Skip to content

Lajmet e ditës

Presidentja e Zvicrës uron Metën: Mbështesim Shqipërinë në rrugën drejt BE-së

BalkanWeb - Lajme - Mër, 05/24/2017 - 14:32
TIRANE– Presidentja e Konfederatës së Zvicrës, Doris Leuthard ka uruar përmes nj etere presidentin e zgjedhur të Republikës së Shqipërisë, Ilir Meta. Në urimin e saj presidentja Leuthard thotë se Zvicra mbetet e angazhuar për të vazhduar mbështetjen e Shqipërisë në rrugën e saj drejt integrimit evropian. Presidentja zvicerane shprehet se bindur se marrëdhëniet e […]
Kategoritë: Lajmet e ditës

Hoyt Brian Yee - kërkon kujdes ndaj qasjes ruse në Ballkan

Zeri Amerikes - Mër, 05/24/2017 - 14:30
Zëvendës ndihmës sekretari amerikan i shtetit Hoyt Brian Yee, tha të mërkurën se SHBA do të bashkëpunojnë me Rusinë, por do t'i mbrojnë fuqishëm interesat amerikane dhe të aleatëve
Kategoritë: Lajmet e ditës

Arrestohet në Kosovë një nga shqiptarët më të kërkuar në Evropë (Emri)

BalkanWeb - Lajme - Mër, 05/24/2017 - 14:23
KOSOVE– Policia e Kosovës ka arrestuar një nga shqiptarët më të kërkuar në Evropë. Në pranga ka rënë shqiptari nga Kosova Hime Lufaj, 32 vjeç, pasi ishte në kërkim nga Interpol që prej vitit 2009 me kërkesë të Austrisë. Sipas medias austriake Orf.at 32-vjeçari akuzohet për disa vepra të rënda penale. Në prill të vitit […]
Kategoritë: Lajmet e ditës

Raoul Bova, me Rocio Munoz Morales topless në Ibiza pushimet bëhen hot

BalkanWeb - Lajme - Mër, 05/24/2017 - 14:20
Një javë në intimitet në det për Raoul Bova dhe Rocio Munoz Morales. Pas shumë impenjimeve, çifti i ka lejuar vetes disa ditë relaksuese në një resort në Ibiza. Të dy vetëm, pa vajzën e tyre të vogël Luna, çfti ka shijuar diellin dhe një banjo pasionante. E përjavshmja Chi i ka fotografuar të dy, […]
Kategoritë: Lajmet e ditës

Detyrimi i TV për të transmetuar falas reklamat e fushatës, zbulohet gafa në ligjin e ri

BalkanWeb - Lajme - Mër, 05/24/2017 - 14:15
Entuziazmi i konsensusit të arritur mes Partisë Socialiste dhe Partisë Demokratike duket se është bërë shkak që palët të miratojnë me nxitim një ligj kundër televizioneve, që në thelb ka një gafë juridike, e cila sjell pavlefshmërinë e tij. Në bazë të nenit 84 të Kodit Zgjedhor në fuqi, reklamat e partive politike në fushatë […]
Kategoritë: Lajmet e ditës

“Mos bëj seks derisa të shpallemi kampionë”, Tosiç i përgjigjet lutjes së tifozëve të Beshiktash

BalkanWeb - Lajme - Mër, 05/24/2017 - 14:13
Një kërkesë e çuditshme e tifozëve të Beshiktash ka ardhur në drejtim të bashkëshortes së futbollistit të ekipit të tyre, serbit Dushko Tosiç. Ata i kërkonin këngëtares Jelena Karleusa që të hiqte dorë nga seksi me Tosiç këto tre javë pasi janë shumë të rëndësishme që ekipi të shpallet kampion për të dytin vit radhazi. […]
Kategoritë: Lajmet e ditës

