Skip to content

Lajmet e ditës

Zgjedhjet, ministri Demiraj takim me koordinatorët e PS, LSI dhe PD në Berat

BalkanWeb - Lajme - Sht, 06/24/2017 - 14:11
BERAT– Ministri i Punëve të Brendshme Dritan Demiraj zhvilloi nje takim me subjektet elektorale, PS, LSI dhe PD ne qarkun e Beratit. Ministri Demiraj takoi koordinatoret e subjekteve politike, Blendi Klosin, Nasip Nacon dhe Eduart Halimin per te degjuar pretendimet ne lidhje me procesin zgjedhor dhe udhezoi Drejtorin Vendor te Policise se Beratit, te marre […]
Kategoritë: Lajmet e ditës

Berisha publikon SMS: Ja çfarë ju shkruan Lindita Nikolla mësuesve ditën e heshtjes zgjedhore

BalkanWeb - Lajme - Sht, 06/24/2017 - 14:06
TIRANE- Ish-kryeministri Sali Berisha ka publikuar ne profilin e tij në Facebook mesazhin qe ka shperndare me sms sipas tij diten e heshtjes elektorale Lindita Nikolla. “Ku pyet per ligjin ndrikull Nikolla apo “madam Vila”! Ky eshte mesazhi qe shperndan me sms diten e heshtjes elektorale “Madame Vila” -apo ndrikull Nikolla, -qe nderton vilen luksoze, […]
Kategoritë: Lajmet e ditës

Pesë arsyet pse Inzagi mund të pranojë drejtimin e Kombëtares Shqiptare

BalkanWeb - Lajme - Sht, 06/24/2017 - 13:44
TIRANE- Në një analizë të bërë nga “Gazzetta Dello Sport” mbi mundësinë që Inzagi ka për të drejtuar Shqipërinë, renditeshin disa nga arsyet që e afronin atë me fanellën kuqezi. Në fakt, arsyet e quanin thuajse të kryer faktin që ai mund të pranojë për të nisur një aventurë të re. Pse mund të pranojë? […]
Kategoritë: Lajmet e ditës

Sfidat para Presidentit Trump dhe rivalëve demokratë

Zeri Amerikes - Sht, 06/24/2017 - 13:33
Republikanët fituan për një post në Kongres kësaj jave në shtetin e Xhorxhias, dhe kjo mund të hapë një diskutim të ri mes demokratëve
Kategoritë: Lajmet e ditës

Kosova afër anëtarësimit në INTERPOL

Radio Evropaelire-Lajme - Sht, 06/24/2017 - 13:16
Autoritetet në Kosovë presin që gjatë këtij viti Kosova të jetë anëtare e organizatës më të madhe të policisë në botë, INTERPOL.
Kategoritë: Lajmet e ditës

Turqia ndalon marshin e komunitetit LGBT për "arsye të sigurisë"

Radio Evropaelire-Lajme - Sht, 06/24/2017 - 13:06
Zyra e guvernatorit të Stambollit ka ndaluar një marsh të planifikuar nga komuniteti LGBT në këtë qytet. Kjo zyrë ka bërë të ditur se parada është ndaluar për “shkak të sigurisë së pjesëmarrësve, turistëve”, dhe “rendit publik”. Aktivistët turq të këtij komuniteti patën njoftuar përmes rrjeteve sociale se me datën 25 qershor do të organizonin marshin në sheshin Taksim. Zyra e guvernatorit ka deklaruar se sheshi Taksim në Stamboll nuk është i projektuar për protesta dhe se nuk kanë pranuar ndonjë kërkesë të përshtatshme. Kjo zyrë ka shtuar se disa grupe kanë ngritur “ reagime serioze” kundër këtij marshi. Alperen Hearths, grup i ekstremit të djathtë, i lidhur me partinë politike ultranacionaliste, ka kërcnuar javën e kaluar se do të ndalojë mbajtjen e kësaj parade edhe nëse autoritetet e lejojnë një gjë të tillë. Paradat e komunitetit LGBT mbahen në Stamboll gjatë dekadës së fundit, mirëpo në vitin 2015 policia e ndaloi marshin duke përdorur gaz lotësjellës dhe topa uji. Në marshin e vitit 2014, më shumë se 100,000 persona u patën mbledhur në Stamboll, duke shënuar një nga paradat më të mëdha të komunitetit LGBT, në botën myslimane.
Kategoritë: Lajmet e ditës

