Një delegacion i Parlamentit të Kroacisë ndërpreu vizitën në Beograd, pasi politikani nacionalist serb, Vojisllav Sheshel, i dënuar së voni për krime lufte nga një gjykatë e Kombeve të Bashkuara, e përdhosi flamurin kroat dhe i shau vizitorët.
"Në hyrje të Parlamentit të Serbisë, Sheshel e përdhosi flamurin kroat dhe pastaj i ofendoi anëtarët e delegacionit të Kroacisë", thuhet në deklaratën e këtij delegacioni që u udhëhoq nga kryetari i Parlamentit, Gordan Jandrokoviq.
"Pavarësisht fillimit të mirë dhe vendosmërisë për të përmirësuar lidhjet tona, pas këtij akti kundër dinjitetit të Republikës së Kroacisë, ne e ndërpremë vizitën", tha delegacioni.
Shesheli ka hedhur flamurin kroat në tokë dhe ka shkelur mbi të, tha Partia e tij Radikale Serbe.
Zyrtarët serbë, përfshirë kryeministren Ana Brnabiq dhe kryetaren e parlamentit, Maja Gojkoviq, e dënuan incidentin.
Javën e kaluar, një panel i gjykatësve të OKB-së në Hagë e përmbysi pjesërisht vendimin për lirimin e Sheshelit nga akuzat për krime lufte dhe krime kundër njerëzimit të kryera gjatë luftërave në Jugosllavi, në vitet 1990.
Mekanizmi për Tribunalet Penale Ndërkombëtare e dënoi atë me 10 vjet burg, porse Sheshel e ka shërbyer këtë kohë sa ka qenë në paraburgim. Burimi
67123 lajme
«
Me shume/Titujt
Radio Evropaelire-Lajme
-
Delegacioni kroat ndërpren vizitën në Serbi për shkak të Sheshelit
[Lajmi i Plote] Radio Evropaelire-LajmeNjë delegacion i Parlamentit të Kroacisë ndërpreu vizitën në Beograd, pasi politikani nacionalist serb, Vojisllav Sheshel, i dënuar së voni për krime lufte nga një gjykatë e Kombeve të Bashkuara, e përdhosi flamurin kroat dhe i shau vizitorët.
"Në hyrje të Parlamentit të Serbisë, Sheshel e përdhosi flamurin kroat dhe pastaj i ofendoi anëtarët e delegacionit të Kroacisë", thuhet në deklaratën e këtij delegacioni që u udhëhoq nga kryetari i Parlamentit, Gordan Jandrokoviq.
"Pavarësisht fillimit të mirë dhe vendosmërisë për të përmirësuar lidhjet tona, pas këtij akti kundër dinjitetit të Republikës së Kroacisë, ne e ndërpremë vizitën", tha delegacioni.
Shesheli ka hedhur flamurin kroat në tokë dhe ka shkelur mbi të, tha Partia e tij Radikale Serbe.
Zyrtarët serbë, përfshirë kryeministren Ana Brnabiq dhe kryetaren e parlamentit, Maja Gojkoviq, e dënuan incidentin.
Javën e kaluar, një panel i gjykatësve të OKB-së në Hagë e përmbysi pjesërisht vendimin për lirimin e Sheshelit nga akuzat për krime lufte dhe krime kundër njerëzimit të kryera gjatë luftërave në Jugosllavi, në vitet 1990.
Mekanizmi për Tribunalet Penale Ndërkombëtare e dënoi atë me 10 vjet burg, porse Sheshel e ka shërbyer këtë kohë sa ka qenë në paraburgim. -
Irani i ndalon aplikacionet e huaja të mesazheve për mekanizmat shtetërorë
[Lajmi i Plote] Radio Evropaelire-Lajme
Irani i ndaloi të gjithë mekanizmat qeveritarë të përdorin aplikacionet e huaja të mesazheve.
Zyra e udhëheqësit suprem, Ajatollah Ali Khamenei, tha se llogaria e tij në Telegram do të mbyllet "për të mbrojtur interesat kombëtarë".
Agjencitë iraniane të lajmeve nuk dhanë ndonjë arsye për ndalesën e qeverisë dhe nuk është e qartë nëse ajo do të vlejë për nëpunësit civilë jashtë orarit të punës.
Urdhri vjen disa ditë pasi një ligjvënës iranian ka thënë se aplikacioni i mesazheve Telegram, i cili mendohet se përdoret nga rreth 40 milionë njerëz në Iran, do të bllokohet deri në fund të prillit.
Zyrtarë të tjerë kanë thënë se nuk është marrë asnjë vendim për kufizimin e aplikacionit.
Autoritetet e kanë bllokuar përkohësisht Telegramin në muajin janar, në përpjekje për të penguar protestat antiqeveritare në Iran.
Zyra e Khameneit tha se do të ndalojë të përdorë Telegramin "në përputhje me ruajtjen e interesave kombëtarë dhe heqjen e monopolit të aplikacionit të mesazheve".
Ajo tha se lajmet dhe informacionet për udhëheqësin suprem do të shpërndahen përmes tre aplikacioneve iraniane. -
Trump thotë se s'e ka shkarkuar Comeyn për shkak të hetimeve të Rusisë
[Lajmi i Plote] Radio Evropaelire-Lajme
Presidenti i Shteteve të Bashkuara, Donald Trump, tha se nuk e ka shkarkuar James Comeyn nga pozita e drejtorit të FBI-së, vitin e kaluar, për shkak të hetimeve të kësaj agjencie mbi ndërhyrjen e dyshuar të Rusisë në zgjedhjet në SHBA, më 2016.
Comey "nuk është shkarkuar për shkak të hetimeve të rreme të Rusisë", tha Trump në një postim në Twitter.
Deklarata duket se bie në kundërshtim me një koment që ka bërë Trump për motivet e tij, dy ditë pas shkarkimit të Comeyt, në maj të vitit 2017.
"Në fakt, kur kam vendosur ta bëj këtë (të shkarkoj Comeyn), i kam thënë vetes: kjo gjëja e Rusisë është një histori e trilluar", ka thënë Trump në atë kohë.
Shkarkimi i Comeyt ka çuar në emërimin e këshilltarit të posaçëm, Robert Mueller, i cili tani udhëheq hetimet e Departamentit amerikan të Drejtësisë mbi ndërhyrjen e dyshuar të Rusisë në zgjedhje dhe bashkëpunimin e mundshëm të fushatës së Trumpit me zyrtarët rusë.
Trump vazhdimisht e ka mohuar se ka pasur bashkëpunim të fshehtë midis bashkëpunëtorëve të tij dhe Rusisë. -
Turqia zgjat gjendjen e jashtëzakonshme
[Lajmi i Plote] Radio Evropaelire-Lajme
Parlamenti i Turqisë votoi të mërkurën për të zgjatur gjendjen e jashtëzakonshme në këtë vend edhe për tre muaj të tjerë.
Me këtë veprim, Turqia do të qeverisë me ligje emergjente për plot dy vjet.
Gjendja e jashtëzakonshme është vendosur pas përpjekjes për grushtshtet kundër qeverisë, më 15 korrik të vitit 2016.
Parlamenti turk është i dominuar nga Partia për Drejtësi dhe Zhvillim e presidentit Recep Tayyip Erdogan.
Me ligjet emergjente, mbi 50,000 njerëz janë arestuar dhe rreth 150,000 të tjerë kanë humbur punën, nën akuzat se kanë pasur lidhje me organizatorët e përpjekjes për puç.
Gjendja e jashtëzakonshme i jep qeverisë pushtet gjithëpërfshirës për të sunduar me dekret.
Opozita në Turqi vazhdimisht ka kërkuar t'i jepet fund kësaj gjendjeje. -
Tusk viziton Ballkanin javën e ardhshme
[Lajmi i Plote] Radio Evropaelire-Lajme
Presidenti i Këshillit Evropian, Donald Tusk, do të vizitojë javën e ardhshme rajonin e Ballkanit Perëndimor.
Vizita e tij do të nisë në Shqipëri më 24 prill, nga ku do të vazhdojë në Mal të Zi, Serbi, Kosovë, Bosnje dhe Hercegovinë dhe Maqedoni.
Duke folur në Parlamentin Evropian në Strasburg, Tusk tha se do t'i përçojë mesazhin rajonit se BE-ja do të vazhdojë të jetë partneri më i besueshëm dhe investitori më i madh.
"Samiti (për Ballkanin Perëndimor në Sofje) duhet të konfirmojë perspektivën evropiane të rajonit dhe, çfarë është më e rëndësishme, duhet t'i përmirësojë lidhjet me rajonin dhe brenda tij", tha Tusk.
Samiti në Sofje, i paralajmëruar të mbahet më 17 maj, do të jetë takimi i parë i nivelit të lartë midis BE-së dhe Ballkanit Perëndimor pas 15 vjetësh. -
Kompanitë serbe dominojnë panairin në Kosovë
[Lajmi i Plote] Radio Evropaelire-Lajme
Në Kosovë është hapur panairi i përgjithshëm ndërkombëtar “Prishtina 2018”, ku nga 174 kompani pjesëmarrëse më shumë se 50 për qind janë nga Serbia, e cila mbetet partneri kryesor në tregun e Kosovës.
Produktet në këtë panair po prezantohen edhe nga kompanitë vendore si dhe nga vendet si: Austria, Turqia, Gjermania, Italia, Çekia, Italia, Kroacia, Shqipëria dhe Zvicra.
Kompanitë nga Serbia, pjesëmarrëse në këtë panair, thonë se janë të pranishme në tregun e Kosovës ndër vite, derisa disa prej tyre synojnë tregun e Kosovës.
Në anën tjetër, kompanitë nga Kosova ankohen se me shumë vështirësi arrijnë të jenë pjesëmarrëse në panairet që organizohen në Serbi, andaj si rrjedhojë, thonë se janë shumë pak të pranishme në atë treg.
Sipas të dhënave të Agjencisë së Statistikave të Kosovës, brenda një viti, Serbia eksporton mallra në Kosovë në vlerë prej rreth 400 milionë euro, derisa eksportet e Kosovës në Serbi në vit nuk e kalojnë vlerën prej 40 milionë euro.
Teuta Kurshumlija, menaxhere e eksportit në kompaninë ‘Stone Castle’ në Rahovec, e cila merret me prodhimin e rrushit dhe pijeve alkoolike, thotë se kanë arritur të depërtojnë me produktet e tyre në shumë vende të botës, por me shumë vështirësi dhe në nivel shumë të ulët të eksportit në Serbi.
Ajo thotë se Serbia u vendosë barriera të shumta produkteve nga Kosova.
“Në tregun e Serbisë një nga problemet kryesore që kemi pasur gjatë panairit të fundit kanë qenë formalitet, kemi pasur probleme deri sa ka arritur malli në panair. Panairi kishte filluar derisa ne nuk i kemi pasur produktet e vendosura, ka probleme burokratike, shumë herë na ndodh edhe kur dërgojmë mostrat kemi probleme me dërgesa. Shteti i Serbisë nuk i pranon mbishkrimet ku shkruan Republika e Kosovës, të gjitha këto janë çështje burokratike që pengojnë punën tonë”, thotë ajo.
Arben Ferizi menaxher i shitjes në kompaninë “Apetit” nga Vushtrria, e cila merret me përpunimin dhe prodhimin e produkteve të mishit thotë se janë prezent në tregun e Kosovës dhe arrijnë të ekspertojnë në Maqedoni dhe Shqipëri.
Ai thotë se janë të gatshëm të jenë të pranishëm edhe në tregun e Serbisë, por që për shkak të problemeve që mund t’u paraqiten në këtë treg, nuk kanë tentuar që jenë prezent.
“Për momentin nuk ka ndonjë plan afatshkurtër për hyrje ne tregun serb, është një treg i madh dhe për një kompani si ne është i rëndësishëm, por që produktet kosovare hapsin në vështirësi në këtë treg. Realisht nuk kemi tentuar që të gjejmë ndonjë distributor të mishit në Serbi”, thotë Ferizi.
Megjithatë, me një problem të tilla nuk përballen kompanitë nga Serbia që eksportojnë në tregun e Kosovës.
Mirko Asanoviq përfaqësues i kompanisë Aleva nga Serbia tregon se për shumë vite i plasojnë prodhimet e tyre në Kosovë dhe se tani janë duke hulumtuar kërkesat e tregut. Ai thotë se varësisht kërkesave i plotësojnë ato përmes prodhimeve të tyre.
“Mendoj që panairet janë një mundësi e mirë që ekonomistët të takohen. Pjesëmarrja e madhe e ekspozuesve nga Serbia në këtë rast e dëshmoi këtë. Do të thotë interes ka për bashkëpunim dhe mendoj që ekonomia është gjithmonë mbi të gjitha”, tha Asanoviq.
Përfaqësues të Odës Ekonomike të Kosovës dhe të Serbisë kërkojnë që bizneset t’u drejtohen odave dhe Bordit Rajonal në rast të problemeve që mund t’i kenë me eksportin e produkteve të tyre në Serbi.
Marko Cadez kryetar i Odës Ekonomike të Serbisë thotë për Radion Evropa e Lirë se në çdo panair të bujqësisë që organizojnë me Odën Ekonomike të Kosovës kanë bashkëpunim.
“Unë personalisht si kryetar i Odës Ekonomike të Serbisë, por edhe si kryetar i bordit tonë drejtues të Odës Rajonale për Ballkanin Perëndimor u bëj thirrje që kushdo që mendon se e ka ndonjë problem dhe nuk po mund të futet në treg ne jemi këtu që të ndihmojmë”, thotë Cadez.
Ai thotë se bizneset mund t’u drejtohen odave dhe Bordit Rajonal, ndonëse e pranon se ka edhe probleme që nuk mund të zgjidhen në këtë formë, ngase ato i takojnë politikës.