Sulmi në Manchester, zbulohen lidhjet e babait të kamikazit me Al Qaeda-n

BalkanWeb - Lajme - Mër, 05/24/2017 - 14:02
ANGLI- Babai i 23-vjeçarit Abedi Salman, kamikazi që hodhi veten në erë të hënën në mbrëmje në stadiumin Manchester Arena është një mbështetës i Al Qaeda. Lajmi bëhet i ditur nga televizioni arab Sky News Arabiya duke iu referuar burimeve dhe dokumenteve të lëshuara në epokën e Muammar Gheddafit. “Abu Ismail Abedi – konfirmon burime […]
Kategoritë: Lajmet e ditës

Mogherini fton në darkë pune gjashtë kryeministrat e Ballkanit Perëndimor

Radio Evropaelire-Lajme - Mër, 05/24/2017 - 13:40
Përfaqësuesja e Lartë e Bashkimit Evropian për Politikë të Jashtme dhe Siguri, Federica Mogherini do të takojë sonte për një darkë pune në Bruksel, gjashtë kryeministrat e shteteve të Ballkanit Perëndimor. Para kësaj darke, Mogherini do t’i takojë ndaras kryeministrat në takime bilaterale. Dy prej kryeministrave, ai i Kosovës, Isa Mustafa dhe i Serbisë Aleksandar Vuçiq, janë në largim e sipër, ndërsa nga Maqedonia në takim është ftuar lideri Socialdemokrat, Zoran Zaev në cilësinë e mandatarit për kryeministër të ardhshëm të këtij vendi. Mogherini ka thënë se i ka ftuar gjashtë kryeministrat, që janë në detyrë apo edhe të mandatuar, nga 6 vendet partnere të Ballkanit Perëndimor, për të diskutuar me ta për gjendjen aktuale në rajon, pastaj për të diskutuar se si ky rajon të ecë përpara dhe si mundet Bashkimi Evropian të forcojë perspektivën e normalizimit të raporteve dhe fqinjësisë së mirë në rajon. Në prag të këtij takimi, Përfaqësuesja e lartë e BE-së tha se duhet të rritet bashkëpunimi mes këtyre vendeve, e po ashtu edhe bashkëpunimi me Bashkimit Evropian. Po ashtu, u shpreh ajo, duhet konsoliduar atë që shpesh i referohen si “fuqia transformuese e perspektivës së BE-së”, përkatësisht për qeverisjen e mirë, përfshirjen e shoqërisë civile dhe krijimin e një ekonomie dinamike. “Ballkani Perëndimor është me të vërtetë një rajon i rëndësishëm për Bashkimin Evropian, kur bëhet fjalë për sigurinë, për forcimin e parandalimit të radikalizmit, ku kemi një bashkëpunim të fortë me to (vendet ballkanike). Për menaxhimin e fluksit të refugjatëve, për forcimin e kufijve tanë”, ka thënë Mogherini. Shefja e Politikës së jashtme të BE-së ka deklaruar po ashtu se jo vetëm nga ajo, por edhe nga Komisioneri për Fqinjësi dhe Zgjerim, Johanes Hahn, si dhe tre presidentët e institucioneve të BE-së, presidenti i Këshillit Donald Tusk, ai i Komisionit Jean-Claude Juncker dhe Parlamentit Tajani, ka angazhim të fortë për të punuar së bashku me të gjashtë vendet e Ballkanit. “Fuqia bindëse e BE-së i bën ata që të takohen këtu dhe i inkurajon për të punuar së bashku për mirëqenien e përbashkët dhe të rajonit në vete”, ka deklaruar ajo. “I kemi parë zhvillimet e fundit, vështirësitë por dhe disa hapa inkurajues dhe është mirë gjithmonë që të takohemi për të diskutuar të gjithë së bashku për hapat që mund të ndërmarrim për të ardhmen për të ndërtuar një rajon me një nivel më të mirë mirëkuptimi dhe se si mund të ecim së bashku në rrugën Evropiane”, ka thënë Mogherini në prag të takimit me Kryeministrat e vendeve të Ballkanit Perëndimor. Ky takim ka për qëllim edhe përgatitjen e Samitit për Ballkanin Perëndimore që do të zhvillohet në Trieste të Italisë në fillim të muajt korrik.
Kategoritë: Lajmet e ditës