Takimi në Bruksel: Mbrojtje të përbashkët për BE-në

Zeri Amerikes - Sht, 06/24/2017 - 13:02
Gjatë këtij viti kanë mbërritur në Evropë mbi 81 mijë emigrantë
Kategoritë: Lajmet e ditës

Rezultatet e provimit të maturës shtetërore në korrik

Radio Evropaelire-Lajme - Sht, 06/24/2017 - 12:48
Komisioni Shtetëror i Maturës në Kosovë, përmes një njoftimi për media, ka vlerësuar se provimi i Maturës Shtetërore ka përfunduar me sukses. Provimi është mbajtur të shtunën në 201 qendra të testimit, ndërsa për mbarëvajtjen dhe administrimin e tij janë angazhuar 2100 administrues dhe 600 komisionarë. “Provimi ka filluar me kohë në të gjitha qendrat, pasi që testet janë shpërndarë dhe nuk ka pasur mungesa të testeve. Edhe në këtë pjesë, tentimet për kopjim dhe shpërndarje të testit në rrjetet sociale kanë qenë shumë më të pakta se në të kaluarën”, Derisa, në rastet kur ka pasur tentime të tilla, janë identifikuar dhe raportuar dhe ndaj tyre do të merren masat që i përcakton Ligji”, thuhet në njoftim. Rezultatet e provimit të maturës shtetërore, bëhet e ditur, se do të publikohen më 3 korrik 2017, në të gjitha shkollat ku nxënësit kanë mbaruar shkollimin e mesëm të lartë. Ndryshe, provimi i maturës shtetërore vlerëson arritjet e njohurive, shkathtësive dhe aftësive të nxënësve, të cilat i kanë fituar gjatë arsimimit parauniversitar në përputhje me kurrikulën e Republikës së Kosovës. Po ashtu, si test përcakton edhe nivelin e kompetencave të arritura të nxënësve, dhe përfundimi me sukses i këtij testi mundëson më pas aplikimin për studime në universitet. Pragu i kalueshmërisë në provimin e maturës shtetërore sipas Ligjit për provimin e maturës shtetërore është 40 për qind.  
Kategoritë: Lajmet e ditës

Kinë, 6 të vdekur; 120 të zhdukur nga rrëshqitja e dheut

Zeri Amerikes - Sht, 06/24/2017 - 12:18
Shira të rrëmbyer shkaktuan një rrëshqitje masive dheu në fshatin Xinmo në provincën Sishuan
Kategoritë: Lajmet e ditës

Irani paralajmëron SHBA-në për balancat në Lindjen e Mesme

Radio Evropaelire-Lajme - Sht, 06/24/2017 - 12:14
Shefi i energjisë atomike në Iran, Ali Akbar Salehi, i cili ndihmoi në krijimin e marrëveshjes bërthamore të vitit 2015, ka paralajmëruar SHBA-në, rreth shqetësimeve për balancimin e pushtetit në Lindjen e Mesme.
Kategoritë: Lajmet e ditës

Në Londër 800 familje evakuohen për shkaqe sigurie

Radio Evropaelire-Lajme - Sht, 06/24/2017 - 11:34
Këshilli lokal i Londrës ka vendosur të evakuojë rreth 800 familje nga ndërtesat që i ka në pronësi, për shkaqe sigurie. Ky vendim vjen pas zjarrit të madh që vrau 79 persona në kullën Grenfell të Londrës. Njoftimi erdhi pas shqetësimeve në rritje të banorëve të shumë blloqeve të banesave në Britani. Këshilli i Camdenit është i pari që merr një hap kaq të madh, pas zjarrit që ndodhi javë më parë. Udhëheqja e Këshillit, Georgia Gould, ka thënë se vendimi është marrë për pesë blloqe banesash në pjesën veriore të Londrës, me arysetimin se pas përfundimit të inspektimit është konkluduar se nuk mund të garantohet siguria e banorëve në ato ndërtesa. Kryeministrja britanike, Theresa May, përmes Twitterit, u ka thënë personave që janë evakuuar se do të bisedojë me autoritetet përkatëse për t’ju ofruar ndihmë. Renovimet e blloqeve të ndërtesave pritet të përfundojnë brenda katër javëve. “Zjarri në kullën Grenfell ka ndryshuar çdo gjë. Ne do të bëjmë gjithçka për të ruajtur sigurinë e banorëvë tanë”, ka thënë ndër të tjera Gould.  
Kategoritë: Lajmet e ditës