“Natyrisht disa probleme ne nuk mund t’i zgjidhin”, thekson ai, duke rikujtuar se shumë nga çështjet e tilla janë duke u trajtuar në kuadër të dialogut për normalizimin e raporteve Kosovë – Serbi. Por, përfaqësuesve ekonomik, sipas tij, u intereson që edhe ato probleme të zgjidhen sa më shpejtë.
Ai tregon se tani në panairin që organizohet në Novi Sad, javën tjetër, do të marrin pjesë 70 ndërmarrje nga Kosova.
Cadez thotë po ashtu se kohët e fundit ka vërejtur rritjen e eksportit të mallrave edhe nga Kosova në Serbi, marrë parasysh që Serbia dominon me prodhimet e saj në Kosovë.
“Për ne është me rëndësi që këta numra t’i balancojmë”, thekson Cadez, duke rikujtuar se një balancë i tillë tashmë është arritur me Shqipërinë.
Ndërkaq, kryetari i Odës Ekonomike të Kosovës Safet Gërxhaliu tha për Radion Evropa e Lirë se bilanci tregtar me Serbinë nuk është i dëshiruara, por që partneriteti duhet të avancohet.
Megjithatë, sipas tij, deklaratat se bizneset kanë barriera dhe nuk mund të jenë prezent në panairet në Serbi nuk qëndron.
“Vetë fakti që e kemi këtë bashkëpunim të mirë ekonomik mes Odës Ekonomike të Kosovës dhe të Serbisë probleme të tilla nuk janë adresuar asnjëherë. Vlen të theksohet se në tre vitet e fundit kemi pasur mbi 3000 mijë takime ku bizneset vendore janë takuar me bizneset e rajonit në veçanti nga Serbia, vetë fakti që kemi qenë pjesëmarrës me ekipe deri ne 100 kompani në panairin e bujqësisë në Novi Sad dhe të ndërtimit në Beograd e flet demanton një deklaratë që ka barriera”, thotë Gërxhaliu.
Panairi i përgjithshëm ndërkombëtar “Prishtina 2018” do të zgjasë deri më 21 prill. -
Prodhimet serbe pushtojnë panairin në Prishtinë
[Lajmi i Plote] Radio Evropaelire-LajmeMbi 50 për qind e kompanive që po marrin pjesë në panairin “Prishtina 2018”, janë nga Serbia. Në panairin, që do të jetë i hapur deri më 21 prill po marrin pjesë kompani vendore dhe nga vende të tjera si: Austria, Turqia, Gjermania, Italia, Çekia, Italia, Kroacia, Shqipëria dhe Zvicra. (Video: Bujar Tërstena) -
Senatori amerikan do të votojë kundër Pompeos
[Lajmi i Plote] Radio Evropaelire-Lajme
Senatori amerikan, Robert Menendez, demokrat në Komitetin për Marrëdhënie të Jashtme, ka thënë se ai kundërshton nominimin e presidentit amerikan, Donald Trump që Mike Pompeo të jetë Sekretari i ardhshëm i Shtetit, transmeton Reuters.
Menendez ka bërë të ditur njoftimin e tij gjatë një fjalimi në një kompani në Uashington.
Pompeo, aktualisht shef i CIA-s mund të emërohet në pozitën e re pa mbështetjen e plotë të Senatit.
Mirëpo kjo do ta bënte atë të nominuarin e parë për Sekretar Shteti që nuk do të fitojë mbështetjen e panelit, duke dobësuar figurën e tij edhe nëse fiton mandatin. -
Dhjetëra të arrestuar në protestat antiqeveritare në Armeni
[Lajmi i Plote] Radio Evropaelire-Lajme
Mijëra armenë protestuan të mërkurën në Jerevan, për të kundërshtuar zgjedhjen e ish-presidentit Serzh Sarkisian kryeministër.
Udhëheqësi i opozitës, Nikol Pashinian, udhëhoqi turmën drejt zyrës së Sarkisianit dhe u zotua se do t'i zgjerojë bllokadat e ndërtesave kryesore qeveritare.
Policia i tha Radios Evropa e Lirë se ka arrestuar 66 protestues.
Partia Republikane e Armenisë, e cila udhëhiqet nga Sarkisian, i kërkoi Pashinianit të angazhohet në dialog, duke e paralajmëruar se "nuk është në rregull të vazhdojë të abuzojë me vullnetin dhe durimin politik të qeverisë".
Shtetet e Bashkuara u kërkuan të dyja palëve të ushtrojnë përmbajtje dhe të shmangin dhunën, ndërsa Rusia tha se ligjet nuk duhet të thyhen.
Protestat e reja u zhvilluan një ditë pasi parlamenti e votoi Sarkisianin për kryeministër, duke forcuar dominimin e vazhdueshëm të tij pas një dekade si president. -
Rruga e padefinuar e Kosovës drejt BE-së
[Lajmi i Plote] Radio Evropaelire-Lajme
Ngecjet e Kosovës në përmbushjen e kritereve evropiane dhe mosnjohja e saj nga pesë vende anëtare të Bashkimit Evropian, vlerësohet se e kanë komplikuar tutje rrugëtimin e saj edhe ashtu të gjatë e të vështirë të integrimit në BE.
Pas Serbisë dhe Malit të Zi, Bashkimi Evropian ka nisur negociatat e përafrimit edhe me Shqipërinë dhe Maqedoninë. Ndërkaq, raportet e Kosovës me BE-në trajtohen ende përmes Marrëveshjes së Stabilizim Asociimit dhe përmes përparimeve në zbatimin e marrëveshjeve në kuadër të dialogut për normalizimin e raporteve me Serbinë.
Raporti i fundit i Progresit, nga institucionet vendore është vlerësuar kryesisht përmes komunikatave me shkrim.
Ishte presidenti i Kosovës, Hashim Thaçi ai i cili sërish i kërkoi BE-së që Kosova të trajtohet njësoj si edhe vendet tjera.
Të mërkurën, ai pranoi edhe zyrtarisht Raportin e progresit nga Përfaqësuesja e BE-së në Prishtinë, Nataliya Apostolova.
Thaçi tha me këtë ka shkruar në Facebook se i gëzohet faktit që Shqipëria dhe Maqedonia filluan procesin e negociatave për anëtarësim.
“Zgjerimi i Bashkimit Evropian dhe integrimi i tërë Ballkanit Perëndimor në familjen evropiane janë rruga e duhur për të rritur stabilitetin dhe sigurinë në Ballkan”, ka shkruar Thaçi.
Zyrtarët e BE-së kanë zgjedhur për vizita vendet e rajonit të cilat tashmë i kanë nisur negociatat për anëtarësim. Kështu që kryeministri i Kosovës, Ramush Haradinaj, takimin me Komisionarin e BE-së për Zgjerim Johannes Hahn e realizoi në Shkup.
Në këtë takim, sipas një postimi në profilin e tij në Facebook, Haradinaj ka shkruar se ka kërkuar që Kosova të përfshihet në liberalizimin e vizave në afat optimal.
“Kosova ka shënuar përparime sidomos në sundimin e ligjit dhe Komisionerit Hahn i kërkova që Kosova të përfshihet në liberalizim të vizave në afat optimal”, ka shkruar Haradinaj.
Qeveria e Kosovës, duke i lënë anash gjetjet që flasin për mungesën e reformave dhe përparimeve në fusha të ndryshme, e ka vlerësuar Raportin e fundit të Progresit si raportin më pozitiv që kishte ndonjëherë Kosova.
Paraqitjet e tilla të krerëve të institucioneve dhe Qeverisë së Kosovës në lidhje me vlerësimet e Komisionit Evropian rreth përparimeve që ka bërë Kosova, për analistin e çështjeve politike, Imer Mushkolajn nënkuptojnë përpjekje për fshehjen e gjetjeve faktike të publikuara në raportin e fundit.
“Nuk mjafton të thuhet se ky na qenka raporti më i mirë ndonjëherë për Kosovën, për shkak se fatkeqësisht raporti identifikon shumë të meta dhe shumë mangësi. Përndryshe, po të ishte gjithçka mirë ose po të ishte në masë të madhe mirë, natyrisht që Kosova, kushtimisht thënë, nuk do të mbetej jashtë rrugës evropiane”, thekson Mushkolaj.
Zyrtarët e lartë të BE-së ua bën të qartë të martën qeverive të vendeve të Ballkanit se anëtarësimi në BE nuk është një proces që realizohet përmes dëshirës, por përmes meritave.
Analisti Mushkolaj thotë se përtej deklaratave politike, institucionet duhet që t’i trajtojnë gjetjet me urgjencë, në mënyrë që Kosova të mos mbetet gjithmonë e fundit në këto procese, siç ndodhi edhe me liberalizimin e vizave.
“Në fakt gjendja është shumë kritike dhe shumë e keqe, nëse flasim me terma të tillë, për shkak se nuk ke si t’i thuash ndryshe një situate kur mungesa e përparimeve ose ngecjet janë evidentuar në secilën fushë të mundshme”.
“Ky duhet të jetë alarm për institucionet e Kosovës në mënyrë që t’i lënë anash ato arsyetimet për opinionin publik se nuk është gjendja ashtu siç prezantohet – gjendja është e keqe dhe kjo dëshmohet me të gjeturat në raport”, thotë Mushkolaj.
Me strategjinë e re për Ballkanin, BE-ja synon që ta ketë brenda vetës këtë rajon, duke bërë çmos që vendet e Ballkanit të mos rrëshqasin drejt ndikimeve ruse apo turke.
Por, sidoqoftë Brukseli e ka bërë të qartë po ashtu se integrimi nënkupton reformat e brendshme si dhe zgjidhjen e problemeve me fqinjët, para se të llogaritet në anëtarësimin e plotë në BE. -
Një ditë e fëmijëve larg teknologjisë
[Lajmi i Plote] Radio Evropaelire-Lajme
Në Ditën Ndërkombëtare të Monumenteve dhe Lokaliteteve e cila shënohet më 18 prill, janë përzgjedhur lojërat e gjyshërve, që fëmijët të kenë mundësi të shohin me çfarë janë argëtuar të parët e tyre. Qëllimi i këtij organizimi ka qenë që fëmijët për një ditë t'u ikin telefonave të mençur dhe të luajnë në natyrë. -
Erdogan njofton për mbajtje të zgjedhjeve të parakohshme në Turqi
[Lajmi i Plote] Radio Evropaelire-Lajme
Presidenti turk, Recep Tayyip Erdogan ka thënë se zgjedhjet në Turqi do të mbahen më 24 qershor, më shumë se një vit më herët se që ishin planifikuar fillimisht.
Ai ka thënë se shteti ka nevojë urgjente për kalim në presidencë ekzekutive.
Sipas tij një ndryshim i tillë është i domosdoshëm për të ardhmen e shtetit.
Erdogan ka njoftuar për këtë vendim pasi ka biseduar me udhëheqësin e partisë nacionaliste, MHP, Devlet Bahceli.
“Ndonëse presidenti dhe Qeveria janë duke punuar për harmonizim, sëmundja e sistemit të vjetër po na konfronton në çdo hap”, ka thënë Erdogan në një fjalim televiziv.
“Zhvillimet në Siri dhe vende tjera e kanë bërë urgjente që të ndryshojmë sistemin ekzekutiv në mënyrë që të marrin vendime për të ardhme më të fuqishme të shtetit tonë. Ne kemi diskutuar thirrjen e Bahcelit me autoritetet relevante. Ne kemi ardhur në përfundim se duhet t’i konsiderojmë pozitive zgjedhjet e reja”.
Vitin e kaluar Erdogan ka fituar një referendum për të ndryshuar kushtetutën dhe për krijimin e presidencës ekzekutive.
Sidoqoftë këto ndryshime nuk janë të zbatueshme deri në mbajtjen e zgjedhjeve presidenciale.
Zgjedhjet parlamentare dhe ato presidenciale ishin caktuar fillimisht për nëntor të vitit të ardhshëm.
-
Shkup: Paralajmërohet ulja e çmimeve të romingut
[Lajmi i Plote] Radio Evropaelire-Lajme
Në Shkup po mbahen Samiti i parë digjital i vendeve të Ballkanit Perëndimor në të cilin përfaqësuesit e qeverive, të organizatave joqeveritare dhe të sektorit të biznesit po debatojnë për përparësitë e transformimit digjital të shoqërisë.
Komisionierja Evropiane për Ekonomi dhe Shoqëri Digjitale, Marija Ivanova Gabriel, theksoi se Unioni në mënyrë intensive punon në përgatitjen e agjendës digjitale për Ballkanin Perëndimor, që është pjesë e strategjisë së të BE-së për zgjerimin e Ballkanit Perëndimor.
Por, ajo tha se ky proces nuk do të jetë i lehtë, dhe se pikat kryesore për këtë nismë do të jenë sigurimi i fondeve, përgatitja e administratës publike, infrastruktura e internetit dhe rritja e besimit të qytetarëve në botën digjitale.
Komisionerja tha se ulja e çmimeve të romingut do të jetë një nga përpjekjet në transformimin digjital.
"Roming nuk është vetëm një domosdoshmëri, por është gjithashtu një stimul i rëndësishëm dhe i dobishëm për bizneset dhe qytetarët. Unë e mirëpres iniciativën për të ulur çmimet. Kjo është një temë komplekse që BE-së i duhej 10 vjet që ta ketë gati. Por, ne duhet të mundësojmë një ulje të çmimeve për romingun në Samitin e Sofjes në maj, "tha komisionerja Gabriel.
Kryeministri i Maqedonisë, Zoran Zaev tha se Qeveria e tij do të bëjë më shumë në sigurimin e burimeve buxhetore për arritjen e këtij qëllimi, ndërsa shprehi gatishmërinë për kompensimin e humbjeve për operatorët mobilë që do të ulin çmimet e shërbimeve.
"Së bashku me Ministrin e Financave, tashmë kemi paraparë mjete për t’i dhënë mbështetje agjendës digjitale në Maqedoni” tha Zaev.