Banka Botërore miraton kornizën e partneritetit me Kosovën

Radio Evropaelire-Lajme - Mër, 05/24/2017 - 12:58
Bordi Ekzekutiv i Bankës Botërore ka aprovuar kornizën për partneritet ndërmjet Kosovës dhe Bankës Botërore për periudhën 2017-2021, ka bërë të ditur përmes një komunikatë për media Ministria e Financave në Qeverinë e Kosovës. Gjatë periudhës së ardhshme pesë vjeçare, Banka Botërore, thuhet se do të investojë në Kosovë mbi 210 milionë dollarë.  “Korniza për Partneritet ndërmjet Kosovës dhe Bankës Botërore ka nëntë objektiva kryesore të cilat janë të grupuara në tre fusha kryesore: përmirësimi i kushteve për përshpejtimin e rritjes së sektorit privat dhe punësimit, forcimi i dhënies së shërbimeve publike si dhe menaxhimi makro-fiskal, dhe promovimi i energjisë së qëndrueshme dhe mbrojtja e ambienti”, thuhet në komunikatën e Ministrisë së Financave. Korniza për partneritet ndërmjet Kosovës dhe Bankës Botërore, thuhet se do mbështes prioritetet ekonomike dhe sociale të Qeverisë së Kosovës, të paraqitura në Strategjinë e Zhvillimit Ekonomik të Kosovës 2016-2021, si dhe Programin e Reformave Ekonomike.
Kategoritë: Lajmet e ditës

Boshllëku i sigurisë në Afganistan

Deutsche Welle - shqip - Mër, 05/24/2017 - 12:49
Talibanët janë kaq të fortë sa kurrë që prej fillimit të misionit ndërkombëtar në Afganistan 16 vjet më parë. Për ta stabilizuar gjendjen, SHBA dhe NATO-ja duan të dërgojnë sërish më shumë ushtarë në Afganistan.
Kategoritë: Lajmet e ditës

