Skip to content

Kritika deja-vu

Përmbajtje e sindakuar Kritika deja-vu
Realitet 2017
Rifreskimi: 22 orë 30 min më parë

Grabitjet e Rinasit synojnë imazhin ndërkombëtarë të qeverisë

Sht, 02/11/2017 - 16:38
Përsa i përket imazhit të brendshëm të qeverisë, në lidhje me rendin, grabitjet në fjalë nuk cënojnë ndonjë gjë, sepse rendi aktualisht në Shqipëri është në nivel të kënaqshëm (këtë e konstatova vetë gjatë vizitës time disa mujore atje). Me fjalë të tjera, nuk mendoj se prapa grabitjeve të Rinasit është dora e qeverisë (të paktën jo e pjesës së Edi Ramës), sepse kjo do përbënte vetëvrasje politike për të, por s'përjashtohet mundësia të jetë punë e palës tjetër në qeveri.

Ramushi po bënte lojën e Rusisë në Ballkan - NATO me ç'duket u shqetësua

Pre, 02/10/2017 - 18:11
Politika dhe aksionet thellësisht destruktive të Ramush Haradinajt, prej 2 vitesh tashmë, non-stop, shkuan shumë larg, u bënë të rrezikshme, kapërcyen kufijtë e Kosovës, dhe synuan hapur të sabotojnë strategjinë delikate të NATO-s në Ballkan. Në Ballkanin "fuçi baruti", të cilën Rusia po tenton hapur ta shpërthejë. Ramushi u bë pjesë e lojës ruse, me dashje apo pa dashje, s'ka shumë rëndësi. Rëndësi ka që ai u bë i rrezikshëm.

Lum si ne! Prokurorin e Përgjithshëm e paskemi me biografi të mirë!

Pre, 02/10/2017 - 03:56
Kur do mbaroj kjo histori? Edhe sa kohë biografitë do triumfojnë mbi meritën (aftësinë)? Babai i Llallës është dënuar më 1947 me burgim të përjetshëm si "agjent amerikan", dhe sot LLalla kërkon ta përdor këtë për të shpëtuar karrigen e korruptuar! Nga ana tjetër, vetë Amerika i anulloi Llallës ("agjentit amerikan") vizën amerikane! Jetojmë në kohë absurde, s'kuptohet ku fillon e mbaron groteskja. "Black lives matters", por edhe pjesa tjetër e shqiptarëve janë të rëndësishëm, nëse s'duam te kthehemi atje ku ishim.

Të paktën Agolli nuk ishte mediokër në letërsi si Artur Zheji në gazetari

Mër, 02/08/2017 - 16:46
Na lodhën, një e dy, diktatura komuniste... E kujt i plasi çfarë ka bërë Agolli në komunizëm. Nuk shqetësohen për faktin se pas Agollit vdiq letërsia në Shqipëri (meqenëse Kadare s'jeton më atje). Nuk shqetësohen se sot letërsia shqiptare (si çdo gjë tjetër atje) është mbytur nga mediokrët e mediokriteti, dhe facebookëzuar si mos më keq, si "krijimtaria" e Zhejit.

Trump mund të provokoj revolucionin e 99% vs. 1%, jo vetëm në SHBA

Mar, 02/07/2017 - 18:48
Është rast i paprecedent në politikë që Presidenti i SHBA, si dhe shumë anëtarë të kabinetit qeveritar të këtij vendi, të jenë miliarderë, ose pjesë e të ashtuquajturit 1% të popullsisë që zotëron 99% të ardhurave kombëtare, dhe që, duhet thënë, se ngjitja e tyre në pushtet po ndodh në kohën e rritjes të valës së zemërimit (jo vetëm në SHBA) të 99% kundër 1%, për ndarje të padrejtë të të ardhurave në shoqërinë e sotme njerëzore.

Meta (LSI) bëhet dalje lehtë nëse i bllokohet blerja e votave

Dje, 02/05/2017 - 18:42
Ky është "sekreti" i LSI (nëse "sekret" mund të quhet çfarë e dinë të gjithë tani) - blerja e votave - fenomen që qeveritë e deritanishme në Shqipëri kanë dështuar ta bllokojnë, ose kane bërë kompromis të heshtur. Nëse Saimir Tahiri do jetë i determinuar në këtë aspekt, siç de facto mund të jetë (prandaj LSI synon ta largoj para zgjedhjeve), atëherë LSI do ngordh më në fund, si puna e atij përbindëshit qe s'jeton dot pa kurban njerëzor.

SKANDAL BOTËROR: Prokurorit të Shtetit Shqiptar i hiqet viza pse I KORRUPTUAR

Sht, 02/04/2017 - 14:14
Nga Donaldi i Amerikës te Donaldi i Shqipërisë, bam, në lule të ballit të Adriatik Llallës, vula e nxehtë "I KORRUPTUAR"! - Të hiqet viza amerikane pse je "I KORRUPTUAR"! Bam, edhe mbi tutorin e Llallës, Ilir Meta. Bam, gjithashtu mbi Parlamentin e Shtetit Shqiptar që emëroi një si Llalla, dhe nuk e shkarkon. SKANDAL BOTËROR! Prokurori i Përgjithshëm i Shqipërisë vihet në nje nivel me terroristët - sot SHBA vetëm kësaj kategorie i heq vizat.