Samiti dyditor pritet të rezultojë në një kërkesë të përbashkët për Komisionin Evropian për njohjen reciproke të certifikatave digjitale, apo të nënshkrimeve digjitale dhe vulave.
Në samit marrin pjesë përfaqësues të BE-së, qeverive të Ballkanit Perëndimor, bizneseve, organizatave rajonale, shoqërisë civile, akademisë.
Nga vendet e rajonit, në cilësinë e udhëheqësve të Qeverive merr pjesë vetëm kryeministri i Kosovës, Ramush Haradinaj. -
Raporti i Progresit: Kosova përballet me sfidën e ekstremizmit
[Lajmi i Plote] Radio Evropaelire-Lajme
Kosova duhet të bëjë më shumë për ta ndaluar ekstremizmin dhe radikalizmin e dhunshëm i cili bëhet përmes fondeve të organizatave të huaja, kështu thuhet në raportin e progresit të Komisionit Evropian që u publikua të martën.
“Pa marrë parasysh përpjekjet, autoritetet Kosovare vazhdojnë të ballafaqohen me sfidat e ekstremizmit dhe radikalizmit të dhunshëm”, thuhet në raport.
“Kjo kryesisht është bërë e mundur nga fondet e organizatave të huaja që predikojnë ideologjitë ekstremiste. Grupet e dhunshme ekstremiste po ashtu janë aktive në rrjetet sociale duke shpërndarë propagandë dhe për të rekrutuar besimtarë.”
Komisioni Evropian, thotë se Kosova duhet të bëjë më shumë për t’i luftuar këto ndikime të jashtme.
Sipas raportit, Kosova ka mangësi në trajtimin e personave të kthyer nga Siria dhe Iraku.
“Nuk ka programe gjithëpërfshirëse për parandalimin, deradikalizmin, rehabilitimin dhe riintegrimin e luftëtarëve të kthyer duke përfshirë edhe ata që janë në burgje, familjet e tyre, në veçanti gratë dhe fëmijët”.
Raporti e vlerëson si shumë pozitiv faktin që asnjë person nuk ka shkuar për luftime gjatë vitit të kaluar.
“Numri i qytetarëve të Kosovës që janë angazhuar në konfliktet në Siri dhe Irak ka rënie të vazhdueshme dhe se në vitin 2017 nuk ka pasur raste të reja të raportuara”, thuhet në raport.
Nga viti 2012 e deri më 2016, rreth 359 qytetarë të Kosovën përkatësisht 255 burra, 49 gra dhe 55 fëmijë kanë shkuar në zonat e luftës në Lindjen e Mesme. Po ashtu, 41 fëmijë kanë lindur në zonat e luftës, 133 qytetarë të Kosovës janë kthyer, 74 kanë vdekur dhe 195 ende mbesin atje (59 burra, 41 gra dhe 95 fëmijë).
Komisioni Evropian i bën thirrje Kosovës të bashkëpunojë me vendet e Ballkanit Perëndimor sepse “ky bashkëpunim mund të ndihmon në luftimin e kërcënimit nga terrorizmi”.
“Kosova duhet të shkëmbejë më shumë të dhëna kundër terrorizmit me Europol”, thuhet ndër të tjera në raport.
Sipas këtij raporti, agjencitë e zbatimit të ligjit në Kosovë nuk kanë ekspertizë dhe pajisje për të hetuar raste komplekse të terrorizmit. -
Rusia kërcënon edhe me bllokim të Facebook-ut
[Lajmi i Plote] Radio Evropaelire-Lajme
Shefi i rregullatorit të mediave në Rusi, Roskomnadzor, tha se agjencia e tij mund të përpiqet të bllokojë Facebook-un, nëse inspektimet e këtij viti zbulojnë se ai nuk është duke vepruar në përputhje me ligjin që kërkon nga rrjetet sociale të ruajnë të dhënat personale të qytetarëve rusë në serverët rusë.
Në një intervsitë të publikuar për gazetën Izvestia, Aleksandr Zharov tha se Rokomnadzor ka zhvilluar bisedime me përfaqësuesit e Facebook-ut çdo gjashtë muaj.
"Ka dispozita që duhet të zbatohen, përfshirë lokalizimin e të dhënave të përdoruesve rusë në territorin rus dhe heqjen e përmbajtjes së paligjshme", tha Zharov.
"Nëse diçka e tillë nuk realizohet ose nëse Qeveria ruse nuk njoftohet me qëllimet e Facebook-ut, çështja e bllokimit të tij me siguri se do të ngrihet", shtoi Zharov.
Roskomnadzor ka paralajmëruar në mënyrë të përsëritur Facebook-un dhe rrjetet e tjera sociale se ato mund të ndalohen në Rusi këtë vit, nëse nuk veprojnë në përputhje me ligjin për magazinimin e të dhënave.
Më 16 prill, Roskomnadzor ka filluar bllokimin e qasjes në aplikacionin e mesazheve Telegram, në përputhje me vendimin e një gjykate më 13 prill. -
Tusk: S'ka marrëveshje për Brexit pa zgjidhur çështjen e kufirit me Irlandën
[Lajmi i Plote] Radio Evropaelire-Lajme
Nuk do të ketë marrëveshje për daljen e Britanisë nga Bashkimi Evropian dhe as marrëveshje tranzicioni derisa nuk zgjidhet çështja e kufirit me Irlandën, tha presidenti i Këshillit Evropian, Donald Tusk.
"Vendimi i Britanisë për Brexit ka shkaktuar problem dhe Britania duhet ta zgjidhë atë".
"Pa zgjidhje, nuk do të ketë marrëveshje për tërheqje e as për tranzicion", tha Tusk, duke folur para Parlamentit Evropian në Strasburg.
Negociatorët e Brexit-it do të takohen sot për të vlerësuar nëse ka përparim në çështjen e kufirit irlandez.
Britania dhe BE-ja janë pajtuar se nuk duhet të ketë "kufi të vështirë", por diferencat mbeten në atë se si të arrihet ky qëllim.
Britania duhet të largohet nga BE-ja deri në mars të vitit të ardhshëm.
-
Shqipëria me listë të detyrave të reja
[Lajmi i Plote] Radio Evropaelire-Lajme
Përfaqësuesja e lartë e Bashkimit Evropian, Federica Mogherini ka vizituar Shqipërinë, në kuadër të turneut të saj ballkanik, pas publikimit të Raportit të Progresit të Komisionit Evropian, në të cilin u rekomandua që Shqipëria të fillojë negociatat për anëtarësim në BE.
Mogherini i dorëzoi personalisht Raportin e Progresit bashkë me vendimin përrekomandimin e çeljes së negociatave krerëve të institucioneve të Shqipërisë.
Përfaqësuesja e BE-së u takua me kryeministrin e Shqipërisë Edi Rama. Ata, në një konferencë të përbashkët për media thanë se kjo është ditë e rëndësishme për Shqipërinë.
Mogherini uroi Shqipërinë dhe tha se ky është rezultat i një pune kolektive, pas një përpjekjeje kombëtare dhe arritje e të gjitha institucioneve shqiptare, si dhe e Bashkimit Evropian.
"Ju realizuat (reformat) dhe ne përmbushëm atë që thamë. Kështu që vërtet besoj se ky është një moment historik për Shqipërinë, por edhe për Bashkimin Evropian sepse kjo është një punë e përbashkët që ne e kemi bërë”, u shpreh Mogherini.
“Mbajtja dhe thellimi i reformave që janë ndërmarrë është puna kryesore që ne kemi përpara. Natyrisht është moment festimi, por është edhe moment për të parë se çfarë punë të mëtejshme duhet të bëjmë”, shtoi ajo.
Megjithatë, zyrtarja e lartë e BE-së tha se Shqipëria duhet të vazhdojë të punojë në pesë prioritetet, që përfshijnë: reformën në administratën publike, efikasitetin e gjyqësorit, luftën kundër korrupsionit, luftën kundër krimit të organizuar dhe forcimin e mbështetjen e të drejtave të njeriut.
“Pesë përparësitë kyçe – e ju i dini përmendësh– do të mbeten elementet kryesore mbi të cilat qytetarët shqiptarë do të vlerësojnë e gjykojnë kapacitetet e institucioneve për të përmbushur nevojat e tyre. Natyrisht këto do të mbeten baza për punën tonë në të ardhmen”, tha Mogherini.
Ndërsa, kryeministri Edi Rama tha se Shqipëria dhe rajoni kanë bërë hapa të rëndësishëm përpara. Ai tha se ky është rezultat i të gjithë atyre që punuan për transformimin e vendit dhe se “përpjekjet e Shqipërisë për rrugën evropiane, nuk kanë qenë aspak të lehta”.
“Shqipëria ka marr atë që meriton në këtë fazë të zhvillimit dhe modernizimit të saj, as më shumë e as më pak. Forcat tona të jashtëzakonshme për të kaluar reformën në drejtësi, për të ligjëruar dhe filluar zbatimin e vetingut, për të çrrënjosur kanabisin nga territori i vendit tonë dhe shtrënguar rrethimin e shtetit për krimin e organizuar”, tha Rama duke numëruar të arriturat e Shqipërisë në luftën kundër korrupsionit dhe krijimit të kornizave të bashkëjetesës për minoritetet dhe zgjeruar hapësirat e lirisë së shprehjes.
“Por ky nuk është fundi i përpjekjeve, por vetëm fundi i një faze dhe fillimi i një tjetre, jo më të lehtë, por edhe më të vështirë. Kapitulli historik që kemi mbyllur dje me shkrimin dhe vulën e Komisionit Evropian ja ka lënë sot vendin një tjetër kapitulli historik që mbetet i gjithi për t’u shkruar”, shtoi kryeministri.
Ai gjithashtu i bëri thirrje opozitës që të punojnë bashkë si “një skuadër kombëtare me fanellën kuqezi, kur flasim për Shqipërinë jashtë Shqipërisë”, duke shtuar se “Shqipëria i ka bollë nëpër Europë ata që duan t’i nxjerrin bishta dhe që nuk e kanë problem t’i vënë shkopinj nën rrota”.
Gjatë vizitës së saj në Shqipëri, Federica Mogherini takoi edhe presidentin e vendit, Ilir Meta.
Ai, përmes një postimi në Facebook ka falënderuar përfaqësuesit e BE-së dhe Komisionit Evropian dhe tha se Shqipëria duhet të vazhdojë të thellojë reformat e saj.
Mogherini gjatë kësaj vizite në Shqipëri u takua edhe me përfaqësues të opozitës shqiptare.
Shqipërisë i ishte dhënë statusi i kandidatit për Bashkim Evropian në vitin 2014 dhe ka pritur fillimin e negociatave për anëtarësim deri tani. Negociatat për t’iu bashkuar familjes evropiane pritet të fillojnë në qershor të këtij viti. -
Amazon lehtëson blerjet për konsumatorët ndërkombëtarë
[Lajmi i Plote] Radio Evropaelire-Lajme
Kompania Amazon.com ka njoftuar sot për mundësinë e blerjeve ndërkombëtare, të cilat do t’iu mundësojnë konsumatorëve të kenë qasje në më shumë se 45 milionë produkte nga SHBA-ja në shtetet e tyre.
Kompania ka bërë një hap tutje globalizimit në shërbimet e tregut online duke shtuar këtë mundësi dhe duke bërë më të përdorshëm aplikacionin në telefonat mobilë.
Përmes mundësisë së blerjeve ndërkombëtare, konsumatorët mund të kërkojnë për gjërat e tyre të preferuara në pesë gjuhë duke përfshirë atë spanjolle, angleze, kineze, braziliane, portugeze dhe gjermane, ka njoftuar të martën Amazon.
Aplikacioni do të kalkulojë edhe çmimin e transportit dhe detaje tjera.
-
Hahn: Maqedonia meritoi rekomandimin, vazhdoni me reformat
[Lajmi i Plote] Radio Evropaelire-Lajme
Maqedonia është kthyer në rrugën evropiane pas sfidave të shumta lidhur me krizën politike, por kjo nuk është e mjaftueshme për arritjen e qëllimit final, ka deklaruar në Shkup, komisioneri për zgjerim dhe fqinjësi të mirë i Bashkimit Evropian Johannes Hahn, pas takimit me kryeministrin maqedonas Zoran Zaev, të cilit i dorëzoi raportin e progresit të Komisionit Evropian.
Hahn tha se Maqedonia ka merituar raportin e pakushtëzuar për çeljen e negociatave dhe se periudha në vazhdim duhet të shfrytëzohet për përmbushjen e të gjitha reformave apo ngecjeve që janë konstatuar në fusha të caktuara.
“Nuk ka hapësirë për vetëkënaqësi. Dinamika e reformave tani duhet të vazhdoj, veçanërisht në fushat me rëndësi si përmirësimin e pavarësisë së gjyqësorit. Zbatimi i reformave nuk është vetëm për përmirësimin e legjislatives, por edhe për përfitime nga ana e qytetarëve. Keni program të shkëlqyeshëm… keni bërë shumë për miratimin e rregullativës ligjore, por tani e gjithë kjo duhet të zbatohet”, ka deklaruar komisioneri Hahn.
Ai gjithashtu ka theksuar rëndësinë që ka për Maqedoninë zgjidhja e kontestit të emrit me Greqinë duke paralajmëruar me këtë rast edhe një kompromis të mundshëm në periudhën në vazhdim. Hahn ka thënë se zgjidhja e këtij kontesti ka rëndësi të madhe jo vetëm për procesin e integrimit, por edhe për raportet mes dy vendeve dhe rajonin në përgjithësi.
“Maqedonia dhe Greqia është e mundur që në një të ardhme të afërme të zgjidhin kontestin me emrin. Dy palët janë të përkushtuara në këtë proces, edhe atë në një nivel të lartë dhe është e nevojshme të arrihet marrëveshje që do të jetë në shërbim të interesave të dy shteteve”, ka deklaruar komisioneri Hahn pas takimit me kryeministrin Zoran Zaev, të cilit i ka dorëzuar raportin e progresit me rekomandimin për çeljen e bisedimeve për anëtarësimin në Bashkimin Evropian.
