Skip to content

Lajmet e ditës

Marrëdhëniet Kosovë-Serbi

Zeri Amerikes - Mër, 04/26/2017 - 16:00
Deputetët e parlamentit të Kosovës dhe ata të Serbisë, diskutuan sot në Prishtinë procesin e normalizimit të marrëdhënieve ndërmjet të dyja palëve.
Kategoritë: Lajmet e ditës

Vuajtjet e refugjatëve, temë e një mbrëmjeje gala në Uashington

Zeri Amerikes - Mër, 04/26/2017 - 16:00
Refugees International, organizata që përpiqet të lehtësojë vuajtjet e të zhvendosurve nga konfliktet apo fatkeqësitë natyrore, tërhoqi vemendjen e donatorëve e politikanëve për të ndihmuar në një mbrëmje gala në Uashington. Ambasadorja e Kosovës në SHBA, Vlora Çitaku ishte ndër folëset kryesore.
Kategoritë: Lajmet e ditës

Shtypi në gjendje të vështirë në Maqedoni

Zeri Amerikes - Mër, 04/26/2017 - 16:00
Gazetarët në Maqedoni gjenden në një pozitë mjaft të vështirë dhe trysnia dhe dhuna e shpeshtë kundër ngrejnë mjaft shqetësime. Organizata “Reporterët pa kufij” në raportin më të fundit lidhur me lirinë shtypit, e radhitë Maqedoninë në pozitën e 118 nga 180 vende të botës.
Kategoritë: Lajmet e ditës

Hetime dhe arrestime në radhët e policisë për narkotikë

Zeri Amerikes - Mër, 04/26/2017 - 15:48
Prokuroria për Krime të Rënda urdhëroi arrestime për punonjës të Policisë dhe të doganës në Kakavijë pas hetimeve për kalimin e një kamioni me rreth  1.1 tonë marijuanë në shkurt të këtij viti
Kategoritë: Lajmet e ditës

Kriza, Meta mbledh partitë parlamentare

Zeri Amerikes - Mër, 04/26/2017 - 15:47
Takimi vjen një ditë pas dështimit të përpjekjeve të dy eurodeputetëve McAllister e Fleckenstein për të ndërmjetësuar një zgjidhje
Kategoritë: Lajmet e ditës

Tiranë: Analistët komentojnë zhvillimet politike në Shqipëri

Zeri Amerikes - Mër, 04/26/2017 - 15:46
Një ditë pas negociatave, zoti Krasniqi thotë se faktori ndërkombëtar po rishikon mundësitë e shtimit të presionit për të afruar palët mes tyre.
Kategoritë: Lajmet e ditës

BE-ja nis veprime ligjore kundër Hungarisë

Radio Evropaelire-Lajme - Mër, 04/26/2017 - 15:39
Komisioni Evropian ka nisur një procedurë ligjore ndaj Ukrainës, mbi një Ligj për arsimin e lartë, që do të mund të çonte në mbylljen e Universitetit të Evropës Qendrore (CEU) në Budapest. Komisioni Evropian, ka thënë se Ligji hungarez për arsim të lartë, që është miratuar më herët gjatë këtij muaji, nuk “është në përputje me liritë themelore më vend... por gjithashtu nuk është në përputhje me të dretjën e lirisë akademike”. Universiteti i Evropës Qendrore, që është themeluar më 1991 nga miliarderi amerikan, George Soros, është shdërruar në temën kryesore të debatit politik në Hungari. Kryeministri hungarez, Victor Orban, prej kohësh ka akuzuar Sorosin se po ndërhynë në çështjet e brendshme të Hungarisë dhe ka ngritur ndalesa ndaj organizatave që kanë lidhje me të. “Ne kemi vendosur të ndërmarrim veprime ligjore ndaj Ligjit për arsim. Kemi dërguar një letër zyrtare qeverisë hungareze, në bazë të një vlerësimi të thellë ligjot”, ka thënë në një konferecë për media në Bruksel, nënpresidenti i Komisionit Evropian, Valdis Dombrovskis. Legjislacioni ishte miratuar në parlamentin e Hugarisë më 4 prill dhe ishte nënshkruar nga presidenti Janos Ader, më 10 prill. Sipas këtij ligji, univeristetet e huaja në Hungari, duhet të kenë një kampus atje dhe të ofrojnë kurse të ngjajshme në vendet e tyre të origjinës. CEU, që ka mbi 1,400 studentë, nga 100 shtete të ndryshme, mund të detyrohet me ligj, që të mos pranojë studentë të rinj në vitin e ri akademik dhe të mbyllet më 2021. 
Kategoritë: Lajmet e ditës

