Skip to content

Lajmet e ditës

Zgjedhjet, intervistë me Kryeministrin Edi Rama

Zeri Amerikes - Enj, 06/22/2017 - 17:08
Për Zërin e Amerikës ai thotë se nuk është i penduar për zgjedhjen e zotit Meta si president, ndërsa flet për marrëveshjen me kreun demokrat Lulzim Basha, çështjen e koalicioneve të ardhshme nëse nuk sigurohet një fitore me mbi 71 mandate
Kategoritë: Lajmet e ditës

Komenti i të ftuarit: Jo hakmarrje ndaj Koresë së Veriut

Deutsche Welle - shqip - Enj, 06/22/2017 - 16:31
Për të shpaguar vdekjen e një studenti amerikan në Korenë e Veriut, Amerika dhe Kina duhet të kujdesen që Kim Jong-un të nxirret para gjyqit, mendon Peter Sturm.
Kategoritë: Lajmet e ditës

Trump i ka sulmuar hetimet për përzierje të Rusisë në zgjedhje

Radio Evropaelire-Lajme - Enj, 06/22/2017 - 16:28
Presidenti i Shteteve të Bashkuara, Donald Trump, i ka sulmuar hetimet e Kongresit dhe agjencisë FBI për përzierjen ruse në fushatën zgjedhore të vitit të kaluar, duke i cilësuar akuzat si mashtrim. Këto komente ai i ka bërë në disa postime të sotme në rrjetin Twitter, një ditë pasi sekretari i sigurisë së brendshme, Jeh Johnson, dëshmoi para një komiteti të Dhomës Përfaqësuese për përzierjen ruse. Trump ka pretenduar se Johnson ishte “zyrtari i fundit i lartë i inteligjencës që thotë se nuk ka skemë të madhe ndërmjet Trumpit dhe Rusisë”. Zoti Johnson tha se nuk ka parë kurrfarë dëshmie për marrëveshje të fshehtë ndërmjet ndihmësve të Trumpit dhe zyrtarëve rusë, përtej asaj që komuniteti i inteligjencës ka deklaruart publikisht. Donald Trump, po ashtu, e ka fajësuar ish-presidentin, Barack Obama, se nuk është përgjegjur më fuqishëm ndaj ndërhyrjes ruse. “Nëse Rusia kishte punuar aq fuqishëm në zgjedhjet e vitit 2016, e gjithë kjo ka ndodhur gjatë administratës Obama. Përse nuk i ka ndalur ata”, ka shkruar Trump. Komuniteti i Inteligjencës i Shteteve të Bashkuara në muajin janar të këtij viti, e ka publikuar dokumentin i cili ka vlerësuar se Moska ishte angazhuar në sulme kibernetike dhe fushatë të keqinformimit, në përpjekje për të ndikuar në votimet e vitit 2016. Për këtë çështje aktualisht hetime po zhvillojnë disa komitete të Kongresit amerikan, ndërsa agjencia FBI, zhvillon hetime për ndërlidhjet eventuale të ndihmësve të Trumpit me zyrtarët rusë.
Kategoritë: Lajmet e ditës

SHBA: Kanadezi u akuzua për “terror” pas sulmit kundër policit

Radio Evropaelire-Lajme - Enj, 06/22/2017 - 16:09
Një shtetas kanadez, ka brohoritur në gjuhën arabe, para se ta therrte me thikë në qafë një polic në aeroportin në Miçigen të Shteteve të Bashkuara, që nga zyrtarët amerikanë është vlerësuar se ishte përpjekje për sulm terrorist. Personi Amor Ftouhi, 49 vjeçar nga Kuebeku, menjëherë është arrestuar. Sulmi i djeshëm po hetohet si akt i terrorizmit, por autoritetet nuk kanë shenja në këtë moment se porsoni i arrestuar ishte i involvuar në “komplot më të gjërë”, ka thënë agjenti special i FBI-së, David Gelios. Në akuzën penale thuhet se Ftouhi e ka therrë policin Jeff Neville, me thikë të madhe, duke brohoritur “Allahu Akbar”, që në gjuhën arabe do të thotë “Zoti është i madh”. Sipas agjencisë FBI, Amor Ftouhi ka thënë diçka të ngjashme sikur “ju keni vrarë njerëz në Siri, Irak dhe Afganistan dhe ne të gjithë do të vdesim”. Polici Nevilli është në gjendje të kënaqshme shëndetësore pas trajtimit mjekësor, kanë thënë zyrtarët.
Kategoritë: Lajmet e ditës

