Skip to content

Lajmet e ditës

Marrëdhënia e çiftit Meta me Ramën, Berishën e Bashën, Kryemadhi: I respektoj por…

BalkanWeb - Lajme - Sht, 03/25/2017 - 17:29
TIRANË- Bashkëshortja e kryeparlamentarit Ilir Meta, deputetja e LSI-së Monika Kryemadhi ka folur sot edhe për raportet e tyre me kryeministrin Edi Rama, ish-kryeministrin Sali Berisha dhe kreun e PD-së Lulzim Basha. Kryemadhi tha se i respekton të gjithë liderët e partive dhe se me kryeministrin janë miq. E pyetur nëse dy çiftet dalin bashkë […]
Kategoritë: Lajmet e ditës

BE: Në 60 vjetorin e themelimit, përkushtim për forcim të unitetit

Radio Evropaelire-Lajme - Sht, 03/25/2017 - 16:28
Në deklaratën me rastin e 60 vjetorit të themelimit të BE-së, liderët e Bashkimit Evropian kanë shprehur përkushtim për forcimin e unitetit dhe solidaritetit brenda bllokut, derisa do të lejohet që shtetet anëtare të lëvizin “me ritëm të ndryshëm”. Kjo deklaratë e miratuar sot në Romë, po bëhet në periudhën kur BE-ja ballafaqohet me presion nga rritja e nacionalizimit, kriza e refugjatëve dhe goditja nga largimi i Britanisë nga BE-ja. Shefat e shteteve dhe të qeverive të vendeve anëtare të BE-së kanë shprehur përkushtim që Bashkiimi Evropian të bëhet “më i fuqishëm dhe më elastik” nëpërmjet “unitetit më të madh dhe solidaritetit” në mesin e shteteve anëtare. “Ne do të veprojmë së bashku, me ritëm dhe intensitet të ndryshëm, kur kjo është e domosdoshme”, thuhet, pos tjerash, në deklaratën e liderëve.
Kategoritë: Lajmet e ditës

Diplomatët: Po vazhdojnë konsultimet për takim në NATO më 31 mars

Radio Evropaelire-Lajme - Sht, 03/25/2017 - 16:10
Diplomatët e NATO-s thonë se takimi i ministrave të jashtëm të vendeve anëtare të aleancës, fillimisht i paraparë për 5 dhe 6 prill, tash ka përpjekje që të mbahet më 31 mars, kur sekretari amerikan i shtetit, Rex Tillerspon, do të jetë në Bruksel. Departamenti amerikan i shtetit ka shpallur mbrëmë se zoti Tillerson do ta vizitoj selinë e NATO-s në Bruksel më 31 mars, një ditë pas takimit me Presidentin e Turqisë, Rexep Tayyip Erdogan, në Ankara. Diplomatët e NATO-s thanë sot se ministrat e jashtëm të shteteve anëtare të aleancës po punojnë për përshtatje ndaj agjendës së zotit Tillerson, pasi më herët Uashingtoni pat thënë se ai nuk do të merrte pjesë në takimin e prillit për shkak të orarit të ngarkuar të takimeve. Senatori republikan, Ron Johnson, tha sot në Brukel se Tillerson dhe ministrat e tjerë të NATO-s “i kanë gjetur datat”. Por, diplomatët e NATO-s në Bruksel thanë sot se “konsultimet në mesin e aleatëve po vazhdojnë”. Sipas tyre, sjellja e të gjithë ministrave të jashtëm të NATO-s së bashku më 31 mars, mund të jetë gjë e komplikuar, pasi sekretari i jashtëm britanik, Boris Johnson, ndoshta nuk do të jetë në gjendje të qëndroj në Bruksel atë ditë. Afati i fundit për gjetjen e zgjidhjes është 27 marsi. 
Kategoritë: Lajmet e ditës

Bashkimi Evropian shënon 60 vjetorin

Zeri Amerikes - Sht, 03/25/2017 - 15:15
Përvjetori i organizatës vjen në një kohë pasigurish për të ardhmen pas vendimit të Britanisë për të dalë nga blloku. Mes vendeve anëtare ka edhe mosmarrëveshje të tjera
Kategoritë: Lajmet e ditës

