Skip to content

Lajmet e ditës

Media në Serbi: Shteti blen raportimin oborrtar

Deutsche Welle - shqip - 18 orë 1 min më parë
Publikohet një studim i detajuar mbi gjendjen e mediave në Serbi. Sipërmarrës të afërt me qeverinë kontrollojnë mediat, tenderat jepen tek mediat e afërta me qeverinë.
Kategoritë: Lajmet e ditës

Testi i maturës shtetërore, të hiqet ose të standardizohet

Radio Evropaelire-Lajme - 18 orë 3 min më parë
Testi i maturës në Kosovë, ka nevojë të standardizohet apo edhe të hiqet si formë e vlerësimit dhe matjes së njohurive, vlerësojnë ekspertë të fushës së arsimit. Këtij testi i nënshtrohen nxënësit që përfundojnë klasën e 12-të të arsimit të mesëm. Testit të maturës në Kosovë çdo vit i nënshtrohen rreth 30 mijë maturantë. Ky test vlerëson arritjet e njohurive, shkathtësive dhe aftësive të nxënësve të cilat i kanë fituar gjatë arsimimit parauniversitar në përputhje, me kurrikulën e Republikës së Kosovës. Po ashtu, si test përcakton edhe nivelin e kompetencave të arritura të nxënësve, dhe përfundimi me sukses i këtij testi mundëson më pas aplikimin për studime në universitet. Pragu i kalueshmërisë në provimin e maturës shtetërore sipas Ligjit për provimin e maturës shtetërore është 40 për qind. Megjithatë, ky test i maturës, sipas ekspertit të çështjeve të arsimit, Halim Hyseni, ka shumë arsye që të mos zbatohet fare derisa të gjendet një formë tjetër e organizimit të provimit shtetëror. “Mendoj se ka dëshmi të mjaftueshme që ky test të hiqet sepse nuk administrohet si duhet, nuk mund të menaxhohet. Rezultatet që fitohen nga ky test nuk janë të besueshme. Zbatimi i këtij testi nuk ka arritur të motivojë nxënësit për një punë më të avancuar. Testi po ashtu është i pa standardizuar, është i pa hulumtuar në aspektin e ekonomisë, vlefshmërisë dhe në shumë aspekte tjera”, thekson Hyseni për Radion Evropa e Lirë. Ndërkohë, edhe përfaqësues të prindërve thonë të mos jenë të kënaqur me mënyrën e zbatimit të testit të maturës. Udhëheqësi i Këshillit të Prindërve të Kosovës, Bajram Beqiri, për Radion Evropa e Lirë se si i tillë nuk do të duhet të merret si bazë për vlerësimin e nxënëseve. “Ne kemi vlerësuar se testi i maturës po krijon komplikime. Ne nuk jemi të hiqet tërësisht testi i maturës. Mund të jetë si test për tu verifikuar njohuritë e fituara gjatë katër viteve shkollorë, por testi i maturës të mos ketë implikime në regjistrim, të jetë vetëm si orientim, por jo të ndikojë drejtpërdrejt në regjistrimin në fakultet. Ka shumë nxënës të mirë të cilët mund të dështojnë në testin e maturës, derisa ata që janë më të dobët ta kalojnë testin”, thekson Beqiri. Në këtë vit, pjesa e parë e provimit të maturës në Kosovë është mbajtur, derisa pjesa e dytë, sipas njoftimit zyrtar të Komisionit Shtetëror të Maturës do të mbahet më 24 qershor. Ky Komision e kishte vlerësuar si të suksesshëm organizimin dhe administrimin e testit të maturës. Ata kishin konstatuar se këtë vit tentimet për kopjim dhe shpërndarje të testit në rrjetet sociale kanë qenë dukshëm më të vogla se vitet më parë. Halim Hyseni, thotë se derisa cilësia e arsimit në Kosovë vazhdon të jetë në nivel shumë të ulët, nuk mund të pretendohet që të ketë rezultate të suksesshme të provimit të maturës. “Problemi i maturës duhet të shikohet nga edukimi parashkollor kur atje fillon të ngritët cilësia, në arsimin fillor po ashtu, në arsimin e mesëm të ulët dhe të lartë, tek atëherë mund të presim që nxënësit tanë të tregojnë rezultate edhe në testin ndërkombëtar PISA edhe në testin e maturës”, thotë Hyseni. Cilësia e dobët e arsimit në Kosovë ishte bërë e ditur edhe nga Programi për vlerësimin ndërkombëtar i njohur me shkurtesën “PISA”. Ky mekanizëm në vitin e kaluar kishte radhitur Kosovën në vendin e 68-të në mesin e 72 shteteve, të cilat i janë nënshtruar këtij vlerësimi.
Kategoritë: Lajmet e ditës