Analisti Daniel Serwer mbi zhvillimet në Kosovë

Zeri Amerikes - Enj, 06/22/2017 - 15:11
Daniel Serwer, analist i çështjeve të Ballkanit thotë se negociatat mes koalicioneve të krijuara do të jenë jetike për formimin e një qeverie të re
Kategoritë: Lajmet e ditës

“Luftëtarët e huaj” kërcënim për sigurinë në Kosovë

Radio Evropaelire-Lajme - Enj, 06/22/2017 - 15:08
Luftëtarët e kthyer në Kosovë nga vatrat e luftërave në Siri e Irak, mund të paraqesin sfidë serioze për sigurinë, madje edhe nëse tashmë janë nëpër burgje. Një konstatim të tillë e ka dhënë Komandanti i KFOR-it, Giovanni Fungo, me të cilin pajtohen edhe përfaqësuesit e institucioneve të Kosovës. “Siguria në Kosovë mbetet e brishtë dhe mjaftë e paqëndrueshme”, ka vlerësuar komandanti i forcës paqeruajtëse të KFOR-it në Kosovë. Gjatë një fjalimi në Bruksel, ai ka thënë se ka shumë rrethana që mund të prodhojnë dhunë. Në Kosovë “çdo ditë ballafaqohemi me sfida politike e acarime multietnike, pastaj ato të ekstremizmit fetar, probleme të refugjatëve e të migrantëve, si dhe me ndikimin rus”, ka vlerësuar komandanti i KFOR-it.  “Muajt e ardhshëm do të shohim se disa luftëtarë, pjesëmarrës në luftërat e huaja, do t’i përfundojnë dënimet e tyre nëpër burgje dhe do të kthehen në shoqëri, çka mund te jetë mjaftë sfiduese”, ka thënë komandanti i KFOR-it. Zëvendësministri i Punëve të Brendshme në Qeverinë ne largim të Kosovës, Valdet Hoxha, tha për Radion Evropa e Lirë se Komandanti i KFOR-it, me të drejtë i ka ngritur këto shqetësime. Në fillim institucionet e Kosovës janë ballafaquar me sfidën e shkuarjes së qytetarëve të Kosovës në luftërat e huaja në Siri e Irak, një dukuri kjo e cila sipas Hoxhës është stopuar pas disa veprime të ndërmarra. Kurse tash, sfidë mbetet deradikalizimi dhe ri-integrimi i këtyre personave, që njihen edhe me termin “luftëtarët e huaj”, ndonëse ata do të ballafaqohen edhe me drejtësinë për veprimet e tyre. “Me të drejtë kemi konstatimin që pas një kohe mund të kemi të liruarin e parë apo të liruarit e parë për veprat që i përkasin terrorizmit. Prandaj, ne e kemi orientuar strategjinë tonë, ndërveprimin tonë, fillimisht të ndërtimit të disa dokumenteve që i japin drejtim trajtimit të këtyre personave, por pa lënë anash edhe familjet e tyre”, ka thënë Hoxha. Institucionet e Kosovës kanë një strategji për deradikalizim dhe ri-integrim. Ato po ndihmohen nga ICITAP-i, (Programi Ndërkombëtar i Asistencës për Trajnime në Hetimet Kriminale) në lidhje me trajtimin e personave të përfshirë në aktivitete radikale apo edhe terroriste. Qëllimi i strategjisë për integrimin e personave të përfshirë në aktivitete terroriste, sipas Valdet Hoxhës, është që ata të ri-integrohen në familje e shoqëri, ngase shumica prej tyre, nënvizon ai, tashmë kanë deklaruar se janë penduar. Një pilot-projekt i strategjisë është zbatuar në komunën e Gjilanit, thotë zëvendësministri Hoxha. Sipas tij, rezultatet e para janë pozitive. “Ka edhe disa raste konkrete të cilat qysh në fazën e parë kur janë vërejtur disa elemente të ekstremizmit dhe radikalizmit tek disa të rinj, janë lajmëruar