Por, komisioneri Hahn nuk dha përgjigjen konkrete në pyetjen nëse BE-ja ka plan B, nëse Maqedonia dhe Greqia nuk arrijnë të zgjidhin kontestin.
Kryeministri Zoran Zaev, tha pas takimit se synimi i radhës i qeverisë është marrja e datës për nisjen e bisedimeve.
“Qëllimi jonë i radhës është vendimi për fillimin e bisedimeve mes Maqedonisë dhe BE-së për anëtarësim në Samitin e ministriave në qershor.
"Qeveria në mënyrë edhe më energjike do të vazhdojë me politikën e reformave në dy muaj në vazhdim, që në qershor Maqedonia të merr datën për nisjen e bisedimeve”, ka deklaruar Zaev.
Raporti i progresit i është dorëzuar edhe kryetarit të Kuvendit, Talat Xhaferi, i cili shprehur bindjen se Maqedonia do të vazhdojë rrugën e reformave për arritjen e synimit përfundimtar, anëtarësimin e vendit në NATO dhe BE.
Xhaferi tha se raporti nuk ka asnjë vërejtje për punën e Kuvendit përveç rekomandimin për zbatimin e ligjeve të miratuara.
“Besoj se muajin e ardhshëm, më 17 maj, në Samitin e BE-së në Sofje do të jepen vlerësimet më konkrete rreth kësaj çështjeje dhe deri atëherë mbetet për të gjithë ne që të vazhdojmë më mënyrën siç kemi punuar deri më tani, në rrugën që e presin qytetarët tanë. Unë besoj se subjektet politike të përfaqësuara në Kuvend do të reflektojnë për të gjitha nevojat që të kryhen në aspektin procedural që të mundet vendi ynë të ecë drejt anëtarësimit të plotë në BE”, ka deklaruar Xhaferi.
Komisioneri Johanes Hahn dhe drejtuesit e institucioneve kanë përshëndetur edhe rolin e opozitës në dhënien e mbështetjen për disa nga ligjet reformuese që janë miratuar disa ditë pas publikimit të raportit të progresit. -
Aliyev nis mandatin e katërt si president i Azerbajxhanit
[Lajmi i Plote] Radio Evropaelire-Lajme
Lideri autoritar, Ilham Aliyev ka dhënë betimin për mandatin e tij të katërt si presidentit i Azerbajxhanit, pas fitores së tij në zgjedhje, të cilat janë bojkotuar nga kundërshtarët dhe janë kritikuar nga vëzhguesit ndërkombëtarë.
Ceremonia e 18 prillit shënon fillimin e mandatit të ri shtatëvjeçar për 56 vjeçarin Aliyev, i cili ka qenë president qysh pak para vdekjes së babait të tij, Heydar Aliyev, në vitin 2003.
Komisioni Qendror Zgjedhor ka thënë javën e kaluar se Aliyev ka fituar 86.1 përqind të votave me 11 prill, në zgjedhjet e bojkotuara nga partitë kryesore të opozitës.
Vëzhguesit ndërkombëtarë kanë thënë se fitorja e Aliyevit është shënuar me “parregullësi serioze” dhe me mungesë të garës reale.
Më 5 shkurt, Aliyev ka njoftuar se ai është duke afruar datën e zgjedhjeve për datën 11 prill, ndonëse procesi zgjedhor ishte planifikuar të mbahej më 17 tetor.
Qeveria ka thënë se ky ka qenë hap i nevojshëm për të anashkaluar mbajtjen e zgjedhjeve presidenciale dhe parlamentare më 2025.
Zgjedhjet kanë ardhur pas përkeqësimit të kushteve ekonomike, të cilat kanë nxitur protesta kundër qeverisë. -
Shefi në shkuarje i CIA-s mund të jetë takuar me Kimin
[Lajmi i Plote] Radio Evropaelire-Lajme
Presidenti amerikan, Donald Trump ka konfirmuar se shefi i CIA-s, Mike Pompeo është takuar me liderin verikorean, Kim Jong Un javën e kaluar.
Përmes një postimi në Twitter ai ka thënë se takimi ka ndodhur në Korenë Veriore.
”Takimi është zhvilluar lehtas dhe janë krijuar marrëdhënie të mira. Është duke u punuar në detajet e samitit. Denuklearizimi do të jetë gjë fantastike për botën por edhe për Korenë Veriore”, ka thënë Trump.
Raportimet për takimin në mes të Kimit dhe Pomepos janë bërë të ditura më 17 prill nga The Washington Post, e cila ka thënë se të dy janë takuar në një vizitë sekrete në Korenë Veriore gjatë vikendit të Pashkëve.
Raporti ka cituar dy individë “me njohuri të drejtpërdrejtë për udhëtimin”.
Agjencia e lajmeve Reuters ka cituar më pas një zyrtar të lartë amerikan duke konfirmuar se Pompeo është takuar me Kimin.
Trump, që ka nominuar Pompeon për ta zëvendësuar ish-Sekretarin e Shtetit, Rex Tillerson ka thënë më 17 prill se Uashingtoni dhe Phenjani kanë zhvilluar bisedime direkte “në nivelit tejet të lartë”, në tentim të planifikimit të samitit me Kimin.
“Ne kemi pasur biseda direkte të nivelit të lartë, tejet të lartë me Korenë Veriore”, ka thënë Trump derisa ka mirëpritur kryeministrin japonez, Shinzo Abe, në një samit dyditor në Florida.
“Unë besoj se kjo i jep hapësirë qëllimit të mirë sepse janë duke ndodhur gjëra të mirë. Do të shohim se çfarë do të ndodhë”, ka thënë ai.
Para raportimeve për takimin Pompeo-Kim, ka ekzistuar një konfuzitet rreth asaj se të cilit nivel kanë qenë bisedimet në mes të Uashingtonit dhe Phenjanit.
Derisa Trump ishte me kryeministrin Abe dhe gruan e tij, një gazetar e ka pyetur presidentin amerikan nëse ai ka folur direkt me Kimin.
Trump është përgjigjur “po”, mirëpo ende nuk është bërë e qartë nëse ai i është përgjigjur pyetjes apo dikush tjetër është përgjigjur në vend të tij.
I pyetur disa minuta më vonë për të qartësuar nëse ai ka biseduar me Kimin, Trump është përgjigjur se janë zhvilluar bisedime të nivelit të lartë.
Abe ka komentuar “kurajon” e Trumpit për t’u takuar me Kimin pas disa muajsh të retorikës së nxehtë lidhur me programin bërthamor të Phenjanit.
Trump ka thënë se pesë vende janë duke u konsideruar për mbajtjen e takimit historik SHBA-Kore Veriore, për të cilin ai shpreson se do të ndodhë në muajt vijues.
“Takimi mund të ndodhë në fillim të muajit qershor ose para asaj kohe me shpresën se gjërat do të shkojnë mirë”, ka thënë ai.
“Është e mundshme që situata të mos jetë e mirë dhe të mos ndodhë takimi andaj ne do të vazhdojmë rrugën e ashpër që tashmë e kemi marrë”.
Ai po ashtu ka konfirmuar se të dy Koretë janë duke negociuar dhënien fund të armiqësisë para takimit të planifikuar në mes të liderit verikoren dhe presidentit jogkorean javën e ardhshme.
Trump ka thënë se ai mbështet përpjekjet në mes të Seulit dhe Phenjanit me qëllim të dhënies fund të gjendjes së luftës në mes të dy shteteve e cila vazhdon nga viti 1953.
“Ata e kanë bekimin tim për të diskutuar përfundimin e luftës. Njerëzit nuk e kuptojnë se Lufta Koreane nuk ka përfunduar. Është duke vazhdur edhe tani. Ata janë duke diskutuar tani përfundimin e luftës. Ata e kanë bekimin tim për të diskutuar këtë marrëveshje”, ka thënë ai.
Përgatiti: Krenare Cubolli -
Irani: Do të blejmë çdo armë që na duhet për t'u mbrojtur
[Lajmi i Plote] Radio Evropaelire-Lajme
Presidenti iranian, Hasan Rohani ka thënë se Irani do të krijojë ose blejë çdo armë që i duhet për të mbrojtur Iranin nga “fuqitë pushtuese” derisa ushtria ka zhvilluar paradë në Ditën Kombëtare të Ushtrisë.
Rohani ka thënë para turmës dhe audiencës televizive të mërkurën se forcat iraniane nuk përbëjnë kërcënim për fqinjtë.
“Ne po i tregojmë botës se do të prodhojmë ose pajisemi me çdo armë që na duhet dhe nuk do të presim për miratimin e tyre. Ne po u tregojmë shteteve fqinje se armët tona nuk janë kundër tyre, janë vetëm për mbrojtje”, ka thënë Rohani.
“Ne nuk jemi duke jetuar në një rajon normal dhe shohim se forcat pushtuese kanë ndërtuar baza rreth nesh. Në kundërshtim me ligjet ndërkombëtare ata intervenojnë në çështjet rajonale dhe pushtojnë shtetet pa leje të OKB-së”, ka thënë Rohani.
Shtetet e Bashkuara, Britania dhe Franca kanë nisur sulme ajrore kundër aletit të Iranit, Sirisë si përgjigje ndaj sulmit të dyshuar me armë kimike në Duma.
Ata fajësojnë qeverinë e presidentit sirian, Bashar al-Assad për sulmin e 7 prillit në qytetin sirian.
Britania, Franca dhe Gjermania kanë propozuar sanksione të reja kundër Iranit për programin e raketave balistike dhe rolin e saj në luftën në Siri.
Vendet Perëndimore kanë bërë këto propozime pas paralajmërimeve të presidentit amerikan, Donald Trump se do të largohet nga marrëveshja bërthamore e vitit 2015 që Irani ka me fuqitë botërore pasi të njëjtën e konsideron me “të meta të tmerrshme”. -
EULEX ngrit aktakuzë kundër gjashtë personave
[Lajmi i Plote] Radio Evropaelire-Lajme
Një prokuror i EULEX-it ka ngritur një aktakuzë kundër gjashtë të pandehurve.
Aktakuza është ngritur në Gjykatën Themelore të Mitrovicës.
Në një komunikatë nga Prokuroria e Shtetit thuhet se "të pandehurit akuzohen për veprat penale, posedim i paautorizuar i armëve, mundësim ose detyrim në prostitucion, ushtrim i ndikimit, mashtrim dhe falsifikim i dokumenteve".
Policia e Kosovës dhe e EULEX-it thuhet se hetimet i kanë nisur në janar të vitit 2016.
Hetimet kanë sjellë deri te zbulimi i një rrjeti ilegal të tregtimit të armëve dhe një sasie të armëve që përbëheshin nga eksplozivë dhe dy armë automatike.
"Përveç këtyre, në posedim të pandehurve ishin kapur edhe disa armë tjera të ndryshme. Të pandehurit pretendohet se kanë ushtruar ndikim në mënyrë që të siguronin statusin dhe më pastaj edhe pensionin e Shoqatës së Veteranëve të Luftës të UÇK-së në këmbim të një pagese deri në një mijë euro. Të pandehurit kësisoj e kanë dëmtuar buxhetin shtetëror të Kosovës", thuhet në komunikatë.
Aty po ashtu theksohet se "njëri nga të pandehurit ishte përfshirë edhe në shtytjen dhe aranzhimin e marrëdhënieve seksuale me pagesë ndërmjet një gruaje dhe disa burrave, duke përfituar nga kushtet e rënda ekonomike të saj dhe duke përfituar nga kjo veprimtari". -
Kontejnerët, klasa mësimi
[Lajmi i Plote] Radio Evropaelire-Lajme
Rinis Peci, është në klasë të gjashtë në shkollën fillore "Aziz Sylejmani", në Mitrovicë.
Objekti ku ai dhe nxënësit e kësaj shkolle i vijojnë mësimet, nuk është i zakonshëm.
Edhe 19 vjet nga përfundimi i luftës, në Kosovës ende ekzistojnë kontejnerë të cilët përdoren në vend të klasave për mësim.
Në shkollën "Aziz Sylejmani" në veri të Mitrovicës, nxënësit shqiptarë shfrytëzojnë hapësirat e njëjta për mësim dhe për orët e edukatës fizike.
Janë 19 nxënës, të disa paraleleve, që aktualisht vijojnë mësimin në këtë shkollë të improvizuar në lagjen 'Kodra e Minatorëve' në veri.
Flamur Gacaferi është drejtor i shkollës "Aziz Sylejmani”. Ai tregon se si për nxënësit, po ashtu edhe mësimdhënësit, kushtet janë të vështira për mësim.
“Kushtet e punës vërtetë janë të vështira. Kanë qenë edhe më të vështira kushtet infrastrukturore. Dy baraka, dy kontejnerë, është tmerr. Kemi bërë iniciativa, kemi bërë kërkesa edhe në Ministrinë e Arsimit edhe në drejtoritë komunale të arsimit disa herë, mirëpo nuk është varur nga ta, që të jemi të sinqertë. Këtu është problem politik edhe ndërtimi i shkollës, edhe ndërtimi i ambulancës edhe vajtje-ardhja e të tjera", tha Gacaferi.
Edhe mësimdhënësit ankohen dhe thonë se kanë problem edhe me objektin ku japin mësim, por edhe me sigurinë e tyre në këtë pjesë të banuar nga popullata shumicë serbe, ku ligjet e Kosovës nuk janë zbatuar për afër dy dekada.
Fikrije Dinaj është mësimdhënëse e në lëndën e edukatës fizike.
"[Problemet] janë edhe për shkak të objektit dhe për shkak të kërcënimeve. Por, tani kohëve të fundit nuk kemi aq kërcënime sa kemi pasur. Neve arsimtareve femra nuk na kërcënojnë aq shumë, por meshkujt po ", tha Dinaj.