Zyrtarët rusë kanë shqetësime lidhur me protestuesit e rinj

Radio Evropaelire-Lajme - Mër, 05/24/2017 - 12:02
Djaloshi 17-vjeçar Matvei i kishte ngritur supet kur ai dhe shokët e tij ishin marrë nga klasa, javën e kaluar, dhe ishin dërguar në sallën e shkollës së tyre në qytetin Tolati, në pjesën qendrore të Rusisë. “Ne e dinim se ata e kishin shfaqur atë film në shkollat e tjera”, i tha Radios Evropa e Lirë gjatë bisedës telefonike, ky nxënës i klasës së 11-të, i cili ka kërkuar që të shfrytëzohet vetëm emri i tij. Kur u bë e qartë se doli se dyshimi i tij ishte korrekt, ata e kishin shfaqur një film, me të cilin opozita politike në Rusi ndërlidhej me fashistët dhe terroristët. Në atë moment, ai veproi sikur shumë nxënës të tjerë në këtë vend aktualisht në rrethana të ngjashme: e xhiroi këtë ngjarje në telefonin e tij mobil për të pasur dëshmi. “Mendoj se është propagandë... propagandë e fshehtë, por megjithatë propagandë”, tha Mavei dhe ka shtuar se “kjo është e ndaluar në shkolla”. Matvei dhe shokët e tij të klasës më vonë i postuan fotografitë në Internet, së bashku me diskutimin me drejtorin e shkollës, që ishte videoja e fundit në vargun e xhirimeve ku shiheshin nxënësit duke shprehur mospajtime me mësuesit e tyre lidhur me politikën opozitare dhe mençurinë e protestave në rrugë. Videot në YouTube kanë hasur në interesim në gjithë Rusinë, duke e theksuar përleshjen e gjeneratave lidhur me kursin politik të Rusisë nën presidentin, Vladimir Putin, dhe përpjekjet e autoriteteve për ta forcuar besnikërinë e të rinjëve ndaj Kremlinit. Zyrtarët mendojnë se si ta kufizojnë rininë Pjesëmarrja substanciale e të rinjëve në protestat kundër korrupsionit në gjithë Rusinë, të organizuara nga lideri opozitar, Aleksei Navalny, në muajin mars të këtij viti, e ka tronditur ambientin politik në Rusi, duke i detyruar zyrtarët që të mendojnë se në çfarë mënyre efektive ta kufizojnë rininë, për të cilën një studim i ri thotë se thellësisht nuk i beson klasës sunduese politike. “Qasja protestuese ekziston dhe ne duhet të punojmë me këta fëmijë protestues”, tha ministrja e Arsimit dhe e Shkencës, Olga Vasilyeva, në një forum në Moskë më 17 maj, ka raportuar agjencia shtetërore e lajmeve në Rusi, TASS. Ajo, mëtutje ka theksuar se njerëzit e rinj nuk duhet të lejohet që të “përfshihen brenda aksioneve antisociale” ose “t’i nënshtrohen ndikimit të tmerrshëm të radikalizmit”. Këto komente të ministres u bënë disa javë para protestave të reja në gjithë Rusinë, të paralajmëruara për muajin e ardhshëm nga lideri opozitar, Aleksei Navalny, 40-vjeçar, që është edhe një luftëtar i paepur kundër korrupsionit, i cili ka paralajmëruar se do të garojë për president në zgjedhjet e vitit të ardhshëm. Gjërësisht pritet që me këto zgjedhje presidentit Putin, 64-vjeçar, do t’i jepet edhe një mandat gjashtë vjeçar. Të rinjtë i besojnë Navalnyt, Kremlini e cilëson si ekstremist Stili i ri medial dhe mendjeprehtë i Navalnyt, dhe retorika e tij luftarake, së bashku me hetimet e ashpra për elitën sunduese në Rusi, e kanë bërë atë të besueshëm në mesin e të rinjëve, të cilët tregojnë pak interes për dogmat e Kremlinit, që reflektohen nga televizioni i kontrolluar nga shteti. Zyrtarët rusë, mediat shtetërore dhe lojalistët e Kremlinit, synojnë ta portrezitojnë Navalnyn si ekstremist të rrezikshëm, duke e cituar bashkëpunimin e tij të mëhershëm me grupet e krahut të djathtë, përfshirë paraqitjen e tij në një miting ultarnacionalist, para disa viteve. Në këtë kuadër, para protestave të 12 qershorit, janë paraqitur disa video në Internet, të cilësisë së mirë por me financim të mjegulluar, në të cilat nga të rinjtë kërkohet që të qëndrojnë larg nga protestat. Në një video të postuar këtë javë, këngëtarja e pop muzikës, Alisa Voks, e përfundon një këngë me fjalët: “qëndro jashtë politikës, bejbi, shko kryej detyrat e shtëpisë”. Në një tjetër video, gjendet një referencë e një këngëtari ku pretendohet ajo që sugjerojnë kundërshtarët e Navalnyt, se ai dhe kritikët e tjerë të Kremlinit, janë kukulla të Shteteve të Bashkuara. Navalny e ka akuzuar Kremlinin për shfrytëzim të parave të taksapaguesve për t’i financuar videot, që së bashku i kanë siguruar afro 3 milionë shikime. Por aktorët në video i kanë hedhur poshtë këto akuza. Në raportet e dy kompanive të mediave në Rusi, sugjerohet se ato ishin urdhëruar nga zyrtarët aktualë ose të dikurshëm të Rusisë. Përgatiti: Fatmir Bujupi
Kategoritë: Lajmet e ditës

