Skip to content

Lajmet e ditës

Zbatimi i Ligjit për sigurime shëndetësore pret Qeverinë e re

Radio Evropaelire-Lajme - Sht, 06/24/2017 - 07:09
Mbledhja e premiumeve (parave) për Sigurimet Shëndetësore, nuk do të fillojë as nga muaji korrik i këtij viti, siç ishte paralajmëruar nga Qeveria në largim e Kosovës.
Kategoritë: Lajmet e ditës

Përurohet presidenti serb - rithekson qëndrimin midis lindjes e perëndimit

Zeri Amerikes - Pre, 06/23/2017 - 20:03
Presidenti i Serbisë, Aleksandër Vuçiç, u përurua në postin e tij duke nënvizuar qëndrimin për miqësi më perëndimin dhe me Rusinë.
Kategoritë: Lajmet e ditës

Kritikja e Presidentit Putin flet për serinë "Intervistat me Putinin"

Zeri Amerikes - Pre, 06/23/2017 - 19:49
Karen Dawisha, një autore dhe kritike e Presidentit Putin flet për shërbimin rus të Zërit të Amerikës
Kategoritë: Lajmet e ditës

Vuçiq në inaugurim: Së bashku mund të lëvizim malet

Radio Evropaelire-Lajme - Pre, 06/23/2017 - 18:56
Presidenti i ri i Serbisë, Aleksandar Vuçiq, bëri inaugurimin të premten në Beograd. “Gjendemi në rrugën evropiane, duam të mbetemi aty, të ndërtojmë marrëdhënie të mira me të gjithë. Duam marrëdhënie të mira me SHBA-në, por u krenohemi edhe marrëdhënieve të mira me Rusinë”, tha Vuçiq. Ceremonia e inaugurimit u mbajt në Pallatin e Serbisë në Beograd, i cili ka shërbyer si seli e qeverisë së ish-Republikës Federale të Jugosllavisë. Ceremonia u ndoq nga rreth 5,000 mysafirë, përfshirë të dërguar nga Shtetet e Bashkuara dhe Rusia. Delegacioni amerikan u kryesua nga Hoyt Brian Yee, zëvendësndihmës i sekretarit të Shtetit, ndërsa ai rus nga zëvendëskryeministri Dmitry Rogozin. “Së bashku mund të lëvizim malet”, tha Vuciq para të pranishmëve. Ai pason në postin e presidentit Tomisllav Nikolliqin.
Kategoritë: Lajmet e ditës

Tensione ushtarake SHBA-Rusi

Zeri Amerikes - Pre, 06/23/2017 - 18:18
Një seri incidentesh të këtij muaji mbi Detin Baltik, ku avionë rusë dhe amerikanë i janë afruar shumë njëri tjetrit, kanë shkaktuar shqetësime mes analistëve të mbrojtjes
Kategoritë: Lajmet e ditës

Plani britanik për të drejtat e të huajve “s’i përmbush” pritjet e BE-së

Radio Evropaelire-Lajme - Pre, 06/23/2017 - 18:02
Presidenti i Këshillit Evropian, Donald Tusk, tha se propozimet e Britanisë për të drejtat e shtetasve të BE-së në këtë vend, pasi të largohet nga blloku, “nuk i përmbushin pritjet”. “Kjo rrezikon ta përkeqësojë situatën e qytetarëve tanë në Mbretërinë e Bashkuar”, tha Tusk në fund të samitit dyditësh të BE-së në Bruksel. Kancelarja gjermane, Angela Merkel, e përshkroi planin britanik si “fillim të mirë, por jo sukses të madh”. Kryeministrja britanike, Theresa May, tha se propozimet e saj “kanë qenë të drejta dhe serioze”. Plani më i detajuar i Britanisë do të prezantohet në Parlamentin britanik më 26 qershor. Negociatorët e Britanisë dhe të BE-së i kanë nisur negociatat për largimin e Britanisë nga blloku këtë javë. Britania ka vendosur të largohet nga BE-ja në një refendum vitin e kaluar, ndërsa procesi i shkëputjes duhet të përfundojë në mars të vitit 2019.
Kategoritë: Lajmet e ditës

Teknologjia dixhitale në prodhimin bujqësor

Zeri Amerikes - Pre, 06/23/2017 - 17:55
Inteligjenca artificiale po ndihmon fermërët duke ulur kostot dhe duke ofruar teknologjinë e përparua
Kategoritë: Lajmet e ditës

