Skip to content

Lajmet e ditës

Turqi: Paraburgosen 400 militantë të dyshuar të IS-it 

Radio Evropaelire-Lajme - Dje, 02/05/2017 - 14:07
Policia turke të dielën ka paraburgosur rreth 400 persona të dyshuar si pjesëtarë të grupit ekstremist, Shteti Islamik, gjatë bastisjeve në gjashtë krahina, transmeton Reuters raportimet e mediave shtetërore turke.  Personat e paraburgosur janë kryesisht shtetas të huaj, shkruan agjencia e lajmeve Anadolu. Së paku 60 të dyshuar janë paraburgosur në Ankara, derisa 150 të tjerë janë ndaluar në krahinën Sanliurfa, afër kufirit me Sirinë.  39 njerëz, kryesisht të huaj, janë vrarë natën e Vitit të Ri, kur një pjesëtar i Shtetit Islamik, ka shtënë në brendi të lokalit, Reina në Stamboll.  Në operacionin e kaluar të policisë turke, 30 pjesëtarë të dyshuar grupit militant, Shteti Islamik, janë paraburgosur gjatë bastisjeve në krahinën Konia, dhe 10 të tjerë janë mbajtur në krahinën Adiaman.  Policia ka paraburgosur 18 të dyshuar të tjerë në Kocali dhe Stamboll, 47 në Gazientep dhe 46 të tjerë në krahinën e Bursës.  Autoritetet turke njoftojnë se 780 persona, prej të cilëve 450 janë shtetas të huaj, mbesin në paraburgim, disa prej të cilëve tashmë janë dënuar, rreth lidhjeve me grupe xhihadiste. 
Kategoritë: Lajmet e ditës

SHBA: Gjykata e Apelit nuk pranon ta rikthejë në fuqi ndalimin e udhëtimit

Zeri Amerikes - Dje, 02/05/2017 - 13:48
Departamenti i Drejtësisë e bëri apelin në përgjigje të vendimit të një gjykatësi federal i cili bllokoi urdhrin ekzekutiv të Presidentit Trump
Kategoritë: Lajmet e ditës

Rrënohet muri në Mitrovicë

Radio Evropaelire-Lajme - Dje, 02/05/2017 - 13:41
Është rrënuar muri ilegal i ndërtuar nga autoritetet komunale të Mitrovicës së veriut. Dy ekskavatorë të një kompanie ndërtimore, kanë bërë rrënimin e murit afër lumit Ibër. Rrënimin e murit e kanë përcjellë disa qytetarë, shqiptarë e serbë, kurse gjendja gjatë gjithë procesit të kryerjes së punimeve, ka qenë e qetë.
Kategoritë: Lajmet e ditës

Rumani: Protestat detyrojnë qeverinë të tërheqë ligjin e debatueshëm

Zeri Amerikes - Dje, 02/05/2017 - 13:38
Qytetarët zotohen të vazhdojnë protestat masive pas shfuqizimit të dekretit që synonte dekriminalizimin e veprimeve korruptive të zyrtarëve
Kategoritë: Lajmet e ditës

Rakiq: Të martën e ndërtojmë strukturën e re të fortë betonike në zonën e këmbësorëve

Radio Evropaelire-Lajme - Dje, 02/05/2017 - 13:12
Kryetari i Mitrovicës së veriut, Goran Rakiq, ka paralajmëruar se të martën, më 7 shkurt, do të fillojë ndërtimi i, siç ka thënë, “një strukture betoni mbështetëse dhe të fortë në lartësi prej 70 centimetrash dhe gjerësi prej 120 centimetrash”, që sipas tij, do të “garantojë sigurinë për qytetarët e komunës së Mitrovicës së veriut”. “Struktura e re mbështetëse do të përputhet shumë mirë edhe në aspektin mjedisor edhe estetik me projektin e ndërtimit të zonës së këmbësorëve në rrugën Mbreti Petër”, ka deklaruar Rakiq, duke e ‘falënderuar siç është shprehur, kryeministrin serb, Aleksandar Vuçiq për mbështetjen që ka çuar, siç ka thënë ai, drejt pajtimit edhe të përfaqësuesve relevantë ndërkombëtarë’. Një mur i ndërtuar që në dhjetor të vitit të kaluar, në kohën kur nisi rivitalizimi i urës në lumin Ibër, u rrënua të dielën më 5 shkurt, pas një marrëveshjeje të arritur ndërmjet Qeverisë së Kosovës dhe kryetarit Rakiq të Mitrovicës së veriut, e me lehtësimin e bashkësisë ndërkombëtare në Kosovë.  
Kategoritë: Lajmet e ditës

