Skip to content

Lajmet e ditës

Belgjikë, shtetasi francez akuzohet për terrorizëm

Zeri Amerikes - Pre, 03/24/2017 - 16:13
Ndaj shtetasit francez 39 vjeçar, identifikuar si Mohamed R., u ngritën akuzat për “një përpjekje për vrasje me mënyra terroriste, përpjekje për të goditur dhe lënduar në mënyra terroriste dhe shkelje në armëmbajtje”
Kategoritë: Lajmet e ditës

Rusia mohon se i ndihmon talibanët afganë

Radio Evropaelire-Lajme - Pre, 03/24/2017 - 16:02
Një diplomat i lartë rus e hodhi poshtë deklaratën e një gjenerali të lartë amerikan, se Moska mund të jetë duke ndihmuar militantët talibanë, të cilët luftojnë Qeverinë në Afganistan dhe forcat amerikane atje. “Ky është një vlerësim absolutisht i rremë”, tha Zamir Kabulov, udhëheqës i departamentit për Afganistanin, pranë Ministrisë së Jashtme ruse. Të enjten, komandani suprem i NATO-s në Evropë, gjenerali amerikan Curtis Scaparrotti, tha se ka parë prova të përpjekjeve ruse për të ndikuar talibanët, e “ndoshta edhe për t’i furnizuar ata”. Kabulov tha se deklarata e Scaparrottit synon “të justifikojë”, siç tha ai, dështimin e ushtrisë amerikane në Afganistan.
Kategoritë: Lajmet e ditës

Vuçiq: Serbia, kurrë në NATO

Zeri Amerikes - Pre, 03/24/2017 - 15:59
Kryeministri i Serbisë tha se vendi i tij nuk do t’i bashkohet kurrë NATO-s apo ndonjë aleance tjetër ushtarake
Kategoritë: Lajmet e ditës

SHBA forcon kontrollin për aplikantët e vizave

Zeri Amerikes - Pre, 03/24/2017 - 15:47
Sipas një direktive nga Sekretari i Shtetit, Tillerson, ambasadat duhet të identifikojnë grupe të caktuara që do t’i nënshtrohen një analize më të hollësishme kur kërkojnë vizë
Kategoritë: Lajmet e ditës

Zgjedhjet në Kavajë më 7 Maj

Zeri Amerikes - Pre, 03/24/2017 - 15:10
Opozita: Nuk ka zgjedhje me Ramën kryeministër. Rama: Kriza e PD-s, s'është e s'do bëhet kriza e vendit
Kategoritë: Lajmet e ditës