Franca: Analizat konfirmojnë se Siria përdori gazin sarin

Zeri Amerikes - Mër, 04/26/2017 - 15:20
Franca publikoi një raport të detajuar mbi mënyrën se si ekspertët francezë dolën në këtë përfundim
Kategoritë: Lajmet e ditës

Britania, një ditë pa energji nga qymyrguri

Zeri Amerikes - Mër, 04/26/2017 - 15:15
Një prirje e re për investime në energjinë e ripërtëritshme po përhapet në disa vende evropiane, madje edhe në vendet në zhvillim
Kategoritë: Lajmet e ditës

Mbrëmje gala në Uashington, vëmendja tek vuajtjet e refugjatëve

Zeri Amerikes - Mër, 04/26/2017 - 15:06
Ambasadorja e Kosovës në SHBA, Vlora Çitaku, ndër folëset kryesore, tha se kishte ardhur për të treguar jo se kishte qenë refugjate, por se kishte mundur të kthehej në shtëpi
Kategoritë: Lajmet e ditës

Poroshenko krahason krizën në Ukrainën Lindore me fatkeqësinë në Çernobil

Radio Evropaelire-Lajme - Mër, 04/26/2017 - 15:05
Presidenti ukrainas, Petro Poroshenko e ka krahasuar fatkeqësinë bërthamore në Çernobil më 1986 me krizën në lindje të Ukrainës, duke shtuar se “Rusia po zhvillon luftë të pashpallur” ndaj shtetit të tij. Këto komente ai i bëri pranë Çerbobilit, ku së bashku me homologun e tij bjellorus, Aleyksandr Lukashenka, përkujtuan viktimat e katastrofës bërthamore, në përvjetorin e 31-të, “Ne ukranasit, sot po luftojmë për pavarësinë tonë, për sovranitetin dhe integritetin territorial të shtetit tonë, për çlirimin e Donbasit dhe Krimesë. Ne kemi varrosur mijëra njerëz. Prap, ne kemi qindra mijëra persona të zhvendosur.. jam i sigurt, se të gjithë së bashku, do ta mposhtim këtë”, tha Poroshenko.
Kategoritë: Lajmet e ditës