Liderit opozitar rus nuk i lejohet të garojë për president

Radio Evropaelire-Lajme - Pre, 06/23/2017 - 17:42
Udhëheqësi opozitar rus, Alexei Navalny, u ndalua zyrtarisht nga kandidimi për president të Rusisë në zgjedhjet e vitit të ardhshëm. Komisioni Qendror i Zgjedhjeve në Rusi e shpalli vendimin të premten, duke thënë se Navalny nuk mund të kandidojë pasi është gjetur fajtor për përvetësim dhe mashtrim, në muajin shkurt, dhe është dënuar me kusht. Navalny ka thënë se rasti kundër tij është i motivuar politikisht. Ai ka udhëhequr protesta masive në rrugë kundër presidentit rus, Vladimir Putin, në dimrin e viteve 2011-2012. Putin ka të drejtë të garojë për president vitin e ardhshëm, por nuk e ka shpallur ende vendimin. Klikoni edhe këtë: Gjenerata e internetit dridh Putinin
Kategoritë: Lajmet e ditës

Kosova dhe barazia gjinore në politikë

Zeri Amerikes - Pre, 06/23/2017 - 17:34
Në Kosovë, përfaqësues organizatash për të drejtat e grave shprehen të pakënaqur me pjesëmarrjen e grave në politikë dhe sidomos në vendim-marrje
Kategoritë: Lajmet e ditës

Ndikimi i emigrantëve të ardhur nga Greqia për të votuar

Zeri Amerikes - Pre, 06/23/2017 - 17:32
Në Qarkun e Gjirokastrës, Vlorës dhe Korçës vota e emigrantëve pritet të ndikojë edhe në rritjen e pjesëmarrjes në votime
Kategoritë: Lajmet e ditës

Zjarri në Londër: një frigorifer shkaktar i zjarrit

Zeri Amerikes - Pre, 06/23/2017 - 17:26
Policia e Londrës njoftoi se lidhur me ngjarjen e zjarrit vdekjeprurës që ra në një ndërtesë shumëkateshe banimi ku humbën jetën 79 persona, mund të ngrihen akuzat për vrasje pa paramendim. Autoritetet thanë se veshja e jashtme e kullës “Grenfell” i dështoi provës së sigurisë dhe se zjarri filloi nga një frigorifer i markës “Hotpoint” që keqfuksionoi. Kompania amerikane “Whirlpool” që ka në pronësi markën “Hotpoint” tha në një deklaratë se po e trajton çështjen dhe po bashkëpunon plotësisht me autoritetet. Zëdhënësja e policisë së Londrës, Fiona McCormack tha se policia po "shqyrton çdo vepër penale, nga vrasja pa paramendim e më tej." Ajo tha se veshja e pjesës së jashtme të ndërtesës, që fajësohet gjerësisht për përhapjen e shpejtë të zjarrit, nuk "kaloi provën e sigurisë" dhe se policia po heton kompanitë që e kanë instaluar atë gjatë punimeve të kryera vitin e kaluar për rinovimin e saj. Sipas vlerësimeve të qeverisë britanike, 600 ndërtesa të tjera të larta në vend mund të kenë veshje të ngjashme me atë që është përdorur në kullën “Grenfell”. Qeveria britanike u kërkoi pronarëve të dërgojnë për provë mostra të materialit që vesh godinat nga jashtë. Kulla “Grenfell” ndërtuar në vitit 1974 u pajis së fundmi me veshje të re izoluese. Të mbijetuarit fajësojnë për zjarrin vdekjeprurës materialin jo cilësor me të cilin u vesh ndërtesa nga jashtë si dhe mungesën e mirëmbajtjes së saj. Kryeministrja britanike Theresa May ka premtuar një hetim të plotë mbi zjarrin katastrofik.        
Kategoritë: Lajmet e ditës

Dhjetëra të vrarë nga tre sulme në Pakistan

Radio Evropaelire-Lajme - Pre, 06/23/2017 - 17:19
Tre shpërthime në dy qytete të mëdha të Pakistanit kanë lënë së paku 35 njerëz të vrarë dhe mbi 100 të plagosur. Autoritetet njoftuan për 11 veta të vrarë, përfshirë pesë policë, dhe 20 të plagosur nga shpërthimi i makinës bombë në qytetin Kueta - kryeqytet i provincës Baluçistan. Përgjegjësinë për këtë sulm e morën edhe militantët e Shtetit Islamik, edhe një fraksion i talibanëve që e quan veten Jamat-ul-Ahrar. Disa orë pas sulmit në Kueta, dy shpërthime të njëpasnjëshme në një treg të qytetit Paraçinar lanë të vrarë së paku 24 veta dhe  të plagosur mbi 80. Administratori i qeverisë, Zahid Hussain, tha se shumica e viktimave në Paraçinar janë nga pakica shiite e Pakistanit. Paraçinar është qyteti kryesor i rajonit fisnor Kumar të Pakistanit, që ndodhet përgjatë kufirit me Afganistanin.  
Kategoritë: Lajmet e ditës

