrëdhënie pune

Deutsche Welle - shqip - 6 orë 44 min më parë
Kancelarja gjermane do të ketë tek presidenti Macron një partner të mirë në politikën ndaj Rusisë, mendon Barbara Wesel.
Kategoritë: Lajmet e ditës

Mali i Zi po "hyn në Perëndim" përmes NATO-s

Deutsche Welle - shqip - 6 orë 44 min më parë
Mali i Zi është gati t'i bashkohet NATO-s, pavarësisht lidhjeve të vazhdueshme me Rusinë.
Kategoritë: Lajmet e ditës
Kritiket-Blog Letersi Kritika-dejavu Kalendar