Maqedonia, me politikë të re ndaj shteteve fqinje

Radio Evropaelire-Lajme - Sht, 06/24/2017 - 11:03
Vizita e kryeministrit Zoran Zaev në Bullgari dhe ajo e shefit të diplomacisë, Nikolla Dimitrov në Greqi, i ka dhënë shtytje të re raporteve diplomatike të Maqedonisë me këto dy shtete fqinje, me të cilat ajo ka konteste të ndryshme që nga pavarësia e saj. Me Greqinë ka të pazgjidhur çështjen e emrit, që kontestohet nga Athina dhe me Sofjen çështjen e gjuhës, por edhe çështje tjera me identitetin dhe historinë.  Por, gatishmëria dhe mesazhet që erdhën nga këto vizita, se në raportet ndërmjettyre nuk duhet të ketë nxitje të tensioneve, apo politika të udhëhequra nga nacionalizmat, kanë ulur tensionet. Madje me Bullgarinë pritet që pas një muaji të nënshkruhet edhe marrëveshja për fqinjësi të mirë, ndërsa me Greqinë pritet rikthimi i bisedimeve për mbylljen e kontestit të emrit. Njohësit e çështjeve politike dhe ndërkombëtare, thonë se raportet e mira me shtetet fqinje janë thelbësore në të gjithë procesin e integrimit evropian të vendit, por edhe për zhvillimin e tij dhe në të mirën e qytetarëve që kanë lidhje me këto shtete.  Mitko Gaxhovski, analist dhe profesor në Fakultetin e Shkencave Shoqërore në Shkup, thotë se Qeveria e re ka shumë për të mësuar nga Qeveria e kaluar se si nuk duhet të sillet me fqinjët. “Sa më shpejt të normalizohen raportet me fqinjët tanë që janë anëtarë të integrimeve euroatlantike, më mirë dhe më lehtë do të jetë për Maqedoninë që të vazhdojë me proceset e nisura nga Qeveria e re në rrugën e inkuadrimit të vet po në ato organizata ku tashmë kanë aderuar fqinjët tanë". "Vetëm me politike të fqinjësisë së mirë, ne mund të përparojmë si shtet dhe shoqëri, pasi politikat e nxitjes dhe krijimit të problemeve mund të izolojnë vendin dhe këtë pa dyshim se në radhë të parë do ta ndjejnë qytetarët, të cilët duan të jenë pjesë e familjes së madhe evropiane”,vlerëson Gaxhovski. Edhe Arsim Sinani, drejtues i Qendrës për Studime Ndërkombëtare dhe Hulumtime Ballkanike, thotë se raportet me fqinjët janë të rëndësishme dhe se kjo, sipas tij, u dëshmua edhe në zgjedhjet e dhjetorit kur qytetarët dënuan me votën e tyre politikën konfliktuoze të Qeverisë së Gruevskit “Realisht, qytetarët e Maqedonisë me votën e tyre në zgjedhjet e fundit treguan se Maqedonia duhet të krijojë një politikë krejtësisht të re në politikën e jashtme, pra afrimin e Maqedonisë me vendet e rajonit dhe më tej. Kështu që, këto zhvillime i shoh si përmirësim të imazhit të Maqedonisë për shkak se deri më tani ne kishim një qeverisje jo vetëm autokratike, por edhe konfliktuoze me fqinjët”, thotë Sinani. Por, përveç me Bullgarinë dhe Greqinë, ekspertët thonë se Qeveria e re duhet të vendosë kontaktet edhe me qeveritë në Kosovë dhe Shqipëri,si dy shtete fqinje shumë të rëndësishme edhe për faktin se një përqindje e madhe e popullsisë në Maqedoni është shqiptare. Me këto dy vende Maqedonia nuk ka konteste, por raportet duhet të zhvillohen në të gjitha sferat. “Nuk duhet të lihen anash edhe kontaktet bilaterale me shtetet tjera fqinje me Shqipërinë, Kosovën, po ashtu me Serbinë. Të gjithë këto kontakte janë të rëndësishme për raportet e mira fqinjësore, sidomos me problemet që shtetet i kanë të përbashkëta". "Nuk më habit fakti se kontaktet e para vendosen me ato shtete si me Greqinë dhe Bullgarinë, me të cilat deri tani kanë pretenduar se kanë pretekst për të bllokuar Maqedoninë në procesin e eurointegrimeve”, thotë Bekim Kadriu, profesor i së Drejtës Ndërkombëtare duke theksuar edhe nevojën që Maqedonia të ketë qasje pozitive në veçanti ndaj Kosovës në anëtarësimin e saj në institucionet ndërkombëtare.  Ekspertët e konsiderojnëtë gabuar vlerësimin e qeverisë së re se duhet të ketë qasje neutrale ndaj anëtarësimit të Kosovës në UNESCO.  Sipas tyre, qeveria e re duhet në këtë rast të ndjekë shembullin e qeverisë së kaluar e cila kishte votuar për anëtarësimin e Kosovës në këtë organizatë të rëndësishme ndërkombëtare.
Kategoritë: Lajmet e ditës