Fëmijë dhe nxënës në protesta kundër shqipes

Radio Evropaelire-Lajme - Pre, 03/24/2017 - 14:10
Përfshirja e fëmijëve në protesta në mbështetje të opsioneve të caktuara politike parqet shkelje të rëndë të të drejtave të fëmijëve, thonë përfaqësuesit e organizatave joqeveritare. Në protestat e organizuara nga iniciativa qytetare “Për një Maqedoni të përbashkët”, të enjten prindërit kishin dalë bashkë me fëmijët e tyre të mitur, për të kundërshtuar shtrirjen gjuhës shqipe në tërë territorin e Maqedonisë dhe koalicionit të Social Demokratëve me partitë politike shqiptare për të formuar qeverinë e re të Maqedonisë. Në duar prindërit mbanin pankarta me gjurmët e duarve të fëmijvë të tyre me ngjyrat e flamurit të Maqedonisë, me ngjyrë të kuqe dhe atë të verdhë.. “Ky është revolucioni i prindërve për të ardhmen e fëmijëve të tyre. Këtë vizion të prindërve të tyre, nënave dhe baballarëve të tyre, fëmijët nuk do ta harrojnë asnjëherë”, ka theksuar Boris Damovski nga këshilli organizativ i protestave "Për një Maqedoni të Përbashkët". Nga ana tjetër, për çdo ditë nxënësve të shkollave të mesme nga e gjithë Maqedonia, përmes rrjeteve sociale u bëhet thirrje të dalin për t'ju bashkangjitur protestave në mbrojtje të shtetit. Ndërkohë javën e kaluar është publikuar dhe një video ku shihet drejtori i gjimnazit të Prilepit duke e mbajtur një fjalim me shprehje nacionaliste para nxënësve të kësaj shkolle, duke i stimuluar për të dalë në protesta. Nga Ministria e Arsimit të Maqedonisë thonë se e gjykojnë këtë veprim ndonëse akoma nuk janë marrë masa konkrete për të parandaluar përfshirjen e nxënësve në protesta. “Ne gjykojmë dhe dënojmë të gjitha aktet që bëhen në kundërshtim me ligjin për arsim të mesëm, me ç'rast politizohen të rinjtë e shkollave të mesme, nxirren në rrugë në vend se të shkollohen dhe arsimohen. Ne në bazë të kompetencave që kemi si Ministri e Arsimit e kemi kontaktuar dhe autorizuar inspektoratin e arsimit që të bëjë verifikimin e gjendjes faktike në teren". "Në një afat të shkurtër kohor presim që inspektorati i arsimit të na raportojë dhe nëse konstatohet se ka thyeje të ligjit të ndërmerren masa sanksionuese ndaj drejtuesve të shkollave të mesme”, thotë pë Radion Evropa e Lirë, Safet Neziri nga Ministria e Arsmit të Maqedonisë. Por, Nenad Novksovski, ish ministër i arsimit të Maqedonisë, thotë se duhet të dënohen të gjithë ata drejtues të institucioneve arsimore që nxisin të rinjtë në moshë të mitur të përfshihen në mbrojtjen e opsioneve të caktuara politike. “Të gjithë drejtorët e shkollave të mesme të cilët i nxisin nxënësit që të largohen nga orët e mësimit për të marrë pjesë në protesta duhet të sanksionohen. Ikja nga orët e mësimit jo vetëm që ka impakt në nxënien e dijes, por në këtë formë ata pa vetëdije përshihen në lojëra të rrezikshme politike”,  tha për Radion Evropa e Lirë, Nenad Novskovski. Nga ana tjetër, Urania Pirovska, kryetare e Komitetit të Helsinkit në Shkup, tha se të rinjtë në Maqedoni në vazhdimësi keqpërdoren për qëllime politike gjatë proceseve zgjedhore ose protestave që kanë karakter politik dhe për këtë fatkeqsisht askush nuk ka marrë përgjegjësi e aq më pak është ballafaquar me drejtësinë. “E shohim se institucionet shtetërore duke mos ndërmarrë veprime konkrete për parandalimin e dukurive të këtilla që janë të pranishme për javë të tëra, duket se e inkurajon këtë dukuri në vend se ta pengojë. Më e keqja është se indoktrinimi i të rinjve në protesta në fund jo rrallë herë përfundon me incidente, lëndime trupore dhe dhunë". "Indoktrinimi më së shpeshti bëhet mbi bazë etnike. Kjo paraqet një rrezik të madh me pasoja afatgjate për një shtet shumëetnik siç është Maqedonia”, thotë Pirovska. Oganizatat joqeveritare thonë se viktimizimi i të rinjve për qëllime politike paraqet viktimizim për të ardhmen e Maqedonisë duke kërkuar që sa më parë të ndërpritet agjitimi për përfshirjen e nxënësve në protesta që kryesisht bëhet përmes rrjeteve sociale, madje dhe në oborret shkollave të mesme përderisa drejtorët e shkollave dhe profesorët shtiren se nuk e shohin këtë dukuri. (REL)
Kategoritë: Lajmet e ditës

Fëmijë dhe nxënës në protesta kundër shqipes

Radio Evropaelire-Lajme - Pre, 03/24/2017 - 14:10
Në protestat e organizuara nga iniciativa qytetare “Për një Maqedoni të përbashkët”, të enjten prindërit kishin dalë bashkë me fëmijët e tyre të mitur, për të kundërshtuar shtrirjen gjuhës shqipe në tërë territorin e Maqedonisë dhe koalicionit të Social Demokratëve me partitë politike shqiptare për të formuar qeverinë e re të Maqedonisë.
Kategoritë: Lajmet e ditës

Themelimi i Asociacionit në “pat” pozitë

Radio Evropaelire-Lajme - Pre, 03/24/2017 - 13:58
Qeveria e Kosovës është e gatshme të nisë diskutimet për hartimin e statutit të Asociacionit të komunave me shumicë serbe dhe kjo u është bërë me dije edhe përfaqësuesve të Listës Serbe, e cila përfaqëson komunitetin serb në institucionet e Kosovës, konfirmojnë zyrtarët e ekzekutivit të vendit.
Kategoritë: Lajmet e ditës