Nishani konsumon tradhëtinë, mbledh "Këshillin e Sigurisë Kombëtare" për grekët

Pre, 02/03/2017 - 16:09
Këta janë jo vetëm dashakeq të vendit të tyre, megjithëse janë ulur në karriget më të larta të shtetit, por edhe injorantë të thekur. Pablo Escobar përbënte rrezik kombëtar për Kolumbinë se vrau mijra civilë të pafajshëm, kreu akte terroriste, hodhi në erë avion pasagjerësh, ndërtesa qeveritare, shkolla, supermarkete, dhe nxiti luftën civile kolumbiane. Edhe bufi e kupton se në rastin e të ashtuquajturit "Escobar të Ballkanit", siç shteti grek tall prapanicën me Shqipërinë, nuk ka asnjë lidhje me Escobarin e Kolumbisë.

Meta konvertohet në ortodoks për të shkuar në inagurimin e Trump?!

Mër, 02/01/2017 - 15:44
Flitet se kisha e Janullatusit ka bërë fushatë të ethshme tek ndjekësit e saj të paktë në Shqipëri, por jo vetëm tek to, në favor të Donald Trump, si para zgjedhjes së tij, ashtu dhe tani president. Me ç'duket Janullatus e shikon z. Trump një aleat të natyrshëm të linjës së ortodoksisë konservatore greko-ruso, meqenëse ai është një mik i ngushtë me Putin.

Ja sa e vlerëson Meta reformën në drejtësi, vë ministër veterinerin Petrit Vas(a)li

Mar, 01/31/2017 - 21:03
Një veprim mëse i pafytyrë. Pikërisht në pikën më të lartë të valës, vënies në jetë të reformës në drejtësi, Meta sjell mesazhin e mos-bashkëpunimit. Në këtë fazë kaq kritike e madhore, të fillimit të lëvizjes së ingranazheve të reformës, kur si në një ëndërr po shohim të pabesueshmen të bëhet realitet, vetë-largimin nga karriget e gjyqësorit të lloj-lloj llumhanesh, që, prej dy dekadash mbajnë peng demokracinë tonë, pra pikërisht në mes të "dasmes", Meta pështyen mbi "nusen", dhe sjell për "dhëndër" mjekun mediokër, P. Vasali, jo një jurist.

Ylli Manjani agjent grek?!

Mar, 01/31/2017 - 03:14
Pavarësisht nga lëvizjet e paqarta në aspektin e brendshëm, dhe shpesh surprizë në arenën ndërkomëbtare (Meta vizitoi Beogradin kur Millosheviçi ishte akoma në Beograd), LSI jo rrallë këto vite çorientoi publikun shqiptar me aksionet e saj të paprincipta. Gjithsesi, pavarësisht destruktivetit të përgjithshëm, duket se ekziston një linjë konstante e saj, nënkuptuar nga këto dy elementë, (1) konfirmimi i marrëveshjes së detit me Greqinë, dhe (2) kundershtimi i vendosur i LSI-së që çamët të bëhen pjesë e qeverisë.

Shqipëria ka vetëm një Escobar, Ilir Metën. Të tjerët lojë greke

Sht, 01/28/2017 - 03:24
Është si shumë mbivlerësim të thuhet se Shqipëria paska një Escobar. Kjo vjen dhe nga injoranca mbresëlënese në Shqipëri për botën, si dhe nga dëshira qesharake e shqiptarëve për tu dukur të rëndësishëm, qoftë dhe në fushën e krimit. Nga aspekti i jashtëm, fakti që këto etiketime vijnë nga Greqia, më e pakta duhen parë me skepticizëm, dhe më e shumta të injorohen, por kurrë të mblidhet "Këshilli i Sigurisë Kombëtare" për to, sepse vet-kriminalizon vendin tënd, dhe kjo është një formë tradhëtie kombëtare.

A ka Basha mjaft karizëm të mundë Ramën

Enj, 01/26/2017 - 03:42
Pyetja është: Kush është Basha? Kush jeni ju z. Basha? Kam pershtypjen askush nuk e njeh Bashën, sepse Basha s'duket të jetë vetvetja, ka dështuar të tregoj veten. Më vjen keq ta artikuloj kështu, por Basha ngjan me një "manikin" në krahët e Berishës. Berisha i lëviz duart, këmbët, gojën... S'jam kundër agresivitetit të Berishës ndaj qeverisë, madje Berisha po e bën ok punën e vet. Ai që s'po e bën është Basha.