Janë 15 arsimtarë të cilët çdo ditë për 19 vjet udhëtojnë nga jugu i Mitrovicës në veri, për të mbajtur mësim në shkollën "Aziz Sylejmani".
Drejtoi i shkollës Flamur Gacaferi thotë se veriu i Kosovës mbetet i brishtë, ngase kur një problem ndodhë në një pjesë apo vendbanim të banuar me serbë, ai problem më pas reflekton edhe në mjedisin tjetër.
"Ne jemi këtu po e shihni jemi në mesin e serbëve nuk ka këtu asnjë shqiptar rreth e rrotull këtu që jemi, veç këtyre fëmijëve që janë atje më banim më poshtë me prindërit e tyre. Po të jem i sinqertë, nuk kemi pasur probleme të mëdha që jemi në mesin e tyre kanë qenë dy, tre raste sporadike kur është tentuar të digjet ambulanca, pastaj e kanë gjuajtur edhe në një gur në shkollë e kanë thyer një xham. Por, problemet që ndodhin në enklavat e tyre poshtë reflektohen menjëherë edhe në shkollën tonë në ‘Kodrën e Minatorëve’", tha Gacaferi.
Përfaqësuesit, e Drejtorisë së Arsimit në Komunën e Mitrovicës jugore thonë se janë duke berë përpjekje që të ndihmojnë nxënësit dhe mësimdhënësit e kësaj shkolle.
Drejtori i Drejtorisë së Arsimit në Komunën jugore të Mitrovicës, Iset Beka tha për Radion Evropa e Lirë se lidhure me shkollën “Aziz Sylejmani”, Ministria e Arsimit duhet të bëjë më shumë.
"Në ‘Lagjen e Diellit’ serbët kanë berë investime të jashtëzakonshme në territorin tonë. Atëherë pse ne nuk investojmë në pjesën tonë, në tokën tonë. Qeveria duhet të insistojë dhe nuk ka këtu çështje politike. Këta fëmijë duhet të trajtohen në mënyrë të barabartë", tha Beka.
Qyteti i Mitrovicës vazhdon të jetë i ndarë, në anën veriore, të banuar me shumicë serbe dhe anën jugore, të banuar me shumicë shqiptare.
Në urën kryesore mbi lumin Ibër, e cila ndan veriun dhe jugun e qytetit, ende mund të shihen patrullat statike të autoritete të rendit të cilat kujdesen për sigurinë në këtë qytet. -
Një grua e vdekur pas prishjes së motorit në një fluturim në SHBA
[Lajmi i Plote] Radio Evropaelire-Lajme
Një pasagjere ka vdekur dhe një tjetër gati ka daluar nga dritarja e thyer e një aeroplani me 149 persona në bord në fluturimin nga Dallasi në Nju Jork.
Njëri nga motorët e aeroplanit ka pësuar dëmtime gjatë fluturimit më 17 prill, kanë njoftuar autoritetet e aviacionit amerikan.
Aeroplani i kategorisë, Boeing 737-700 ka ateruar urgjentisht në Filadelfi.
Vdekja e Jennier Riordan, 43 vjeçare ka qenë e para në ndonjë aksident të fluturimeve komerciale në SHBA nga viti 2009, ka njoftuar Bordi i Sigurisë Kombëtare të Transportit.
Udhëheqësi i këtij bordi, Robert Sumwalt ka thënë se bazuar në një hetim është gjetur se një pjesë delikate e motorit ka munguar duke shkaktuar prishje të mjetit të transportit. -
Mitrovicë: Nxënësit mësojnë në kontejnerë
[Lajmi i Plote] Radio Evropaelire-LajmeNxënësit e shkollës “Aziz Sylejmani”, në pjesën veriore të Mitrovicës, vijojnë mësimin në kushte të vështira. Ata, në mungesë të një objekti shkollorë, mësimin e vijojnë në kontejnerë. -
Iraku dënon me burgim të përjetshëm gratë ruse të lidhura me IS-in
[Lajmi i Plote] Radio Evropaelire-Lajme
Iraku ka dënuar dy gra nga Rusia me burgim të përjetshëm pasi ka deklaruar se ato kanë qenë të lidhura me grupin ekstremist, Shteti Islamik.
Të dyja gratë që janë dënuar nga një gjykatë në Bagdad më 17 prill janë identifikuar nga zyrtarë të Çeçenisë si persona me kombësi të Dagestanit.
Raportimet e mediave shtetërore ruse duke cituar televizionin irakian kanë thënë se tri gra nga Azerbajxhani dhe një tjetër nga Kirgizia janë dënuar me vdekje në seancën e njëjtë.
Detajet për këto gra ende nuk janë identifikuar plotësisht.
Agjencia e lajmeve AFP ka raportuar se pesë gra nga Azerbajxhani janë dënuar me vdekje në seancën e njëjtë.
Dallimet në mes të raportimeve të mediave ruse dhe agjencive të tjera nuk janë konfirmuar ende.
Në muajin dhjetor të vitit të kaluar Iraku ka shpallur fitore kundër militantëve të IS-it.
Ligjet e këtij shteti kundër-terrorizmit u lejojnë gjykatave të dënojnë ata që besohet se kanë shërbyer si ndihmesë për militantët e IS-it edhe nëse nuk janë akuzuar për hapa të dhunshëm. -
Raportohet se Pompeo është takuar me liderin verikorean
[Lajmi i Plote] Radio Evropaelire-Lajme
Raportimet e mediave kanë njoftuar se i nominuari i presidentit amerikan, Donald Trump për Sekretar të Shtetit, Mike Pompeo është takuar me liderin verikorean, Kim Jong Un në kohën kur Trump dhe Kim pritet të takohen me njëri-tjetrin.
Raportimet për takimin në mes të Kimit dhe Pomepos janë bërë të ditura më 17 prill nga The Washington Post, e cila ka thënë se të dy janë takuar në një vizitë sekrete në Korenë Veriore gjatë vikendit të Pashkëve.
Raporti ka cituar dy individë “me njohuri të drejtpërdrejtë për udhëtimin”.
Agjencia e lajmeve Reuters ka cituar më pas një zyrtar të lartë amerikan duke konfirmuar se Pompeo është takuar me Kimin.
Trump, që ka nominuar Pompeon për ta zëvendësuar ish-Sekretarin e Shtetit, Rex Tillerson ka thënë më 17 prill se Uashingtoni dhe Phenjani kanë zhvilluar bisedime direkte “në nivelit tejet të lartë”.
Një samit në mes të Kimit dhe Trump pritet të ndodhë në muajt vijues në kuadër të përpjekjeve të vazhdueshme diplomatike nga shumë vende botërore për të zgjidhur konfliktin për programin bërthamor të Koresë Veriore. -
Vdes ish-Zonja e Parë amerikane Barbara Bush
[Lajmi i Plote] Radio Evropaelire-Lajme
Ish-Zonja e Parë amerikane, Barbara Bush ka vdekur në moshën 92 vjeçare, ka njoftuar familja e saj.
“Ish-Zonja e Parë e Shteteve të Bashkuara dhe përkrahësja e pamëshirmshme e edukimit familjar Barbara Pierce Bush ka vdekur më 17 prill në moshën 92 vjeçare”, ka njoftuar përmes një deklarate, zyra e ish-presidentit amerikan, George H.W. Bush.
Ata kanë qenë të martuar për 73 vjet ndërsa zonja Bush ka qenë njëra nga dy Zonjat amerikane që kanë qenë edhe nëna të presidentëve të SHBA-së.
Djali i çiftit, George W. Bush, ka shërbyer dy mandate si president amerikan nga 2001 deri më 2009.
Zonja tjetër e Parë amerikane, djali i së cilës është bërë president ka qenë, Abigail Adams, gruaja e John Adams dhe nëna e John Quincy Adams. -
Familjarët e ndëshkuar të militantëve të IS-it
[Lajmi i Plote] Radio Evropaelire-Lajme
Gratë dhe fëmijët që dyshohet se kishin pasur lidhje me pjesëtarë të grupit militant, Shteti Islamik (IS) janë duke qëndruar nëpër kampe të ndryshme në Irak. Ata janë shndërruar në viktima të shfrytëzimit seksual dhe të shkeljes së të drejtave njerëzore.
Amnesty International ka publikuar një hulumtim përmes së cilit nxjerr në pah faktin se në kampe të personave të zhvendosur përgjatë Irakut, grave dhe fëmijëve iu mohohet ushqimi, uji dhe kujdesi shëndetësor. Po ashtu ato janë subjekt i ngacmimeve seksuale, dhunimit dhe shfrytëzimit seksual si dhe u mohohet e drejta për t'u kthyer në shtëpitë e tyre, thuhet në raportin e fundit të Amnesty International: “Të dënuarit - Gra dhe fëmijë të izoluar, bllokuar dhe të shfrytëzuar në Irak”.
Ekipet e Amnesty International kanë vizituar kampe të ndryshme në Irak ku kanë mbledhur dëshmi të shumta të grave që dyshohet se kishin qenë në lidhje me pjesëtarë të IS-it dhe që tani janë duke u frikësuar se kundërshtimi për të mos u shfrytëzuar seksualisht do të mund t'iu kushtojë me jetë.
Shumë nga gratë që u intervistuan nga Amnesty International në kampet për persona të zhvendosur brenda vendit thanë se kanë frikë për sigurinë e tyre.
"Gratë po u nënshtrohen trajtimit jonjerëzor dhe diskriminues nga burrat e armatosur që veprojnë në kampe për lidhjet e tyre të dyshuar me IS-in. Shumë njerëz që duhet t’i mbrojnë ata janë kthyer në grabitqarë”, tha drejtori i hulumtimeve për Lindjen e Mesme në Amensty International, Lynn Maalouf.
Njëra nga gratë që është e frikësuar për jetën, është “Dana” e cila rrëfen tmerrin të cilin e përjeton çdo ditë.
“Dana” është një grua 20-vjeçare e cila ka arritur t’i mbijetojë tentimeve të vazhdueshme të dhunimit. Vazhdimisht ajo kishte presion që të hynte në një lidhje seksi me një pjesëtar të sigurimit në kampin ku ndodhej ajo.
“Sepse ata me konsiderojnë mua njëjtë si një luftëtar IS-i, ata do të më dhunojnë mua dhe do të më kthejnë sërish. Ata duan që t’i tregojnë gjithkujt se çfarë mund të më bëjnë mua – për të hequr nderin tim....Nuk mund të ndihem mirë në tendën time. Unë dua vetëm një derë të cilën do të mund ta mbyllja si dhe mure përreth meje... . Çdo natë i them vetes sime, 'Sonte është nata kur unë do të vdes'”, i tha Dana, Amnesty International.
"Maha" i përshkroi Amnesty International dëshpërimin që ndjen gjatë përballjes me një diskriminim të tillë.
"Ndonjëherë unë e pyes veten: Pse nuk kam vdekur në një sulm ajror? Unë u përpoqa të bëj vetëvrasje, por nuk munda. Kam vënë kerozinë mbi veten, por para se ta ndizja, mendova për djalin tim ", thotë ajo.
"Ndjehem se jam afër fundit. Jam këtu në një burg. Unë jam plotësisht e vetme - pa bashkëshortin tim, babanë tim - askush nuk është me mua më", u ka thënë Maha, hulumtuesve të Amnesty International.
"Riman", është një grua 20-vjeçare e cila dëshmoi torturën dhe faktin se si mbijetoi një përdhunim në selinë e forcave të sigurisë në kampin e saj.
“Në nëntor 2017, forcat e sigurisë erdhën në tendë rreth orës 20:00. Ishin tre persona dhe ata më morën mua dhe kunatën time në zyrën e administratës së kampit. Ata u përpoqën të na përdhunojnë. Kur refuzuam, ata ia lidhën duart kunatës sime dhe përdorën kabllot elektrike në trupin e saj. Ata do të na ndanin dhe do të na dhunonin. Por, më pas një anëtar i Njësisë Popullore të Mobilizimit erdhi dhe u tha se babai im kishte punuar si shefi i policisë lokale në fshatin tim”.
“Pas kësaj na thanë kthehu në tendë. Ishte më vonë atë natë, rreth orës 23:00. Ne nuk kishim këpucët tona - ata i kishin marrë ato. Ne u kthyem te tenda, por ajo nuk ishte. E kishin marrë atë. Ajo ishte zhdukur. Asnjë nga fqinjët tanë nuk do të na merrte brenda. Ata ishin të frikësuar se çfarë do t'u ndodhte nëse do të na lejonin brenda. Ne u desh të grumbullohemi afër gjeneratorit deri në mëngjes”, i tha Riman, Amnesty International.
Situata për gratë si "Riman" ka gjasa të përkeqësohet edhe më shumë, pasi financimi ndërkombëtar për krizën humanitare në Irak parashikohet të ulet ndjeshëm.
Ndonëse nuk ka një shifër të saktë në mesin e personave që gjenden nëpër këto kampe janë më shumë se 1500 gra dhe fëmijë të pjesëtarëve të IS-it.
Nga fillimi i luftës nga Kosova në Siri kishin shkuar 48 gra të cilat iu kishin bashkuar burrave të tyre që u bënë pjesë e grupit militant IS.
Sipas autoriteteve kosovare të sigurisë në Siri mbesin 96 fëmijë nga Kosova. Prej tyre 40 kishin ardhur në jetë pasi prindërit e tyre kishin shkuar në Siri.
*Gratë e intervistuara kanë kërkuar që të mos u publikohen emrat e vërtetë në raportin e Amnesty International. Andaj të gjithë emrat që ju gjeni në këtë shkrim janë emra fiktiv të vendosur nga organizata.
