Skip to content

Lajmet e ditës

Frei: Pres zgjedhje më të lira e korrekte në Shqipëri

Deutsche Welle - shqip - Enj, 06/22/2017 - 12:33
Deputeti i Bundestagut, Thorsten Frei pret që zgjedhjet në Shqipëri të kalojnë më mirë se zgjedhjet e fundit. Për qeverinë Rama ai bën një bilanc të përzier. Për Kosovën ai sheh formim të vështirë të qeverisë.
Kategoritë: Lajmet e ditës

Monika Kryemadhi replikon “dhëmbë për dhëmbë” me Saimir Tahirin: Mos pi mall, bëj palestër

BalkanWeb - Lajme - Enj, 06/22/2017 - 12:25
TIRANË- Fushata elektorale po prodhon reagime të ndryshme nga forcat parlamentare që i kanë shpallur ‘luftë’ njëra-tjetrës, të paktën verbalisht. Zëvendëskryetarja e LSI-së Monika Kryemadhi i është përgjigjur deklaratës së ish-ministrit të Brendshëm Saimir Tahiri, i cili i dha një mesazh kreut të Kuvendit Ilir Meta, duke e akuzuar se ka hedhur baltë me të […]
Kategoritë: Lajmet e ditës

Sallatë me njoki dhe rukola

BalkanWeb - Lajme - Enj, 06/22/2017 - 12:16
Nga: ZONJA VJOLLCA 500 gr njoki 1 qepë e vogël 2 lgj fara luledielli 200 gr domate qershi 100 gr rukola 3 lgj uthull balsamike 4 lgj vaj ulliri 1 lç sheqer kaf Kripë, piper i zi Fillimisht vendosim njokit të ziejnë në ujë të vluar me kripë për 4-5 minuta derisa ato të ngjiten […]
Kategoritë: Lajmet e ditës

Trump vazhdon sanksionet e Bushit në Ballkanin Perëndimor

Radio Evropaelire-Lajme - Enj, 06/22/2017 - 12:14
Presidenti i Shteteve të Bashkuara, Donald Trump ka vazhduar edhe për një vit urdhrin ekzekutiv për emergjencë kombëtare në Ballkanin Perëndimor. Ky urdhër, i nënshkruar më 2001, nga presidentit i atëhershëm, George W.Bush, ka për qëllim që të përballet me kërcënimin e madh ndaj sigurisë kombëtare dhe politikës së jashtme të SHBA-së nga persona që janë të përfshirë apo mbështesin dhunën ekstremiste në Republikën e Maqedonisë dhe në vendet e tjera të Ballkanit Perëndimor, ose ndaj pengesave që mund t’iu bëhen zbatimit të Marrëveshjes së Dejtonit në Bosnje apo ndaj Rezolutës 1244 të OKB-së për Kosovën. Veprimet e “njerëzve që kërcënojë paqen dhe stabilitetin në Ballkanin Perëndimor, ku përfshihen aktet e dhunës ekstremiste apo veprimeve penguese, vazhdojnë të paraqesin kërcënim të madh për sigurinë kombëtare dhe politikën e jashtme të SHBA-së”, thuhet në njoftimin e Shtëpisë së Bardhë.
Kategoritë: Lajmet e ditës