organet kompetente, janë trajtuar personat e tillë dhe kështu i kemi shpëtuar radikalizmit të mëtejmë të tyre dhe të keqes më të madhe që do të mund të ndodhte po të mos ishte ky mekanizëm, pra këta qytetarë do të mund të përfundonin në luftërat e Lindjes së Mesme”, tha Hoxha. Ndërkohë, Burim Ramadani, nga Qendra Kërkimore për Politika të Sigurisë thotë se institucionet dhe shoqëria në Kosovë janë angazhuar në aspektet e parandalimit dhe luftimin e radikalizmit, kurse u mungon përvoja në programet tjera të de-radikalizimit, rehabilitimit dhe ri-integrimit.  “Institucionet e Kosovës kanë kohë, maksimalisht deri në prill të vitit 2018, që të vendosin në zbatim një program të veçantë për de-radikalizim dhe ri-integrim, sepse në prill të vitit 2018, pritet që i dënuari i parë ta përfundojë dënimin dhe të kthehet në jetën shoqërore”, tha Ramadani. Në bazë të shifrave aktuale, nënvizon Ramadani, për përfshirje apo bashkëveprim në aktivitete terroriste, janë dënuar 50 qytetarë të Kosovës, kurse ndaj 34 personave po zhvillohen procedura gjyqësore. Ndërkaq, nën hetime, janë 131 persona. Një fenomen tjetër që ka përcjellë shtimin e rrezikut nga përhapja e radikalizmit dhe ekstremizmit ishte shtrirja e këtyre dukurive nëpër burgjet e Kosovës. Ministri në largim i Punëve të Brendshme, Skender Hyseni, kishte deklaruar se të radikalizuar janë jo vetëm ish-luftëtarët e luftërave të huaja, por edhe të burgosur tjerë. Ndërkohë që Radio Evropa e Lirë kishte raportuar edhe për fenomenin e përhapjes së literaturës islame nëpër burgje, për çka më pas patën reaguar institucionet duke ndërmarrë veprime në drejtim të pengimit të shtrirjes së radikalizmit nëpër burgje. Gjatë vitit 2016, Gjykata Themelore në Prishtinë u ka shqiptuar dënime 31 personave për pjesëmarrje në aktivitete terroriste. Vetëm gjatë janarit të këtij viti, shtatë persona janë dënuar me gjithsej 18 vjet e gjysmë burgim.  Të dënuar janë edhe ish-imamë të Kosovës, siç ishte rasti me Zeqirja Qazimin, i dënuar me 10 vjet burg. Në kuadër të luftimit të terrorizmit dhe radikalizmit, Kuvendi i Kosovës pati nxjerrë dhe një ligj i cili e sanksionon pjesëmarrjen e qytetarëve të Kosovës në luftërat e huaja, duke paraparë edhe dënime të rrepta deri në 15 vite heqje lirie. Së paku, 300 shtetas të Kosovës kanë marrë pjesë në konfliktet e huaja në Siri dhe Irak, të pozicionuar në anën e organizatave të shpallura terroriste, siç është i ashtuquajturi Shteti Islamik dhe Al-Nusra. Një numër prej tyre, kanë humbur dhe jetën e tyre në këto vatra. Strukturat e sigurisë në vend kanë theksuar se në fushëbetejat e huaja janë duke qëndruar ende 140 persona, në mesin e të cilëve ka edhe gra dhe fëmijë. Nga këto vende të luftës, në Kosovë tashmë janë kthyer 100 persona.
Kategoritë: Lajmet e ditës

Shteti Islamik shkatërron xhaminë historke të Mosulit

Zeri Amerikes - Enj, 06/22/2017 - 14:50
Sipas një zyrtari ushtarak, forcat irakiane ndodheshin 50 metra larg xhamisë kur militantët e Shtetit Islamik kryen mbrëmë atë që ai e cilësoi si një tjetër “krim historik” duke hedhur në erë ndërtesën
Kategoritë: Lajmet e ditës