Dhjetëra të vrarë nga një sulm në Afganistan

Radio Evropaelire-Lajme - 18 orë 32 min më parë
Një makinë bombë shpërtheu para një banke në jug të Afganistanit, duke vrarë së paku 29 veta. Zëdhënësi i guvernatorit të provincës Helmand, Omar Zwak, tha se mbi 50 veta të tjerë janë plagosur nga sulmi në kryeqytetin e provincës, Lashkar Gah. Viktimat përfshijnë civilë, staf të degës së Bankës së Re të Kabulit dhe pjesëtarë të forcave të sigurisë. Sulmi u pasua me të shtëna me armë zjarri në drejtim të bankës, tha Mohammad Karim Atal, anëtar i këshillit provincial të Helmandit. Përgjegjësinë për të nuk e mori ende asnjë grup, por dyshimet bien mbi militantët talibanë ose ata të Shtetit Islamik. Helmandi është strehë e talibanëve dhe grupi ekstremist kontrollon rreth 80% të provincës.
Kategoritë: Lajmet e ditës

Nëntë të akuzuarve u vërtetohen dënimet me burgim për "terrorizëm"

Radio Evropaelire-Lajme - 19 orë 5 min më parë
Gjykata e Apelit e Kosovës ua vërtetoi dënimet me burgim nëntë të akuzuarve për “organizim dhe pjesëmarrje në grupe terroriste”.  Apeli i refuzoi si të pabazuara ankesat e Prokurorisë Speciale dhe mbrojtësve të të akuzuarve kundër aktgjykimit të Gjykatës Themelore në Prishtinë, të datës 29.04.2016.  "Apeli konstatoi se gjykata e shkallës së parë ka vërtetuar drejt gjendjen faktike, nuk ka bërë shkelje të dispozitave të procedurës penale si dhe ka aplikuar drejt ligjin penal", thuhet në komunikatën për media të Gjykatës së Apelit. Sipas këtij aktgjykimi, të akuzuarit N.A. dhe H.E. janë dënuar me nga 4 vjet e 6 muaj burgim. Me nga 4 vjet janë dënuar të akuzuarit I.R dhe E.B.; i akuzuari A.B. me 3 vjet e 6 muaj, ndërsa të akuzuarit H.A., S.S., H.L. dhe M.B me nga 3 vjet burgim.   
Kategoritë: Lajmet e ditës

India do ta zëvendësojë Kinën si vendi më i populluar në botë

Radio Evropaelire-Lajme - 19 orë 47 min më parë
Popullsia e botës do të rritet nga 7.6 miliardë – sa është këtë vit - në 9.8 miliardë në vitin 2050, parashikojnë Kombet e Bashkuara. Në raportin që publikoi sot, OKB tha se vendet që nxisin rritjen e popullsisë janë: India, Nigeria, Kongo, Pakistani, Etiopia, Tanzania, Shtetet e Bashkuara, Uganda dhe Indonezia. India, e cila aktualisht ka 1.3 miliard banorë, pritet ta zëvendësojë Kinën me 1.4 miliard banorë, si vendi më i populluar në botë brenda shtatë vjetësh. “Përqendrimi i rritjes së popullsisë në vendet më të varfra do ta bëjë të vështirë për të rinjtë që të kenë ushqim të mjaftueshëm, kujdes shëndetësor, arsim dhe të tjera”, vlerësoi OKB-ja. Po sipas saj, popullatat në Evropë, Japoni dhe vende të tjera të zhvilluara do të vazhdojnë të plaken dhe të bien në numër.
Kategoritë: Lajmet e ditës

Brexit-i dhe siguria dominojnë samitin e BE-së

Radio Evropaelire-Lajme - 21 orë 56 min më parë
Udhëheqësit e Bashkimit Evropian mblidhen sot në një samit dyditësh në Bruksel. Agjenda e bisedimeve do të dominohet nga Brexit-i dhe siguria. Kryeministrja britanike, Theresa May, pritet të ofrojë një marrëveshje për qëndrimin e shtetasve të BE-së në Britani dhe për të drejtat e tyre të punësimit. Siguria do të jetë po ashtu lart në agjendë, sidomos pas sulmeve terroriste që kanë goditur Londrën dhe Parisin, së voni. Në samitin e BE-së, për herë të parë, do të marrë pjesë presidenti i ri i Francës, Emmanuel Macron. Në prag të samitit, Macron tha se beson në kapacitetin e Evropës për të transformuar botën, me Francën si forcë lëvizëse.
Kategoritë: Lajmet e ditës