Dhjetëra të mbytur nga bora në Afganistan dhe Pakistan 

Radio Evropaelire-Lajme - Dje, 02/05/2017 - 13:02
Dhjetëra njerëz e kanë humbur jetën në Pakistan dhe Afganistan më 5 shkurt si pasojë e një orteku bore, ndërsa jo pak rrugë janë bllokuar nga të reshurat e borës.  Së paku 37 njerëz e kanë humbur jetën nga bora, të reshurat e shiut dhe nga i ftohti në disa rajone të Afganistanit, gjatë tre ditëve të fundit, një zyrtar ka thënë sot.  Omar Mohammadi, zëdhënësi i Autoritetit afgan për Menaxhimin e Katastrofave Natyrore ka thënë se 16 persona janë lënduar në 25 rajone të Afganistanit.  Borë e dendur është raportuar edhe në kryeqytetin afgan, Kabul, ku qeveria ka mbyllur zyret si pasojë e motit të keq.  Naëeed Frotan, zëdhënës i krahinës veriore të Badakshanit, ka thënë se qeveria është duke punuar për të arritur 12 rajone që janë bllokuar në tërësi.  Ndërkaq në Pakistan tani raportohet se së paku 9 njerëz janë mbytur pasi një ortek bore ka mbuluar shtëpitë e tyre.  Zyrtarët e vendit njoftojnë se edhe 14 njerëz të tjerë kanë mbetur të bllokuar në shtëpitë e mbuluara nga bora. 
Kategoritë: Lajmet e ditës

Jetojnë në Kosovë - ëndërrojnë Evropën

Radio Evropaelire-Lajme - Dje, 02/05/2017 - 12:43
Në qytezën e Fushë Kosovës, të rinjtë e komuniteteve rom, ashkali dhe egjiptian, flasin për një jetë me shumë probleme që ata e bëjnë në Kosovë. Papunësia e varfëria janë shqetësimet më të mëdha të tyre, që ata i theksojnë në rubrikën e përjavshme “VOX” të Radios Evropa e Lirë.
Kategoritë: Lajmet e ditës

Siri: Fillon ofensivë e re kundër IS-it në Raka 

Radio Evropaelire-Lajme - Dje, 02/05/2017 - 12:15
Luftëtarët kurdë që e kanë mbështetjen e SHBA-së, dhe aleatët sirianë thonë se e kanë nisur një ofensivë kundër militantëve të Shtetit Islamik në qytetin e Rakas.  Forcat Demokratike Siriane thonë se operacioni është duke u zhvilluar me “përkrahjen në rritje të forcave të koaliconit ndërkombëtar që udhëhiqet nga SHBA-ja”.  Njoftimi thotë se ky operacion përfshinë sulme ajrore dhe përkrahje nga njësitë speciale të koalicionit në betejë.  Zëdhënësja e Forcave Demokratike Siriane, që përfshinë edhe grupin kurd YPG, ka thënë se kjo është faza e tretë e operacionit në Raka që ka filluar në muajin nëntor.  Qëllimi është izolimi i Rakës nga pjesët tjera që kontrollohen nga Shteti Islamik para se të futen brenda në qytet. Dje, sulmet ajrore të koalicionit që udhëhiqet nga amerikanët ka shkatërruar dy ura në skajin jugor të qytetit, Raka.  Jordania, që është pjesë e koalicionit, ka thënë se ka kryer sulme ajrore kundër IS-it në Sirinë jugore më 3 shkurt, duke e goditur një magazinë të municioneve, një fabrikë të ndërtimit të veturave bomba, dhe një kazermë. 
Kategoritë: Lajmet e ditës