Belgjikë, katër arrestime në lidhje me sulmin e dështuar

Zeri Amerikes - Enj, 06/22/2017 - 14:43
Sipas zyrës së prokurorit federal arrestimet erdhën pas një operacioni policor që përfshiu edhe lagjen Molenbeek, ku jetonte autori i dyshuar i sulmit në një stacion treni në Bruksel
Kategoritë: Lajmet e ditës

Rreziku i terrorizmit nga e djathta e skajshme në Britani

Zeri Amerikes - Enj, 06/22/2017 - 14:37
Pas sulmit para xhamisë në Finsbury Park janë intensifikuar kritikat ndaj qeverisë për përpjekje të pamjaftueshme ndaj këtij kërcënimi
Kategoritë: Lajmet e ditës

SHBA, procesi zgjedhor dhe rreziku nga hakerët

Zeri Amerikes - Enj, 06/22/2017 - 14:08
Seanca me pyetje-përgjigje në Kongres kanë nxjerrë në pah tensione mes zyrtyarëve shtetërorë dhe agjencive federale mbi mënyrat më të mira për t’u mbrojtur nga sulme kibernetike
Kategoritë: Lajmet e ditës

“Je më i mirë se Basha e Meta”, si i përgjigjet Rama komentuesit

BalkanWeb - Lajme - Enj, 06/22/2017 - 13:37
TIRANE- Kur na ndajnë edhe pak ditë nga zgjedhjet e 25 qershorit, kryeministri Edi Rama ka replikuar me ndjekësit e tij në ‘Facebook’. Kështu, mes replikave, spikat një koment, i cili pohon se në këtë kohë fushatë kryeministri ka dalë në televizor më shumë sesa në këto katër vite qeverisje. Mes të tjerash komentuesi i […]
Kategoritë: Lajmet e ditës

Fiksimi i të riut shqiptar për t’u bërë “bos droge”, si e tregonte pushtetin mbi bandën

BalkanWeb - Lajme - Enj, 06/22/2017 - 13:25
ITALI – I riu shqiptar, Fatmir Muhaj, është kapo i një bande që furnizonte me hashash, marijuanë dhe kokainë tregun e drogës në Bolzano të Italisë. Muhaj është vetëm 24 vjeç, por prej kohësh është përfshirë në aktivitete të shumta kriminale të qytetit, dhe për këtë arsye gjykata i kishte vënë mbikëqyrje të veçantë. Sipas […]
Kategoritë: Lajmet e ditës

Propozimi romantik për martesë i Granit Xhakës: Një grua e artë është parajsë

BalkanWeb - Lajme - Enj, 06/22/2017 - 13:24
Granit Xhaka, mesfushori i Arsenal, i ka bërë një propozim romantik të dashurës së tij për martesë dhe këtë e ka treguar me anë të një fotoje në rrjetin social “facebook”. Futbollisti i kombëtares zvicerane me origjinë shqiptare prej kohësh është në një lidhje me bukuroshen Leonita Lekaj që së fundmi siç kuptohet nga diçitura […]
Kategoritë: Lajmet e ditës

Rama: Mesazhi im për ata që votuan PS-në dhe ankohen që për 4 vite nuk fituan asgjë

BalkanWeb - Lajme - Enj, 06/22/2017 - 13:20
TIRANË- Kryeministri Edi Rama ka shpërndarë një mesazh sot enkas për socialistët e zhgënjyer. Nga zyra e tij në selinë e PS-së, Rama ka lexuar një mesazh të një socialisti nga Vlora, i cili thotë se sot kërkohet vota e tij dhe familjes dhe më pas përgjigjen e tij për të. Rama tha se vota […]
Kategoritë: Lajmet e ditës