Përkeqësohen tensionet iraniano – saudite

Radio Evropaelire-Lajme - Enj, 06/22/2017 - 12:10
Tensionet ndërmjet Arabisë Saduite dhe Iranit, që aktualisht janë shumë të larta, mund të përkeqësohen edhe më tepër, pasi Mbreti Salman e emëroi për trashëgimtar djalin e tij, Muhammad bin Salman, që është ambicioz dhe agresiv, thonë analistët. Trashëgimtari i fronit, bin Salman, tha muajin e kaluar në Televizionin Saudit, se nuk është i hapur për përmirësim të raporteve me Teheranin, të cilin e akuzon për përpjekje për “kontrollin e botës islamike”, për ta përhapur doktrinën e vet shiite. “Ne e dimë se ne jemi caku kryesor i Iranit”, tha ky princ dhe ka shtuar se konflikti ndërmjet Mbretërisë saudite, të udhëhequr nga sunitët, dhe Iranit, të udhëhequr nga shiitët, duket se është i paevitueshëm. “Ne do të punojmë ashtu që beteja për ta, të arrijë në Iran e jo në Arabinë Saudite”, tha Muhammad bin Salman. Këto komente kanë shkaktuar alarm në Iran dhe i kanë forcuar pohimet se sauditët kanë dorë në sulmet terroriste aktuale në Teheran, për të cilat përgjegjësinë e kishte marrë grupi ekstresmist, Shteti Islamik. Në këtë kuadër, mediat shtetërore të Iranit kanë vlerësuar se emërim,i i princit bin Salman për të qenë Mbret i ardhshëm i Arabisë Saudite, paraqet një “komplot të butë”. “Nën mbikëqyrjen e tij, Arabia Saudite e ka zhvilluar një politikë të jashtme agresive në Jemen dhe Katar, dhe ai nuk ka qenë i rezervuar në dhënien e deklaratave të fuqishme kundër Iranit”, i tha agjencisë Reuters, Olivier Jakob, këshilltar në kompaninë Petromatrix. Kompania Petromatrix ka thënë se emërimi i princit për trashëgimtar të fronit menjëherë i ka kontribuar rënies madhore të çmimit të naftës, për shkak të rritjes së dyshimeve se sauditët dhe iranianët nuk do të jenë në gjendje të bashkëpunonëj në të ardhmen për kontrollin e prodhimtarisë së naftës. Agjencia Reuters, duke i cituar zyrtarët e tashëm dhe të dikurshëm amerikanë, ka raportuar se princi, Muhammad bin Salman, pajtohet me pikëpamjen agresive për Iranin, të presidentit të Shteteve të Bashkuara, Donald Trump. Në këtë kuadër konsiderohet se qasja më tepër konfrontuese ndaj Teheranit e bartë rrezikun e përshkallëzimit në këtë rajon jostabil. Në takimin e parë ndërmjet princit bin Salman dhe presidentit Trump në Shtëpinë e Bardhë në muajin mars, është theksuar rëndësia e “konfrontimit të aktiviteteve destabilizuese rajonale të Iranit”. Por, zyrtarët e tashëm dhe të dikurshëm të administratës së Shteteve të Bashkuara thonë se kjo mund të ketë pasoja të paparashikueshme. Rreziku më i madh për administratën Trump, tha një ekspert qeveritar amerikan për Lindjen e Mesme, është që Shtetet e Bashkuara të përfshihen më thellë në konfliktin sunito-shiit në gjithë Lindjen e Mesme. Rob Malley, ish-këshilltar për Lindjen e Mesme në administratën e ish-presidentit, Barack Obama, thotë se “nëse do të ketë më tepër qasje luftënxitëse ndaj Iranit, Irani me gjasë do të përgjigjet”. Përgatiti: Fatmir Bujupi
Kategoritë: Lajmet e ditës

BE, takim i nivelit të lartë në Bruksel

Zeri Amerikes - Enj, 06/22/2017 - 12:03
Në takim do të diskutohen çështje të shumta, që përfshijnë daljen e planifikuar të Britanisë nga blloku dhe rigjallërimin e ekonomisë
Kategoritë: Lajmet e ditës

Shkatërrimi i xhamisë antike “flet për humbjen e IS-it”