Lirohet ish-presidenti i Egjiptit Hosni Mubarak

Radio Evropaelire-Lajme - Pre, 03/24/2017 - 13:44
Ish-presidenti i Egjiptit Hosni Mubarak është liruar nga paraburgimi pas gjashtë vjetësh. Avokatët e Mubarakut kanë thënë se ish-lidero është larguar sot nga spitali ushtarak i Kajros dhe është kthyer në shtëpinë e tij, që gjendet në periferi të kryeqytetit të Egjiptit. Lirimi i Mubarakut pasohet nga vendimi për lirim nga akuzat për vrasje. Ai për është përballur edhe me akuza për korrupsion. Në vitin 2011, gjatë Pranverës Arabe, Mubarak u rrëzua nga pushteti. Në prill të po atij viti, ai u arrestua dhe është mbajtur qoftë në burg apo spitale ushtarake. Më 2012, Mubarak u dënua me burg të përjetshëm për vdekjen e protestuesve në duart e forcave të sigursë, gjatë protestave që çuan në rrëzimin e tij nga pushteti. Por një gjykatë e apelit e rrëzoi këtë vendim.          
Kategoritë: Lajmet e ditës

Presidenti Trump vazhdon t'i përmbahet deklaratave të tij politike

Zeri Amerikes - Pre, 03/24/2017 - 13:13
Në një intervistë për revistën "Time", Presidenti Trump u përmbahet plotësisht deklaratave të tij politike duke thënë se ai më tepër ka përcjellë pretendime të paqarta të shfaqura në botime që ai lexon ose dëgjon
Kategoritë: Lajmet e ditës

SHBA nuk do të marrë pjesë në konferencën për Afganistanin

Radio Evropaelire-Lajme - Pre, 03/24/2017 - 12:53
Shtetet e Bashkuara kanë refuzuar ftesën për të marrë pjesë në konferencën që Rusia planifikon ta mbajmë më 14 prill, për situatën në Afganistan. Kështu raporton agjencia Associated Press, duke u thirrur në burime anonime brenda Departamentit Amerikan të Shtetit, të cilët thonë se vendimi për mospjesëmarrje është bërë për shkak se Moska nuk është konsultuar me Uashingtonin përpara dërgimit të ftesës për këtë konferencë. Afganistani, Pakistani, Irani, India dhe disa shtete të tjera të Azisë Qendore janë në mesin e të ftuarve në këtë konferencë. Talibanët nuk janë ftuar për të marrë pjesë, raporton AP.
Kategoritë: Lajmet e ditës