Mungesa e kushteve, lë shumë fëmijë me nevoja të veçanta pa shkollim

Radio Evropaelire-Lajme - Mër, 05/24/2017 - 11:17
Ndonëse Kosova nuk ka statistika të sakta se sa është numri i fëmijëve me nevoja të veçanta, sfidë për këta fëmijë mbetet qasja e tyre në shkollim. Nazim Dragusha, është prind i vajzës 11-vjeçare e cila është e diagnostikuar me sëmundjen mikrocefali, e cila është e lidhur me defektet në zhvillim dhe reduktimin e masës së trurit. Ndonëse vajza e tij ka ndjekur fillimisht mësimin në shkollën fillore, ‘’Nexhmi Mustafa’’ në Prugovc të Komunës së Prishtinës, aktualisht, sipas Dragushës, vajza e tij është detyruar ta ndërpres mësimin për shkak se shkolla nuk ofron kushte për këta fëmijë. “Në shkollë ka shkuar në ciklin e ulët. Kohëve të fundit nuk e kam dërguar, pasi pesha e vajzës është rritur, dhe nuk po kam mundësi. Më herët e kam mbajtur në duar dhe e kam dërguar deri në klasë. Tash nuk po mundem, pasi nuk mund ta mbajë në shkallë, sepse vajza, por edhe karroca, janë shumë të rënda. Shkolla nuk po i plotëson kushtet për këso nevoja”, thotë Dragusha. Fëmijët me nevoja të veçanta nuk kanë as asistent në klasë, e që sipas prindërve, është shumë e nevojshme. “Ne kemi kërkuar, por po thonë që ka mungesë të asistentëve. Vajzën e ka mësuar mësuesja, por është vështirë, sepse ka shumë nxënës me një klasë, e këta fëmijë kërkojnë një trajtim më të veçantë”, thotë Dragusha. Në organizatën, ‘’Hendikos’’, Ilmije Hyseni edukatore psiko- sociale i tha Radios Evropa e Lirë se fëmijët me aftësi të kufizuara duhet jenë pjesë e barabartë e shoqërisë dhe të kenë të drejtë të shkollohen. “Fëmijët më aftësi të kufizuara kanë vështirësi për regjistrim në shkolla të rregullta. Ndonëse janë të mbrojtur me ligj, prapë vështirësitë në shkollim janë të shumta, pasi u duhen mësues mbështetës, të cilët mungojnë”. “Problemet janë të shumta, pasi edhe prindërit ndonjëherë hezitojnë, pasi kushtet nuk i lejojnë ata që t’i bartin me karroca fëmijët. Por, nëse nuk regjistrohen në shkollë, atëherë këta fëmijë mbesin në shtëpi. Statistika nuk kemi se sa fëmijë vijojnë mësimin”, tha Hyseni. Edhe një tjetër prind, flet për vështirësitë që hasin fëmijët me nevoja të veçanta në shkolla të rregullta. Miradije Salihu, e ka djalin e saj me nevoja të veçanta. Ai vijon klasën e katërt. Për vështirësitë në të cilat has fëmija i saj i shpjegon vetë zonja Salihu. “Na mungon asistenti personal për fëmijët me nevoja të veçanta. Por, unë kam shumë mirëkuptim me të gjithë. Në fillim ka qenë shumë vështirë, por me kohë djali ka arrit suksese me ndihmën e mësueses dhe ndihmën time”. “Djali ka paralizë cerebrale, dhe me këtë diagnozë ka arritur mjaft. Unë jam një nënë e sfidave, e ballafaqimeve, por jam nënë që lufton për të drejtat e fëmijës tim dhe të gjithë fëmijëve me nevoja të veçanta”, thotë Salihu. Ndryshe, nga Koalicioni i Organizatave joqeveritare për Mbrojtjen e Fëmijëve "KOMF", kanë thënë se ndonëse qasja e fëmijëve me nevoja të veçanta është e përfshirë brenda legjislacionit, ekziston mungesa e vullnetit institucional në planifikimin buxhetor, për zbatimin e ligjeve që kanë të bëjnë me gjithë përfshirjen e fëmijëve me nevoja të veçanta në sistemin arsimor. Ata disa herë kanë potencuar faktin se prioritetet orientohen në projekte kapitale, ndërsa asistentët për këta fëmijë të regjistruar në sistemin e rregullt, si dhe transporti për ta, nuk janë përcaktuar dhe nuk janë zotuar fondet e nevojshme.
Kategoritë: Lajmet e ditës