Gjenerali amerikan: Rusia përpiqet për zgjerim të ndikimit në Libi

Radio Evropaelire-Lajme - Sht, 03/25/2017 - 14:10
Shefi i Komandës Afrikane të ushtrisë së Shteteve të Bashkuara, Thomas Waldhauser, thotë se Rusia po përpiqet ta zgjeroj ndikimin e saj në Libi, diçka që nga Shtetet e Bashkuara ndiqet me “shqetësim të madh”. Gjenerali Waldhauser dje u tha mediave se Rusia është “në terren” në hapësirën kufitare ndërmjet Egjiptit dhe Libisë dhe po përdorë mjete ushtarake, shitje të armatimit dhe të naftës, për ta zgjeruar ndikimin në Libi. “Ata po përpiqen të influencojnë aksion – atë që ata e bëjnë ne e shikojmë me shqetësim të madh”, tha Waldhauser në një konferencë për shtyp. Më herët këtë muaj, agjencitë e lajmeve AFP dhe Reuters kanë raportuar se Rusia i kishte vendosur forcat në një bazë në pjesën perëndimore të Egjiptit, që është afro 100 kilometra nga kufiri me Libinë. Prej vrasjes së dikatorit të Libisë, Muammar Qadafi, në vitin 2011, forca të ndryshme po përpiqen të jenë të pranishme dhe të ushtrojnë ndikim në këtë vend.
Kategoritë: Lajmet e ditës

Afganistan: Forcat e sigurisë i kanë vrarë 7 militantë

Radio Evropaelire-Lajme - Sht, 03/25/2017 - 14:01
Forcat e sigurisë në Afganistan i kanë vrarë shtatë militantë në operacion e fundit ushtarak në provincën Logar, ku militantët taibanë kanë prani të fuqishme, ka thënë shefi i policisë lokale, Esmatullah Alizai. Ai theksoi se forcat qeveritare, po ashtu, kanë konfiskuar armatim nga militantët gjatë operacionit të djeshëm. Alizai tha se gjithsej janë vrarë më se 20 militantë, 4 të tjerë janë plagosur, ndërsa katër janë arrestuar, gjatë operacionit trejavor të forcave të sigurisë në këtë provincë.
Kategoritë: Lajmet e ditës

Hetimi mbi sulmin e Londrës

Zeri Amerikes - Sht, 03/25/2017 - 13:57
Policia britanike e përkushtuar intensivisht në hetimin për të mësuar pse dhe kur u radikalizua sulmuesi
Kategoritë: Lajmet e ditës

Partia e tij i shkakton Presidentit Trump një humbje befasuese

Zeri Amerikes - Sht, 03/25/2017 - 13:41
Republikanët në Kongres nuk mblodhën dot votat e mjaftueshme për të miratuar reformën e kujdesit shëndetësor, një nga premtimet kryesore të Presidentit
Kategoritë: Lajmet e ditës

Ish-ndihmësi i Trumpit pajtohet të dëshmojë në hetimet për Rusinë

Radio Evropaelire-Lajme - Sht, 03/25/2017 - 12:55
Ish-menaxheri i fushatës së presidentit të Shteteve të Bashkuara, Donald Trump,Paul Manafort, është shprehur i gatshëm të dëshmoj në një komitet të Dhomës Përfaqësuese, i cili po zhvillon hetime për ndërhyrjen e Rusisë në fushatën presidenciale të Shteteve të Bashkuara në vitin 2016.
Kategoritë: Lajmet e ditës

Veseli: Do ta kemi ushtrinë dhe miqësinë me SHBA-në

Radio Evropaelire-Lajme - Sht, 03/25/2017 - 12:34
Kryetari i Partisë Demokratike e Kosovës, Kadri Veseli, ka siguruar qytetarët se "do ta bëjmë ushtrinë e Kosovës".
Kategoritë: Lajmet e ditës

A e ndihmoi Kosova fushatën zgjedhore në Serbi me pezullimin e dialogut?