Europa ime: Para se të ndizet flaka e propagandës

Deutsche Welle - shqip - Sht, 06/24/2017 - 10:33
Historia tragjike polako-gjermane nuk duhet të kthehet në peng të politikës, paralajmëron publicisti Jaroslaw Kurski. Në vend të kësaj duhet që të gjithë pjesëmarrësit të ruajnë vlerat e demokracisë e europiane.
Kategoritë: Lajmet e ditës

Dështon një sulm terrorist në Mekë

Deutsche Welle - shqip - Sht, 06/24/2017 - 09:58
Policia e Arabisë Saudite ka penguar në minutën e fundit një sulm të mundshëm ndaj Xhamisë së Madhe në Mekë, ku ishin mbledhur qindra mijëra besimtarë.
Kategoritë: Lajmet e ditës

Myftiu Tërnava uron besimtarët myslimanë për festën e Fitër Bajramit

Radio Evropaelire-Lajme - Sht, 06/24/2017 - 09:38
Myftiu i Kosovës, Naim Tërnava ka adresuar mesazhin e tij urues me rastin e përfundimit të muajit të shenjtë të Ramazanit dhe kremtimit të festës së Fitër - Bajramit. “Pas një muaji agjërim ku shprehem bindjen dhe përkushtimin ndaj Zotit, nesër para agimit besimtarët do të jenë fillimisht në xhami për të kurorëzuar përfundimin e agjërimit, fillimisht me faljen e namazit të Bajramit e për të vazhduar festën në familje, farefis e shoqëri të bashkuar në përgëzime e urime”, ka thënë Tërnava. Me mesazhe për paqe e tolerancë, Myftiu Tërnava, ka uruar të gjithë besimtarët islam. “Në punët tona të përditshme jemi të obliguar të forcojmë paqen mirëqenien, dashurinë, respektin dhe solidaritetin mes njerëzve larg dhunës, konflikteve gjakderdhjeve e ekstremeve të ndryshme. Misioni ynë në këtë botë është që të hapim shtigjet e lumturisë për njerëzimin, ky është misioni primar i fesë tonë islame”, ka theksuar myftiu Tërnava. Festa e Fitër Bajramit pason muajin e shenjtë të Ramazanit, gjatë të cilit, sipas besimit Islam, agjërohet 30 ditë, në shenjë sakrifice dhe përkushtimi ndaj Zotit. 
Kategoritë: Lajmet e ditës

Rritet numri i të vdekurve në Pakistan

Radio Evropaelire-Lajme - Sht, 06/24/2017 - 09:32
Zyrtarët pakistanezë kanë thënë se është rritur në 45 numri i të vdekurve nga dy shpërthime në pjesën veriperëndimore në  qytetin Parachinar duke ngritur në 61, numrin e përgjithshëm të vdekjeve nga sulmet e 23 qershorit. Numri i të vdekurve pritet të rritet, pasi zyrtarët e qeverisë lokale dhe spitalore në këtë qytet kanë njoftuar se shumë nga viktimat e sulmeve janë në gjendje kritike. Doktori i spitalit, Sabir Hussain, ka thënë se kanë pranuar 261 persona nga këto sulme, 62 prej tyre në gjendje kritike. Grupi ekstremist sunit, Lashkar-e-Jhangvi mori përgjegjësinë për shpërthimet në një treg të mbushur me njerëz në Parachinar, qytet kryesisht me popullësi shiite. Policia ka njoftuar se dy shpërthimet kanë ndodhur pothuajse në të njëjtën kohë. Vala e sulmeve ka goditur Pakistanin në kohën e përgatitjeve për festën e Bajramit, që shënon fundin e muajit të shenjtë të Ramazanit.
Kategoritë: Lajmet e ditës