Britani: Edhe tre të arrestuar për sulmin në Mançester

Radio Evropaelire-Lajme - Mër, 05/24/2017 - 10:46
Policia britanike i ka arrestuar edhe tre njerëz të dyshuar për lidhje me sulmuesin vetëvrasës, i cili i ka vrarë 22 vetë në qytetin Mançester. Policia në këtë qytet ka njoftuar se të dyshuarit janë arrestuar sot në pjesën jugore të qytetit, por nuk ka dhënë më tepër detaje. Dje, policia e ka arrestuar një person 23 vjeçar dhe tha se sulmuesi vetëvrasës, 22 vjeçari Salman Abedi, ishte vrarë gjatë sulmit të pardjeshëm. 
Kategoritë: Lajmet e ditës

Trump takon Papën në Vatikan

Radio Evropaelire-Lajme - Mër, 05/24/2017 - 09:36
Presidenti i Shteteve të Bashkuara, Donald Trump, u takua të mërkurën me Papa Françeskun në Vatikan. Takimi i tyre privat zgjati vetëm gjysmë ore. Trump dhe Papa nuk janë pajtuar publikisht mbi temat që variojnë nga migrimi deri te ndryshimet klimatike. (AP)
Kategoritë: Lajmet e ditës

Bahrejn: Pesë të vrarë dhe qindra të arrestuar nga ndërhyrja e policisë

Radio Evropaelire-Lajme - Mër, 05/24/2017 - 09:02
Së paku pesë vetë janë vrarë dhe qindra vetë janë arrestuar, pasi policia ka ndërhyrë në një protestë në mbështetje të një kleriku të lartë shiitë, ka njoftuar Ministria e brendshme e këtij vendi. Kjo mbretëri sundohet nga sunitët. Policia tha se i ka arrestuar 286 vetë në protestën në Diraz, afër kryeqytetit Manama, derisa ata demonstronin afër shtëpisë së klerikut, Isa Qassim, lider shpirtëror i shumicës shiite në Bahrejn. Sipas ministrisë, disa të dënuar, që kishin ikur nga burgu në Jau, ishin në mesin e njerëzve të arrestuar në protestë dhe ka vlerësuar se disa persona “jashtëligjit” kishin pasur granata dore dhe thika. “Grupet për të drejtat e njeriut e kanë dënuar këtë goditje kundër protestuesve paqësorë. Ministri i jashtëm iranian, Mohammad Javad Zarif, këtë veprim të autoriteteve të Bahrejnit, e ka cilësuar si “rezultatin e parë konkret” të asaj që ai e ka përshkruar si “dhënie e komoditetit për despotët”, nga ana e presidentit amerikan, Donald Trump, para dy ditësh në Arabinë Saudite, që ishte referencë për samitin e liderëve të disa vendeve kryesore myslimane, në të cilin ka marrë pjesë zoti Trump.
Kategoritë: Lajmet e ditës

Dush Smajli nga Mitrovica vritet në Siri

Radio Evropaelire-Lajme - Mër, 05/24/2017 - 08:54
Policia e Kosovës konfirmoi se posedon informacione për vrasjen e një shtetasi të Kosovës në Siri, i cili është nga Mitrovica.
Kategoritë: Lajmet e ditës

Presidenti Trump takon papa Françeskun në Vatikan

Zeri Amerikes - Mër, 05/24/2017 - 08:48
Ata u përplasën me fjalë vitin e kaluar kur zoti Trump bënte fushatë për zgjedhjet presidenciale dhe paralajmëronte për ngritjen e një muri në kufirin me Meksikën
Kategoritë: Lajmet e ditës