Radio Evropaelire-Lajme - Enj, 06/22/2017 - 11:08
Kryeministri i Irakut, Haider al-Abadi, tha se shkatërrimi i xhamisë antike në qytetin e Mosulit flet për humbjen e grupit militant Shteti Islamik. Ministria e Mbrojtjes e Irakut tha se militantët kanë hedhur në erë xhaminë Grand Al-Nuri dhe minaren e saj të veçantë. Xhamia është ndërtuar në vitin 1172. Minarja e saj është njohur si Al-Hadba, ose “gungë”, pasi ka anuar kah njëra ana, si Kulla e Pizës në Itali. Udhëheqësi i Shtetit Islamik, Abu Bakr al-Baghdadi, është shfaqur në xhaminë Grand al-Nuri në korrik të vitit 2014, për të shpallur formimin e “kalifatit islamik”. Shteti Islamik, përmes ueb-faqes së tij Amaq, tha se xhamia është shkatërruar nga një sulm ajror i Shteteve të Bashkuara, por SHBA e mohoi. “Mbrëmjen e kaluar, ata hodhën në erë xhaminë, ku al-Baghdadi shpalli kalifatin e tij”, tha i dërguari i SHBA-së në koalicionin që lufton militantët e Shtetit Islamik në Mosul, Brett McGurk. Komandanti i forcave amerikane në Irak, Joseph Martin, tha se Shteti Islamik ka shkatërruar “një prej thesareve më të mëdha të Mosulit dhe Irakut”. Shteti Islamik ka marrë kontrollin e Mosulit, qytetit të dytë më të madh të Irkaut, në vitin 2014. Forcat qeveritare të Irakut, luftëtarët kurdë Peshmerga, fiset arabe sunite dhe milicitë shiite, të mbështetura nga sulmet e koalicionit që udhëheq SHBA-ja, kanë nisur ofensivën për rikthimin e tij qysh në tetor të vitit 2016.
Kategoritë: Lajmet e ditës

Militantët e IS-it shkatërrojnë xhaminë ikonë të Mosulit

Radio Evropaelire-Lajme - Enj, 06/22/2017 - 10:46
Militantët e Shtetit islamik kanë hedhur në erë xhaminë Grand al-Nuri në Mosul dhe minaren e saj të veçantë.Kjo xhami ishte ndërtuar në vitin 1172.Minarja e saj është njohur si Al-Hadba, ose “gungë” , pasi ka anuar kah njëra ana, si Kulla e Pizës në Itali. Udhëheqësi i IS-it, Abu Bakr al-Baghdadi, është shfaqur në xhaminë Grand al-Nuri në korrik të vitit 2014, për të shpallur formimin e “kalifatit islamik”. (Video: Reuters)
Kategoritë: Lajmet e ditës

Shpërthim vdekjeprurës në Afganistan

Zeri Amerikes - Enj, 06/22/2017 - 10:38
Dhjetëra veta u vranë dhe u plagosën nga një sulm vetëvrasës në Helmand.
Kategoritë: Lajmet e ditës

Katër të arrestuar për përpjekjen për sulm në Bruksel

Radio Evropaelire-Lajme - Enj, 06/22/2017 - 09:44
Autoritetet belge thanë se kanë arrestuar katër njerëz në lidhje me përpjekjen për sulm me bombë në një stacion të trenave në Bruksel. Zyra e Prokurorit Federal tha se katër të dyshuarit janë arrestuar pas bastisjeve në disa lagje të Brukselit, por nuk dha më shumë detaje. Bastisjet janë bërë pasi një person ka shpërthyer një pajisje në Stacionin Qendror të Trenave në Bruksel, të martën mbrëma. Pajisja nuk ka arritur të shpërthejë plotësisht, ndërsa sulmuesi i dyshuar është vrarë nga policia. Prokurorët thanë se i dyshuari ka qenë shtetas maroken, 36 vjeç, që jetonte në lagjen Molenbek të Brukselit. Lagjja ka numër të madh migrantësh. Aty kanë jetuar edhe disa individë të përfshirë në sulmet në Paris dhe në Bruksel më 2015, përkatësisht 2016. Sulmet në aeroportin e Brukselit dhe në një stacion të metrosë së qytetit kanë lënë 32 veta të vrarë në mars të vitit të kaluar.
Kategoritë: Lajmet e ditës

Media në Serbi: Shteti blen raportimin oborrtar

Deutsche Welle - shqip - Enj, 06/22/2017 - 09:39
Publikohet një studim i detajuar mbi gjendjen e mediave në Serbi. Sipërmarrës të afërt me qeverinë kontrollojnë mediat, tenderat jepen tek mediat e afërta me qeverinë.
Kategoritë: Lajmet e ditës