Përgatiti: Shkëlqim Hysenaj -
Haley deklarohet rreth "konfuzionit" për sanksionet kundër Rusisë
[Lajmi i Plote] Radio Evropaelire-Lajme
Ambasadorja amerikane në Kombet e Bashkuara, Nikki Haley u është kundërvënë deklaratave të këshilltarit ekonomik të presidentit amerikan, Donald Trump se ajo ishte e hutuar lidhur me sanksionet e reja që mund ta shënjestrojnë Rusinë.
Komentet e Haleyt më 17 prill vijnë vetëm dy ditë pasi ajo ka thënë në një intervistë televizive se sanksionet e reja kundër Rusisë do të njoftoheshin më 16 prill në përgjigjje të mbështetjes së Moskës për presidentin sirian, Bashar al-Assad.
Vetëm pak kohë pas këtyre deklaratave, Shtëpia e Bardhë është distancuar nga qëndrimet e Haleyt.
Zëdhënësja e Shtëpisë së Bardhë, Sarah Sanders ka thënë se Uashingtoni, “është duke konsideruar vënien e disa masave kundër Rusisë dhe se vendimi do të bëhej publik shumë shpejt”.
The Washington Post dhe Reuters kanë cituar burime të paidentifikuara të kenë thënë se presidenti Trump ka shtyrë vënien e sanksioneve në ditën e deklaratave të Haleyt.
Duke foluar para gazetarëve më 17 prill, këshilltari ekonomik i presidentit Trump, Larry Kudlow, ka thënë se Haley, “mund të jetë përballur me konfuzion momental”.
Mirëpo Haley në anën tjetër ka thënë se “me gjithë respektin, unë nuk kam qenë konfuze”.
Trump ka mbrojtur idenë e bashkëpunimit me Rusinë derisa në të njëjtën kohë ka thënë se ka qenë i ashpër me Moskën për ndërhyrjen e kësaj të fundit në Ukrainë për ndërhyrje në politikën amerikane si dhe mbështetjen për Assadin. -
Armeni: Dhjetëra mijëra persona protestojnë kundër kryeministrit të ri
[Lajmi i Plote] Radio Evropaelire-Lajme
Dhjetëra mijëra persona po protestojnë në qendër të kryqytetit armen, Jerevan, pasi Parlamenti zgjodhi Serzh Sarkisian në postin e kryeministrit.
Protestuesit kanë bllokuar qasjen në ndërtesat qeveritare në Jerevan.
Mediat lokale raportojnë se protesta janë duke u mbajtur edhe në qytetet Gyumri dhe Vandazor.
Sot, Parlamenti armen me 76 vota për dhe 17 kundër dhe asnjë abstenim, zgjodhi Sarkisian në postin e kryeminsitrit, vetëm tetë ditë pasi ai përfundoi mandatin e dytë si president.
Lideri i protestës, Nikol Pashinian ka njoftuar për atë që ai e quajti nisjen e “revolucionit paqësor të popullit” në Armeni, duke iu thënë protestuesve në Jerevan se “Sarkisian nuk ka legjitimitet dhe ka fituar urrejtjen e armenëve”.
Më 2015, në një referendum, Armenia ka ndryshuar sistemin politik, nga ai presidencial në atë parlamentar.
Kjo lëvizje është parë si formë që Sarkisian të qëndrojë në pushtet edhe pas dy mandateve presidenciale.
Ndërkaq, autoritetet kanë paralajmëruar protestuesit se do të ndërhyjnë në protesta, pasi ata po bllokojnë rrugët, duke iu pamundësuar qytetarëve lëvizjen e lirë.
Më herët gjatë ditës është njoftuar se dhjetëra protestues janë arrestuar.
-
Ligjvënësit e BE-së bëjnë thirrje për bojkotim të Kupës së Botës
[Lajmi i Plote] Radio Evropaelire-Lajme
Dhejtëra anëtarë të Parlamentit Evropian kanë nënshkruar një letër ku u bëhet thirrje qeverive të shteteve anëtare të BE-së që të bojkotojnë turneun e Kupës së Botës, që mbahet këtë verë në Rusi, duke dhënë si argument “talljen” e presidentit rus, Vladimir Putin me vlerat evropiane.
Deri më tani, 46 ligjvënës kanë nënshkruar letrën, të cilën e ka parë Radio Evropa e Lirë.
Në letër, që pritet t’u dërgohet qeverive të 28 anëtarëve të BE-së më 18 prill, thuhet se helmimi i ish-spiunit rus në Britani muajin e kaluar, “ishte thjesht kapitulli i fundit i talljes së Vladimir Putinit me vlerat evropiane”.
Britania e fajëson Rusinë se ka tentuar ta vrasë Sergei Skripalin dhe vajzën e tij Yulia, me një agjent nervor, një akuzë të cilën Moska e hedh poshtë.
Në këtë letër po ashtu, ligjnëvësit kanë listuar një sërë veprimesh që ia kanë atribuuar Rusisë si,“bombardimet ndaj shkollave, spitaleve dhe zonave të banuara me civilë në Siri; pushtimi i dhunshëm ushtarak në Ukrainë; sulmet sistematike kibernetike; fushatat dezinformuese; ndërhyrjet në zgjedhje; përpjekjet për destabilizimin e shoqërive tona dhe qëllimit për dobësimin dhe ndarjen e BE”.
“Të gjitha këto nuk janë gjëra që e bëjnë një nikoqir të mirë të Kupës së Botës”, thuhet tutje në këtë letër.
Qeveria britanike dhe ajo irlandeze tashmë kanë njoftuar se përfaqësuesit qeveritarë të tyre nuk do të marrin pjesë në turneun e futbollit që do të nisë më 14 qershor.
-
Arabia Saudite, e gatshme të dërgojë trupa në Siri
[Lajmi i Plote] Radio Evropaelire-Lajme
Ministri i Jashtëm saudit, Adel al-Jubeir ka ritheksuar sot gatishmërinë e vendit të tij për të dërguar trupa në Siri, si pjesë e përpjekjeve që udhëhiqen nga Shtetet e Bashkuara për të stabilizuar gjendjen në vendin e përfshirë nga konflikti.
“Ne jemi në bisedime me Shtetet e Bashkuara që prej fillimit të krizës në Siri për dërgimin e forcave brenda Sirisë”, tha Jubeir gjatë një konference të përbashkët për shtyp me shefin e OKB-së, Antonio Guterres, raporton agjencia AFP.
Komentet vijnë në përgjigje të një shkrimi në gazetën Wall Steet Journal, ku thuhej se presidenti amerikan, Donald Trump po kërkon që të bëjë bashkë forcat nga vendet arabe, përfshirë këtu trupa nga Arabia Saudite dhe Emiratet e Bashkuara Arabe, për të ndihmuar në stabilizimin e Sirisë.
Shtetet e Bashkuara më 14 prill, së bashku me Britaninë dhe Francën kryen sulme në Siri, në kundërpërgjigje ndaj një sulmi të dyshuar kimik në qytetin Duma, ku u vranë dhjetëra persona.
Jubeir ka theksuar se propozimi i Arabisë Saudite për dërgimin e trupave në Siri “nuk është i ri”, duke shtuar se një gjë e tillë është propozuar edhe gjatë kohës kur Barack Obama ishte president i Shteteve të Bashkuara. -
Turqia mund ta zgjasë gjendjen e jashtëzakonshme
[Lajmi i Plote] Radio Evropaelire-Lajme
Këshilli për Siguri Kombëtare i Turqisë ka rekomanduar që të zgjatet gjendja e jashtëzakonshme edhe për tre muaj.
Ky rekomandim i këshillit, me gjasë do të miratohet nga Parlamenti turk.
Që prej grusht-shtetit të dështuar të korrikut të vitit 2016, Turqia ka miratuar gjashtë herë vendosjen e gjendjes së jashtëzakonshme, raporton Reuters.
Ankaraja zyrtare e akuzon klerik Fethullah Gulen se qëndron prapa puçit të dështuar. Ky i fundit mohon çdo përfshirje në këtë rast.
-
Shqipëria hap negociatat për anëtarësim në BE
[Lajmi i Plote] Radio Evropaelire-Lajme
Shqipëria ka marr rekomandim pozitiv për nisjen e negociatave për anëtarësim në Bashkimin Evropian.
Shefja e Politikës së Jashtme të Bashkimit Evropian, Federica Mogherini, ka prezantuar zyrtarisht para Komisionit të Jashtëm të Parlamentit Evropian Raportin e Progresit për vendet që duan të bëhen pjesë e BE-së, përfshi këtu edhe Shqipërinë.
Në një konferencë të përbashkët për media me Komisionerin për Zgjerim Johannes Hahn në Bruksel, Mogherini tha se Ballkani Perëndimor është Evropë dhe do të jetë pjesë e së ardhmes së BE-së.
"Sot, kolegji miratoi paketën vjetore të zgjerimit për Ballkanin Perëndimor dhe Turqinë. Është në interesin tonë të kemi një politikë të suksesshme të zgjerimit. Ballkani Perëndimor është pjesë e Evropës dhe do të jetë pjesë e së ardhmes evropiane. Kjo është në interesin tonë më të mirë ", tha ajo.
Mogherini tha se çdo shtet vlerësohet në bazë të meritave personale dhe përparimit që e bën në reforma.
"Vitin e kaluar, partnerët tanë në Ballkan kanë ndërmarrë shumë reforma të rëndësishme, prandaj vendimi për të hapur negociatat me Shqipërinë dhe Maqedoninë", tha Mogherini.
Në anën tjetër, Komisioneri për Zgjerim Johannes Hahn tha se Këshilli Evropian njeh progresin që ka bërë Shqipëria, por nënvizoi se vendi duhet të vijojë reformat, sidomos në drejtësi dhe se ky është vetëm fillimi i procesit për Shqipërinë.
Vendimi për nisjen e negociatave u përshendet nga Përfaqësuesja e BE-së në Shqipëri, Romana Vlahutin.
"Shqiptarët meritojnë t’u njihen përpjekjet që kanë bërë për anëtarësim. Sot, ata kanë arsye për t'u gëzuar", tha ajo.
Kryeministri i Shqipërisë, Edi Rama tha se Shqipëria ka hapur një kapitull të ri si shtet.
“Sot kemi kaluar sprovën historike të ngjitjes në një shkallë të re si vend dhe si popull. Jemi rekomanduar pa asnjë rezervë nga Komisioni Evropian si shtet që mund dhe duhet të ulet në tryezën e negociatave për të hyrë në familjen e shteteve anëtare të Europës së Bashkuar”, tha Rama.
Kryeministri Rama tha se Shqipëria ia doli “këtij provimi të stërvështirë” dhe se vendi ka tjetër status në arenën ndërkombëtare.
“Dolëm më në fund në një tjetër udhëkryq, mes të shkuarës dhe së ardhmes. Tanimë është e qartë se rruga përtej udhëkryqit ku ndodheshim deri sot, sado e përpjetë, sado e vështire, sado e gjatë, është e gjitha përpara nesh. Stacioni i fundit në fund të kësaj rruge të re është anëtarësimi në Bashkimin Europian”, shtoi Rama.
Shqipëria është anëtare e NATO-s që nga viti 2009. Asaj i është dhënë statusi i kandidatit për BE në vitin 2014 dhe ka pritur fillimin e negociatave për anëtarësim deri tani. -
Mediat siriane: Inspektorët kimikë kanë hyrë në Duma
[Lajmi i Plote] Radio Evropaelire-Lajme
Mediat shtetërore siriane po raportojnë se inspektorët e Organizatës për Ndalimin e Armëve Kimike kanë hyrë në qytetin Duma, ku dyshohet që është kryer një sulm me armë kimike.
Televizioni shtetëror dhe agjencia shtetërore SANA thanë se ekipi nga kjo organizatë kanë hyrë në Duma sot.
Këto njoftime vijnë pas akuzave nga qeveritë Perëndimore drejtuar Sirisë dhe Rusisë, për ndalimin e qasjes në vendin ku ka ndodhur sulmi i dyshuar kimik, që ka rritur tensionet mes tyre.
Më 16 prill, inspektorët e Organizatës për Ndalimin e Armëve Kimike thanë se ende nuk u është dhënë leja për të hyrë në Duma.
Ndërkaq, kancelarja gjermane, Angela Merkel deklaroi sot se Moska mban përgjegjësi të përbashkët me Qeverinë e presidentit sirian, Bashar al-Assad për këtë sulm, por ajo tha se planifikon që të mbajë të hapur kanalet e komunikimit me presidentin rus, Valdimir Putin.
Shtetet e Bashkuara, Britania dhe Franca më 14 prill kryen sulme ajrore në Siri, në kundërpërgjigje ndaj sulmit të dyshuar kimik në Duma, ku u vranë dhjetëra persona. -
BQK po shqyrton mbylljen e llogarive të punëtorëve të Kolegjit “Mehmet Akif”
[Lajmi i Plote] Radio Evropaelire-Lajme
Banka Kombëtare Tregtare (BKT) ju ka mbyllur xhirollogaritë personale bankare disa punonjësve të shkollës “Mehmet Akif” në Kosovë, pronë e klerikut turk Fethullah Gulen.
Mbyllja e këtyre llogarive është bërë disa javë pas arrestimit dhe deportimit të gjashtë shtetasve turq nga Kosova në Turqi.
Zëdhënësi i Bankës Qendrore të Kosovës Besnik Kada tha për Radion Evropa e Lirë se janë të informuar për këtë rast dhe se janë në shqyrtim të materialit relevant.
“Banka Qendrore e Republikës së Kosovës sot, në orët e vona të pasdites ka pranuar një shkresë nga International School of Prishtina (ISP), e cila informon BQK-në lidhur me ngrirjen e llogarive bankare nga ana e Bankës Kombëtare Tregtare të një numri të caktuar të mësimdhënësve të kësaj shkolle. Banka Qendrore e Kosovës pas shqyrtimit të të gjithë materialit relevant do del me përgjigje për rastin në fjalë”, thotë Kada.