Zgjedhjet e parakohshme do ta ‘varfëronin’ buxhetin me disa miliona euro

Radio Evropaelire-Lajme - Mër, 04/26/2017 - 15:00
Pothuajse asnjëra legjislaturë në Kosovë nuk ka arritur të përfundojë mandatin kushtetues katër vjeçar, çka ka ndikuar që vendi të shkojë në vazhdimësi në zgjedhje të parakohshme. Mesatarja e një mandati qeverisës në Kosovë nuk ka arritur të jetë më shumë se dy vjet e gjysmë. Zgjedhjet e fundit të parakohshme ishin mbajtur në qershor të vitit 2014. Aktualisht, tema kryesore politike, mbetet sërish organizimi i zgjedhjeve të parakohshme, proces ky që besohet se vjen si rrjedhojë e mungesës së funksionimit të institucioneve. Këto zgjedhje, veç tjerash kanë një kosto të lartë financiare. Sipas llogaritjeve, vlerësohet se për një palë zgjedhje parlamentare në Kosovë, buxheti shpenzon deri në 10 milionë euro. Zëdhënësi i Komisionit Qendror të Zgjedhjeve, Valmir Elezi, i ka thënë Radios Evropa e Lirë se kostoja e zgjedhjeve të parakohshme të mbajtura në vitin 2014, ka qenë mbi 4 milionë euro. “Në shpenzimet për zgjedhjet e parakohshme për Kuvendin e Kosovës, të cilat janë mbajtur në qershor të vitit 2014, kanë qenë 4 milionë e 111 mijë euro. Sipas kësaj shumë, shpenzimet për një votues kanë qenë 2.3 euro”, sqaron Elezi. Zgjedhjet e parakohshme parlamentare janë aktualizuar edhe tani si çështje jo vetëm nga partitë opozitare në Kosovë, por edhe nga partitë e koalicionit, për shkak të bllokadës politike në vendimmarrje, sidomos në Kuvendin e Kosovës. Shpenzimet për procesin zgjedhor, sipas organizatave joqeveritare të cilat monitorojnë procese të tilla, vlerësohen të arrijnë vlera shumë më të larta se 4 milionë euro. Albert Krasniqi, analist i Institutit Demokratik të Kosovës, duke folur për Radion Evropa e Lirë, thotë se shpenzimet janë milionëshe, por që nuk ka ndonjë përllogaritje të saktë për një pjesë jashtë shpenzimeve zyrtare që bëhen për organizimin e zgjedhjeve. “Sa i përket kostos financiare përllogaritet që është diku rreth 6 milionë euro që i kushton buxhetit të Kosovës procesi i organizmit të zgjedhjeve, por këtu ka edhe kosto shtesë për shkak se shpenzojnë edhe partitë politike për fushata zgjedhore, po ashtu edhe kandidatët, pastaj dhe organizatat që bëjnë monitorimin e zgjedhjeve dhe kjo kosto arrin 8 deri në 10 milionë euro”, thotë ai. Partitë politike, sipas Krasniqit, nuk kanë qenë transparente në deklarimin e shpenzimeve të tyre që i bëjnë gjatë fushatave zgjedhore dhe kjo, sipas tij, ka bërë që të mos ketë një kosto të saktë të fushatës zgjedhore të partive politike dhe tërë procesit zgjedhor në përgjithësi. Sidoqoftë, marrë parasysh në tërësi buxhetin e shtetit prej rreth 2 miliardë eurosh, shpenzimet prej 6 milionë euro për procesin zgjedhor, sipas Albert Krasniqi nga KDI, nuk do të duhej të paraqisnin ndonjë problem. “Demokracia ka një çmim dhe ky është një çmim financiar të cilin ne duhet të paguajmë si shoqëri. Më e rëndësishme se kostoja financiare është institucionet që dalin nga këto zgjedhje dhe çfarë këto institucione do të përfaqësojnë pasi që të kryhen zgjedhjet”, thotë Krasniqi. Ndryshe, Komisioni Qendror i Zgjedhjeve, i cili është përgjegjës për organizimin dhe implementimin e zgjedhjeve në Kosovë, thotë se është i përkushtuar për të përmbushur detyrimin e vet kushtetutes për të organizuar zgjedhje kurdo që një gjë e tillë kërkohet. (REL)
Kategoritë: Lajmet e ditës

Ligjvënësit: Gjenerali Flynn ka shkelur ligjin federal

Zeri Amerikes - Mër, 04/26/2017 - 14:44
Zoti Flynn akuzohet se nuk ka njoftuar për pagesat që ka marrë nga qeveritë e huaja lidhur me angazhimet e tij publike për këto qeveri
Kategoritë: Lajmet e ditës

Pres. Trump fton senatorë për të diskutuar situatën në Kore

Zeri Amerikes - Mër, 04/26/2017 - 14:40
SHBA po dërgojnë sistem për mbrojtjen nga raketat në Korenë e Jugut; Seuli dhe Uashingtoni sqaruan se qëllimi i vetëm i këtij sistemi të avancuar do të jetë mbrojtja prej raketave të Koresë së Veriut
Kategoritë: Lajmet e ditës

Kosovë: Konfiskohen 312 kilogramë drogë, arrestohen 9 persona

Radio Evropaelire-Lajme - Mër, 04/26/2017 - 14:34
Policia e Kosovës, në vazhdën e luftës së narkotikëve ka zhvilluar një hetim tre mujor, në bashkëpunim me me Gjykatën Themelore në Ferizaj, për përfshirjen e disa personave për shitjen e paautorizuar të substancave narkotike. Ky operacion ka rezultuar me sukses, ku janë konfiskuar mbi 312 kilogramë drogë të llojit marihuanë. Në këtë operacion janë arrtestuar edhe 9 persona, të dyshuar në përfshirje në veprën penale të trafikimit me narkotik. Kjo sasi e drogës ka pasur për destinacion tregun jashtë Kosovës, ka thënë për Radion Evropa e Lirë, zëdhënësi i Policisë së Kosovës, Baki Kelani.
Kategoritë: Lajmet e ditës