Testi i maturës shtetërore, të hiqet ose të standardizohet

Radio Evropaelire-Lajme - Enj, 06/22/2017 - 09:37
Testi i maturës në Kosovë, ka nevojë të standardizohet apo edhe të hiqet si formë e vlerësimit dhe matjes së njohurive, vlerësojnë ekspertë të fushës së arsimit. Këtij testi i nënshtrohen nxënësit që përfundojnë klasën e 12-të të arsimit të mesëm. Testit të maturës në Kosovë çdo vit i nënshtrohen rreth 30 mijë maturantë. Ky test vlerëson arritjet e njohurive, shkathtësive dhe aftësive të nxënësve të cilat i kanë fituar gjatë arsimimit parauniversitar në përputhje, me kurrikulën e Republikës së Kosovës. Po ashtu, si test përcakton edhe nivelin e kompetencave të arritura të nxënësve, dhe përfundimi me sukses i këtij testi mundëson më pas aplikimin për studime në universitet. Pragu i kalueshmërisë në provimin e maturës shtetërore sipas Ligjit për provimin e maturës shtetërore është 40 për qind. Megjithatë, ky test i maturës, sipas ekspertit të çështjeve të arsimit, Halim Hyseni, ka shumë arsye që të mos zbatohet fare derisa të gjendet një formë tjetër e organizimit të provimit shtetëror. “Mendoj se ka dëshmi të mjaftueshme që ky test të hiqet sepse nuk administrohet si duhet, nuk mund të menaxhohet. Rezultatet që fitohen nga ky test nuk janë të besueshme. Zbatimi i këtij testi nuk ka arritur të motivojë nxënësit për një punë më të avancuar. Testi po ashtu është i pa standardizuar, është i pa hulumtuar në aspektin e ekonomisë, vlefshmërisë dhe në shumë aspekte tjera”, thekson Hyseni për Radion Evropa e Lirë. Ndërkohë, edhe përfaqësues të prindërve thonë të mos jenë të kënaqur me mënyrën e zbatimit të testit të maturës. Udhëheqësi i Këshillit të Prindërve të Kosovës, Bajram Beqiri, për Radion Evropa e Lirë se si i tillë nuk do të duhet të merret si bazë për vlerësimin e nxënëseve. “Ne kemi vlerësuar se testi i maturës po krijon komplikime. Ne nuk jemi të hiqet tërësisht testi i maturës. Mund të jetë si test për tu verifikuar njohuritë e fituara gjatë katër viteve shkollorë, por testi i maturës të mos ketë implikime në regjistrim, të jetë vetëm si orientim, por jo të ndikojë drejtpërdrejt në regjistrimin në fakultet. Ka shumë nxënës të mirë të cilët mund të dështojnë në testin e maturës, derisa ata që janë më të dobët ta kalojnë testin”, thekson Beqiri. Në këtë vit, pjesa e parë e provimit të maturës në Kosovë është mbajtur, derisa pjesa e dytë, sipas njoftimit zyrtar të Komisionit Shtetëror të Maturës do të mbahet më 24 qershor. Ky Komision e kishte vlerësuar si të suksesshëm organizimin dhe administrimin e testit të maturës. Ata kishin konstatuar se këtë vit tentimet për kopjim dhe shpërndarje të testit në rrjetet sociale kanë qenë dukshëm më të vogla se vitet më parë. Halim Hyseni, thotë se derisa cilësia e arsimit në Kosovë vazhdon të jetë në nivel shumë të ulët, nuk mund të pretendohet që të ketë rezultate të suksesshme të provimit të maturës. “Problemi i maturës duhet të shikohet nga edukimi parashkollor kur atje fillon të ngritët cilësia, në arsimin fillor po ashtu, në arsimin e mesëm të ulët dhe të lartë, tek atëherë mund të presim që nxënësit tanë të tregojnë rezultate edhe në testin ndërkombëtar PISA edhe në testin e maturës”, thotë Hyseni. Cilësia e dobët e arsimit në Kosovë ishte bërë e ditur edhe nga Programi për vlerësimin ndërkombëtar i njohur me shkurtesën “PISA”. Ky mekanizëm në vitin e kaluar kishte radhitur Kosovën në vendin e 68-të në mesin e 72 shteteve, të cilat i janë nënshtruar këtij vlerësimi.
Kategoritë: Lajmet e ditës

