Skip to content

Lajmet e ditës

Rrjetet sociale do të bashkëpunojnë kundër ekstremistëve

Radio Evropaelire-Lajme - Mar, 12/06/2016 - 07:03
Rrjetet e mëdha sociale, YouTube, Facebook, Twitter, dhe Microsoft kanë thënë se do të punojnë së bashku të heqin propagandën terroriste nga faqet e tyre të internetit.  Kompanitë në fjalë kanë thënë më 5 dhjetor se ato do e krijojnë një bazë të përbashkët të të dhënave dhe të ndajnë postimet e ekstrmistëve që ata kanë hequr nga faqet e tyre, me qëllim që t’iu tregojnë kolegëve të kompanive të tjera që të heqin edhe ata postimet e të njejtëve.  Rrjetet sociale janë bërë mjet i fuqishëm i rekrutimit për grupin Shteti Islamik, duke mundësuar zgjerimin e rrjetit të tyre në botë përmes postimeve që radikalizojnë përkrahësit e tyre dhe inspirojnë disa prej tyre edhe të kryejnë sulme.  Kompanitë teknologjike janë nën presion çdo herë në rritje nga qeveritë perëndimore që të bëjnë më shumë për hequr postimet e tilla pas një seri sulmesh nga Kalifornia në Florida e deri në Nice të Francës dhe Bangladesh.  YouTube dhe Facebook kanë filluar të heqin automatikisht postimet e ekstremistëve.  Twitter ka pezulluar 235 mijë profile në mes të muajit shkurt dhe gusht ndërsa ka zgjeruar ekipet që mbikqyrin postimet e ekstremistëve.  Baza e përbashkët e të dhënave do të fillojë punën vitin e ardhshëm, ndërsa ka mundësi që edhe kompani të tjera t’i bashkohen këtij partneriteti.
Kategoritë: Lajmet e ditës
Kritiket-Blog Letersi Kritika-dejavu Kalendar