Shqipëri, sot mbyllet fushata elektorale

Zeri Amerikes - Pre, 06/23/2017 - 16:57
Kryeministri kërkon një mandat të dytë dhe kontrollin i vetëm të shumicës së ardhshme. Basha i përqëndruar te ekonomia. Lsi në një betejë me dy forcat e mëdha
Kategoritë: Lajmet e ditës

Vrapim 5 kilometra gjatë agjërimit

Zeri Amerikes - Pre, 06/23/2017 - 16:52
Disa myslimanë amerikanë vrapojnë 5 kilometra gjatë agjërimit për bamirësi
Kategoritë: Lajmet e ditës

Denoncimi/ “Polici në Shkodër kapet mat duke bërë fushatë për PS” (Emri+Foto)

BalkanWeb - Lajme - Pre, 06/23/2017 - 16:20
SHKODER- Thirrjes së kryeministrit Edi Rama drejtuar policisë që pasi të lënë punën të bëjnë fushatë për Partinë Socialiste, mesa duket po i përgjigjen pozitivisht disa prej efektivëve. Edhe pse vetë kryeministri kërkoi falje për këtë thirrje, duke theksuar se e kishte në një tjetër kuptim, janë qytetarët ata që denoncojnë pjesëmarrjen e efektivëve të […]
Kategoritë: Lajmet e ditës

De Biazi: Shqipëria është bërë një kombëtare interesante. Pasardhësi im do të jetë Lipi, Kapelo ose Trapatoni

BalkanWeb - Lajme - Pre, 06/23/2017 - 16:11
Ministria e Arsimit dhe Sportit i ka akorduar sot një çmim mirënjohje ish-trajnerit të Kombëtares Xhani De Biazit dhe një rast të tillë mediat nuk mund t’a humbisnin për t’i shkëputur italianit një intervistë të shkurtër. De Biazi u shpreh se sot Shqipëria është një kombëtare e kërkuar nga trajnerë të njohur të cilët e […]
Kategoritë: Lajmet e ditës

Shpërthimi tek zyra elektorale, LSI replikon ashpër me PS, ja ç’thotë për tritolin tek farmacia e Tahirit

BalkanWeb - Lajme - Pre, 06/23/2017 - 16:03
DURRES- Lëvizja Socialiste për Integrim në Durrës ka reaguar lidhur me shpërthimin që ndodhi në një nga zyrat elektorale të kësaj partie. Me ironi LSI thekson se Rilindja nuk ka gjetur ende se kur ia vuri tritolin babait të Saimir Tahirit dhe jo që të zbardhë këtë ngjarjen. Për ngjarjen në fjalë pati akuza të […]
Kategoritë: Lajmet e ditës

Shqipëri, Dita e fundit e fushatës zgjedhore

Zeri Amerikes - Pre, 06/23/2017 - 16:00
Në Shqipëri sot mbyllet fushata elektorale për zgjedhjet që do të mbahen ditën e dielë. Kjo fushatë u dominua nga tre forcat kryesore, Partia socialiste, Partia Demokratike dhe Lëvizja socialiste për integrim të cilat konkurrojnë më vete.
Kategoritë: Lajmet e ditës

Vota e emigrantëve me banim në Greqi

Zeri Amerikes - Pre, 06/23/2017 - 16:00
Kthimi i emigrantëve shqiptarë nga Greqia shihet me ndikim për rezultatin në disa Qarqe ndërkufitare në Shqipëri që janë prekur ndjeshëm nga emigracioni. Në Qarkun e Gjirokastrës, Vlorës dhe Korcës vota e emigrantëve pritet të ndikojë edhe në rritjen e pjesëmarrjes në votime.
Kategoritë: Lajmet e ditës

Kosova dhe barazia gjonore në politikë

Zeri Amerikes - Pre, 06/23/2017 - 16:00
Në Kosovë, përfaqësues organizatash për të drejtat e grave shprehen të pakënaqur me pjesëmarrjen e grave në politikë dhe sidomos në vendim-marrje. Ata thonë se edhe zgjedhjet parlamentare të 11 qershorit nuk kanë shënuar ndryshime në këtë fushë.
Kategoritë: Lajmet e ditës
Kritiket-Blog Letersi Kritika-dejavu Kalendar