Kokëdhimën politikan e sajoi Rama, pastaj e çsajoi (çinstaloi), kaq

Mar, 01/24/2017 - 18:39
Kokëdhima s'është e s'do bëhet kurrë politikan, pavarësisht se ai s'jeton (s'ekziston) dot pa politikanët. Kokëdhima ngjan (figurativisht) me ato mijtë e Hrushovit kur ironizonte prodhimin e grurit të Shqipërisë. Hrushovi thoshte se mijtë në depot sovjetike hanë më shumë grurë se ç'prodhon Shqipëria. Kështu ka mbijetuar edhe Kokëdhima, e madje pasuruar e super-pasuruar këto vite, si zvarranikët, direkt nga arka e shtetit shqiptarë, nëpërmjet tenderave jo-ndershmërisht të përfituar.

Kërkohet arrestimi i Madonnes për fjalimin e fuqishëm anti-Trump në protestë

Mar, 01/24/2017 - 00:43
Urojmë që demokracia amerikane të mos rrëshqasë me shpejtësi në "ruso-kraci". E pabesueshme por e vërtetë, Shtëpia e Bardhë ka propozuar arrestimin e mbretëreshës së muzikës pop, Madonna, për fjalimin e saj të fuqishëm në protestën e grave në Washington të nesërmen e inagurimit të Trump. Newt Gingrich, ish kryesuesi i Kongresit Amerikan, dhe aktuliashit krahu i djathtë i Trump në Shtëpinë e Bardhë, kërkoi arrestimin e këngëtares legjendare amerikane.

Protestueset i drejtohen Trump: ''Free Melania'' - Jepi lirinë Melanias

Dje, 01/22/2017 - 18:02
Gjatë protestave super-masive të grave në SHBA, të nesërment e inagurimit të Trump president (në Washington masiviteti ishte pothuaj sa dyfishi i pjesmarrësve në inagurimin e tij), një nga parrullat që binte në sy ishte "Free Melania" - "Jepi lirinë Malanias" (gruas). Kjo ishte një parrullë interesante që ja vlen të komentohet, sepse nënkupton një formë të re skllavërie në SHBA ndaj femrave të reja që "blihen" në vendet e pazhvillura prej të pasurve të moshuar amerikanë.

Ilir Meta, ky idjot, tani hapur kundër NATO-s e BE-s

Sht, 01/21/2017 - 16:05
Ai sikur është kryetar i partisë se integrimit të Shqipërisë në BE, dhe shkon në inagurimin e atij që synon shpërbërjen e BE-së dhe të NATO-s!!! Çfarë mendon ai, se BE nuk shikon (nuk ka sy e veshë) ku ishte Kryetari i Parlamentit të Shqipërisë? Një veprim i tillë i shtetit shqiptar përcjell totalisht mesazh të kundërt në BE, ku Shqipëria synon aq dëshpërueshëm të anëtarësohet. E pastaj ankohen pse refuzohemi? Sepse jemi si laviret, pa personalitet e integritet.

Presidenti i Amerikës ''tjetër'' (fshatarëve), jo i New York-ut, Hollywood-it e qyteteve

Pre, 01/20/2017 - 19:21
Trump erdhi nga New Yorku, ku në çdo 10 newyorkezë 9 votuan kundër tij, dhe zbriti në Washington D.C., kryeqytetin amerikan ku humbi thellë gjithashtu. Në Kaliforni humbja ishte edhe më e thellë. Trump është president i Amerikës ''tjetër", të fshatarëve (redneck-ëve), jo i Amerikës që prej dekadash ka inspiruar e ndryshuar botën. Botë që gjithashtu u frymëzua prej saj, u frymëzua nga liria e New York-ut, nga filmat e Hollywoodit, nga universitetet e Bostonit, historia e famshme e Chicagos etc....

Bravo Obama, mbush Shqipërinë me armatim të rëndë (nënkuptohet paqartësi nën Trump)

Pre, 01/20/2017 - 02:44
Në minutat e fundit të mandatit të tij presidencial, Obama mendon për shqiptarët, sjell qindra automjete të blindura e armatim tjetër të rëndë në Shqipëri. Super-mik, pak ta quash. Që nga koha e Traktatit të Varshavës dhe bazës së Pashalimanit, Shqipëria s'ka qenë më e pajisur në teknikë ushtarake sa sot. Por nga ana tjetër, nxitimi i Obamës për ta përmbushur këtë task para se Trump të marrë pushtetin, nënkupton se gjërat mund të jenë të paqarta (të pasigurta) nën Trump.

Putini përdori Leninin për të ''marrë'' pushtetin në Amerikë e Angli

Enj, 01/19/2017 - 05:06
Duket se s'ka patur as Brexit në Britani, as Trump në SHBA, por thjesht triumf të teorisë së Leninit, që predikonte se, duhen shfrytëzuar zgjedhjet e lira të demokracisë borgjeze për të marrë pushtetin. Lenini s'mundi ta përmbush atë në Rusinë e atëhershme, megjithëse u përpoq, por ja sot, pas gati 100 vjetësh (fiks pas 100 vjetësh) e bëri një tjetër rus, Putini, madje në zemër të demokracisë borgjeze botërore, në SHBA e Angli.
Kritiket-Blog Letersi Kritika-dejavu Kalendar