Kreditë për pushime e Bajram, varfërojnë buxhetet familjare

Radio Evropaelire-Lajme - Sht, 06/24/2017 - 08:27
Ka vazhduar edhe sivjet tradita e bankave komerciale në Kosovë për lansimin e ofertave të ndryshme për kredi të shpejta, të cilat ndërlidhen me festat fetare apo edhe festa tjera.
Kategoritë: Lajmet e ditës

Rrëshqitje masive të dheut në Kinë

Radio Evropaelire-Lajme - Sht, 06/24/2017 - 08:21
Më shumë se 140 persona supozohet të kenë vdekur pas një rrëshqitje masive të dheut në një fshat në jugperëndim të Kinës, kanë njoftuar zyrtarët. Rreth 40 shtëpi të fshatit Xinmo, janë shkatërruar pas shembjes së një mali, duke bllokuar një pjesë të lumit prej dy kilometrash, ka njoftuar zyra e lajmeve të qeverisë. Më shumë se 400 persona kanë qenë pjesë e ekipit të shpëtimit, mirëpo transmetuesi shtetëror CCTV, ka raportuar se deri më tash është shpëtuar vetëm një çift dhe foshnja e tyre dy muajshe. Rrëshqitjet e dheut janë një rrezik i shpeshtë në pjesët rurale dhe malore të Kinës, veçanërisht në kohën e shirave të dendur. Të paktën 12 persona janë vrarë në janar, pas një rrëshqitje të dheut, në një hotel në qendër të provincës Hubei.
Kategoritë: Lajmet e ditës

Mbahet pjesa e dytë e provimit të maturës

Radio Evropaelire-Lajme - Sht, 06/24/2017 - 08:05
Komisioni Shtetëror i Maturës ka njoftuar se pjesa e dytë e provimit të maturës, për rreth 25 mijë maturantë të Kosovës, do të zhvillohet sot. Këtij testi i nënshtrohen nxënësit që përfundojnë klasën e 12-të të arsimit të mesëm. Testi i maturës vlerëson arritjet e njohurive, shkathtësive dhe aftësive të nxënësve, të cilat i kanë fituar gjatë arsimimit parauniversitar në përputhje me kurrikulën e Republikës së Kosovës. Po ashtu, si test përcakton edhe nivelin e kompetencave të arritura të nxënësve, dhe përfundimi me sukses i këtij testi mundëson më pas aplikimin për studime në universitet. Pragu i kalueshmërisë në provimin e maturës shtetërore sipas Ligjit për provimin e maturës shtetërore është 40 për qind.
Kategoritë: Lajmet e ditës

Pentagoni: Rusia po vazhdon përdorimin e linjës së komunikimit

Radio Evropaelire-Lajme - Sht, 06/24/2017 - 07:26
Ushtria amerikane ka bërë të ditur se janë duke përdorur linjën e komunikimeve me Rusinë, për të anashkaluar përplasjet aksidenatale ajrore gjatë operacioneve të tyre në Siri. Ky lajm vjen pas një kërcnimi që bëri Moska gjatë kësaj jave se do të ndalte linjën e komunikimeve, pasi një aeroplan amerikan kishte rrëzuar një aeroplan luftarak sirian. “Linja e komunikimit është e hapur dhe jemi duke e përdorur”, ka thënë koloneli, Ryan Dillon, zëdhënës i koalicionit të forcave ushtarake që përkrahen nga SHBA-ja, me bazë në Bagdad. Këto forca e luftojnë Shtetin Islamik në Siri dhe Irak. Pavarësisht paralajmërimeve që ka bërë Rusia për ndërprerje të kontakteve, zyrtarët amerikanë kanë thënë se rusët e kanë njoftuar ushtrinë amerikane për operacionet e tyre kundër militantëve të Shtetit Islamik. Ky hap mund të shihet si tregues drejt një përmirësimi të mundshëm të raporteve të tensionuara në mes të SHBA-së dhe Rusisë.
Kategoritë: Lajmet e ditës
Kritiket-Blog Letersi Kritika-dejavu Kalendar