Të rinjtë e komuniteteve RAE, jetë plot sfida

Radio Evropaelire-Lajme - Dje, 02/05/2017 - 11:33
Në qytezën e Fushë Kosovës, të rinjtë e komuniteteve rom, ashkali dhe egjiptian, flasin për një jetë me shumë probleme që ata e bëjnë në Kosovë. Papunësia e varfëria janë shqetësimet më të mëdha të tyre.
Kategoritë: Lajmet e ditës

Trump e mbron Putinin, thotë SHBA ka “vrasës” gjithashtu

Radio Evropaelire-Lajme - Dje, 02/05/2017 - 11:18
Presidenti amerikan, Donald Trump e ka hedhur poshtë përshkrimin e presidentit rus, Vladimir Putin si “vrasës”, duke thënë se Shtetet e Bashkuara kanë “shumë vrasës”, gjithashtu.  Intervista e plotë do të transmetohet nga televizioni Fox më 5 shkurt, pak para ndeshjes së kampionatit të futbollit amerikan e njohur si “Super Bowl”, ndërsa disa pjesë të saj janë transmetuar mbrëmë.  Në një nga pjesët e transmetuara, intervistuesi Bill O’Reilly e pyet Trumpin nëse ai e respekton Putinin?  “Unë e respektoj atë”, ka thënë ai dhe ka shtuar, “por, unë respektoj shumë njerëz. Kjo nuk do të thotë se do ia kalojë mirë me të”.  “Unë them që është më mirë t’ia kalojmë mirë me Rusinë, dhe nëse Rusia na ndihmon në luftën kundër (militantëve të Shtetit Islamik), që është një luftë e madhe, dhe terrorizmin islamik në tërë botën…kjo është një gjë e mirë”, ka thënë Trump gjatë intervistës.  O’Reilly më pas insiston, “po ai është vrasës, megjithatë. Putin është vrasës”.  “Ka shumë vrasës. Ne kemi shumë vrasës”, reagon Trump dhe shton “Çfarë mendon ti? Vendi ynë është shumë i pafajshëm?” 
Kategoritë: Lajmet e ditës

Nis heqja e murit në Mitrovicë

Radio Evropaelire-Lajme - Dje, 02/05/2017 - 10:57
Ka nisur rrënimi i murit ilegal i ndërtuar nga autoritetet komunale të Mitrovicës së veriut. Aktualisht, dy ekskavatorë të një kompanie ndërtimore, janë duke bërë rrënimin e murit në Veri të Mitrovicës.
Kategoritë: Lajmet e ditës

Erëra të forta drejt Donald Trumpit

Deutsche Welle - shqip - Dje, 02/05/2017 - 10:28
Një gjykatës federal në Uashington shfuqizoi me dekret ndalimin e udhëtimit në SHBA për myslimanët nga 7 vende, të vendosur nga Trump. Por ky shfuqizim nuk është i vetmi hall me të cilin përballet Donald Trump.
Kategoritë: Lajmet e ditës

Rrënohet muri - Mustafa e quan zgjidhje të problemit të brendshëm

Radio Evropaelire-Lajme - Dje, 02/05/2017 - 09:58
Është rrënuar muri ilegal i ndërtuar nga autoritetet komunale të Mitrovicës së veriut. Dy ekskavatorë të një kompanie ndërtimore, kanë bërë rrënimin e murit afër lumit Ibër. Rrënimin e murit e kanë përcjellë disa qytetarë, shqiptarë e serbë, kurse gjendja gjatë gjithë procesit të kryerjes së punimeve, ka qenë e qetë.
Kategoritë: Lajmet e ditës