Gjashtë shtetasit turq ishin arrestuar dhe dëbuar me një aeroplan të Shërbimit të Inteligjencës Turke më datë 29 mars vetëm pak orë pasi u arrestuan nga Policia e Kosovës në bashkëpunim me Agjencinë Kosovare të Inteligjencës (AKI).
Pesë prej personave të dëbuar nga Kosova ishin punonjës të shkollës “Mehmet Akif” në Kosovë, pronë e klerikut turk Fethullah Gulen, ndërkaq personi i gjashtë ishte një mjek turk. -
Mogherini e Hahn ua rikujtojnë vendeve të Ballkanit se nuk ka rrugë të shkurtër drejt BE-së
[Lajmi i Plote] Radio Evropaelire-Lajme
Komisioni Evropian ka publikuar Raportin më të ri të Progresit si pjesë e paketës vjetore të zgjerimit, ku prezantohen përparimet dhe ngecjet e vende të Ballkanit Perëndimor dhe Turqisë në rrugën e tyre drejt anëtarësimit në Bashkimin Evropian.
Nga gjashtë vendet e Ballkanit Perëndimor, zyrtarët e lartë të BE-së thanë se Serbia dhe Mali i Zi kanë bërë disa përparime dhe po vazhdojnë negociatat në procesin e përafrimit me BE-në, ndërkohë që është lansuar hapja e negociatave edhe me Shqipërinë dhe Maqedoninë, kurse Kosova dhe Bosnja e Hercegovina janë në rrugën e përmbushjes së kritereve evropiane para se të mund të llogarisin në negociatat e anëtarësimit.
Reformat në sundimin e ligjit, ekonomia e lirë e tregut, respektimi i lirive njerëzore deri te harmonizimi i legjislacionit me atë të BE-së, mbeten parakushtet që vendet ballkanike duhet t’i plotësojnë në rrugën e tyre integruese.
Përfaqësuesja e Lartë e Bashkimit Evropian, Federica Mogherini tha se me strategjinë e re të BE-së për Ballkanin Perëndimor është rikonfirmuar e ardhmja evropiane e këtij rajoni.
“Ballkani Perëndimor është Evropë dhe do të jetë në të ardhmen pjesë e Bashkimit Evropian”, tha Mogherini.
Nga gjashtë vendet e Ballkanit, dy prej tyre, Mali i Zi dhe Serbia kanë bërë përparime. Kurse nga sot, u hapën negociatat e përafrimit edhe me Shqipërinë dhe Maqedoninë.
Kurse me Kosovën, Mogherini tha se po vazhdohet zbatimi i Marrëveshjes së Stabilizim Asocimit dhe zbatimi i marrëveshjeve në kuadër të dialogut për normalizimin e marrëdhënieve me Serbinë, si rrugë që duhet të ndiqet drejt integrimin në BE.
Ajo e vlerësoi si lajm të mirë fillimin e punëve në Prishtinë sa i përket draftimit të statutit të Asociacionit të komunave me shumicë serbe në Kosovë.
“Ka marrëveshje që duhet të zbatohen si nga Prishtina ashtu edhe nga Beogradi”, tha Mogherini, duke insistuar që marrëveshjet e arritura në dialog, duhet të zbatohen.
Ndërkaq, Komisioneri për Zgjerim, Johannes Hahn tha se vendet e Ballkanit Perëndimor duhet ta kuptojnë se nuk ka rrugë të shkurtër drejt BE-së dhe se i gjithë procesi bazohet në merita dhe të arritura. Sipas tij, përparimi i shteteve veç e veç, pastaj shpërblehet dhe se përparimet janë individuale dhe nuk mund të përfitojë një vend nga përparimi i një vendi tjetër.
Ai tha po ashtu se në Samitin e ardhshëm të Sofjes, Bashkimi Evropian dhe vendet e Ballkanit do ta kenë mundësinë të diskutojnë për bashkëpunimin reciprok në të gjitha fushat.
Një shqetësim tjetër i BE-së, nënvizoi Hahn, është papunësia te të rinjtë, çka sipas tij, mund të çojë në radikalizëm, çka rrezikon edhe sigurinë që përbën një shqetësim të veçantë.
“Çdo vit në pranverë do të kemi një raport të stabilitetit dhe Komisioni Evropian e ka marrë parasysh përparimin e bërë nga Maqedonia dhe Shqipëria dhe ka rekomanduar për hapjen e negociatave për përafrim BE-në”, tha Hahn.
“Duhet mbajtur ky momentum i reformave kur bëhet fjala për Shqipërinë, si reformat në luftën kundër krimit të organizuar, korrupsionit dhe mbrojtja e minoriteteve”, tha Hahn.
Presidenti i Kosovës, përmes një shkrimi profilin e tij në facebook ka shkruar se tani pa humbur kohë, të gjitha institucionet duhet të reflektojnë për përmbajtjen dhe të gjeturat e raportit, në mënyrë që të adresohen problemet dhe sfidat e evidentuara.
“E përshëndes faktin që ky raport ka reflektuar pozitivisht rreth procesit të përmbushjes së kritereve për liberalizimin e vizave. Prandaj, e konsideroj çështje urgjente që ky proces të mbyllet sa më shpejt nga ana e BE-së, sepse qytetarët e Kosovës janë lodhur nga raportet e shumta. Tani është momenti për diçka konkrete. Liberalizimi i vizave duhet të ndodhë pa humbur kohë”, ka shkruar Thaçi.
Në Raportin më të ri të Progresit, Komisioni Evropian ka evidentuar shumë gjetje dhe sfida për institucionet e Kosovës. Ngecjet në reforma si dhe përpjekjet për shfuqizimin e Ligjit për Gjykatën Speciale, janë evidentuar si pikat kritike dhe lëshimet e institucioneve të Kosovës në rrugën evropiane.
Po ashtu, edhe fshehja e financave nga partitë politike dhe gjyqësori i ngathët, përbëjnë lëshime që Kosova duhet t’i adresojë si një vend që mëton krijimin e standardeve evropiane.
Sidoqoftë, për Bashkimin Evropian, të paktën sipas raportit më të ri për Kosovën, mbetet shqetësues fakti se në Kosovë vazhdon politizimi i administratës publike, ka mungesë të përparimit në ruajtjen e mjedisit, vazhdon një gjendje jo e mirë në arsim, papunësia vazhdon të rritet, kurse korrupsioni, me gjithë përpjekjet e treguara, vazhdon të mbetet problemi më i madh që sfidon të ardhmen e Kosovës dhe perspektivën e saj evropiane. -
Rusi: Një militant i dyshuar i IS-it hedh vetën në erë gjatë arrestimit
[Lajmi i Plote] Radio Evropaelire-Lajme
Shërbimi i Sigurisë Federale të Rusisë (FSB) thotë se ka arrestuar tre anëtarë të dyshuar të grupit militant, Shteti Islamik (IS), duke shtuar se një person i katërt, ka hedhur vetën në ajër, teksa autoritetet po e arrestonin.
Zyrtarët e FSB-së thanë sot se të dyshuarit po planifikonin një seri të akteve terroriste në rajonin jugperëndimor Rostov.
Sipas FSB-së, lideri i këtij grupi ka hapur zjarr ndaj zyrtarëve policorë gjatë aksionit të arrestimit dhe më pas ka shpërthyer një pajisje shpërthyese.
Ndodh shumë shpesh që FSB të njoftojë për pengimin e komploteve terroriste, por shpesh këto raportime nuk mund të verifikohen në mënyrë të pavarur.
Zyrtarët e FSB-së nuk kanë treguar se ku janë kryer arrestimet. Ata thanë se disa armë dhe manuale për krijimin e eksploziëve janë gjetur gjatë këtij operacioni. Ndërkaq, identiteti i të arrestuarve nuk është bërë ende publik.
Autoritetet ruse thonë se mbi 5 mijë persona nga Rusia dhe nga ish-republikat e tjera sovjetike, u janë bashkuar IS-it në Siri, në vitet e fundit. -
Serzh Sarkisian zgjidhet kryeministër i Armenisë
[Lajmi i Plote] Radio Evropaelire-Lajme
Ligjvënësit në Armeni e kanë zgjedhur Serzh Sarkisian në postin e kryeministrit, pavarësisht protestave kundër këtij vendimi.
Në Parlament, 76 ligjvënës kanë votuar për, ndërkaq 17 kundër zgjedhjes së Sarkisian në postin e kryeministrit. Ai nuk ka pasur asnjë kundërkandidat.
Opozita e ka akuzuar atë se ka ndryshuar sistemin politik nga ai presidencial në parlamentar, në mënyrë që të vazhdojë të qëndrojë në pushtet.
Sarkisian ka shërbyer për dy mandate në postin e presidentit.
Gjatë një referendumi më 2015, Armenia kishte vendosur që të barte shumicën e fuqisë politike te posti i kryeministrit.
Zgjedhja e Sarkisian është kundërshtuar, duke bërë që protestuesit të bllokojnë disa nga rrugët në qendër të Jerevanit.
Më herët gjatë ditës, autoritetet armene kanë njoftuar se kanë arrestuar 29 aktivistë.
-
Hemofilia, sëmundje e rrallë që prek më shumë meshkujt
[Lajmi i Plote] Radio Evropaelire-Lajme
Në Qendrën Klinike Universitare të Kosovës, përkatësisht në repartin e Hemato-Onkologjisë, janë 29 raste me hemofili A dhe 12 raste me hemofili B të cilët trajtohen aty. Sipas stafit mjekësor, gjatë vitit lajmërohen 3 deri në 4 raste të reja me këtë sëmundje.
Hemofilia është një sëmundje e lindur dhe paraqet çrregullim me gjakderdhje të shumta, sidomos në nyje. Mjekimi themelor i hemofilisë është marrja e plazmës, që është produkt i gjakut ose faktori në formë të koncentruar, që ndryshe njihet si 'faktori 8' ose 'faktori 9'.
Violeta Grajçevci nga reparti i Hemato-Onkologjisë në Qendrën Klinike Universitare të Kosovës, tha për Radion Evropa e Lirë se këta pacientë trajtohen me faktorin 8 dhe faktorin 9 në këtë klinikë, e që këtë e siguron Ministria e Shëndetësisë.
“Pacientët me hemofili zakonisht nuk shtrihen në Klinikë. Ata e marrin terapinë dhe shkojnë në shtëpi. Vetëm rastet e rënda që kanë nevojë për intervenime kirurgjikale shtrihen. Me sëmundjen e hemofilisë nuk ka shumë raste. Kjo është trashëguese, dhe zakonisht 3 deri në 4 raste të reja lajmërohen për një vit. Kjo sëmundje nuk shërohet, pasi u mungon faktori 8 në organizëm, pra nuk e prodhon organizmi i tyre dhe ne në mënyrë artificial ua japim atë pacientëve”, tha Grajçevci.
Ndërkaq, pediatri Muharrem Avdiu, thotë se rastet që preken më shumë i përkasin gjinisë mashkullore.
“Hemofilia është sëmundje shumë specifike në Kosovë. Është sëmundje e regjionit. I ndjek fëmijët e gjinisë mashkullore. Me kromozomin e gjinisë trashëgohen, XY për meshkuj dhe XX për femrat. Fakti që XX janë femrat, e bën që të mos preken me sëmundje, por që të jenë bartëse të sëmundjes. Të gjithë ata që e kanë sëmundjen u mungon faktori 8 dhe 9 i kuagullimit të gjakut”, thekson Avdiu.
Sokoli, një djalë 6 vjeçar, vuan nga sëmundja e hemofilisë. Nëna e tij, Maliqja, thotë se ata jetojnë në një fshat të Komunës së Ferizajt. Trajtimin e marrin në Qendrën Klinike Universitare të Kosovës, në Prishtinë. Kur djali i saj ka nevojë për terapi, ajo e vëren përmes shenjave të zeza që i bëhen në trup.
“Jam e kënaqur me mënyrën se si i trajtojnë dhe si sillen me ne kur ne kemi nevojë për ndihmën e hemato-onkologëve. Ne vijmë nga një fshat Ferizajt në Prishtinë, kur fëmija ka nevojë për terapi. Sëmundja është mjaft e rëndë dhe ne kemi shumë kujdes për fëmijën, pasi që gjendja e tij shëndetësore mund të ndryshoj. Andaj unë as nuk e dërgoj në kopsht, por kujdesem vetë si nënë për të”, thotë Maliqja.
Në anën tjetër, Basri Lenjani, drejtues i Qendrës Emergjente në Qendrën Klinike bëri të ditur se sëmundja e hemofilisë kërkon trajtim më specifik. Por, fatmirësisht, thotë Lenjani, deri më tash nuk kanë pasur ndonjë rast të regjistruar të personit me sëmundjen e hemofilisë që ka pësuar ndonjë aksident apo ka pasur nevojë për trajtim emergjent. Rastet jo emergjente, nënvizon ai, drejtohen nëpër klinikat përkatëse.
“Qëllimi kryesor i yni është që të menaxhohen të sëmurët. Këto raste, pra me hemofili menjëherë transferohen në klinikat përkatëse për trajtim. Kur rastet emergjente lajmërohen me hemofili ne i kemi të dhënat, por që nuk kemi pasur të dhëna të regjistruara, se ka pasur ndonjë person me këtë sëmundje ndonjë aksident apo nevojë për trajtim emergjent”, tha Lenjani.
Sidoqoftë, profesionistë shëndetësor, thonë po ashtu se tashmë se kushtet e trajtimit janë të mira, ndonëse nuk kërkohen kushte specifike. -
Franca thotë se dëshmitë e sulmit në Duma “ka gjasa të zhduken”
[Lajmi i Plote] Radio Evropaelire-Lajme
Qeveria franceze thotë se ka “shumë gjasa” që dëshmitë për sulmin e dyshuar kimik në Duma të Sirisë të “zhduken” përpara se ekspertët të arrijnë në atë zonë.