Mitrovicë: Rigjykim ndaj Oliver Ivanoviqit

Radio Evropaelire-Lajme - Pre, 03/24/2017 - 12:31
Rigjykimi i liderit të Iniciativës Qytetare SDP, Oliver Ivanoviq, nisi të premten në Gjykatën Themelore në Mitrovicën e veriut përpara këshillit gjyqësor ndërkombëtar të EULEX-it. Oliver Ivanoviq u deklarua i pafajshëm për veprat me të cilat ngarkohet nga prokuroria, ndërkohë që në fjalën e tij hyrëse avokati mbrojtës, Nebojsha Vlajiq, tha se Ivanoviq nuk ka asnjë gjë të përbashkët me ngjarjet e prillit të vitit 1999 për çfarë ngarkohet. Vlajiq tha se “krimi që ka ndodhur, atëbotë, kërkon drejtësi, por drejtësia nuk nënkupton dënim të të pafajshmëve”. Prokurori Romulo Mateus në fjalën e tij tha se gjatë procesit prokuroria do të sjellë tre dëshmitarë të ri dhe do të paraqes dëshmi të reja materiale.  Por, Oliver Ivanoviq, tha përpara gjykimit se nuk ka asnjë lidhje me ngjarjet për të cilat e ngarkon akuza. “Absolutisht nuk është e mundur që të më dënojnë kur s’kam asnjë lidhje me këtë gjë, nuk është e mundur. Mund të bëjnë sikur edhe herën e kaluar, por do të ankohem deri në fund, deri në fund të fundit. Nuk do të ketë instancë që nuk do t’i drejtohem”, tha Ivanoviq përpara fillimit të seancës ndërkohë që brenda saj tha: “Absolutisht nuk jam fajtor”. Avokati mbrojtës, Nebojsha Vlajiq, paralajmëroi se në rigjykim mbrojtja do të sjellë tre dëshmitarë të ri dhe kërkoi heqjen e masës së arrestit shtëpiak si dhe t’i mundësohet Ivanoviqit mbrojtja në liri. Ai ju tha mediave se prêt që akuza të bjerë. “Pres që të dështojë dhe ta kemi të qartë të gjithë, jo se Oliver Ivanoviq është i pafajshëm, sepse këtë e dinë të gjithë, por ta kenë të qartë që të gjithë se çfare është prokuroria e EULEX-it dhe çfarë është ky mision që ka ardhur të vendos drejtësinë në Kosovë”, tha Vlajiq Me propozim të prokurorit dhe në pajtim të gjykatës si dhe të palës mbrojtëse është vendosur që me 25 prill të dilet në vendin ku ka ndodhur ngjarja. Prokurori publik do të thërras që të gjithë dëshmitarët që ka i thirrur edhe më herët rreth kësaj ngjarjeje dhe do t’i marrë në pyetje sërish Rigjykimi në Gjykatën Themelore në Mitrovicën e veriut po bëhet përpara një trupi gjykues që drejtohet nga kryetarja Roksana Komsha dhe dy gjykatësve të rinj nga Kroacia e Sllovenia, Iva Nikshiq dhe Franciska Fisher. Seancat janë përcaktuar deri në fund të muajit qershor. Gjykimi i Oliver Ivanoviqit u rikthye në fillim, pasi Gjykata e Apelit në Prishtinë, një muaj më parë anuloi vendimin për pikën e parë të akuzës për krime lufte në vitin 1999 ndërkohë që u vërtetua vendimi për lirim nga pika e dytë për krim të kryer në shkurt të vitit 2000.
Kategoritë: Lajmet e ditës

Përvjetori i fillimit te bombardimeve të NATO-s kundër forcave serbe

Zeri Amerikes - Pre, 03/24/2017 - 12:14
Në ditën e sotme të vitit 1999, NATO-ja filloi fushatën e bombardimeve kundër forcave serbe, e cila i dha fund luftës gati dyvjeçare në Kosovë.
Kategoritë: Lajmet e ditës

Dy arrestime të reja në lidhje me sulmin e Londrës

Zeri Amerikes - Pre, 03/24/2017 - 12:08
Zyrtarët e policisë e identifikuan autorin e sulmit që shkaktoi vdekjen e katër vetëve pranë parlamentit si Khalid Masood
Kategoritë: Lajmet e ditës

Totozani: Kryerja e reformës në drejtësi është e pandalshme

Deutsche Welle - shqip - Pre, 03/24/2017 - 12:00
Avokati i Popullit, Igli Totozani thotë në intervistë me DW se kryerja e reformës në drejtësi është një proces që nuk mund të ndalet. Kërkesa për të është skalitur në kushtetutë.
Kategoritë: Lajmet e ditës

Putin takohet me Le Pen, thotë se nuk po kërkon të ndërhyjë në zgjedhje

Radio Evropaelire-Lajme - Pre, 03/24/2017 - 11:41
Presidenti rus, Vladimir Putin është takuar me kandidaten për presidente të ekstremit të djathtë, Marine Le Pen në Kremlin dhe i ka thënë asaj që Moska ka të drejt të takohet me çdo politikanë francezë nëse do. Putin në takimin me Le Pen gjithashtu tha se Rusia nuk po kërkon që të ndikojë në zgjedhje presidenciale në Francë. “Në asnjë mënyrë ne nuk duam të ndikojmë në zhvillimet aktuale por ne kemi të drejtë të komunikojmë me të gjithë përfaqësuesit e të gjitha forcave politike të vendit”, citohet të ketë thënë Putini. Ai tha se “partnerët tanë në Evropë dhe Shtetet e Bashkuara”, e kanë po të njëjtën të drejtë. Le Pen më herët gjatë ditës është takuar me ligjvënës rusë, ku ka bërë thirrje për raporte më të afërta në mes të dy vendeve. Ajo gjithashtu ka bërë thirrje për heqjen e sanksioneve të qeverive Perëndimore ndaj Moskës, që u vendosën pas ndërhyrjeve të Rusisë në Ukrainë.
Kategoritë: Lajmet e ditës