Radio Evropaelire-Lajme - Sht, 03/25/2017 - 12:14
Vendimi i Kuvendit të Kosovës për pezullimin e dialogut me Serbinë, po i jep më shumë mundësi vetë Serbisë, në një kohë kur është futur në zgjedhjet presidenciale, thonë njohës të rrethanave politike në vend.
Kategoritë: Lajmet e ditës

Londër: Policia i ka liruar 6 prej 10 vetëve që mbaheshin lidhur me sulmin terrorist

Radio Evropaelire-Lajme - Sht, 03/25/2017 - 11:48
Policia britanike thotë se i ka liruar 6 prej 10 personave, që mbaheshin në hetime lidhur me sulmin vdekjeprurës terrorist afër Parlamentit të Britanisë ditën e mërkurë dhe ka njoftuar se emri i lindjes i sulmuesit ishte Adrian Russell Ajao, dhe ai ishte konvertuar në mysliman me emrin, Khalid Masood. Aktualisht në paraburgim mbeten 4 vetë, derisa autoritetet po punojnë të zbulojnë se në ç’mënyrë Masood ishte radikalizuar para se të ndërmerrte sulm. Ai ishte vrarë nga policia gjatë sulmit. Autoritetet thanë se Masood, i cili ka histori të dhunës, mendohet se sulmin në Westminster e ka ndërmarrë vetë, por nuk është përjashtuar mundësia që edhe persona të tjerë ishin të përfshirë. Të 6 personat e liruar mbrëmë, dy femra dhe katër meshkuj, ishin arrestuar në qytetin Birmingem në Angli, ku jetonte sulmuesi Masood. Ata ishin arrestuar nën dyshimin se kanë përgatitur akte terroriste.
Kategoritë: Lajmet e ditës

Koment: Dështimi i Donald Trump

Deutsche Welle - shqip - Sht, 03/25/2017 - 11:47
Mosmiratimi i ligjit për shëndetësinë është një dështim i hidhur për presidentin amerikan. Donald Trump. Por fillimisht nga ky dështim përfitojnë miliona amerikanë, mendon Miodrag Soric.
Kategoritë: Lajmet e ditës

Efektet e acarimit politik tek përgatitjet për zgjedhjet parlamentare

Deutsche Welle - shqip - Sht, 03/25/2017 - 11:25
Dy partitë opozitare në Shqipëri, Partia Demokrate e ajo Republikane nuk kanë paraqitur anëtarët për komisionet zonale zgjedhore. Vendet e tyre do të plotësohen nga shoqëria civile. Kriza politike si krizë zgjedhore.
Kategoritë: Lajmet e ditës

Hoxhaj e pranoi notën origjinale të njohjes nga Bangladeshi

Radio Evropaelire-Lajme - Sht, 03/25/2017 - 10:28
Ministri i jashtëm i Kosovës, Enver Hoxhaj, thotë se e ka marrë notën origjinale të njohjes se pavarësisë se Kosovës nga Bangladeshi. “Kjo është nota origjinale e njohjes nga Bangladeshi, e cila i është dorëzuar misionit tonë diplomatik në Washington. Nga dje është vendosur në arkivin e Ministrisë së jashtme me 113 letrat e tjera të njohjeve” ka shkruar Hoxhaj në rrjetin Facebook. Më 27 shkurt të këtij viti, autoritetet thanë se Bangladeshi e ka njohur pavarësinë e Kosovës.
Kategoritë: Lajmet e ditës

Maqedonia, në prag të sanksioneve nga BE-ja

Radio Evropaelire-Lajme - Sht, 03/25/2017 - 10:13
Kriza politike në Maqedoni mund të iniciojë edhe sanksione nga Bashkimi Evropian nëse partitë, në veçanti presidenti dhe VMRO-ja shpërfillin thirrjet për lejimin e formimit të qeverisë nga shumica e re parlamentare.
Kategoritë: Lajmet e ditës

Merkel: Shumë e majtë për të djathtët e CDU-së

Deutsche Welle - shqip - Sht, 03/25/2017 - 09:49
Në kohët më të mira politike të Angela Merkelit atyre nuk u dëgjohej zëri. Tani kritikët më konservatorë të CDU-së rebelohen kundër kryetares së partisë dhe kancelares gjermane.
Kategoritë: Lajmet e ditës