Duke akuzuar Rusinë dhe Moskën për mohimin e qasjes së ekspertëve në Duma që të kryejnë hetime, lidhur me sulmin e dyshuar kimik, Minsitria e Jashtme e Francës tha se “ka shumë gjasa që dëshmitë dhe elementet esenciale do të zhduken nga vendngjarja, e cila kontrollohet nga ushtritë e Rusisë dhe Sirisë”, transmeton agjencia AFP.
Rusia ka mohuar se ka tentuar që të pengojë hetimin dhe ka thënë se inspektorët e Organizatës për Ndalimin e Armëve Kimike, do të vizitojnë Dumën të mërkurën.
Në deklaratën e ministrisë franceze po ashtu thuhet se “është e rëndësishme që Siria të mundësojë qasje të pakufizuar, sipas kërkesës së Organizatës për Ndalimin e Armëve Kimike”, në mënyrë që inspektorët e kësaj organizate të vizitojnë vendin ku ndodhi sulmi i dyshuar kimik dhe të intervistojnë njerëzit. -
Komision hetimor për dëbimin e gjashtë shtetasve turq nga Kosova
[Lajmi i Plote] Radio Evropaelire-Lajme
Kuvendi i Kosovës me 66 vota për, 5 abstenime dhe asnjë kundër ka votuar formimin e një komisioni hetimor lidhur me dëbimin e gjashtë shtetasve turq nga Kosova.
Formimi i këtij komisioni ishte propozuar nga Grupi Parlamentar i Lidhjes Demokratike të Kosovës.
Të gjashtë shtetasit turq ishin arrestuar dhe dëbuar me një aeroplan të Shërbimit të Inteligjencës Turke më datë 29 mars, vetëm pak orë pasi u arrestuan nga Policia e Kosovës në bashkëpunim me Agjencinë Kosovare të Inteligjencës (AKI).
Pesë prej personave të dëbuar nga Kosova ishin punonjës të shkollës “Mehmet Akif” në Kosovë, pronë e klerikut turk Fethullah Gulen, ndërkaq personi i gjashtë ishte një mjek turk.
Në ditën e deportimit të gjashtë shtetasve turq nga Kosova për në Turqi, si një aksion i koordinuar ndërmjet shërbimeve të inteligjencës nga Turqia dhe Kosova, jo vetëm deputetët, por edhe presidenti, kryeministri dhe kryetari i Kuvendit kishin deklaruar se nuk kishin njohuri rreth këtij rasti.
Si kundër-reagim, kryeministri Ramush Haradinaj pati liruar nga detyra ministrin e Brendshëm Flamur Sefaj dhe shefin e AKI-së, Driton Gashi.
Dëbimi i shtetasve turq kishte nxitur edhe reagimin e Bashkimit Evropian.
-
Putin dhe Merkel bisedojnë për situatën në Siri
[Lajmi i Plote] Radio Evropaelire-Lajme
Presidenti rus, Vladimir Putin dhe kancelarja gjermane, Angela Merkel kanë biseduar për situatën në Siri dhe për projektin kundërthënës të një tubacioni të gazit në Baltik, ka njoftuar Kremlini.
Gjatë bisedës telefonike, Putin ka kritikuar sulmet ajrore të kryera javën e kaluar nga Shtetet e Bashkuara, Britania dhe Franca në Siri, thuhet në deklaratën e lëshuar nga Kremlini.
Ai i ka thënë Merkelit se sulmet ishin “akt i agresionit” dhe kanë shkelur Kartën e Kombeve të Bashkuara.
Më 14 prill, Shtetet e Bashkuara dhe aleatët kanë goditur objektet e Qeverisë siriane, pas një sulmi të dyshuar kimik në Duma, ku u vranë dhjetëra persona.
Sipas Kremlinit, Putin dhe Merkel kanë theksuar rëndësinë e “një hetimi objektiv” mbi sulmin e dyshuar kimik nga inspektorët e Organizatës për Ndalimin e Armëve Kimike.
Rusia pretendon se nuk ka ndodhur asnjë sulm me armë kimike, por nuk ka ofruar të dhëna për këto pretendime.
Dy liderët po ashtu kanë biseduar për projektin “Rrjedha Veriore 2”, një tubacion i gazit, që kalon nga Rusia përmes Detit Baltik për në Gjermani.
Kritikët kanë thënë se ky tubacion i gazit do të rrisë varshmërinë e Evropës nga Rusia për energji.
Shtetet e Bashkuara, Polonia dhe vendet Baltike kundërshtojnë këtë projekt. -
Macron: Nuk dua që Ballkani të kthehet drejt Turqisë ose Rusisë
[Lajmi i Plote] Radio Evropaelire-Lajme
Presidenti i Francës, Emmanuel Macron, tha se duhet të ketë një ofertë të besueshme për Ballkanin Perëndimor, pasi, sipas tij, ekziston rreziku i rritjes së ndikimit të fuqive të huaja në vendet e rajonit.
“Para nesh ka një rrezik gjeopolitik nëse Ballkani Perëndimor lëviz drejt Turqisë ose drejt Rusisë. Ky është rrezik”, tha Macron.
Ai foli para Parlamentit Evropian, ku theksoi nevojën e një pragmatizmi nga ana evropiane kur është në pyetje Ballkani Perëndimor.
Ai tha se mbron një qasje të dyfishtë: përafrimin e rajonit kah Evropa, por edhe reformimin e brendshëm të tij përpara anëtarësimit.
“Nuk dua që Ballkani të kthehet drejt Turqisë ose Rusisë, por nuk dua që Evropa të ketë probleme të funksionojë me 28 anëtarët e saj, ndërsa nga nesër do të jenë 27. Ndoshta në disa vite të ardhshme do të vazhdojë me 30, 32 anëtare nën të njëjtat rregulla”, tha Macron.
Ky ka qenë adresimi i tij i parë në Parlamentin Evropian prejse ka marrë detyrën e presidentit të Francës.
Franca është në mesin e atyre vendeve të BE-së, që nuk duan të lidhen me afate kohore sa i përket zgjerimit të bllokut. -
Dhjetëra të arrestuar në protestat në Armeni
[Lajmi i Plote] Radio Evropaelire-Lajme
Policia në Armeni ka arrestuar të paktën 29 aktivistë, të cilët po protestonin një vendim të ligjvënësve që i mundëson ish-presidentit Serzh Sarkisian të zgjidhet në postin e kryeministrit.
Pavarësisht paralajmërive të autoriteteve, se ata do t’i kundërpërgjigjen trazirave, qindra protestues kanë bllokuar rrugët në qendër të Jerevanit, një ditë pasi dhjetëra protestues u lënduan gjatë përleshjeve me policinë jashtë ndërtesës së Parlamentit.
Më herët gjatë ditës, zëvendëshefi i policisë në Jerevan, i ka dorëzuar një njoftim liderit të protestës, opozitarit Nikol Pashinian ku e ka paralajmëruar se protestuesit kanë shkelur ligjin për tubime publike dhe se autoritetet kanë vendosur që të ndalin protestat.
Më 2015 përmes një referendumi, Armenia kishte ndryshuar formën e qeverisjes, duke i dhënë më shumë pushtet postit të kryeministrit.
Ish-presidenti Sarkisian kishte premtuar më 2014 se nuk do të tentojë të zgjidhet kryeministër edhe pasi vendi të ketë ndryshuar sistemin politik, nga ai presidencial në atë parlamentar.
Por, partia në pushtet, Partia Republikane e Armenisë ka nominuar ish-presidentin Serzh Sarkisian për postin e kryeministrit dhe sot ligjvënësit do të votojnë për këtë çështje. -
Maqedonia pret rekomandim të pakushtëzuar për hapjen e negociatave
[Lajmi i Plote] Radio Evropaelire-Lajme
“Maqedonia nga sot është edhe një hap më afër Bashkimit Evropian”. Kështu kryeministri i Maqedonisë, Zoran Zaev e ka vlerësuar Raportin e Progresit të Komisionit Evropian, që rekomandoi hapjen e negociatave për anëtarësimin e saj në Bashkimin Evropian.
“Sot jemi më afër BE-së dhe arritjes së standardeve ekonomike të Unionit, për qytetarët e vendit tonë. Ky është sukses i të gjithë qytetarëve të Maqedonisë të cilët në zgjedhjet e fundit zgjodhën demokracinë, dhe me zgjedhjen e kësaj Qeverise vendosën që Maqedonia të integrohet në BE dhe NATO sa më shpejt që të jetë e mundur. Ata janë më meritorët për të këtë arritur”.
“Ne si Qeveri, që nga fillimi jemi transparent dhe nuk e fshehim faktin se ende kemi probleme. Nga Komisioni Evropian theksuan se problemet të cilat janë të pranishme në ekonomi, sferën e sigurisë, administratën publike, gjyqësor dhe problemet me korrupsionin duhet të zgjidhen”, tha Zaev në një paraqitje para opinionit menjëherë pas publikimit të raportit në Bruksel.
Ai tha se me marrjen e rekomandimit të pakushtëzuar për hapjen e negociatave, Maqedonia përfundimisht ka kapërcyer krizën politikën, e cila kishte bërë që në dy vjetët e fundit vendi të merrte rekomandimin të kushtëzuar.
“Ky rekomandim nënkupton sigurimin e standardeve evropiane të cilat do të zbatohen në të gjitha institucionet e shtetit, e që nënkuptojnë kushte më të mira për qytetarët”, tha Zaev.
Raporti pozitiv i Komisionit Evropian është mirëpritur edhe nga Bashkimi Demokratik për Integrim, parti që është pjesë e koalicionit qeveriës.
“Guximi për të zgjidhur çështjet e hapura shpërblehet, prandaj do të vijojmë guximshëm në javët para nesh edhe drejt zgjidhjes së çështjes së emrit si pengesa jonë e fundit drejt BE-së dhe të NATO-s”, thuhet në reagimin e partisë së që drejtohet nga Ali Ahmeti, e cila thekson përkushtimin për të vijuar me reformat dhe për t’i përforcuar përpjekjet për sundim të plotë të së drejtës si dhe për të luftuar korrupsionin dhe krimin e organizuar.
Ndërkaq, shefja për Politikë të Jashtme dhe Siguri e BE-së, Federica Mogherini, gjatë prezantimit të Raportit të Progresit, rikonfirmoi të ardhmen e vendeve të Ballkanit Perëndimor në BE.
“Ballkani Perëndimor është Evropë dhe do të jetë në të ardhmen pjesë e Bashkimit Evropian”, tha Mogherini.
Njohësit e çështjeve ndërkombëtare thonë se Maqedoninë e pret një punë edhe më e madhe edhe pas marrjes së raportit pozitiv, në veçanti për reformat në drejtësi dhe të drejtat dhe liritë e njeriut.
“Thellimi i kursit të deritanishëm për reformat urgjente prioritare do të jetë vendimtar për përparimin e ardhshëm të vendit. Që të mbështetet kjo, Komisioni Evropian do të përforcojë qasjen për bisedimet kryesisht lidhur me kapitujt që kanë të bëjnë me gjyqësinë, të drejtat fundamentale, lirinë dhe sigurinë e vendit”, thotë Bojan Mariçiq, njohës i çështjeve evropiane.
Maqedonia statusin e shtetit kandidat e ka marrë në vitin 2005, ndërsa rekomandimin e parë për nisjen e bisedimeve në vitin 2009. Në dy vjetët e fundit, për shkak të krizës politike ajo ka marrë dy rekomandime të kushtëzuara, për gjendjen e rëndë në gjyqësor, parregullsitë në proceset zgjedhore, presionet ndaj mediave si dhe ngecjen e reformave në sfera tjera. -
Presidenti Thaçi zhvilloi një bisedë telefonike me kancelaren Merkel
[Lajmi i Plote] Radio Evropaelire-Lajme
Presidenti i Kosovës, Hashim Thaçi, ka zhvilluar sot një bisedë telefonike me kancelaren e Republikës Federale të Gjermanisë, Angela Merkel.
Sipas një komunikate të lëshuar nga zyra e presidentit Thaçi thuhet se tema kryesore të bisedës ishin forcimi i marrëdhënieve bilaterale ndërmjet dy shteteve dhe domosdoshmëria e vazhdimit të dialogut për normalizimin e marrëdhënieve ndërmjet Kosovës dhe Serbisë.
Presidenti Thaçi ka theksuar se Kosova mbetet e përkushtuar për zbatimin e të gjitha marrëveshjeve të arritura deri më tani, si dhe për arritjen e një marrëveshjeje përfundimtare ligjërisht të obligueshme ndërmjet Kosovës dhe Serbisë.
Ndërsa, kancelarja Merkel, sipas të njëjtës komunikatë, e ka përgëzuar presidentin Thaçi për rolin konstruktiv të Kosovës në procesin e dialogut me Serbinë, për ratifikimin e marrëveshjes për shënimin e vijës kufitare me Malin e Zi dhe për funksionalizimin e Ekipit Menaxhues, që është kompetent për hartimin e draftit të Statutit të Asociacionit të komunave me shumicë serbe. -
Maas: Gjermania mund të ndërmjetësojë me Moskën për Sirinë
[Lajmi i Plote] Radio Evropaelire-Lajme
Ministri i Jashtëm gjerman, Heiko Maas tha se shteti i tij ka një rol të posaçëm ndërmjetësues, që e lejon të mbajë një dritare të hapur për dialog me Rusinë, lidhur me krizën në Siri.
Këto komente Maas i bëri gjatë një konference për media në Berlin, ku po ashtu tha se për procesin e paqes për konfliktin në Siri do të diskutohet edhe gjatë samitit të ministrave të jashtëm të G7-s që do të mbahet në Toronto, transmeton Reuters.
“Ne duhet ta shfrytëzojmë këtë moment për të rinisur procesin politik”, tha ai.
“Ne na duhet Rusia të jetë e përfshirë në këtë dialog”, shtoi ministri gjerman Maas, duke sugjeruar se marrëdhëniet mes Gjermanisë dhe Rusisë, mund të ndihmojnë në ndërmjetësimin për krizën në Siri.