Merkel dëshiron që bisedimet për Brexit të zhvillohen në frymë të mirë

Radio Evropaelire-Lajme - Enj, 06/22/2017 - 13:13
Kancelarja gjermane Angela Merkel ka thënë se shpreson që bisedimet me Britaninë e Madhe, për daljen nga Bashkimi Evropian, do të mbahen në një frymë të mirë por ka shtuar se fokusi do të jetë që të sigurohet e ardhmja e 27 vendeve anëtare të BE-së. “Ne do të kemi bisedime intensive. Ne do të bëjmë çdo gjë që mundim, që t’i mbajë të bashkuar 27 vendet e BE-së”, u ka thënë Merkel gazetarëve pasi ka arritur në Bruksel, për të marrë pjesë në samitin e liderëve të BE-së. “Ne duam të bisedimet të zhvillohen në një frymë të mirë dhe ne e dimë që në të ardhmen do të duam të bashkëpunojmë me Mbretërinë e Bashkuar, por fokusi jonë duhet të jetë për të ardhmen e 27 anëtarëve të BE-së”, ka thënë Merkel.
Kategoritë: Lajmet e ditës

Vijat e kuqe të partive politike, pas zgjedhjeve shndërrohen në të gjelbra

Radio Evropaelire-Lajme - Enj, 06/22/2017 - 13:12
Partitë politike i përdorin të ashtuquajturat “vija të kuqe” ndaj njëra tjetrës vetëm për rritjen e pazareve politike, thonë njohësit e zhvillimeve politike në Kosovë. Sipas tyre, edhe nga e kaluara është dëshmuar se “vijat e kuqe”, përdoren edhe për të përfituar sa më shumë poste në prag të formimit të Qeverisë së re. Ndërkaq, referuar deklaratave të partive politike dhe përfaqësuesve të tyre, “vijat e kuqe”, nënkuptojnë përjashtimin e lidhjes së koalicioneve mes subjekteve të caktuara. Albert Krasniqi, analist nga Instituti Demokratik i Kosovës, tha për Radion Evropa e Lirë se partitë politike dhe liderët e tyre edhe gjatë procesit të zgjedhjeve të kaluara apo procesit aktual i cili është në përmbyllje e sipër kanë theksuar se nuk bëjnë koalicione me partitë politike kundërshtare. Por, sipas tij, edhe e kaluara ka dëshmuar se këto vija zhduken kur të vijnë në shprehje interesat partiake. "Këto më shumë po përmenden për të rritur pazaret e partive politike, për të përfituar sa më shumë në rast të një kompromisi. Pra, pasi që i kanë deklaruar vijat e kuqe, të kërkojnë më shumë për shkak se ato po e bëjnë një lloj sakrifice, ta quaj ashtu, dhe po e shkelin atë premtimin të cilin e kanë pasur në fillim”, tha Krasniqi. Andaj, sipas tij, vijat e kuqe më tepër përdoren për përfitime të posteve dhe maksimalizimit të fitimin prej ndarjes së dikastereve qeveritare. Ndërkohë, Petrit Zogaj, analist dhe drejtor ekzekutiv i organizatës "Fol", në një prononcim për Radion Evropa e Lirë, thotë se në vazhdimësi ka pasur deklarata dhe veprime kundërthënëse të liderëve politik kur flitet për koalicione. Deklarimet e subjekteve se kanë vija të kuqe e më pas shkelja e tyre, thotë ai, e ka dëmtuar edhe skenën politike në vend. "Duke pretenduar që të marr sa më shumë mbështetje, një subjekt politik thotë që ta zëmë, ‘ne me PDK-në nuk do të kemi qeveri’. Ndërkohë që e kaluara na ka treguar, ta zëmë kur LDK-ja, subjektin që e kritikoi më së shumti për fushatën zgjedhore të vitit 2014, në fund shkoi dhe bëri Qeverinë me PDK-në (atë që e kishte vënë pas vijave të kuqe), ngase sistemi ynë elektoral po prodhon këtë rezultat”, tha Zogaj. Përdorimi i termeve përjashtuese përmes vijave të kuqe dhe shkelja e tyre, nënvizon Zogaj, nuk është e shëndetshme për politikën në Kosovë.  "Është amatorizëm politik që duke njohur spektrin politik edhe sistemin elektoral, partitë politike i qesin ose i theksojnë këto vija të kuqe se nuk do të bëjnë me këtë ose atë parti koalicion. Mbi të gjitha, me këso veprime i bëhet dëm edhe opinionit publik", tha Zogaj. Edhe disa qytetarë të anketuar në Prishtinë, nuk i shohin si serioze deklarimet e zyrtarëve dhe partive politike për vijat e kuqe. Ata mendojnë se subjektet politike në radhë të parë shikojnë interesin e tyre dhe harrojnë premtimet e dhëna. ​Burim Softolli, student nga Prishtina, tha për Radion Evropa e Lirë se partitë politike nuk e kanë mendjen shumë te qytetarët, por më shumë punojnë për vete. "Është interes i tyre, gjithnjë derisa të vjen momenti dhe thonë se ka vija të kuqe me këtë, por faktikisht janë të parët që i shkelin vijat e kuqe dhe pikërisht me atë që kanë thënë se nuk duan koalicion, me atë bashkohen", tha Softolli. Kurse, Kastrioti, një student në Universitetin e Prishtinës, tha se vijat e kuqe, përveç retorikës, nuk ekzistojnë në shumicën e rasteve te partitë politike. "S'ka vija të kuqe në politikë. Këtë e kemi parë gjithmonë. Ato vija i largojnë për interesat e tyre. Ata thonë se po sakrifikojnë me largimin e tyre, po çfarë sakrifice është ajo?", tha ai. Ndërkohë, analisti Albert Krasniqi, thotë se skena politike në Kosovë aktualisht është e fragmentuar, dhe në ditët në vijim, sipas tij, mund të ketë zhvillime interesante.
Kategoritë: Lajmet e ditës