Koment: Jubile në kohën e krizës - BE mbush 60 vjet

Deutsche Welle - shqip - Sht, 03/25/2017 - 09:48
Një ditëlindje jubilare, e pa kurfarrë shkasi për festime të mëdha. Kjo në një kohë kur BE mund të konsiderohet si një histori suksesi. Kriza e tanishme është një shans, mendon Alexander Kudascheff.
Kategoritë: Lajmet e ditës

Siri: Nga sulmet ajrore në Idlib – së paku 16 vetë të vrarë

Radio Evropaelire-Lajme - Sht, 03/25/2017 - 09:38
Së paku 16 vetë janë vrarë gjatë sulmeve ajrore të mbrëmshme në një burg në Idlib të Sirisë, që është nën kontroll të kryengritësve, ka njoftuar sot Observatori sirian për të drejtat e njeriut me seli në Londër, që i ka vëzhguesit në terren në Siri. Ndër të vrarë ka persona të burgosur dhe anëtarë të personelit të burgut. Forcat e qeverisë së Sirisë i kanë bombarduar fuqishëm kryengritësit në Idlib, që është njëra nga bazat më të rëndësishme të tyre. Kryengritësit synojnë përmbysjen e presidentit të Sirisë, Bashar al-Assad. Pjesë të provincës Idlib janë nën kontroll të kryengritësve të mbështetur nga Turqia, përfshirë, Armatën e Lirë Siriane, derisa hapësirat e tjera dominohen nga grupe të linjës së fortë. Kryeqyteti i kësaj province me të njejtin emër, Idlib, kryesisht është nën kontroll të grupit Jabhet Fatah al-Sham, i ndërlidhur me al-Kaidën. Idlibi rregullisht ishte në shnjestër të sulmeve ajrore nga Rusia dhe qeveria e Sirisë, ndërsa sulme ishin lansuar edhe nga koalicioni i udhëhequr nga Shtetet e Bashkuara, që lufton kundër grupit ekstremist, Shteti Islamik. Rusia, aleati kryesor i qeverisë së Sirisë, prej shtatorit të vitit 2015, ka ndërmarrë sulme ajrore në Siri. Nga ky konflikt gjashtëvjeçar në Siri janë vrarë më se 320 mijë njerëz. 
Kategoritë: Lajmet e ditës

Tillerson e viziton NATO-n, pas zemërimeve për mosprani në një takim

Radio Evropaelire-Lajme - Sht, 03/25/2017 - 09:24
Sekretari amerikan i shtetit, Rex Tillerson, do ta vizitoj NATO-n në Bruksel, javën e ardhshme, pas zemërimeve që shkakoi shpallja se ai nuk do të merrte pjesë në një takim të ministrave të jashtëm të NATO-s. Zëdhënësi i Departamentit amerikan të shtetit, Mark Toner, tha mbrëmë se Tillerson do ta vizioj selinë e NATO-s në Bruksel më 31 mars. Ai nuk ka dhënë detaje të tjera. Agjencia Reuters e ka cituar një zyrtar të lartë të këtij deparatamenti, që ka thënë se Tillerson do të takohet me ninistrat e jashtëm të NATO-s më 31 mars, në një takim me orar të ri, por NATO-ja nuk ka publikuar ndonjë deklaratë zyrtare lidhur me këtë çështje. Më herët, zyrtarët amerikanë kanë thënë se Tillerson po planifikonte të mos merrte pjesë në takimin e NATO-s të paraparë për 5 dhe 6 prill në Bruksel, që do të ishte rasti i tij i parë për takim me ministrat e jashtëm të 27 vendeve të tjera anëtare të aleancës veri-atlantike. Tillerson planifikon që pak kohë pas këtyre datave ta vizitoj Moskën. Vendimi për anashkalimin e takimit e ministrave të jashtëm të NATO-s ka shkaktuar shqetësime nga zyrtarët evropianë lidhur me përkushtimin e administratës së presidentit amerikan, Donald Trump, për NATO-n.
Kategoritë: Lajmet e ditës
Kritiket-Blog Letersi Kritika-dejavu Kalendar