Shtëpia e Bardhë kritikon ashpër vendimin e gjykatësit për fondet federale

Zeri Amerikes - Mër, 04/26/2017 - 14:08
Një gjykatës federal ka bllokuar direktivën e Presidentit Trump për të pezulluar fondet federale për njësitë administrative që ofrojnë strehë për imigrantët e paligjshëm
Kategoritë: Lajmet e ditës

Reporterët pa Kufij: Maqedonia, 'fëmija i prapët' në Ballkan

Radio Evropaelire-Lajme - Mër, 04/26/2017 - 13:16
Maqedonia është radhitur e fundit në rajon sa i përket lirisë së mediave, sipas raportit më të ri të organizatës, “Reporterët pa kufij”. Në bazë të radhitjes në nivel botëror, Maqedonia ka shënuar përmirësim për gjashtë vende, por ajo edhe më tej ndodhet në grupin e shteteve ku mediat janë në gjendje të rëndë. Nga vendi i 118-të ajo tani ndodhet në vendin e 111-të, por Biljana Petkovska, nga Instituti Maqedonas i Mediave, thotë se ky rezultat nuk ka të bëjë me ndonjë përmirësim të gjendjes së mediave, por më tepër me shtetet tjera që kanë shënuar rënie të theksuar duke i lënë vendin e tyre Maqedonisë. “Për fat të keq Maqedonia edhe këtë vit është më se keqi e radhitur në rajon edhe pse sipas raportit ka një përmirësim të papërfillshëm prej gjashtë vendeve, por kjo nuk ka të bëjë me ndonjë përparim të mediave të këtushme për me rënien e lirisë së shprehjes në vende tjera. Ka shumë faktorë që ndikojnë në këtë, e të cilët tani më dihet, si ndikimet politike, presionet, korrupsioni e kështu me radhë”, thotë Petkovska. Në raport thuhet se Maqedonia është “Fëmija i prapët në Ballkan” para se gjithash për shkak të gjendjes së rëndë sa i përket sundimit të së drejtës dhe pasigurisë politike, e cila siç thuhet, ndikon në punën e gazetarëve ndërsa përmend edhe presionin nga ana e partisë qeverisëse që çon edhe në vetcensurë. “Maqedonia shënon rënie pas garniture qeverisëse nuk heq dorë nga kontrolli mbi lajmet, apo në përgjithësi nga kontrolli mbi punën e mediave dhe margjinalizimin e profesionalizmit, të gazetarisë kritike e kështu me radhë. Përkeqësimi në raportimin e mediave ka të bëjë edhe me pagesën e gazetarëve, pasi ne jemi shteti me të ardhurat më të ulëta të gazetarëve në rajon. Gazetarët këtu kanë më së paku të drejta dhe ndërsa edhe vetcensura është në nivelin më të lartë”, thotë Tamara Çausidis, kryetare e Sindikatës së gazetarëve në Maqedoni. Komunikologët ndërkohë theksojnë edhe rolin negativ që sipas tyre po luajnë media të caktuara në tensionimin e gjendjes në Maqedoni. Sefer Tahiri, profesor në fakultetin e shkencave të komunikimit në Universitetin e Evropës Juglindore, thotë se edhe ky fakt ka ndikuar që liria e mediave dhe besimi në to të shënoj rënie. “Në këtë situatë kur kemi krizë të madhe politike dhe kur gjendja e sigurisë është e tensionuar, ne ballafaqohemi me një fenomen që ka të bëjë me nxitjen e tensioneve dhe në një farë mënyre të emocioneve politike dhe etnike dhe me këtë ato po kontribuojnë në tensionimin e situatës në vend që të jetë e kundërta”, thotë Tahiri. Rënia e lirisë së mediave në Maqedoni është theksuar edhe në raportet e organizatave tjera ndërkombëtare. Sipas raportit të fundit të Freedom House Maqedonia tani ndodhen në kategorinë e shteteve jo të lira një vlerësim ky më i ulët se në vitin 2001 kur Maqedonia u përball me një konflikt të armatosur. (REL)
Kategoritë: Lajmet e ditës