Orteku i borës shkakton së paku 13 viktima në veri të Pakistanit 

Radio Evropaelire-Lajme - Dje, 02/05/2017 - 09:44
Një zyrtar i sigurisë së Pakistanit ka thënë se së paku 13 persona janë mbytur gjatë një orteku të borës që ka mbuluar disa shtëpi në pjesën veriore të Pakistanit.  Një zyrtar tjetër ka thënë se së paku 12 persona janë shpëtuar pas stuhisë së borës, ndërsa përpjekjet po vazhdojnë për t’i dërguar ata në spital, pasi bora ka bllokuar shumë rrugë në atë zonë.  Nizamud Shah, komandanti i forcës së zonës Chitral, ka thënë se orteku e ka goditur Chitralin pasditën e 4 shkurtit.  Nuk është ende e qartë nëse ka viktima të tjera apo persona të mbijetuar që kanë mbetur të ngujuar nga bora, megjithëse zyrtarët kanë thënë se numri i viktimave mund të rritet.  Personeli ushtarak është nisur në zonën në fjalë për të ndihmuar me operacionet e kërkim shpëtimit. 
Kategoritë: Lajmet e ditës

Trump i thotë Poroshenkos që SHBA do punojë ta rikthejë paqen në Ukrainë 

Radio Evropaelire-Lajme - Dje, 02/05/2017 - 09:16
Shtëpia e Bardhë njofton se presidenti Donald Trump i ka thënë homologut të tij ukrainas, Petro Poroshenko se Shtetet e Bashkuara do të punojnë që t'i japin fund konfliktit në Ukrainen lindore, afër kufirit me Rusinë.  "Ne do të punojmë me Ukrainën, Rusinë dhe të gjitha palet e përfshira për t'i ndihmuar ata që të rivendosin paqen përgjatë kufirit", ka thënë Trump ne komunikatën e publikuar.  Njoftimi ka shtuar se të dy liderët kanë diskutuar mundësinë e takimit në të ardhmen e afërt.  Ndërkaq, komunikata e zyres së presidentit Poroshenko thotë se të dy liderët kanë "nënvizuar nevojën urgjente të vendosjes së një armëpushimi të plotë" për tërë rajonin.  Presidenti ukrainas e ka falenderuar Trumpin për "përkrahjen e tij të fuqishme për sovranitetin dhe integritetin territorial të Ukrainës", thotë më tej komunikata.  Thirrja telefonike ka ndodhur në kohën kur janë shtuar luftimet në mes të trupave ukrainase dhe separatistëve pro rusë që gjatë një jave të eskalimit ka marrë jetën e 35 personave.  Ukraina ka shprehur shqetësimin se Trump mund të heq disa prej sanksioneve që i janë vendosur Rusisë pasi Moska e aneksoi ilegalisht gadishullin ukrainas të Krimesë në vitin 2014.  Trump rregullisht ka shprehur dëshirën për përmirësimin e marrëdhënieve me Moskën. Biseda telefonike është bërë një javë pas telefonatës që Trump e ka pasur me presidentin rus, Vladimir Putin.  Më 2 shkurt, ambasadorja e re e SHBA-sënë OKB, Nikki Haley ka "dënuar ashper veprimet e Rusisë" në Ukrainën lindore dhe ka paralajmëruar se sanksionet ndaj Rusisë që kanë të bëjnë me Ukrainën nuk do të hiqen derisa Krimea t'i kthehet Kievit.  "Krimea është pjesë e Ukrainës. Sanksionet tona që kanë të bëjnë me Krimenë do të mbesin në fuqi derisa Rusia ta dorëzojë kontrollin mbi gadishullin te Ukraina", ka thënë ajo.  Së paku 9800 njerez janë vrarë prejse ka filluar konflikti në Ukrainën lindore, në prill të vitit 2014.
Kategoritë: Lajmet e ditës
Kritiket-Blog Letersi Kritika-dejavu Kalendar