E frikshme/ Tentativë rrëmbimi në Elbasan, prezantohen si policë dhe përpiqen ta marrin me forcë në makinë

BalkanWeb - Lajme - Enj, 06/22/2017 - 12:58
ELBASAN- Persona ende të paidentifikuar, të prezantuar si punonjës policie kanë tentuar të fusin me forcë në makinën e tyre një 60-vjecar me inicialet P.S në Elbasan. Sipas policisë, ngjarja ka ndodhur mbrëmjen e djeshme në fshatin Bishqem teksa 60-vjeçari po lëvizte nga një lokal për në banesën e tij. Pasi tentuan ta marrin në […]
Kategoritë: Lajmet e ditës

Tjetër replikë e ashpër nga LSI për Tahirin: Kur e pi mallin me tepsi fillon dhe flet përçart

BalkanWeb - Lajme - Enj, 06/22/2017 - 12:53
TIRANË- Këshilltari i Kreut të Kuvendit Emiljano Aleksi ka një përgjigje për ish-ministrin e Brendshëm Saimir Tahiri, i cili sot akuzoi Ilir Metën se e ka përgjuar dhe ka paguar portale jashtë e brenda Shqipërisë për të sulmuar policinë e Shtetit. Ashtu si edhe Kryemadhi që pati një këshillë për ‘mallin’ edhe Aleksi në një […]
Kategoritë: Lajmet e ditës

Vazhdon tradita makabre edhe këtë vit, përgjaket deti në Ishujt Faroe (Video)

BalkanWeb - Lajme - Enj, 06/22/2017 - 12:50
DANIMARKE – Siç është bërë tashmë traditë në Ishujt Faroe, edhe këtë vit, gjuetarët kanë vrarë qindra mijëra balena të pafajshme, duke e mbushur detin me gjak. Vit pas viti, balenat janë të detyruara të notojnë në brigjet e ishujve danezë gjatë migrimit të tyre.Vendasit të veshur me kostume zhytjeje, hidhen në det dhe fillojnë […]
Kategoritë: Lajmet e ditës

Denoncimi/ “Shihni kreun e FRESSH Kolonjë si kërcënon punonjësin e bashkisë me vendin e punës” (Video)

BalkanWeb - Lajme - Enj, 06/22/2017 - 12:42
TIRANE– Ish- kryeministri Sali Berisha, duke iu referuar qytetarit dixhital ka denoncuar përmes një video të publikuar në ‘Facebook’ kryetarin e FRESSH në Kolonjë, Pandi Cunge. Sipas mesazhit të qytetarit dixhital, kreu i FRESSH kërcënon një punonjës bashkie me vendin e punës nëse nuk merr pjesë në fushatë. STATUSI I SALI BERISHES: Kjo është farsa […]
Kategoritë: Lajmet e ditës
Kritiket-Blog Letersi Kritika-dejavu Kalendar