I gjithë Senati në Shtëpinë e Bardhë lidhur me Korenë Veriore

Radio Evropaelire-Lajme - Mër, 04/26/2017 - 12:54
Zyrtarët më të lartë të administratës së presidentit amerikan, Donald Trump, më vonë gjatë ditës në Shtëpinë e Bardhë, do t’i informojnë anëtarët e Senatit për situatën lidhur me Korenë Veriore. Të 100 senatorët janë ftuar për tu informuar nga sekretari amerikan i shtetit, Rex Tillerson, sekretari i mbrojtjes, Jim Mattis, drejtori i inteligjencës kombëtare, Dan Coats, dhe gjenerali Joseph Dunford, kryesues i Shtatmadhorisë së Bashkuar të ushtrisë amerikane, ka njoftuar Shtëpia e Bardhë. Administrata Trump ka shprehur shqetësim në rritje lidhur me programin atomik dhe testet raketore të Koresë Veriore dhe për kërcënimet e saj për t’i sulmuar Shtetet e Bashkuara dhe aleatët e Uashingtonit. Konsiderohet se është e pazakonshme që e gjithë përbërja e Senatit të shkoj në Shtëpinë e Bardhë dhe që në këtë takim të përfshihen katër zyrtarët e lartë të administratës.
Kategoritë: Lajmet e ditës

Gjykata Speciale ende nuk është e gatshme të nis proceset gjyqësore

Radio Evropaelire-Lajme - Mër, 04/26/2017 - 12:50
Një numër i rregullave të Rregullores së procedurës dhe provave të Dhomave të Specializuara (të gjykatës Speciale) nuk janë në përputhje të plotë me Kushtetutën e Kosovës, ka vlerësuar Dhoma e Specializuar e Gjykatës Kushtetuese të Dhomave të Specializuara të Kosovës. Kjo nënkupton se Gjykata ende nuk është e gatshme që të nis proceset gjyqësore. Rregullorja e procedurës dhe e provave është dokumenti kyç për punën e gjykatës dhe është miratuar muajin e kaluar në një seancë të gjykatësve ndërkombëtarë të gjykatës. Është pritur në këtë vendim të Dhomës së Specializuar të Gjykatës Kushtetuese për kushtetutshmërinë e kësaj rregulloreje. Në bazë të vendimit të publikuar, nëntë rregulla të kësaj rregulloreje nuk janë në përputhje me Kushtetutën dhe prandaj pritet që të shqyrtohen sërish. Rregullat që janë në shpërputhje me Kushtetutën e Kosovës kanë të bëjnë me mungesën e gjykatësve, bazat e masave hetuese speciale, bastisje dhe konfiskim nga ana e prokurorit special, marrjen në pyetje, paraburgim dhe status të personit të liruar. Ky dokument vë theksin në mbrojtjen e dëshmitarëve, viktimave dhe personave të tjerë që i janë eksponuar rrezikut për shkak të dëshmisë ose bashkëpunimit me Dhomat e Specializuara. Siç ka bërë me dije më heret për Radion Evropa e Lirë zëdhënësja e Dhomave të Specializuara të Prokurorisë Speciale të Kosovës Avis Benesh, rregullorja në hollësi rregullon udhëheqjen e procedurave gjyqësore, procedurave paragjyqësore, gjykimin, apelimin, por edhe çështjet organizative dhe të administratës të Dhomave të Specializuara të prokurorisë së specializuar, më saktësisht të drejtave të personave gjatë hetimeve, arrestimit, paraburgimit, pjesëmarrjes së viktimave në proceset gjyqësore dhe të tjera. Gjykata Speciale për krime lufte në Kosovë do të hetojë krimet e pretenduara të pjesëtarëve të ish-UCK-së që, siç thuhet, ‘i kanë kryer ndaj pjesëtarëve të komuniteteve pakicë dhe kundërshtarëve politikë nga viti 1998 e deri në fund të vitit 2000’, siç e ka përshkruar në raportin e tij për Këshillin Evropian senatori Dick Marty.
Kategoritë: Lajmet e ditës

Gazetarët Pa Kufi: Liria e shtypit, kurrë më e rrezikuar

Zeri Amerikes - Mër, 04/26/2017 - 12:47
Organizata thekson në raportin e saj vjetor se rajonet e Lindjes së Mesme dhe Afrikës Veriore vazhdojnë të jenë më të rrezikshmet për gazetarët pasuar nga Evropa Lindore dhe Azia Qendrore
Kategoritë: Lajmet e ditës
Kritiket-Blog Letersi Kritika-dejavu Kalendar