Europa po merr kthesën e duhur

Deutsche Welle - shqip - 22 orë 12 min më parë
Brexit, mbrojtja europiane dhe migracioni – janë temat e samitit të BE-së që fillon të enjten e vazhdon deri të premten. Atmosfera këtë herë është optimiste.
Kategoritë: Lajmet e ditës

Big Data: Fundi i privatësisë

Deutsche Welle - shqip - 22 orë 33 min më parë
Gjithnjë e më shumë gjurmë digjitale dhe algoritma gjithnjë e më të forta zbulojnë tiparet tona më intime të personalitetit. Sfera private nuk ekziston më, deklaron Michal Kosinski në Global Media Forum.
Kategoritë: Lajmet e ditës

Shteti Islamik shkatërron xhaminë ikonë të Mosulit

Radio Evropaelire-Lajme - 22 orë 45 min më parë
Ministria e Mbrojtjes e Irakut tha se militantët e Shtetit Islamik kanë hedhur në erë xhaminë Grand Al-Nuri në Mosul dhe minaren e saj të veçantë. Xhamia është ndërtuar në vitin 1172. Minarja e saj është njohur si Al-Hadba, ose “gungë” , pasi ka anuar kah njëra ana, si Kulla e Pizës në Itali. Udhëheqësi i Shtetit Islamik, Abu Bakr al-Baghdadi, është shfaqur në xhaminë Grand al-Nuri në korrik të vitit 2014, për të shpallur formimin e “kalifatit islamik”. Shteti Islamik, përmes ueb-faqes së tij Amaq, tha se xhamia është shkatërruar nga një sulm ajror i Shteteve të Bashkuara. Por, një zëdhënës i koalicionit që lufton grupin ekstremist në Irak, tha se në zonën ku ndodhet xhamia, nuk ka pasur sulme ajrore. Mosuli ka rënë nën kontrollin e Shtetit Islamik qysh në vitin 2014 dhe forcat irakiane janë duke luftuar për rikthimin e tij.
Kategoritë: Lajmet e ditës

Vdiq kryespiuni i kohës sovjetike

Radio Evropaelire-Lajme - 22 orë 45 min më parë
Yuri Drozdov, kryespiun i kohës sovjetike, i cili ka mbikëqyrur një rrjet të gjerë të spiunëve të KGB-së që jetonin jashtë territorit sovjetik, ka vdekur në moshën 91-vjeçare. Shërbimi i Inteligjencës së Huaj në Rusi nuk dha detaje për shkakun e vdekjes së tij. Drozdov ka marrë pjesë në shkëmbimin e agjentit të fshehtë sovjetik, Rudolf Abel, i dënuar në Shtetet e Bashkuara, me pilotin e një avioni spiunues amerikan, Francis Gary Poëers, i cili është zënë në Rusi. Kjo ngjarje ka ndodhur në vitin 1962, ndërsa më 2015, regjisori amerikan, Steven Spielberg, e ka bërë film (“Bridge of Spies”). Drozdov ka qenë “spiun legjendar” dhe “patriot i vërtetë”, tha presidenti rus, Vladimir Putin.
Kategoritë: Lajmet e ditës

SHBA i kërkon Kinës të bëjë presion mbi Korenë e Veriut

Radio Evropaelire-Lajme - 22 orë 47 min më parë
Sekretari amerikan i Shtetit, Rex Tillerson, i bëri thirrje Kinës të bëjë më shumë presion mbi Korenë e Veriut, për shkak të programit të saj me armë bërthamore dhe raketa balistike. Duke folur në Uashington, pas bisedimeve midis zyrtarëve amerikanë dhe kinezë, Tillerson tha se Shtetet e Bashkuara e konsiderojnë Korenë e Veriut kërcënim kryesor të sigurisë. Tillerson tha se Pekini ka përgjegjësi për t’i bërë presion Koresë së Veriut edhe në aspektin ekonomik, edhe atë diplomatik. Sekretari amerikan i Mbrojtjes, James Mattis, tha se vdekja, këtë javë, e një studenti amerikan, i cili ka qenë i burgosur në Korenë e Veriut, është dëshmi e një regjimi që “provokon dhe provokon”. Mattis tha se edhe SHBA, edhe Kina ndajnë qëllimin e përbashkët për çarmatosjen e Gadishullit Korean. Tillerson dhe Mattis takuan këshilltarin shtetëror të Kinës, Yang Jiechi, dhe shefin e shtabit të ushtrisë kineze, gjeneralin Fang Fenghui. Koreja e Veriut ka kërcënuar se së shpejti do të ketë kapacitet për të sulmuar SHBA-në me raketë bërthamore. Kina është aleati më i madh i Koresë Veriore. Pekini mund ta kushtëzojë Phenjanin, pasi kontrollon pjesën më të madhe të tregtisë së tij.
Kategoritë: Lajmet e ditës