Dhjetëra të vrarë nga një sulm në Afganistan

Radio Evropaelire-Lajme - Enj, 06/22/2017 - 09:08
Një makinë bombë shpërtheu para një banke në jug të Afganistanit, duke vrarë së paku 29 veta. Zëdhënësi i guvernatorit të provincës Helmand, Omar Zwak, tha se mbi 50 veta të tjerë janë plagosur nga sulmi në kryeqytetin e provincës, Lashkar Gah. Viktimat përfshijnë civilë, staf të degës së Bankës së Re të Kabulit dhe pjesëtarë të forcave të sigurisë. Sulmi u pasua me të shtëna me armë zjarri në drejtim të bankës, tha Mohammad Karim Atal, anëtar i këshillit provincial të Helmandit. Përgjegjësinë për të nuk e mori ende asnjë grup, por dyshimet bien mbi militantët talibanë ose ata të Shtetit Islamik. Helmandi është strehë e talibanëve dhe grupi ekstremist kontrollon rreth 80% të provincës.
Kategoritë: Lajmet e ditës

Nëntë të akuzuarve u vërtetohen dënimet me burgim për "terrorizëm"

Radio Evropaelire-Lajme - Enj, 06/22/2017 - 08:35
Gjykata e Apelit e Kosovës ua vërtetoi dënimet me burgim nëntë të akuzuarve për “organizim dhe pjesëmarrje në grupe terroriste”.  Apeli i refuzoi si të pabazuara ankesat e Prokurorisë Speciale dhe mbrojtësve të të akuzuarve kundër aktgjykimit të Gjykatës Themelore në Prishtinë, të datës 29.04.2016.  "Apeli konstatoi se gjykata e shkallës së parë ka vërtetuar drejt gjendjen faktike, nuk ka bërë shkelje të dispozitave të procedurës penale si dhe ka aplikuar drejt ligjin penal", thuhet në komunikatën për media të Gjykatës së Apelit. Sipas këtij aktgjykimi, të akuzuarit N.A. dhe H.E. janë dënuar me nga 4 vjet e 6 muaj burgim. Me nga 4 vjet janë dënuar të akuzuarit I.R dhe E.B.; i akuzuari A.B. me 3 vjet e 6 muaj, ndërsa të akuzuarit H.A., S.S., H.L. dhe M.B me nga 3 vjet burgim.   
Kategoritë: Lajmet e ditës

India do ta zëvendësojë Kinën si vendi më i populluar në botë

Radio Evropaelire-Lajme - Enj, 06/22/2017 - 07:53
Popullsia e botës do të rritet nga 7.6 miliardë – sa është këtë vit - në 9.8 miliardë në vitin 2050, parashikojnë Kombet e Bashkuara. Në raportin që publikoi sot, OKB tha se vendet që nxisin rritjen e popullsisë janë: India, Nigeria, Kongo, Pakistani, Etiopia, Tanzania, Shtetet e Bashkuara, Uganda dhe Indonezia. India, e cila aktualisht ka 1.3 miliard banorë, pritet ta zëvendësojë Kinën me 1.4 miliard banorë, si vendi më i populluar në botë brenda shtatë vjetësh. “Përqendrimi i rritjes së popullsisë në vendet më të varfra do ta bëjë të vështirë për të rinjtë që të kenë ushqim të mjaftueshëm, kujdes shëndetësor, arsim dhe të tjera”, vlerësoi OKB-ja. Po sipas saj, popullatat në Evropë, Japoni dhe vende të tjera të zhvilluara do të vazhdojnë të plaken dhe të bien në numër.
Kategoritë: Lajmet e ditës