Sergei Lavrov paralajmëron perëndimin për situatën në Maqedoni

Zeri Amerikes - Pre, 03/24/2017 - 10:49
Ministri i Jashtëm rus, tha se situata në Maqedoni është krizë e nxitur artificialisht, ndërsa marrëdhëniet ruse me vendet e Ballkanit sipas tij nuk duhet të jenë shkak për shqetësim në perëndim.
Kategoritë: Lajmet e ditës

Vritet në Kiev një kritik i Putinit

Deutsche Welle - shqip - Pre, 03/24/2017 - 10:46
Në Kiev është vrarë opozitari rus Voronenkov, një dëshmitar në procesin kundër ish-presidentit Janukoviç. Vrasja ka shkaktuar reagime kontradiktore.
Kategoritë: Lajmet e ditës

Policia arreston edhe dy persona lidhur me sulmin terrorist në Londër

Radio Evropaelire-Lajme - Pre, 03/24/2017 - 10:11
Policia britanike thotë se ka bërë edhe dy arrestime “të rëndësishme” lidhur me sulmin terrorist pranë Parlamentit britanik. Autoritetet britanike po ashtu kanë njoftuar se sulmuesi Khalid Masood ishte konvertuar në fenë islame dhe më herët njihet me emrin Adrian Russell Ajoa. Komandanti për anti-terrorizëm, Mark Rowley ka thënë sot se policia ka arrestuar nëntë persona, ndërkaq i arrestuari i dhjetë është liruar me kusht, derisa hetimet janë duke vazhduar. Autoritetet kanë thënë se Masood, i cili ka pasur një histori të dhunës, besohet se e ka kryer vet sulmin e 22 marsit. Por ata nuk kanë përjashtuar mundësinë që edhe persona të tjerë mund të jenë përfshirë në sulmin terrorist. “Është e qartë se linja kryesore e hetimit tonë është të kuptojnë se çfarë e çoi atë drejt radikalizimit... a ishte nga ndikimi i komunitetit tonë, ndikimet nga jashtë apo propaganda në internet”, ka thënë Rowley. “Ne jemi të interesuar nga kushdo që e ka njohuar Khalid Masoodin, që të kuptojmë se kush ishin bashkëpunëtorët e tij dhe të kuptojmë se cilat vende i ka vizituar ai kohët e fundit”, ka shtuar ai. Nga sulmi në urën Westminister dhe pranë Parlamentit britanik, janë vrarë 5 persona, përfshirë këtu edhe sulmuesin.
Kategoritë: Lajmet e ditës

Mustafa: Sulmet e NATO-s mbi caqet serbe i hapën udhë pavarësisë së Kosovë

Radio Evropaelire-Lajme - Pre, 03/24/2017 - 09:55
Kryeministri i Kosovës, Isa Mustafa, ka thënë se 24 marsi i vitit 1999, është ditë historike për Kosovën, pasi sulmet ajrore të NATO-s, mbi caqet serbe, përshpejtuan “çlirimin e Kosovës dhe i hapën udhë pavarësisë së vendit”. Në përvjetorin e 18-të të fushatës ajrore të Aleancës së Veriatlantikut, kryeministri Mustafa ka shprehur mirënjohjen e përjetshme të Kosovës, për Shtetet e Bashkuara, Mbretërinë e Bashkuar “dhe të gjitha vendeve të tjera të NATO-s, të cilat na u gjenden pranë në momentet më të vështira”. “Nisja e kampanjës ajrore të Aleancës Veriatlantike më 24 mars 1999, është ditë historike për Kosovën, për NATO-n por edhe për konceptin modern të lirisë dhe domosdoshmërisë së mbrojtjes së saj nga regjimet kriminale”, ka shkruar Mustafa në Facebook. Kryeministri Mustafa ka thënë se partneriteti strategjik dhe koordinimi në çdo hap i Kosovës me SHBA-në dhe miqtë euroatlantikë “janë formula e suksesit tonë të përbashkët në të ardhmen”.
Kategoritë: Lajmet e ditës
Kritiket-Blog Letersi Kritika-dejavu Kalendar