Evropianizimi taktik i Vuçiqit

Radio Evropaelire-Lajme - 23 orë 40 min më parë
Ana Brnabiq do t’i thyejë tabutë në Serbi nëse zgjidhet kryeministre. Brnabiq, lezbike e hapur, është emëruar nga presidenti i zgjedhur, Aleksandar Vuçiq, por votimi i saj në Parlament nuk është ende i sigurt.
Kategoritë: Lajmet e ditës

Sfida e Mijëvjeçarit, 50 milionë dollarë për Kosovën

Zeri Amerikes - Mër, 06/21/2017 - 22:24
Programi do të përqendrohet në dy fusha që pengojnë rritjen ekonomike: mungesën e energjisë elektrike dhe dobësitë në fushën e sundimit të ligjit
Kategoritë: Lajmet e ditës

21 qershor 2017

Zeri Amerikes - Mër, 06/21/2017 - 19:27
A look at the best news photos from around the world.
Kategoritë: Lajmet e ditës

Jonson: Përfshirja e Rusisë në zgjedhje nuk ka ndikuar te rezultati

Zeri Amerikes - Mër, 06/21/2017 - 18:41
Zyrtarët amerikanë u thanë ligjvënësve se nuk ka dyshim se Rusia kishte ndërhyrë gjerësisht në zgjedhjet presidenciale të vitit të kaluar, por nuk ka prova se kishte arritur të ndryshonte rezultatin
Kategoritë: Lajmet e ditës

Katër të arrestuar për sulmin në Bruksel

Zeri Amerikes - Mër, 06/21/2017 - 18:16
Autoritetet belge thanë se arrestimet pasuan kontrollet e kryera gjatë hetimeve mbi personin që u vra të martën pas parandalimit të një sulmi terrorist në një stacion treni
Kategoritë: Lajmet e ditës

Mohammed bin Salman emërohet trashëgimtar i fronit të mbretit

Radio Evropaelire-Lajme - Mër, 06/21/2017 - 17:55
Mbreti Salman i Arabisë Saudite ka emëruar djalin e tij Muhammed bin Salman, si trashëgimtar të fronit, bazuar në një dekret mbretëror. Mbreti i ka hequr pozitën e trashëgimtarit, nipit të tij 57 vjeçar, Muhammed bin Nayef duke e zëvendësuar atë me 31 vjeçarin, Muhammed bin Salmanin. Trashigimtari i ri i fronit të mbretit, Muhammed bin Salman, u emërua edhe si zëvendës kryeministër si dhe mbajti postin e tij si ministër i mbrojtjes. Muhammad bin Salman, i cili ka lidhje të ngushta me SHBA-të, shihet si një figurë e rëndësishme në mbretëri. Ai po ashtu ka udhëhequr intervenimin e Arabisë Saudite në Jemen. Sipas raportimeve emërimi i bin Salmanit është aprovuar edhe nga këshilli i cili ka votuar për ndryshimet e reja. Televizioni Al-Arabiya me qendër në Dubai, raportoi se presidenti i SHBA-së, Donald Trump ka përgëzuar trashigimtarin e ri dhe duke thënë se dëshiron të rrisë partneritetin e SHBA-së me Arabinë Saudite.
Kategoritë: Lajmet e ditës

Gara në Qarkun e Fierit

Zeri Amerikes - Mër, 06/21/2017 - 17:49
Qarku i Fierit është qarku i dytë më i madh për nga numri i votuesve në Shqipëri dhe dërgon në Parlamentin e Shqipërisë 16 deputetë
Kategoritë: Lajmet e ditës

Kosova dhe mbrojtja e gazetarëve

Zeri Amerikes - Mër, 06/21/2017 - 17:47
Në Kosovë për 18 vjet janë regjistruar rreth 130 vepra penale kundër gazetarëve përfshirë edhe vrasjen e disave prej tyre
Kategoritë: Lajmet e ditës

Pas sanksioneve, Rusia anulon bisedimet me SHBA

Zeri Amerikes - Mër, 06/21/2017 - 17:37
Bisedimet ishin parashikuar mes zëvendës ministrit të jashtëm rus, Sergei Ryabkov dhe nënsekretarit amerikan të Shtetit, Thomas Shannon
Kategoritë: Lajmet e ditës
Kritiket-Blog Letersi Kritika-dejavu Kalendar