Disa republikanë nuk janë të kënaqur me propozimet për buxhet të Trumpit

Radio Evropaelire-Lajme - Mër, 05/24/2017 - 08:43
Propozimi i presidentit amerikan, Donald Trump, për shkurtimin e ndihmës së jashtme ka hasur në pritje të ftohtë nga disa republikanë kryesorë në Kongresin e Shteteve të Bashkuara. “Ky buxhet nuk do të shkoj askund”, tha Lindsey Graham, kryesues i një nënkomiteti të Senatit, i cili i mbikëqyrë shpenzimet në diplomaci dhe ndihma të jashtme. “Nëse ne e implementojmë këtë buxhet, atëherë ju do të duhet të tërhiqeni nga bota ose ju do ta vëni në rrezik një numër të madh të njerëzve”, tha Graham. “Duke pasur parasysh kërcënimet në rritje me të cilat ne ballafaqohemi, ne duhet të jemi mbështetës, e jo zvogëlues të programeve kundër terrorit, zbatimit të ligjit dhe atyre humanitare”, tha kryesuesi i Komitetit të punëve të jashtme të Dhomës Përfaqësuese, Edward Royce. Lideri i shumicës republikane në Senat, Mitch McConell, e ka lavdëruar propozimin e buxhetit, i cili sipas tij, mund të jetë i balancuar, por republikani tjetër, John Corbyn, vlerësoi se ai është “në themel i vdekur me të arritur”. Kundër këtij propozimi është shprehur edhe ambasadorja amerikane në Kombet e Bashkuara, Nikki Haley, e cila ka sugjeruar se këto shkurtime nuk do të kalojnë në Kongres. Meqë, Kongresi i Shteteve të Bashkuara, sipas Kushtetutës, i ka nën kontroll shpenzimet, vërejtjet nga ligjvënësit e lartë mund të ndikojnë që të mos miratohen propozimet për shkurtime të thella.
Kategoritë: Lajmet e ditës

Britania shton masat e sigurisë pas sulmit në Mançester

Zeri Amerikes - Mër, 05/24/2017 - 08:25
Policia britanike tha se po përparon në ndriçimin e sulmit të së hënës në Mançester, që la pas vetes 22 të vrarë dhe 59 të plagosur.
Kategoritë: Lajmet e ditës

Vatikan: Papa dhe Trump e përfunduan takimin e tyre

Radio Evropaelire-Lajme - Mër, 05/24/2017 - 08:17
Presidenti amerikan, Donald Trump, dhe Papa Françesk, e kanë mbajtur sot takimin e tyre të parë. Papa e ka pranuar presidentin Trump në Vatikan, për një audiencë të zgjeruar, që ka zgjatur më tepër se 30 minuta. Pas audiencës private me Papën, Donald Trump, bashkëshortja e tij Melania, dhe anëtarët e tjerë të familjes, janë mbledhur për fotografime me Papën. Gjatë fotografimit ishte i pranishëm edhe sekretari amerikan i shtetit, Rex Tillerson. Pritet që në Romë, presidenti Trump do të takohet me presidentin e Italisë, Sergio Mattarella, dhe kryeministrin, Poalo Gentiloni. Presidenti Trump arriti sot në Itali nga Izraeli dhe Bregu Perëndimor, ku ai u ka bërë thirrje izraelitëve dhe palestinezëve që të arrijnë kompromis për paqe. Më herët në Arabinë Saudite, presidenti amerikaan ka marrë pjesë në një samit të liderëve të vendeve kryesisht myslimane. Në kuadër të turneut të tij të parë të jashtëm si president amerikan, Donald Trump nesër merr pjesë në një takim të NATO-s në Bruksel, e pastaj do të jetë njëri nga pjesmarrësit në samitin G-7 në Sicili, më 26 dhe 27 të këtij muaji.
Kategoritë: Lajmet e ditës
Kritiket-Blog Letersi Kritika-dejavu Kalendar