Brexit-i dhe siguria dominojnë samitin e BE-së

Radio Evropaelire-Lajme - Enj, 06/22/2017 - 05:44
Udhëheqësit e Bashkimit Evropian mblidhen sot në një samit dyditësh në Bruksel. Agjenda e bisedimeve do të dominohet nga Brexit-i dhe siguria. Kryeministrja britanike, Theresa May, pritet të ofrojë një marrëveshje për qëndrimin e shtetasve të BE-së në Britani dhe për të drejtat e tyre të punësimit. Siguria do të jetë po ashtu lart në agjendë, sidomos pas sulmeve terroriste që kanë goditur Londrën dhe Parisin, së voni. Në samitin e BE-së, për herë të parë, do të marrë pjesë presidenti i ri i Francës, Emmanuel Macron. Në prag të samitit, Macron tha se beson në kapacitetin e Evropës për të transformuar botën, me Francën si forcë lëvizëse.
Kategoritë: Lajmet e ditës

Europa po merr kthesën e duhur

Deutsche Welle - shqip - Enj, 06/22/2017 - 05:28
Brexit, mbrojtja europiane dhe migracioni – janë temat e samitit të BE-së që fillon të enjten e vazhdon deri të premten. Atmosfera këtë herë është optimiste.
Kategoritë: Lajmet e ditës

Big Data: Fundi i privatësisë

Deutsche Welle - shqip - Enj, 06/22/2017 - 05:07
Gjithnjë e më shumë gjurmë digjitale dhe algoritma gjithnjë e më të forta zbulojnë tiparet tona më intime të personalitetit. Sfera private nuk ekziston më, deklaron Michal Kosinski në Global Media Forum.
Kategoritë: Lajmet e ditës

Shteti Islamik shkatërron xhaminë ikonë të Mosulit

Radio Evropaelire-Lajme - Enj, 06/22/2017 - 04:55
Ministria e Mbrojtjes e Irakut tha se militantët e Shtetit Islamik kanë hedhur në erë xhaminë Grand Al-Nuri në Mosul dhe minaren e saj të veçantë. Xhamia është ndërtuar në vitin 1172. Minarja e saj është njohur si Al-Hadba, ose “gungë” , pasi ka anuar kah njëra ana, si Kulla e Pizës në Itali. Udhëheqësi i Shtetit Islamik, Abu Bakr al-Baghdadi, është shfaqur në xhaminë Grand al-Nuri në korrik të vitit 2014, për të shpallur formimin e “kalifatit islamik”. Shteti Islamik, përmes ueb-faqes së tij Amaq, tha se xhamia është shkatërruar nga një sulm ajror i Shteteve të Bashkuara. Por, një zëdhënës i koalicionit që lufton grupin ekstremist në Irak, tha se në zonën ku ndodhet xhamia, nuk ka pasur sulme ajrore. Mosuli ka rënë nën kontrollin e Shtetit Islamik qysh në vitin 2014 dhe forcat irakiane janë duke luftuar për rikthimin e tij.
Kategoritë: Lajmet e ditës

Vdiq kryespiuni i kohës sovjetike

Radio Evropaelire-Lajme - Enj, 06/22/2017 - 04:54
Yuri Drozdov, kryespiun i kohës sovjetike, i cili ka mbikëqyrur një rrjet të gjerë të spiunëve të KGB-së që jetonin jashtë territorit sovjetik, ka vdekur në moshën 91-vjeçare. Shërbimi i Inteligjencës së Huaj në Rusi nuk dha detaje për shkakun e vdekjes së tij. Drozdov ka marrë pjesë në shkëmbimin e agjentit të fshehtë sovjetik, Rudolf Abel, i dënuar në Shtetet e Bashkuara, me pilotin e një avioni spiunues amerikan, Francis Gary Poëers, i cili është zënë në Rusi. Kjo ngjarje ka ndodhur në vitin 1962, ndërsa më 2015, regjisori amerikan, Steven Spielberg, e ka bërë film (“Bridge of Spies”). Drozdov ka qenë “spiun legjendar” dhe “patriot i vërtetë”, tha presidenti rus, Vladimir Putin.
Kategoritë: Lajmet e ditës
Kritiket-Blog Letersi Kritika-dejavu Kalendar